Ҳалокати як ноболиғ ва ду ҷавон дар ду садамаи маргбор

1706
(Таҷдидшуда 11:15 28.05.2020)
Вазорати умури дохилаи Тоҷикистон хабар додааст, ки дар ду садамаи ахире, ки дар роҳҳои ҷумҳурӣ сурат гирифтааст, се шаҳрванди кишвар ҷони худро аз даст додааст

ДУШАНБЕ, 28  май — Sputnik. Бино бар иттилои дафтари матбуоти Вазорати умури дохилаи Тоҷикистон, санаи 26-уми майи соли равон,  ронандаи худрави “БМВ-320” Холмуродов Қурбоналӣ, сокини ҷамоати шаҳраки Ёвони ноҳияи Ёвон ҳангоми ҳаракат аз самти маркази ноҳия ба самти ҷамоати деҳоти Ҳ.Ҳусейнов дар ҳудуди ҷамоати деҳоти мазкур аз ӯҳдаи идораи воситаи нақлиёт набаромада, ба самти муқобили роҳ баромада, пиёдагарди ноболиғ, Азизов Зулфиқор Тағоймуродович, соли таваллудаш 2003, сокини ҷамоати деҳоти Ҳ.Ҳусейнови ноҳияи мазкурро пахш кард.

Баъд аз пахши пиёдагард худрав боз ба дарахти дар канори роҳ буда бархурдааст. 

ВУд қайд кардааст, ки дар натиҷа ноболиғ Азизов Зулфиқор ҷароҳатҳои вазнини ҷисмонӣ бардошта, дар беморхона ба ҳалокат расидааст.

Дар ҳамин ҳол, худи ронанда Холмуродов Қ. ҷароҳати бардошта дар беморхона бистарӣ гардидааст.

Ҳамзамон, санаи 27-уми майи соли равон, ронандаи худрави “Мерседеc-Бенс”, Абдуалимов Абумутолиб, сокини ҷамоати деҳоти Гулистони ноҳияи Рӯдакӣ ҳангоми ҳаракат кардан бо кӯчаи Айнӣ аз тарафи кӯчаи Дӯстии Халқҳо ба самти маҳаллаи Ховарон рӯ ба рӯи бинои истиқоматии №1 кӯчаи Зебуниссо аз ӯҳдаи идораи воситаи нақлиёт набаромада, ба девори бетонии маркази роҳ бархӯрдааст.

“Дар натиҷа мусофирони ин худрав Алиев Абдураҳмон, соли таваллудаш 2001, Назаров Сунатулло, соли таваллудаш 2001, ҷароҳатҳои вазнини ҷисмонӣ бардошта, дар ҷойи ҳодиса ба ҳалокат расидаанд”, - қайд намудааааст манбаъ.

Дар ҳамин ҳол, ронандаи мошин Абдуалимов А.Б. ва як мусофири дигар Сидиқов Мавлавӣ, соли таваллудаш 2001, ҷароҳати ҷисмонӣ бардошта, дар беморхона бистарӣ гардиданд.

Дар ҳоли ҳозир кормандони милитсия аз руи ин ҳодисаҳо таҳқиқотро идома доранд.

1706
Барчаспҳо:
ноболиғ, ҷавон, вазорат, шаҳрванд, маргбор, садама, Тоҷикистон
Нож в руке, архивное фото

Сокини Истаравшан зани 28 - олаашро кушту гардани худро бурид

165
(Таҷдидшуда 12:20 29.10.2020)
Нисбати сокини Истаравшан дар робита ба қатли ҳамсари худ, парвандаи ҷиноӣ бо моддаи 104 қисми 1 Кодекси ҷиноятии Тоҷикистон оғоз гардида, тафтишот идома дорад

ДУШАНБЕ, 29 окт — Sputnik. Дар шаҳри Истаравшан муноқишаи оилавии зану шавҳари ҷавон ба ҳалокати зани 28 - сола анҷомид, хабар медиҳад Вазорати умури дохилаи Тоҷикистон.

Ба иттилои манбаъ, ҳодисаи мазкур рӯзи 10 октябр, тахминан соати 13:00-дақиқа дар манзили истиқоматии зану шавҳар рух дод.

Манбаъ меафзояд, марди 30 - солаи сокини деҳаи Қадамҷои шаҳри Истаравшан бо ҳамсари 28 - солаи худ муноқиша намуда, бо корд 2 маротиба ба гарданаш задааст.

Ҳамсарро қатл ва хушдоманро захмӣ кард: боздошти сокини 27-солаи Норак бо ҷурми одамкушӣ

Дар натиҷа, ҳамсараш ҷароҳати вазнини ҷисмонӣ бардошта, дар ҷойи ҳодиса ба ҳалокат расидааст.

"Номбурда бо мақсади худро аз ҳаёт маҳрум сохтан бо корд гардани худро бурида, ҷароҳати вазнини ҷисмонӣ гирифта, дар беморхона бистарӣ гардидааст", - таъкид мешавад дар хабар.

ВУД Тоҷикистон мегӯяд, нисбати номбурда парвандаи ҷиноятӣ бо модддаи 104 қисми 1 Кодекси ҷиноятии Ҷумҳурии Тоҷикистон оғоз гардида, тафтишот идома дорад.

165
Барчаспҳо:
боздошт, мард, куштор, Истаравшан
Председатель госкомитета по инвестициям Кодири Косим

Аз заминҳои камҳосил то нархи баланди чорвою камширии говон: баҳси сиёсати аграрӣ

79
(Таҷдидшуда 11:45 29.10.2020)
Дар Душанбе вакилону роҳбарони  вазорату кумитаҳои дахлдори мамлакат лоиҳаи Қонуни Ҷумҳурии Тоҷикистон “Дар бораи сиёсати давлатии аграрӣ”-ро таҳти раёсати муовини раиси Маҷлиси намояндагони Маҷлиси Олии Ҷумҳурии Тоҷикистон Қодири Қосим баррасӣ кардаанд

ДУШАНБЕ, 29 окт — Sputnik.  Тибқи иттилои дафтари матбуотии Маҷлиси намояндагон, зимни муҳокимаи лоиҳаи қонун зиккр гардидааст, ки тибқи маълумоти оморӣ, сатҳи ҳосилнокии зироат ва маҳсулнокии чорво барои баланд бардоштани даромаднокӣ мусоидат намекунанд.

“Масалан, ҳосилнокии ғалладона ба ҳисоби миёна дар 5 соли охир дар сатҳи 28-сентнерӣ аз ҳар гектар, пахта 18,6, картошка 208, сабзавот 251,4 ва мевагиҳо 40,2-сентнерӣ қарор доранд. Ширдӯшӣ аз ҳар сар модагов ба 1706 килограмм баробар мебошад”, афзудааст манбаъ.

Гуфта мешавад, на ҳама вақт  маълумоти таҳлилӣ оид ба вазъи бозори аграрии мамлакат сари вақт пешниҳод мегарданд, ки барои танзими он зарур мебошанд.

 Зикр шудааст, ки дар мавсими ҷамъоварии ҳосил бо нархи паст харидорӣ шудани маҳсулоти соҳа, масалан пиёз аз 30 то 50 дирам, картошка 1,5 -1,8 сомонӣ,  болоравии нархҳои маҳсулоти чорвою паранда дар бозорҳои дохилӣ масъалаҳое мебошанд, ки ҳалли худро талаб мекунанд”,-мегӯяд манбаъ.

 Зимни нишаст зикр шудааст, ки сатҳи дастгирии давлатии соҳа низ ба талаботи пешбурди соҳа мусоидат намекунад.

“Дар натиҷа дар соҳа муносибатҳои иҷоравии ғайрирасмӣ ба миён омада, заминистифодабарандагони дуюм ва сеюмдараҷа сиёсати истифодаи заминро муайян мекунанд, ки ин яке аз сабабҳои зуд  — зуд тағйирёбии нархҳо мебошад. Ин ҳолат ҳамчунин сабаби аз истифодаи кишоварзӣ берун мондани қитъаҳои замин, бад гаштани ҳолати мелиоративии заминҳо ва истифодаи ғайриоқилонаи оби полезӣ  гардида истодааст”,-таъкид кардаанд, ҳозирин.

Таъкид шудааст, ки ҳоло ҳалли масъалаҳои ташаккули сохтори институтсионалӣ, муттаҳидшавии ихтиёрии хоҷагиҳои деҳқонӣ (фермерӣ) ба хоҷагиҳои калонҳаҷми кишоварзӣ, якҷояшавии (интегратсияи) онҳо бо корхонаҳои коркарду шабакаҳои савдо, ташаккули занҷираи ягонаи логистикӣ ва кластерҳои агросаноатӣ,   ҳимояи молистеҳсолкунандагони кишоварзӣ дар бозори фурӯши маҳсулот, дастгирии давлатии соҳа ва дигарҳо таваҷҷуҳи махсус талаб менамоянд.

Гуфта шудааст шароити феълии ҷаҳони афзун намудани ҳаҷми истеҳсоли ватаниро талаб мекунад ва Тоҷикистон имкони табиии афзун намудани озуқавориро дорад.

Хатлон ба 9 давлати хориҷӣ беш аз 100 ҳазор тонна маҳсулоти кишоварзӣ содирот кард

“Танҳо зарур аст, ки ҷойгиронии саноати хӣрокворӣ ва ташаккули низоми логистикӣ, яъне дар сатҳи баланд пешгирӣ намудани талафи маҳсулоти соҳа, дастгирии устувори давлатии соҳа ва дигар масъалаҳо ҳалли худро ёбанд”,- ммегӯяд манбаъ.

 

79
Глава налогового комитета Таджикистан Давлатзода Нусратулло, архивное фото

Нақша иҷро нашуд: Кумитаи андоз калонтарин "андозгурезон"-ро гуфт

118
(Таҷдидшуда 12:30 29.10.2020)
Кумитаи андози Тоҷикистон гуфтааст, сарфи назар аз чораҳои андешидашуда зарфи нӯҳ моҳи соли равон нақшаи андоз ва дигар пардохтҳои ҳатмӣ, ки ҷамъовариион ба зимаи ин ниҳод гузошта шудааст, иҷро нашудааст

ДУШАНБЕ, 29 окт — Sputnik.  Ба навиштаи нашрияи Кумита иҷрои нақшаи андозӣ 92,1% иҷро шуда, ба ҷойи ба ҷойи 8 млрд 143,3 млн сомонии пешбинишуда, ба буҷети давлатӣ 7 млрд 497,0 млн сомонӣ ворид гардид, ки нисбат ба нишондиҳандаҳои пешбинишуда 646,2 млн сомонӣ кам мебошад.

“Иҷрои нақшаи воридоти андозҳо ва пардохтҳо дар Вилояти Мухтори Кӯҳистони Бадахшон ба андозаи 104,8%, вилояти Хатлон 100,6%, вилояти Суғд 100,2%, шаҳри Душанбе 100,1% ва Раёсати андози андозсупорандагони калон, ки воридоти маблағҳо аз ин ҳисоб ба буҷети ҷумҳуриявӣ пешбинӣ шудааст - 53,0% таъмин карда шуд”,-афзудааст манбаъ.

Гуфта мешавад, бақияи қарзи андозҳо ба ҳолати 1 октябри соли 2020 дар маҷмӯъ 1021,0 млн. сомониро ташкил дод, ки нисбат ба 1 январи соли 2020 ба андозаи 440,0 млн сомонӣ зиёд мебошад.

Калонтарин қарздорон

Ба иттилои Кумита, маблағи қарзи андозҳо дар ин давра, асосан, аз ҳисоби ҶСК “НБО Сангтуда 1” ба маблағи 115,6 млн сомонӣ, ҶСК “НБО Роғун” 43,2 млн сомонӣ, КВД “Ширкати Алюминийи Тоҷик” 22,0 млн сомонӣ, ҶСК “Тоҷиктелеком” 18,8 млн сомонӣ, КВД “ММЭР” 6,7 млн сомонӣ, фурудгоҳҳо ва ширкатҳои ҳавопаймоӣ 67,8 млн сомонӣ ва дигар корхонаҳо афзоиш ёфтааст.

“Новобаста аз чораҳои зиёди аз ҷониби мақомоти андоз андешидашуда яке аз сабабҳои дар ин давра зиёд шудани бақияи қарзи андозҳо ба сари вақт ва дар ҳаҷми пурра пардохт нагардидани маблағи андозҳои ҳисобшуда аз тарафи баъзе субъектҳои хоҷагидор мебошад”,-афзудааст ин ниҳод.

Дар ин давра Кумита бо мақсади пешгирӣ аз зиёдшавии маблағи бақияи қарзи андозҳо ва ҷиҳати тибқи тартиби муқарраршуда маҷбуран рӯёнидани онҳо, дар давраи ҳисоботӣ аз тарафи мақомоти андоз нисбати 6600 андозсупорандаи қарздор 10600 адад қарор оид ба маҷбуран ситонидани андозҳо ба маблағи 756,8 млн сомонӣ қабул гардид, ки нисбат ба ҳамин давраи соли гузашта, шумораи қарорҳо 4640 адад ва маблағи қарорҳо 104,6 млн сомонӣ зиёд мебошад.

Қарзи ноҳияи Кӯшониён аз андоз наздик ба 40 миллион сомонӣ расид

Аз ин ҳисоб ва аз ҳисоби қарорҳои дар соли 2019 қабулгардида, дар маҷмӯъ, ба буҷет 711,0 млн сомонӣ ворид карда шуд, ки нисбат ба ҳамин давраи соли гузашта 163,3 млн сомонӣ зиёд мебошад.

118
Барчаспҳо:
нақша, қарздор, андоз, Тоҷикистон