Ветеран ВОВ Бустанов Атакул

Шӯхӣ нест: марги зодаи генерал губернатории Туркистон дар Душанбе

2232
(Таҷдидшуда 16:05 05.05.2020)
Отақул Бӯстонов, калонсолттарин иштирокчии Ҷанги Бузурги Ватанӣ аз Тоҷикистон ҷон ба ҷонофарин супурд.

ДУШАНБЕ, 5 май — Sputnik. Одил Бӯстонов, писари чорум ва 67 – солаи ӯ, ба Sputnik Тоҷикистон гуфт, падараш ду рӯз пеш, 3 май, дар синни 112 – солагӣ дар манзили зисташ дар кӯчаи Э. Шарипов, хонаи 15 – и ноҳияи Исмоили Сомонии шаҳри Душанбе давра кард ва дар қабристони Сариосиё ба хок супурда шуд.

“Даргузашти он кас ба ин маризиҳои нав ҳеҷ рабте надорад. Бо тақозои ҳаёт организм - бадани инсон ҳам пир шуда, аз кор мемонад. Он кас “маризии хандақӣ” низ доштанд. Қисматҳои қафаси синаву дигар узвҳои даруниашон дард мекард. Аз пирӣ гузаштанд. Вақташ омад, рафтанд. Худоро шукр, тӯяшон буд. 112 сол шӯхӣ нест. Худованд, ҳамаро ба синни он кас расонад”, - гуфт Одил Бӯстонов.

Отақул Бӯстонов, бузургсолтарини 176 сарбози Ҷанги Бузурги Ватанӣ аз Тоҷикистон буд, ки дар ҳоли ҳозир дар кишвар зиндагӣ мекунанд. Бино ба иттилои расмӣ, ӯ 12 январи соли 1912 таваллуд шудааст, аммо наздиконаш мегӯянд, дар асл ӯ соли 1908 дар деҳаи Хушекати волости Фалғари уезди Самарқанд, тобеъи генерал-губернатории Туркистон (ноҳияи Айнии Тоҷикистони имрӯза) ба дунё омадааст.

Наваду чор соли пурбаракат: вопасин иштирокдори ҶБВ аз Хуҷанд даргузашт

Пас аз Инқилоби Октябр дар синни тақрибан 25 – 30 - солагӣ ба Душанбе омада, шомили Мактаби олии коммунистии ҷавонон мешавад ва он ҷо сею ним сол таҳсил мекунад.

Дар Ҷанги Бузурги Ватанӣ аз оғоз то анҷом ширкат карда, дар озодии шаҳрҳои Сталинград, Кенисберг (Калининград), Вена, Будапешт, охирин ва бузургтарин амалиёти он ҷанг – Амалиёти муҳофизатии Балатон (6-15 марти 1945) барои озодии Маҷористон низ ширкат карда, дар дидори сарбозони Иттиҳоди Шӯравиву Амрико соҳили дарёи Элба (25 апрели 1945) ширкат кардааст.

“Пас аз шикасти артиши 6 – уми Паулюс ба ӯ минҳайси афсар як корди обӣ доданд ва корномааш дар он сабт шудааст. Ин кордро ӯ то охири умр пеши худ нигоҳ медошт”, - қисса мекунад Одил Бӯстонов.

Ба қавли ӯ, соли 1946 азбаски падараш коммунист буд, ӯро ба азхудкунии даштҳои Данғара фиристонданд ва як муддат муовини раиси колхози “Данғара” буд, ки мустақим аз вазорати кишоварзии Иттиҳоди Шӯравӣ дар Маскав фармон мебурд. Аз соли 1949 мудири ҳамин хоҷагӣ таъин шуд ва дар ин вазифа то соли 1972 кор кард.

То рафтан ба нафақа Отақул Бӯстонов як замон мудири Истгоҳи зотпарварӣ ва як муддати дигар мудири Маркази механиконидашудаи Данғара ҳам будааст.

ИҶБВ дар Тоҷикистон аз дасти намояндаи Русия мукофот мегирад
Саҳифаи Россотруничество Тоҷикистон

“Падарам соли 1947 дар Данғара хонадор шуданд. Ҳамаи фарзандонашон дар ин ҷо ба дунё омаданд. Аз камари худашон мо 9 фарзандем ва ду фарзандхонд, аз хешовандонамон низ доранд, ки волидайнашон дар пайи сил гузашта буданд”, - гуфт Одил Бӯстонов.

Аз ҷумлаи 175 иштирокчии боқимондаи ҶБВ дар Тоҷикистон акнун бузургсолтарини онҳо Рашид Каримов, сокини деҳаи Шоҳамбарии ноҳияи Ҳисор хоҳад буд, ки 9 майи соли 1912 таваллуд шудааст. Ҷавонтарини собиқадорони ин ҷанг Абдулло Сулаймонов, мутавваллиди 1 июли соли 1927 ва сокини деҳаи Тошохӯри ноҳияи Ёвон аст.

Тибқи додаҳои бойгонии Ҳизб коммунисти Тоҷикистон, дар Ҷанги Бузурги Ватанӣ (1941 – 1945) ҳудуди 250 ҳазор сарбозу афсари кишвар ва ҳамчунин 45 ҳазор коргари ақибгоҳ ширкат кардаанд. Аз ин теъдод, беш аз 100 ҳазор нафар ба хона барнагаштанд. 56 ҳазор аз сокинони Тоҷикистон бо нишону медалҳои ҷангӣ қадрдонӣ шудаанд. Ба 55 тан аз онҳо унвони Қаҳрамони Иттиҳоди Шӯравӣ дода шудааст.

2232
Барчаспҳо:
муҳориба, фавт, Айнӣ, ширкат дар ҶБВ, Тоҷикистон
Арест, архивное фото

ВУД: мақомдор барои ситонидани 5 ҳазору 400-сомонӣ пора дастгир шуд

467
(Таҷдидшуда 12:07 26.05.2020)
Кормандони вазорати умури дохилаи Тоҷикистон сармутахассиси заминсози ҷамоати шаҳраки 20-солагии Истиқлолияти ҳамин ноҳияро барои ситонидани пора дастгир карданд

ДУШАНБЕ, 26 май – Sputnik. Бино бар иттилои дафтари матбуоти вазорати умури дохилаи Тоҷикистон, кормандони милитсия марди 52-солаи сокини ноҳияи Дӯстӣ, сармутахассиси заминсози ҷамоати шаҳраки 20-солагии Истиқлолияти ҳамин ноҳия бо гумони гирифтани пора дастгир намуданд.

ВУД Тоҷикистон  таъкид доштааст, ки номбурда, аввалҳои моҳи ноябри соли 2019, барои тартиб додани санад ва пешниҳод намудани ҳуҷҷатҳои қитъаи замини наздиҳавлигӣ ба мақомоти дахлдори ноҳияи Дӯстӣ аз марди 65-солаи ноҳияи мазкур 5 ҳазору 400-сомониро ҳамчун пора талаб карда гирифтааст.

Ҳамзамон манбаъ қайд намудааст, ки дар ҳоли ҳозир оид ба ин ҳолат нисбати гумонбаршаванда аз ҷониби Прокуратураи ноҳияи Дӯстӣ парвандаи ҷиноятӣ оғоз карда шуда, тафтишот идома дорад.

Ёдрас мешавем, ки чанде пеш Оҷонсии мубориза бо коррусияи Тоҷикистон аз боздошти як корманди ҳукумати шаҳри Кӯлоб хабар дод, ки дар фиреби 12 сокини аҳаллӣ муттаҳам мешавад.

Ба иттилои манбаъ, Саидмумин Давлатов, мутахассиси пешбари мақомоти иҷроияи ҳокимияти давлатии шаҳри Кулоб моҳҳои май-июни соли 2019 ба боварии шаҳрванд Умаров Ҷ.О. даромада аз ӯ барои аз ҳудуди заминҳои шаҳри Кулоб ҷудо карда додани 0,06 га. қитъаи замини наздиҳавлигӣ, маблағи 9000 сомонӣ талаб карда гирифта, ба фоидаи худ сарф кардааст.

“Ғайр аз ин, номбурда. бо ҳамин тарзу усул аз 12 нафар шаҳрвандони дигар дар маҷмуъ маблағи 139000 сомонӣ талаб карда гирифта тасарруф намудааст”,-афзуд Оҷонсӣ.

Гуфта мешавад, вобаста ба ин ҳолат нисбат ба Саидмумин Давлатов бо моддаи 247 қисми 4 банди “б” Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шуда, тафтиши пешакии он идома дорад.

467
Барчаспҳо:
сомонӣ, ришва, дастгир, пора, вазорати умури дохила, Тоҷикистон
Афганские заключенные готовятся к освобождению из тюрьмы, архивное фото

Ашраф Ғанӣ 2 ҳазор ҷангҷуёни Толибонро афв мекунад: 100 нафар аллакай озод шуданд

65
(Таҷдидшуда 18:20 25.05.2020)
Рӯзи якшанбе раисҷумҳури Афғонистон Ашраф Ғанӣ амр дод, ки то 2000 нафар аъзои ҷунбиши радикалии Толибон ба озодӣ мебароянд

ДУШАНБЕ, 25 май – Sputnik. Мақомоти Афғонистон ба иҷрои нақшае пардохтанд, ки бояд 2 ҳазор узви ҷунбиши радикалии Толибон аз зиндон ба озодӣ бароянд.

Ба иттилои сухангӯйи Шӯрои Амнияти Миллии Афғонистон Ҷовид Файсал, рӯзи душанбе аллакай 100 ҷангии маҳкумшудаи Толибон маҳбасҳоро тарк намуда ба озодӣ баромаданд.

"Имрӯз ҳукумат 100 маҳбуси Толибонро аз зиндон озод кард, ки ин як иқдоми нек барои пешбурди талошҳои сулҳ, аз ҷумла дароз кардани оташбас (режим) ва фавран оғоз кардани музокироти мустақим аст", - навиштааст Фейсал дар Твиттер.

TOLO News бо истинод ба як сухангӯи ин шӯро гуфт, ки маҳбусон аз зиндони Баграм раҳо шудаанд.

Мақомдори афғон: Толибон ҳеҷ нияте барои сулҳ дар Афғонистон надорад

Рӯзи якшанбе президенти Афғонистон Ашраф Ғанӣ амр дод, ки 2000  аъзои ҷунбиши радикалии Толибонро дар арафаи Иди Фитр афв мекунад.

Дар охири моҳи феврал, дар як маросим дар Қатар, Амрико ва Толибон аввалин созишномаи сулҳро пас аз 18 соли ҷанг имзо карданд.

Шарти асосии ин созишнома хориҷ шудани низомиёни амрикоӣ аз хоки Афғонистон ва табодули маҳбусон ба ҳисоб меравад.

65
Барчаспҳо:
афв, Толибон, Афғонистон, Ашраф Ғанӣ
Министр здравоохранения Таджикистана Джамоллидин Абдуллозода

Вазири тандурустӣ таъкид кард табобати беморони вируси корона ройгон аст

58
(Таҷдидшуда 11:49 26.05.2020)
Вазири тандурустии Тоҷиккистон эълон доштааст, ки маводи доруворӣ ва муҳофизатӣ дар кишвар басанда аст ва табобати беморони вируси корона дар бемористонҳо пурра ройгон аст

ДУШАНБЕ, 26 май – Sputnik. Ҷамолиддин Абдуллозода, вазири тандурустӣ ва ҳифзи иҷтимоии аҳолии Тоҷикистон, дар суҳбато бо АМИТ “Ховар” таъкид доштааст, ки имрӯз дар Тоҷикистон маводи доруворӣ ва муҳофизатӣ басанда мебошад.

Ба гуфтаи вай, он маводу дорувориҳое, ба Вазорати тандурустӣ ворид мешаванд, ба таври кофӣ  захира карда шудаанд.

“Баъзе муассисаҳое ҳастанд, ки маводу дорувориҳои якмоҳаи худро захира намудаанд.   Назорати тақсимоти маводи доруворӣ пурзӯр гардида, супориш дода шудааст, ки беморон сари вақт бо   дорую давои зарурӣ таъмин карда шаванд. Тақсимоти маводи доруворӣ ба муассисаҳои тандурустӣ зери  назорати бевоситаи Вазири тандурустӣ қарор дорад”,- қайд кардааст Ҷамолиддин Абдуллозода.

Ҳамчунин вазир зикр кардааст, ки вазорат дар таъмини дору ягон мушкилӣ надорад ва тамоми доруворие, ки дар протоколи табобат  зикр гардидааст, аз тарафи Ҳукумати ҷумҳурӣ таъмин карда шудааст.

Ҳамзамон Абдуллозода қайд кард, ки табобати беморони COVID-19 пурра ройгон аст.

“Албатта, баъзе доруҳое ҳастанд, ки аз дорухонаҳо  дастрас карда намешаванд. Тақсимоти дурусти дору ба бемор  аз виҷдони ҳар як табиб низ вобастагӣ дорад”, - гуфт вазир.

Ёдрас мешавем, ки   то 25 май дар кишвар 3100 нафар бо ташхиси сирояти коронавируси нави КОВИД-19 ошкор гардида, аз ин беморӣ то кунун дар мамлакат 1395 нафар шифо ёфтаанд.

Гузашта аз ин , то санаи зикргардида дар мамлакат аз ин беморӣ 46 нафар фавтидаанд.

58
Барчаспҳо:
ройгон, бемористон, вирус, бемор, муҳофизат, маводи доруворӣ, Тоҷикистон