Афғонистон қарантинро то анҷоми моҳи мубораки Рамазон тамдид кард

176
(Таҷдидшуда 17:38 03.05.2020)
Дар робита ба пешгирӣ аз ҳарчӣ бештар доман задани маризии коронавирус, ҳукумати Афғонистон тасмим гирифт, ки қарантинро то анҷоми моҳи Рамазон тамдид намояд

ДУШАНБЕ, 3 мая — Sputnik. Ҳукумати Афғонистон шоми дирӯз эълон кард, ки бо ҳадафи ҷилавгирӣ намудан аз густариши маризии кронавирус қарантинро тамдид мекунад.

Бар хабари Садо ва Симои Эрон, мамнуъияти омадурафт  дар Кобул то поёни моҳи мубораки Рамазон тамдид мешавад.

Авҷи коронавирус дар Покистону Афғонистон: шумори фавтидагон ба маротиб афзоиш ёфт

Ин севумин бор аст, ки дар Афғонистон муддати замони қарантин тӯл дода мешавад. Зимнан, зикр мегардад, ки маҳдудиятҳои равуо дар шаҳри Кобул шиддат хоҳад гирифт.

Дар ҳамин ҳол Вазорати беҳдошт ва дармони Афғонистон имрӯз якшанбе эълом кард, шумори афроди олуда ба вируси корона дар ин кишвар ба ҳудуди  ду ҳазору 500 нафар расидааст.

Бар асоси гузоришҳо, шумори қурбониёни коронавирус дар Афғонистон ҳам ба 72 нафар афзоиш ёфтааст.

176
Барчаспҳо:
тамдид, Рамазон, Афғонистон
Вышка на пограничном посту Максат в Лейлекском районе Баткенской области.

Вазъи сарбози маҷрӯҳшудаи тоҷик дар марзи Тоҷикистону Қирғизистон хуб арзёбӣ мешавад

94
(Таҷдидшуда 19:42 29.05.2020)
Сарбози 19 - солаи тоҷик Давлатёр Зоиров, ки аз тири марзбонони қирғиз ҷароҳат бардошта буд, то ҳол дар бемористон қарор дорад

ДУШАНБЕ, 29  май — Sputnik. Пизишкон вазъи саломатии Давлатёр Зоиров, сарбози 19 - солаи тоҷикро хуб арзёбӣ мекунанд. Ба иттилои котиботи маъмурияти шаҳри Исфара, Зоиров дар бемористони минтақавӣ таҳти муолиҷа қарор дорад.

Номбурда рӯзи 24 - уми май аснои тирпарронӣ дар марзи Тоҷикистону Қирғизистон аз тири сарҳадбонони қирғиз захм бардошт.

Муноқишаи марзӣ пас аз он сар шуд, ки рӯзи 24 май чӯпонони қирғиз сарҳадро убур карда, ба як маҳаллае дар вилояти Суғд расидаанд. 

Тирпаронӣ дар марз: КДАМ гуфт, марди қирғиз ҷавонзани тоҷикро паронд

Сарҳадбонони тоҷик кӯшиш карданд, ки муноқишаро ҳал кунанд, аммо марзбонони қирғиз сӯйи ҳамтоёни худ оташ кушоданд.

Бар тибқи изҳороти Кумитаи давлатии амниятии миллии Тоҷикистон, "ҷониби Қирғизистон ба ҷои иҷрои созишномаҳои дуҷониба оид ба демаркатсияи минтақаҳои баҳс, ба ҷойи ҳодиса сарҳадбонони иловагиро фиристод, ки онҳо самти сокинони осоишта оташ кушоданд".

94
Барчаспҳо:
сарбоз, Қирғизистон, Тоҷикистон
Тонущий человек, архивное фото

Ғарқшавии се ноболиғ ва як ҷавондухтари 25 - сола дар Тоҷикистон

751
(Таҷдидшуда 19:03 29.05.2020)
Кумитаи ҳолатҳои фавқулода аз ғарқшавии се ноболиғ ва як ҷавондухтари 25 - сола дар рӯдҳои кишвар давоми ду рӯзи ахир хабар медиҳад

ДУШАНБЕ, 29  май — Sputnik. Кумитаи ҳолатҳои фавқулода аз ғайб задани сокини 11 - солаи ноҳияи Восеъ хабар медиҳад.

Ба иттилои котиботи кумитаи мазкур, ҳодиса шаби 27-уми май, тахминан соати 22:00 замоне, ки дар ноҳияи Восеъ раъду барқ ва боди шадид мевазид, рух дод.

Манбаъ аз қавли пайвандони бедаракшуда менависад, ки ӯ дар дарёи Сурхоб ғарқ шудааст. Ҷустуҷӯи ҷасади ноболиғ аз санаи рух додани ҳодисаи нохуш то ҳол идома дорад, зикр мекунад манбаъ.

Дар рӯди Хингоб сайёҳи рус ғарқ шуд

Ҳамчунин нисфирӯзии 28-уми май кӯдаки 4-сола аз деҳаи Навид, ҷамоати деҳоти Навиди ноҳияи Рашт аз беэҳтиётии волидайнаш дар дарёчаи ин русто афтида ғарқ мешавад.

Баъд аз дарёфти хабари фаврӣ дастаи махсуси  наҷотдиҳандагони Кумитаи ҳолатҳои фавқулодда дар ноҳияи Рашт ба ҷои ҳодиса сафарбар гардида, бо ҳамроҳии аҳолии деҳоти мазкур корҳои кофтуковиро ба роҳ монда, соати 16:20 дақиқа ҷасади ноболиғро ёфтан ва ба волидонаш супурданд.

Кумитаи ҳолатҳои фавқулода аз як ҳодисаи дигари нохуш низ хабар медиҳад, ки дар ноҳияи Айнӣ ба вуқӯъ омадааст.

Ин ҳодиса рӯзи 28 - уми май наздикиҳои аср дар ҷамоати деҳоти Айнӣ рух дод ва духтари 16-сола ба қасди худкушӣ худро дар дарёи Зарафшон ғарқ кард.

"Ба дастрас кардани хабари фаврӣ наҷотдиҳандагони шуъбаи КҲФ дар водии Зарафшон ба ҷойи ҳодиса сафарбар шуданд, вале то ҳол ҷустуҷӯи онҳо бенатиҷа аст.

Зимнан, нисфирӯзии 28-уми май сокини 25-солаи шаҳри Истаравшан, ки дар оби обанбори Катасой шиноварӣ мекард, ғарқ шудааст.

Наҷотбахшон чҷсади беҷони ҷавонзанро то соати 16:05 дақиқа ҷустуҷӯ карда билохира пайдо карданд ва ба мақомоти дахлдор супурданд.

751
Барчаспҳо:
ҷавондухтар, ноболиғ, ғарқ, Тоҷикистон
Министры иностранных дел России и Таджикистана Сергей Лавров и Сироджиддин Аслов

Нотаи Тоҷикистон ба Русия: Душанбе тарафи сеюмро дар марз номақбул хонд

1106
(Таҷдидшуда 21:05 29.05.2020)
Вазорати умури хориҷии Тоҷикистон изҳороти Сергей Лавров, вазири умури хориҷии Русия дар мавриди миёнаравӣ дар масоили марзи Тоҷикистону Қирғизистонро номақбул хонда, таъкид кардааст, ки гуфтушунидҳои марзӣ кори дохилии ду давлат мебошад

ДУШАНБЕ, 29  май — Sputnik. Вазорати умури хориҷии Тоҷикистон 29 май бо ирсоли як нота ба Вазорати умури хориҷии Русия пешниҳоди миёнаравии Сергей Лавровро ғайри қобили қабул хондаст.

Душанбе дар нота ба унвонии Маскав инчунин таъкид кардааст, ки масъалаи марз дар ҷаласаи Шӯрои вазирони умури хориҷии СПАД баррасӣ нашуда буд, ки баъдан Лавров дар бораи он изҳори назар кард.

Тоҷикистон дар нота унвонии Русия баён доштаст, ки ҷалби тарафи сеюмро ба ҷараёни гуфтушунид дар масоили марзии Тоҷикистону Қирғизистонро мувофиқи мақсад намедонад.

Таъкид шуд, масоили аломатгузорию муайянсозии марз кори дохилии кишварҳои узви СПАД буда, танҳо тариқи дуҷониба амалӣ мешавад.

ВУХ афзуд, ба самъи ҷониби Русия расонда шуд, ки гуфтушунидҳои марзии Тоҷикистону Қирғизистон мунтазам дар доираи Комиссияи байниҳукуматӣ бо такя ба таҷрибаи пешрафтаи ҷаҳонию воситаҳои ҳуқуқӣ амалӣ мешаванд.

Қаблан Сергей Лавров, вазири умури хориҷии Русия дар пайи ҷаласаи СПАД зимни нишасти матбуотӣ аз Тоҷикистон ва Қирғизистон даъват кард, ки дар марз аз истифодаи силоҳ даст кашанд ва Русия омода аст, ҳамчун миёнрав бошад.

"Ин вазъ дар марзи Тоҷикистону Қирғизистон, мутаассифона бори аввал нест. Мо аз шариконамон даъват меорем, ки онҳо роҳи маслиҳатомезро пеш гиранд ва ҳарчи тавонанд аз истифодаи қувва худдорӣ кунанд. Мо омодаем ҳамчун миёнрав хизмат кунем. Ҳарчи зудтар вазъият ба эътидол ояд, ҳарчи беҳтар аст. Дар ин бора имрӯз ба дӯстонамон ҳам гуфем", - таъкид кардааст Лавров.

Ин дар ҳолест, ки  24 май дар марзи Тоҷикистону Қирғизистон таниши навбатӣ ба миён омад, ки дар натиҷа ҷавонзани 25-сола шаҳрванди Тоҷикистон маҷруҳ шуд.

1106
Барчаспҳо:
Тоҷикистон