Преступник за решеткой

Боздошти қаллоб: 80 ҳазор долларро гирифту гуфт, хона медиҳам, аммо надод

214
(Таҷдидшуда 14:50 08.05.2020)
Вазорати умури дохилии Тоҷикистон аз боздошти як қаллоб хабар медиҳад, ки дар фиреби як сокини пойтахт муттаҳам мешавад

ДУШАНБЕ, 8 май – Sputnik. Тиқи иттилои дафтари матбуотии Вазорати корҳои дохила, ин нафарро кормандонипулиси ноҳияи Шоҳмансур дар пайи шикояти марди 32-солаи сокини пойтахт боздошт кардаанд.

Ба иттилои манбаъ, ки моҳи июни соли 2018, марди 48-солаи сокини шаҳри мазкур, бо роҳи фиреб ба бовариаш даромада, аз ӯ 80 ҳазору 400-доллари амрикоӣ гирифта, ваъда додааст, ки бар ивазаш аз сохтмонҳои нотамоми шаҳри Душанбе хонаи 3-ҳуҷрагӣ гирифта медиҳад.

Манбаъ мегӯяд, аммо бо гузашти 2 сол то ҳол на хона шудааст ва на маблағашро барнагардонидааст.
ВУД мегӯяд, аз рӯи ин ҳодисаи мазкур тафтишот идома дорад.

Ёдовар мешавем,  қаблан вазорат марди 56-солаи сокини ҷамоати деҳоти Навободи ноҳияи Мастчоҳ, ки пеш бо моддаи 264 Кодекси ҷиноятии Ҷумҳурии Тоҷикистон суд шудааст, бо ҷурми қаллобӣ дастгир карда буд. 

Мақомот мегӯяд, ӯ рӯзи 1-уми майи соли 2015 бо роҳи фиреб ба боварии марди 72-солаи сокини ҷамоати деҳоти Навбаҳори ҳамин ноҳия даромада, барои кишту кори хоҷагии деҳқониаш, аз ӯ 7 ҳазор доллари амрикоӣ гирифта, ба манфиати шахсиаш сарф намуда, то ҳол нагрдонидааст.

 

214
Барчаспҳо:
қаллоб, боздошт, ВКД, Тоҷикистон
Тонущий человек, архивное фото

Ғарқшавии ду ҷавон дар Хатлону Ҳисор: ҷасади яке ёфт ва дигаре то ҳол бедарак аст

53
(Таҷдидшуда 16:04 04.06.2020)
Кумитаи ҳолатҳои фавқулодаи Тоҷикистон аз ду ҳодисаи ғарқшавии сокинони Хатлон ва Ҳисор хабар медиҳад

ДУШАНБЕ, 4 июн — Sputnik. Наҷотбахшони Кумитаи ҳолатҳои фавқулодаи Тоҷикистон давоми ду рӯз ҷасади дар об ғарқшудаи як сокини  23 - солаи деҳаи Пахтакори ноҳияи Кушониёнро меҷӯянд.

Ба иттилои котиботи КҲФ, Дониёр Азизов сокинои ноҳия Кушониён ҳангоми оббозӣ дар дарёи Вахш аз беэҳтиётӣ ғарқ шудааст.

"Хабари ғарқи дарё шудани ӯ ба Раёсати КҲФ дар Хатлон рӯзи 3-уми июн расид ва худи ҳамон лаҳза кормадони наҷот, ба ҷойи ҳодиса рафтанд ва то бегоҳ ҷасадро кофтанд. Вале ҷустуҷӯҳои рӯзи аввал натиҷа надод ва имрӯз, 4-уми июн корҳои кофтуков аз сар гирифта шуданд", - таъкид мешавад дар хабар.

Манбаъ аз ғарқшавии як ҷавони 18 - солаи дигар дар ноҳияи Ҳисор хабар медиҳад, ки баъди аз зуҳри рӯз 3 - уми май иттифоқ афтодааст.

Гуфта мешавад, сокини 18 - солаи деҳаи Мирзочӯли ноҳияи Рӯдакӣ ҳангоми оббозӣ дар канали калони Ҳисор ғарқ шуд.

Боқимондаҳои ҷасади сайёҳи рус, ки дар рӯди Хингоб ғарқ шуда буд, пайдо гардид

"Корҳои ҷустуҷӯи ҷасади ғарқшуда дирӯз то соати 20:05 дақиқа идома дошт, вале он бенатиҷа анҷомид", - омадааст дар хабар.

Зимнан, субҳи имрӯз, соати 03:00 сокинони деҳа ҷасадро тақрибан 70 метр поёнтар аз ҷойи ҳодиса мушоҳида карданд ва он аз об берун оварда шуда, ба пайвандонаш супурда шуд.

53
Милисаҳо, акс аз бойгонӣ

“Занма рӯз намедиҳад”: чаро Холалӣ падарашро кушт-видео

1031
Вазорати умури дохилии Тоҷикистон бо нашри гузориши видеоӣ тафсилоти бештари марги падар аз ҷониби писарро дар ноҳияи Вахш ироа кард

ДУШАНБЕ, 4 июн — Sputnik. Тибқи гузориши ВУД, маъмурини милиса Тӯхтаев Холалӣ, сокини 35 - солаи ноҳияи Вахшро барои даст доштан дар марги падараш, Тӯхтаев Холбобои 58 – сола боздошт кардаанд.

Манбаъ афзуд, Холалӣ ба далели он, ки падараш қаблан зани 30-солаашро латукӯб кардааст,  шаби 28-уми майи соли 2020, тахминан соати 23:30-дақиқа, ӯро бо офтоба чанд бор задааст. Дар натиҷа падари маҷруҳ дар беморхона ҷон додааст.

Писари муттаҳам дар гузориши видеоӣ изҳор медорад, ки “занма рӯз намедиҳад. Задай, кӯдаки майдаакима тарсондай. Боз занам ҳаштмоҳа ҳомиладорай. Ғам медиҳад, аз хона буро мегӯяд”. Ӯ илова намуд, ки бо офтоба чанд бор ба сари падараш зад.

Дар натиҷа ҷабрдида ҷароҳатҳои вазнини ҷисмонӣ бардошта, дар беморхона  ба ҳалокат расидааст.

ВУД Тоҷикистон мегӯяд, нисбати гумонбаршаванда парвандаи ҷиноятӣ бо моддаи 110 қисми 3 Кодекси ҷиноятии Ҷумҳурии Тоҷикистон оғоз гардида, тафтишот идома дорад.

1031
Барчаспҳо:
писар, падар, ҷиноят, Тоҷикистон