Машины милиции в Душанбе, архивное фото

Ҳамсояҷанг дар карантин: парванда алайҳи 3 зан дар Душанбе - видео

2899
(Таҷдидшуда 19:44 19.05.2020)
Идораи милисаи Душанбе хабар дод, ки дар пайи таҳқиқи навори ҳамсояҷанг, ки ахиран дар фейсбук нашр шуд, нисбати 3 зан парвандаи ҷиноӣ оғоз шуд

ДУШАНБЕ, 19 май — Sputnik. Тибқи иттилои раёсати умури дохилии Душанбе,  17 май шаҳрванд Бозорова Хатича тариқи фейсбук 3 навор нашр кардааст, ки дар онҳо ҳолати аз ҷониби ҳамсоягон мавриди латукуб ва дашному ҳақорат қарор гирифтанаш инъикос ёфтааст. Наворҳои сабткардаи Бозороваро, ки дашномҳои қабеҳ дорад, РВУД нашр кардаст.

“Корманди милитсяи пойтахт дар доираи санҷиши ҳолатҳои дар наворҳо инъикосгардида шахсияти 3 нафар зане, ки лаҳзаҳои ҳамла, дашному ҳақоратдиҳӣ ва ба таври ғайриқонунӣ вориди манзили истиқоматии муроҷиаткунанда Бозорова Хатича гардиданашон дар наворҳо омадааст, ошкору муайян намуда, ба мақомоти милитсия дастрас намуданд”, - омадааст дар иттилоия.

ВУД иттилоъ додаст, ки ин занҳо  Амонова Сайрамбӣ, мутаваллиди 1986, истиқоматкунандаи шаҳри Душанбе, кӯчаи Н. Қарабоев, оиладор, соҳиби 3 фарзанд, Мадинаи Шарифхон соли таваллудаш 1994 истиқоматкунандаи кӯчаи Борбад, муҷаррад ва Хайруллоева Самира, соли таваллудаш 1995 истиқоматкунандаи кӯчаи Борбад, муҷаррад, мебошад.

“Муайян карда шуд, ки дастрасшудагон тақрибан соати 12:00 дақиқаи санаи 17-уми май бо мақсади қасосгирӣ ба хотири он ки гуё фарзандони муроҷиаткунанда Бозорова Хатича оромии онҳоро халалдор намудаанд, ба таври худсарона дар ҳолати гурӯҳӣ бо вайрон намудани ҳуқуқи дахлнопазирии манзил бидуни хоҳиши муроҷиаткунанда ба хонаи истиқоматии ӯ ворид гардидаанд. Ин ҳолатро ҷабрдида мушоҳида намуда, ҳолати рафтори дағалона ва кирдори авбошонаи онҳоро ба навор гирифтааст”, - омадааст дар иттилоия.

Манбаъ афзуд, чун занҳо мебинанд, ки рафторашон ба навор гирифта шудааст, ба хотири нобуд сохтани навор дахлнопазирии манзили Бозороваро вайрон намуда, мехостанд телефони мобилиашро аз дасташ гирифта наворро нобуд созанд.

“Чуноне аз наворҳо бармеояд, гумонбарон аз ҳиссиёти авбошӣ бо пойафзол охиронро мавриди латукуб низ қарор дода, бо овози баланд дашному ҳақоратҳои қабеҳ намуда, шаъну шарафашро дар назди дигар ҳамсоягон паст задаанд”, - тавзеҳ додаст РВУД.

Ин ниҳод таъкид кардаст, ки нисбати ҳар се гумонбар Амонова Сайрамбӣ, Мадинаи Шарифхон ва Хайруллоева Самира аз ҷониби додситонӣ барои вайрон намудани дахлнопазирии манзил парвандаи ҷиноятӣ оғоз гардида, чораҳо барои оғоз намудани парвандаи ҷиноятӣ барои авбошӣ дар ҳайати гуруҳӣ андешида шуда истодаанд.

Назари гумонбарон дар бораи ин қазия феълан маълум нест.

2899
ДТП, архивное фото

Боз як садамаи марговар: пиёдагарди 38-сола зери чархи “Фолсваген-Пасат” ба ҳалокат расид

344
Вазорати умури дохилаи Тоҷикистон боз аз як садамаи маргбор, ки дар ҳудуди деҳаи Ҳоҷиёни ҷамоати деҳоти М.Турсунзода рух додааст, хабар дод

ДУШАНБЕ, 3 июн - Sputnik. Бино бар иттилои дафтари матбуоти Вазорати умури дохилаи Тоҷикистон садамаи маргбор санаи 1-уми июни соли равон, тахминан соати 23:40 рух додааст.

Тибқи иттилои манбаъ, ронандаи автомашинаи тамғаи “Фолсваген-Пасат”, Ибрагимов Умедҷон Маҳмуродович, соли таваллудаш 1996, сокини ҷамоати деҳоти Зайнабобод, ноҳияи Рӯдакӣ ҳангоми ҳаракат кардан дар ҳудуди деҳаи Ҳоҷиёни ҷамоати деҳоти М.Турсунзода, аз ӯҳдаи идораи воситаи нақлиёт набаромада, пиёдагард Абдуалимов Зоир Тоирович, соли таваллудаш 1982, сокини ҷамоати деҳоти Чимтеппа-ро пахш намудааст. 

Манбаъ қайд кардааст, дар натиҷа Абдуалимов З.Т. ҷароҳати вазнини ҷисмонӣ бардошта, дар ҷойи ҳодиса ба ҳалокат расидааст.

Дар ҳоли ҳозир, кормандони милитсияи Тоҷикистон аз руи ин ҳодиса таҳқиқотро идома дорад.

Чанде пеш, Ронандаи автомашинаи тамғаи “Лексус RX-350”, Мухторов Шараф Насриддинович, соли таваллудаш 1988, сокини ноҳияи Файзобод, ҳангоми ҳаракат кардан дар роҳи автомобилгарди “Ваҳдат-Рашт”, воқеъ дар деҳаи Бӯстон, аз уҳдаи идора кардани воситаи нақлиёт набаромада, пиёдагард, Кучкинов Нуриддин Худойбердиевич, соли таваллудаш 1992, сокини ноҳияи Қубодиёнро пахш намуд

Дар натиҷа, Кучкинов ҷароҳатҳои вазнини ҷисмонӣ бардошта, дар ҷойи ҳодиса ба ҳалокат расидааст.

344
Барчаспҳо:
пахш, пиёдагард, Турсунзода, деҳа, садама, вазорати умури дохила, Тоҷикистон
Бойцы Талибан в Провинции Нанганхар, архивное фото

Такзиби даргузашти роҳбари Толибон

288
(Таҷдидшуда 19:32 02.06.2020)
Созмони террористии Толибон, ки дар Тоҷикистону Русия мамнӯъ мебошад, даргузашти роҳбари созмон бар асари коронавирусро рад кард

ДУШАНБЕ, 2 июн - Sputnik. Забеҳулло Муҷоҳид, сухангӯи Толибони Афғонистон даргузашти раиси ин гурӯҳ бар асари мубтало шудан ба Ковид-19-ро рад кард.

Ба гузориши сомонаи "Парстудей", ба нақл аз хабаргузории садо ва симои Эрон, Забеҳулло Муҷоҳид рӯзи сешанбе гузоришҳо дар бораи даргузашти Мулло Ҳебатуллоҳ Охундзодаро рад кард ва гуфт, ки вай ҳамчунон раёсати Толибонро бар ӯҳда дорад.

Манбаъ зикр кардааст, ки пеш аз ин нашрияи амрикоии  Foreign Policy дар гузорише иддао карда буд, ки саркардаи Толибони Афғонистон ба далели олуда шудан ба вируси корона ҷон бохтааст.

Ин расона афзудааст, ки бархе аз коршиносони масоили сиёсии Афғонистон бар ин боваранд, ки расонаҳои амрикоӣ қасд доранд миёни сарони Толибони ин кишвар ихтилоф эҷод кунанд, то музокироти сулҳ миёни давлати Афғонистон ва Толибон баргузор нашавад.

288

Ду донишҷӯи тоҷик мубталои коронавирус шуда, ба бемористон бистарӣ шуданд

0
Ду донишҷӯи тоҷик дар шаҳри Рибински вилояти Ярослав дар пайи сироятёбӣ аз коронавирус зери табобати пизишкон фаро гирифта шуданд

ДУШАНБЕ, 3 июн — Sputnik. Ду донишҷӯи тоҷикистонӣ дар вилояти Ярослав пас аз натиҷаҳои мусбии тахшиси коронавирус дар беморхонаи шаҳрӣ зери назорати табибон қарор гирифтанд.

Дар ин бора нашрияи минтақавии Рибинск хабар медиҳад.

"Ду донишҷӯ, шаҳрвандони Тоҷикистон ба беморхона интиқол ёфтанд. Ташхиси коронавирус дар бадани онҳо мусбӣ будаст. Аммо нафаре аз онҳо ягон нишанаи бемориро надоштаанду феълан худро хуб ҳис мекунанд", - менависад нашрия.

Ҳарду донишҷӯ ҳам дар хобгоҳи донишгоҳ зиндагӣ мекарданд. Бино бар сабаби карантин ва баста шудани роҳҳо натавонистанд ба Тоҷикистон раванд.

Боқимонда донишҷӯёне, ки дар ҳамин хобгоҳ зиндагӣ мекарданд, аз ташхис гузаштанд. Онҳо зери назорати табибон қарор доранд.

Фаврӣ: Тоҷикистон шаҳрвандонашро марҳила ба марҳила аз Русия, ба Ватан бармегардонад

 

133 донишҷӯи дигар ба карантини 14-рӯза фаро гирифта мешаванд.

 

0