Вазъият дар марз мӯътадил аст: 10 май гуфтушуниди ду ҷониб баргузор мешавад

© пресс-служба правительства КыргызстанаВышка на пограничном посту Максат в Лейлекском районе Баткенской области.
Вышка на пограничном посту Максат в Лейлекском районе Баткенской области. - Sputnik Тоҷикистон
Обуна шудан
Феълан вазъият дар марзи Тоҷикистону Қирғизистон пас аз муноқиша ва тирпарронию сангандозӣ мӯътадил арзёбӣ мешавад

ДУШАНБЕ, 9 май — Sputnik. Раҳбари Хадамоти марзбонии Қирғизистон дар робита ба вазъияти баамаломада бо ҳамтои тоҷики худ Ҳикматулло Пираков гуфтугӯи телефонӣ анҷом дод, хабар медиҳад котиботи хадамоти марзбонии Қирғизистон.

Местные жители и сотрудники МВД на кыргызско-таджикской границе в Баткенской области. Архивное фото - Sputnik Тоҷикистон
Ҷароҳати 2 тоҷик: даргирӣ дар марзи Тоҷикистону Қирғизистон ва шарҳи ҷонибҳо

Манбаъ меафзояд, ҷонибҳо зимни сӯҳбати телефонӣ қазияи марзиро баҳсу баррасӣ намуда барои ошкор намудани асли воқеа гирд омадани ҳар ду ҷониб сари мизи муколамаро зарур шумориданд.

Тирпарронӣ дар марзи Тоҷикистону Қирғизистон: қирғизҳо мегӯянд оташро тоҷикҳо кушоданд

"Ҷонибҳо розӣ шуданд, ки нерӯҳои иловагиро аз ҷои ҳодиса кӯч диҳанд", - омадааст дар хабар.

Ҳамин тавр, санаи 10 - уми май бо иштироки роҳбарони манотиқ, сохторҳои амниятӣ ва мақомоти ҳифзи ҳуқуқи ҳарду кишвар мулоқот баргузор хоҳад шуд.

Пограничный пост, архивное фото - Sputnik Тоҷикистон
Шарҳи КДАМ Тоҷикистон дар бораи тирпарронӣ дар марз бо Қирғизистон
Ёдовар мешавем, ки дар пайи даргириҳои рӯзи 8 - уми май дар марзи Тоҷикистону Қирғизистон ду нафар захмӣ шудаанд

Ин ду нафар сокинони маҳаллаи Қуммазори ҷамоати деҳоти Чоркӯҳи шаҳри Исфара Аёмиддин Шарипов, мутаваллиди соли 1971 ва Фазлиддин Фозилов, мутаваллиди соли 1983 мебошанд, иттилоъ дод  Иқбол Тешаев, сухангӯи шаҳрдории Исафара ба Sputnik Тоҷикистон. Ӯ гуфт, ки аввалӣ, ҳангоми сангпартоӣ аз сар захми шадид бардошта, дигарӣ аз тири силоҳи шикорӣ шадидан маҷруҳ шудааст.

Бино ба иттилои сухангӯи шаҳри Исфара, ихтилоф замоне сар мезанад, ки сокинони маҳаллаи Чеки ноҳияи Бодканд "худсарона ва дидаву дониста" ба марзи Тоҷикистон, заминҳои саҳроии маҳаллаи Қуммазори ҷамоати деҳоти Чоркӯҳ ворид шуда, 60 сотих замини як қитъаи 4 гектараро, ки ҷуворимакка кишт шуда буд, ғасб кардаанд.

Лентаи хабарҳо
0