Вице-президент Афганистана генерал Абдул-Рашид Дустум, архивное фото

“Маршал Дӯстум”: ӯзбекҳо низ соҳиби маршал мешаванд?

785
(Таҷдидшуда 18:00 08.05.2020)
Яке аз шартҳои мусолиҳаи тимҳои Ашраф Ғанӣ ва Абдуллоҳ Абдуллоҳ, ду ҷониби мухолифи ҳукумати Афғонистон, ба генерал Абдурашид Дӯстум, раҳбари ӯзбекҳои он кишвар додани унвони “маршал” аст

ДУШАНБЕ, 8 мая – Sputnik. Муҳибуллоҳ Нурӣ, раҳбари Ҷунбиши ҳамгароии миллатҳои “Қалби Осиё», яке аз аъзои тими Абдуллоҳ Абдуллоҳ ба Sputnik Тоҷикистон гуфт, тими “Суботу ҳамгироӣ” як рӯзи қабл пешниҳодҳои ҷадиди худро барои тавофуқи сиёсӣ пешниҳод кард ва яке аз шартҳо ба генерал Дӯстум рабт мегирад.

“Дар санад дар як сархат чунин оварда шудааст: “Старҷанрол Абдуррашид Дӯстум, муовини пешини раёсати ҷумҳурӣ, аз ҷониби раҳбари “Суботу ҳамгароӣ” ба ҳайси муовини Сарқумандони Аъло муаррифӣ ва бо фармони раисҷумҳур ба рутбаи моршолӣ иртиқоъ дода мешавад”, - гуфт Муҳибуллоҳ Нурӣ.

Ба қавли ӯ, санади чорчӯби тавофуқи сиёсӣ, ки аз сӯи тими Доктор Абдуллоҳ пешниҳод шудааст, ба тими Доктор Ғанӣ дар умум писанд омада, эҳтимоли ба ҳамин қарибӣ расидани ҷонибҳо ба як тавофуқ вуҷуд дорад.

Тибқи ин санад, “Суботу ҳамгироӣ” - тими Доктор Абдуллоҳ таъсиси Шӯрои олии давлатӣ, ки тамоми раҳбарони умдаи Афғонистонро муттаҳид мекунад ва садорати иҷроӣ – шохаи иҷроии ҳукуматро тақозо кардааст.

Ниҳоди аввалиро раис ва дувумиро садри аъзам бояд раҳбарӣ кунад, ки ҳарду ҳам дар сурати ба миён омадани тавофуқ бояд Доктор Абдуллоҳ бошад.

“Панҷоҳ дарсад аз вузаро, руасои мустақил, муинон ва суфаро, ба шумули ниҳодҳои амниятӣ ва вазоратҳои калидии мулкӣ тавассути садри аъзами иҷроӣ бо меҳварияти сулҳ муаррифӣ мегардад. Раис ва муовинони луи соранволӣ (прокурори генералӣ) низ шомил ин мувозинаи панҷоҳдарсадӣ мебошад.

Аз миёни чаҳор мақоми калидии амниятӣ (мушовири амнияти миллӣ, вузарои дифоъ, дохила ва раиси умумии амнияти миллӣ), ду мақоми он тавассути садри аъзами иҷроӣ бо меҳварияти сулҳ муаррифӣ мешавад”, - омадааст дар санад.

Ба ҳамин минвол, дар ҳоли пазируфта шудани шартҳои тими “Суботу ҳамгироӣ” аз сӯи тими “Давлатсоз” – и Доктор Ғанӣ, он чӣ барои Афғонистон, бахусус ӯзбекҳои ин сарзамин таърихӣ мешавад, ба рутбаи баландтарини низомӣ – маршалӣ расидани Абдурашид Дӯстум хоҳад буд.

Қабл аз ӯ соли 2002 ин унвон ба Муҳаммад Қасим Фаҳим, аз сӯи ҳукумати Ҳомид Карзай дода шуда буд. Дар ҳоли ҳозир ӯ ягона маршали Афғонистон ва ҳам тоҷикони рӯи дунё маҳсуб мешавад.

Қасим Фаҳим пас аз марги шахсияти устураӣ Аҳмадшоҳи Масъуд раҳбарии Ҷабҳаи муттаҳиди зиддитолибонии Афғонистонро бар зимма дошт. Хизмати ӯ ин буд, ки замоне эътилофи байнулмилалӣ вориди Афғонистон шуд, нерӯҳои таҳти фармонаш бо пуштибонии ҳавоии амрикоиҳо ҳукумати Толибон ва “Ал-қоида”-ро ба осонӣ суқут доданд.

Роҳи низомии Дӯстум

Абдурашид Дӯстум роҳи низомиашро соли 1978 аз сарбози оддии режими коммунистии Ҳафизулло Амин сар карда, унвони генерал-майориро соли 1989 аз Доктор Наҷибуллоҳ, роҳбари вақти Афғонистон гирифт, вақте фирқаи маъруфи 53 – и Урдуи миллии он кишварро фармондеҳӣ мекард.

Рутбаи генерали артишро аз раисҷумҳур Сибғатуллоҳ Муҷаддадӣ соли 1992 ба даст овард, вақте муовини вазири дифоъи Афғонистон буд.

Вай дар ҷанги Афғону Шӯравӣ (1979—1989), ҷанги шаҳрвандии Афғонистон (1989—1992), Муқовимат алайҳи Толибон ва терроризми байнулмилалӣ (1992—2001) ва ҷанги феълӣ бо Толибон ва ДОИШ (аз соли 2015) ҳузур ва ширкати муассир доштааст. Абдурашид Дӯстум тайи 30 соли ахир раҳбари бебаҳси ӯзбекҳои Афғонистон маҳсуб мешавад.

Ӯро як чеҳраи “сархӯр” ва ҳам “подшоҳсоз” - и Афғонистон мехонанд. Ӯ дар суқути ҳукумати Доктор Наҷибуллоҳ ва ҳам Бурҳонуддини Раббонӣ дар солҳои 90 – уми асри гузашта нақши ҳалкунанда дошт. Соли 2014 як бозуи қавии Ашраф Ғанӣ буд, ки президенти Афғонистон шавад.

Аммо расидан ба рутбаи баландтарини низомӣ – маршалӣ қабл аз ҳама подоши заҳамоти як соли ахири ӯ дар тими Абдуллоҳ Абдуллоҳ хоҳад буд, ки Дӯстум то кунун минҳайси як пояи қавитарини низомиву сиёсии он устувор истодааст.

785
Барчаспҳо:
Абдулло Абдулло, Ашрафғанӣ, генерал, Афғонистон, Абдуррашид Дустум
Российской военно-транспортной авиации 89 лет

Мотам дар "Амонатбонк": Зариф Ҷӯраев даргузашт

3987
(Таҷдидшуда 19:52 29.10.2020)
Зариф Ҷӯраев, мудири филиали бонки давлатии "Амонатбонк", дар шаҳри Бӯстон дар синни 47 - солагӣ дунёи фониро падруд гуфт

ДУШАНБЕ, 29 окт – Sputnik. Манобеи муътамад аз Бонки давлатии "Амонатбонк" дар вилояти Суғд бо таъйиди ин хабар ба Sputnik Тоҷикистон гуфтанд, ки Ҷӯраев дар Бемористони марказии шаҳри Бӯстон аз бемории "илтиҳоби шуш" табобат мегирифт, вале зуҳри имрӯз ҷон ба Ҳақ таслим кард.

"Он кас аз мутахассисони варзидаи соҳаи бонкдорӣ буд. Хабари даргузашти Зариф Ҷӯраев моро бисёр андуҳгин намуд. Ба аҳли пайвандон ва дӯстонашон сабри ҷамил мехоҳем", - зикр намуд манбаъ.

Зариф Ҷӯраев, 15 ноябри соли 1973 дар ноҳияи Бобоҷон Ғафуров таваллуд шудааст. Хатмкардаи Донишгоҳи муосири шаҳри Маскав (РОСНОУ) мебошад.Ӯ солҳои зиёд дар шуъбаҳои бонки давлатии амонатгузории кишвар "Амонатбонк" фаъолият намудааст. Аз ҷумла, то соли 2018, мудири филиали "Амонатбонк" дар Хуҷанд буд.

Дар оғози соли 2019, бо фармони сардори Раёсати бонки давлатии амонатгузории Ҷумҳурии Тоҷикистон "Амонатбонк" мудири ин бонк дар вилояти Суғд таъйин шуд ва дар ин мақом ҳудуди ҳашт моҳ фаъолият кард.

Набӣ Шораҳмонов даргузашт: иллати марги ӯ номаълум аст

Аз моҳи феврали соли ҷорӣ, мудири "Амонатбонк" дар шаҳри Бӯстон буд. Онҳое, ки бо Зариф Ҷӯраев ҳамроҳ кор кардаанд, аз ӯ ба унвони як мутахассиси варзидаи соҳаи бонкдорӣ ёд намуда, даргузашти ӯро як талафоти бузург дар "Амонатбонк" арзёбӣ мекунанд.

3987
Барчаспҳо:
даргузашт, мудир, "Амонатбонк", Бӯстон
Полицейские охраняют территорию после сообщения о нападении с ножом в церкви Нотр-Дам в Ницце

Теракт дар Фаронса: нафари мусаллаҳ сари занеро буриду ду нафари дигарро парронд - навор

1150
(Таҷдидшуда 17:14 29.10.2020)
Наздикии Нотр - Дам - де Нитса як фарди мусаллаҳ ба роҳгузарон ҳамла намуд. Ӯ сари як занро аз тан ҷудо карду дуи дигаро ҳадафи тир қарор дод

ДУШАНБЕ, 29 окт — Sputnik. Теракти мудҳиш дар наздикии Нотр - Дам - де Нитса тақрибан соати 11:00 ба вақти Маскав рух дод. Бар тибқи маълумоти расмӣ, фарди ношинос бо истифода аз корд сари як зани роҳгузаро бурида, чанд нафари дигарро ҳадафи тир қарор дод.

Бо такя ба маълумоти ахир, бар асари ин теракт дасти кам се нафар ҷони худро аз даст доданд. Гуфта мешавад, ба кормандони мақомоти ҳифзи ҳуқуқ муяссар шуд, ки ҳамлаварро дастгир ва шахсияташро муайян созанд.

Ҳоло омили асосии даст задан ба ин амали нангин дақиқ мешавад.

Раиси шаҳри Нитса Кристиан Эстрози ҳодисаи мазкурро амали террористӣ арзёбӣ кард.

Дар Фаронса сари омӯзгори таърихро аз тан ҷудо карданд: аксҳои пайғамбарро масхара мекард

Дақиқан, чанд ҳафта пеш дар Фаронса ҳодисаи ба ин монанд рух дода буд. Он замон сари профессори коллеҷ аз тан ҷудо карда шуд. Омӯзгори марҳум ба донишҷӯёни худ тасвирҳои танзмези Пайғамбар Муҳаммад (с) - ро нишон медод.

1150
Барчаспҳо:
теракт, Фаронса
(NaN:NaN / NaNMb / )

Маросими савгандёдкунии президенти Тоҷикистон - пахши мустақим

0
(Таҷдидшуда 09:04 30.10.2020)
Имрӯз дар Тоҷикистон маросими ба иҷрои вазифаи Президенти Ҷумҳурии Тоҷикистон шурӯъ намудани Эмомалӣ Раҳмон баргузор мешавад

Маросими савгандёдкунии президент - расман ба иҷрои вазифаи президенти Тоҷикистон шурӯъ намудани Эмомалӣ Раҳмон аст.

Инаугурация Эмомали Рахмона в 2013 году
© Официальная страница пресс-службы президента РТ в Facebook

Он чун анъана дар Қасри миллат ва мисли савгандёдкуниҳои пештар пуршукӯҳ баргузор мешавад.

Ин маросим одатан бо супурдани шаҳодатномаи Президенти Ҷумҳурии Тоҷикистон аз ҷониби Раиси Комиссияи марказии интихобот ва раъйпурсии Тоҷикистон ва Нишони Президенти Ҷумҳурии Тоҷикистон аз ҷониби Раиси Суди Конститутсионии кишвар ба Эмомалӣ Раҳмон оғоз меёбад.

Раисҷумҳур дасти рост ба болои Сарқануни Тоҷикистон гузошта, савганд ёд мекунад.

Ёдрас мешавем, интихоботи раисиҷумҳур дар Тоҷикистон рӯзи якшанбеи 11 октябр тариқи раъйдиҳии пинҳонӣ сурат гирифт. Дар интихоботи президентӣ 5 номзад аз аҳзоби мухталифи кишвар вориди рақобат шуда буданд.

Роҳбандиҳо ҳангоми савганди Раҳмон дар Душанбе: эълони ВКД

Дар интихоботи президентӣ аксари кулли овозҳо 3 млн. 837 ҳазор 227 - 90,92 дарсадро президенти амалкунандаи ҷумҳурӣ Эмомалӣ Раҳмон соҳиб шуд ва боз барои 7 соли дигар президент интихоб гардид.

0