Генерал – майор Саёрабек Бачабекзода

Генерал писарашро ба аскарӣ фиристод: боз киҳо?

4998
(Таҷдидшуда 23:32 06.05.2020)
 Як генерал-майори Артиши Тоҷикистон писарашро ба хизмати низомӣ фиристод. Ӯ дар ҳоли ҳозир баландтарин мақоми низомии кишвар аст, ки даъвати президент Эмомалиро Раҳмонро пазируфтааст

ДУШАНБЕ, 6 май – Sputnik. Саёрабек Бачабекзода, сардори Раёсати нерӯҳои муҳандисии Ситоди генералии Нерӯҳои мусаллаҳи Тоҷикистон, дар шарҳи ин хабар ба Sputnik Тоҷикистон гуфт, писари 25 – солааш Исфандиёр Бачабеков чаҳор сол дар Донишгоҳи технологии Тоҷикистон ва ду соли дигар ҳам Донишгоҳи миллии таҳқиқотии Санкт Петербург, яке аз донишгоҳҳои қадимӣ ва муътабари Русия таҳсил кардааст.

“Риштааш низомӣ нест. Ҳар ду донишгоҳе, ки хатм кард, ба фанновариҳои иттилоотӣ, механика ва оптика ихтисос ёфтаанд. Ҳоло бо хоҳиши худ дар яке аз қисмҳои низомии вазорати дифоъи Тоҷикистон хизмат мекунад. Ман фикр мекунам, хизмати низомӣ барои як ҷавон, бахусус писари генерал шарафи бузург аст ва ҳам дар зиндагиаш тағйироти мусбатеро ворид хоҳад кард”, - гуфт Саёрабек Бачабекзода.

Қаблан Сарафроз Музайянов, писари полковник Ҳилол Музайянзод, комиссари ҳарбии шаҳри Конибодом низ ихтиёрӣ ба хизмати сарбозӣ рафт. Ӯ хатмкардаи Донишкадаи молия ва иқтисодии Тоҷикистон аст.

Ориф Нозимиён, сухангӯи вазорати дифоъи Тоҷикистон, ба Sputnik Тоҷикистон гуфт, ҳудуди 30 дарсади наваскарони даъвати баҳориро писарони кормандони мақомоти гуногуни ҳукуматӣ ташкил медиҳанд.

“Ин даъват як қисмати бузурги нақша аз ҳисоби писарони кормандони мақомоти иҷроияву худи комиссиариатҳои ҳарбӣ иҷро шуд. Дар вилояти Бадахшон ва шаҳри Душанбе наздики 40-нафарӣ аз фарзандони мансабдорони ҳукумат ба сафи артиш пайвастанд. Ба ҷуз афроде, ки мардум мешиносад, аз қисми низомии вазорати дифоъ дар ноҳияи Восеъ як полковники дигар низ писарашро ба хизмат овард”, - гуфт Ориф Нозимиён.

Тибқи фармони президенти Тоҷикистон Эмомалӣ Раҳмон, ки моҳи март содир шуд, имсол ҷавонони мутаваллиди миёни солҳои 1993 – 2002 ба хизмати аскарӣ даъват мешаванд, ки ду моҳ – аз 1 апрел то 31 май идома меёбад.

Он чӣ ки дар ин маърака мақомот барояш солҳои ахир мавриди интиқоди расонаҳову ҷомиаи шаҳрвандӣ қарор мегиранд, истифода аз роҳу усулҳои номатлуб, назири, ба истилоҳ, “сарбозшикор” ё “облава”, дар иҷро кардани нақша аст.

Президент дар бораи даъвати фарзандони мансабдор ба артиш

Аммо ба дунболи ин, ки Эмомалӣ Раҳмон, президенти Тоҷикистон моҳи феврал дар ҷаласае бахшида ба 27-умин солгарди Рӯзи таъсисёбии Нерӯҳои Мусаллаҳи кишвар ба ҷалби писарони фарзандони мансабдорони давлатӣ ишорат карда, гуфт, онҳо бояд намунаи ибрат бошанд, вазъ тағйир хӯрд.

“Роҳбарони ҳамаи зинаҳои ҳокимияти давлатӣ, аъзои Ҳукумат ва вакилони парлумон, то раисони вилоятҳо, шаҳру ноҳияҳо, ҷамоатҳои шаҳраку деҳот, ташкилоту муассисаҳо, хизматчиёни давлатӣ ва соҳибкорон бояд худашон намуна бошанд. Фарзандони онҳо дар навбати аввал ва ҳатман ба хизмати ҳарбӣ дар сафи Қувваҳои Мусаллаҳ ҳозир бошанд. Зеро ҳама дар назди қонун баробаранд ва ҳамаи табақаҳои аҳолӣ вазифадоранд, ки талаботи онро риоя намоянд”, - гуфт Эмомалӣ Раҳмон.

Нақшаи даъват

 Тибқи иттилои маркази матбуоти вазорати дифоъи Тоҷикистон фақат дар даҳрӯзаи аввали даъвати баҳорӣ (1 то 10 апрел) ҳудуди 50% - и нақшаи даъвати ҳарбӣ ба анҷом расида буд. Ҳоло дар саросари Тоҷикистон беш аз 90% - и нақша иҷро шудааст, аз ҷумла Суғд - 80%, Хатлон - 100%, Душанбе - 100,8%, Бадахшон - 100% ва навоҳии тобеи ҷумҳурӣ – наздики 100%.

Дар ин миён, генерал – майор Саёрабек Бачабекзода, сардори Раёсати нерӯҳои муҳандисии Ситоди генералии Нерӯҳои мусаллаҳи Тоҷикистон, баландтарин мақоми низомиест, ки аз даъвати президенти Тоҷикистон истиқбол кардааст.

Маълумотномаи Бачабекзода

Генерал – майор Саёрабек Бачабекзода 9 январи соли 1965 дар ноҳияи Ванҷ тавваллуд шуда, хатмкардаи факултаи механикаву технологияҳои Донишгоҳи политтехникии Тоҷикистон, Донишгоҳи низомӣ (нерӯҳои муҳандисӣ) – и Академияи умуминизомии Нерӯҳои мусаллаҳи Русия ва Донишгоҳи Пекин, яке аз мӯътабартарин ва қадимитарин донишгоҳҳои Чин аст. 21 феврали соли 2018 бо фармони президенти Тоҷикистон ба полковник Бачабекзода Саёрабек Ҷиёнӣ рутбаи генерал – майор супорида шуд.

4998
Барчаспҳо:
даъват, сарбоз, генерали артиш, артиш, Вазорати дифоъ, Тоҷикистон
Портфель с документами, архивное фото

“Боло омад”: барканории прокурори ноҳияи Хуросон

758
(Таҷдидшуда 18:10 05.06.2020)
Саид Сафарзода, прокурори ноҳияи Хуросон, аз вазифа барканор шуд. Аммо ин барканорӣ то ба ҳол расман эълон нашудааст

ДУШАНБЕ, 5 июн – Sputnik. Як манбаъ дар мақомоти ҳукумати ноҳияи Хуросон дар таъйиди ин хабар ба Sputnik Тоҷикистон гуфт, барканории Саид Сафарзода бо фармони прокурори генералии Тоҷикистон сурат гирифта, ҳоло ӯ  дар Душанбе қарор дорад.

“Аз рӯи маълумоти мо, ӯ дар Душанбе ба вазифаи баландтар гузаштааст. Аммо то ба ҳол дар ҷои ӯ нафари тоза муаррифӣ нашудааст”, - гуфт манбаъ.

Тибқи иттилои сомонаи Прокуратураи генералии Тоҷикистон, Саид Сафарзода Шараф Мушовири адлияи дараҷаи 1 буда, соли 1985 Донишгоҳи миллии Тоҷикистон (он замон Донишгоҳи Давлатии Тоҷикистон ба номи В. И. Ленин) – ро хатм кардааст ва соли 2017 прокурори ноҳияи Хуросон таъин шудааст.

Тибқи муқаррароти қонунгузории Тоҷикистон, прокурор ҳуқуқи панҷ сол кор кардан дар як вазифаро дорад ва Сафарзода метавонист ду соли дигар кор кунад.

Ин барканорӣ то куҷо ба ҳаводиси 20 рӯзи ахир дар ноҳияи Хуросон рабт дорад, маълум нест. 14 ба 16 майи соли равон дар пайи боронҳои шадид дар ҷамоати деҳоти Садриддин Айнии ноҳияи Хуросони вилояти Хатлон селхезӣ ба вуқӯъ пайваста, даҳҳо хонаро тахриб кард ва даҳҳо нафарро дар кӯча гузошт.

Осебдидагон бо нишони эътироз аз набудани кӯмак роҳи Душанбе - Бохтарро бастанд. "То кӯмак нарасонанд, роҳро боз намекунем!"- шиор доданд онҳо.

Баъдтар ниҳодҳои ҳукуматӣ кӯмаки худро ба осебдидагон расонданд ва вазъ оддӣ шуд.

Дар ҳамин ҳол, бино ба иттилои дарёфтӣ, Саид Сафарзода муовини ректори Донишкадаи такмили назди Прокуратураи генералии Тоҷикистон таъин шудааст.

Иттилои барканорӣ ва таъиноти нави Саид Сафарзода то ба ҳол расман таъйид нашудааст.

БАРКАНОРИИ Саид Сафарзода бо фармони прокурори генералии Тоҷикистон сурат гирифта, ҲОЛО Ӯ ДАР Душанбе ҚАРОР ДОРАД.

758
Скорая помощь

Ҷаримаи ронандаҳои “Ренҷ Ровер”, “Тайёта” ва ...: ба мошини ёрии таъҷилӣ роҳ надодаанд

304
Раёсати Вазорати корҳои дохилии Тоҷикистон оид ба нақлиёт дар Душанбе ронандаҳое, ки ба нақлиёти ёрии таъҷилӣ роҳ намедиҳанд ҷарима хоҳад кард

ДУШАНБЕ, 5  июн — Sputnik. Дар Тоҷикистон ба ҷаримаи соҳибони мошинҳое, ки сари вақт ба нақлиёти ёрии таъҷилӣ роҳ намедиҳанд, оғоз кардаанд, хабар медиҳад шабакаи телевизиони Тоҷикистон.

Ба иттилои манбаъ, танҳо давоми як санҷиш дар масофаи 15 киллометир 43 ҳолат ба қайд гирифта шудааст, ки автомобилҳои шахсӣ, мусофиркашҳо, микроавтобусҳои оддии ҷамъиятӣ ва ҳатто нақлиёти хидматӣ ба садои ёрии таъҷилӣ ва чароғакҳои равшани он тамоман аҳамият намедиҳанд.

Гуфта мешавад,  бо шарофати сабтҳои камераҳои назорати видеоӣ, Раёсати ВКД дар Душанбе тавонист тамоми ронандаҳое, ки ба чунин амал даст задаанд пайдо кардааст, ки миёнашон ронандаҳои худравҳои “Ренҷ Ровер”, “Тайёта”, “Мерседес” низ будаанд.

Барои ҳар як ронанда протокол тартиб дода шуд ва барои вайрон кардани қоидаҳои ҳаракат дар роҳ ҷарима ситонида шуд.

Қайд мешавад, ки ҳангоми сафарҳои таъҷилӣ, кормандони гуруҳи ёрии таъҷилӣ тамоми таҷҳизоти огоҳӣ, аз ҷумла чароғаки кабуд ва садоро (сигнал) истифода мекунанд, аммо ҳатто баъзан ин ба духтурон имкон намедиҳад, ки ба зудӣ ба ҷойи даъватшуда бирасанд.

Тибқи гузориш қоидаҳо на танҳо дар роҳҳо ва ҳатто дар назди биноҳои истиқоматӣ вайрон мешавад, ки сокинон дар назди дари биноҳо нақлиёти худро гузоштаанд, ки ворид шуданро душвор месозад.

Дар робита ба ин, Вазорати корҳои дохилӣ аз тамоми сокинони шаҳр хоҳиш менамояд, ки ба сигналҳои ёрии таъҷилӣ бодиққат бошанд ва ба гузариши бригада монеа нашаванд, зеро ин метавонад ба ҳаёти инсон арзиш дошта бошад.

Роҳбарияти Вазорати корҳои дохилии Тоҷикистон дар пайтахт аз ҳама ронандагон даъват кардааст, ки тамоми қоидаҳои роҳро риоя намоянд ва ба ҳаркати бемамониати нақлиёти ёрии таъҷилии тиббӣ халал нарасонанд.

 

 

304
Руководитель отдела экономики Института стран СНГ Аза Мигранян

Коршинос: барномаи зиддибӯҳронии Тоҷикистон ду моҳ дер тасвиб шуд

0
Тоҷикистон аз ҳисоби кадом маблағҳо соҳибкоронро дастгирӣ хоҳад кард ва оё ин иқдомҳоро буҷаи кишвар мебардорад ё не - ба ин саволҳо коршинос, иқтисодшиноси Пажӯҳишгоҳи ИДМ Аза Мигранян посух гуфт

Ҳукумати Тоҷикистон барномаи зиддибӯҳронии замони пандемияи коронавирусро қабул кард, ки ба дастгирии соҳибкорон ва аҳолӣ равона гардидааст.

Имрӯз, 5 июн чанд фармони раисҷумҳури Тоҷикистон Эмомалӣ Раҳмон ба имзо расид, ки мувофиқи он чанд гурӯҳ соҳибкорон аз андоз озод карда шуда, ба қишри осебпазир кӯмакпулӣ таъин ва боло бурдани арзиши барқу хизматрасониҳои коммуналӣ мавқуф карда шуд.

Мигранян о том, за счёт чего в Таджикистане будут поддерживать бизнес

"Дар ҳар як кишвар захираи муайяне ҳаст, ки ба истилоҳ захираҳои ғайрибуҷавӣ гуфта мешавад. Ин гуна буҷа дар Тоҷикистон низ ҳаст", - гуфт Миграниян дар сӯҳбат бо Sputnik Тоҷикистон.

Ба гуфтаи коршинос, таҳлили он ки иқдомҳои зиддибӯҳронии Ҳукуматро буҷаи Тоҷикистон мебардорад ё не, ғайриминтақист, зеро феълан маълум нест, ки барои ин иқдоми Ҳукумат чӣ қадар маблағ лозим аст.
"Фаҳмиши норасоии буҷа нисбӣ аст. Ҳама гуна кишвар бо норасоии буҷа метавонад то дер  арзи вуҷуд дошта бошад", - таъкид мекунад коршинос.

 

Ба гуфтаи ӯ, ин ҷо гап дар бораи дастгирии аҳолӣ ва тиҷорати хурд меравад.

"Ҳамааш аз он вобаста аст, ки то кай дар Тоҷикистон маҳудиятҳои фаъолияти иқтисодӣ амалӣ мешавад. Агар маҳдудиятҳо фарогир бошанд, пас ин ҳамагӣ дастгирии хурдест. Агар маҳдудиятҳо кутоҳмуддат ва маҳдуд бошанд, ҳамин тавре ки ҳоло дар Тоҷикистон рӯи кор меоянд, ин дастгирӣ ба аҳолӣ ва тиҷорати хурд назаррас хоҳад шуд".

Вай афзуд, ки вақте ҷараёни даромад нест, ихтисори андоз, пардохтҳои ҳатмӣ ва харҷҳои гуногун метавонад ба қисми рақобатпазир дар кам шудани талабот ба маводи онҳо дар мӯҳлати муайян кӯмак кунад. Аммо ин истеҳсолоти заифро наҷот намедиҳад.

"Сухан дар бораи дастгириҳои иҷтимоӣ бо мақсади тавонмандии харидории аҳолӣ меравад. Ин чораҷӯиҳо барои бештари кишварҳои ҷаҳон стандартӣ мебошанд", - тавзеҳ медиҳад ӯ.

 

Ин иқдомҳои Тоҷикистон ду моҳ дер қабул шуданд, гуфт дар анҷом Мигранян.

0