Тест-системы для диагностики нового коронавируса

Ифтитоҳи озмоишгоҳи вирусологӣ дар Хуҷанд: минбаъд ташхисҳоро ба Душанбе намефиристанд

205
Дар шаҳри Хуҷанди вилояти Суғд, барои аввалин бор ташхисгоҳи вирусологӣ ба кор андохта хоҳад шуд, ки имкон дорад минбаъд таҳлили бемории вируси корона ё COVID- 19 дар он арзёбӣ карда шавад

ДУШАНБЕ, 29 май – Sputnik. Маъмури Юсуфзод, котиби матбуоти ҳукумати шаҳри Хуҷанд бо зикри ин хабар ба Sputnik Тоҷикистон гуфт, озмоишгоҳи вирусологии ҷадид дар заминаи Маркази назорати давлатии санитарию эпидемологии вилояти Суғд таъсис дода шуда, қарор аст рӯзҳои наздик расман ба кор шурӯъ намояд.

“Озмоишгоҳи мазкур бо мақсади муайян намудани умдатан бемории сироятии коронавируси нави COVID-19 таъсис дода шудааст. Ҷараёни ташхис дар он 3 зинаро дарбар гирифта, имкони дар як шабонарӯз гузаронидани 150-200 таҳлилро дорад”, афзуд Юсуфзод.

Аммо манбаъ дар бораи навъи таҷҳизоти озмоишгоҳ, аз куҷо ва бо чи қиммат хариддорӣ шудани он, иттилоъи возеҳ надод. Абдуғаффор Ҷабборов, сардори Маркази назорати давлатии санитарию эпидемологии Суғд, низ ба далели машғулияташ ба саволи мо, арзиши озмоишгоҳ ва хизматрасонии онро шарҳ дода натавонист.

“Ҳанӯз ҷараёни насби таҷҳизоти озмоишгоҳ тамом нашудааст, ва қарор аст баъди даҳ рӯз он расман ба фаъолият шурӯъ намояд”, гуфт Ҷабборов.

Ин дар ҳолест, ки Раҷаббой Аҳмадзода, раиси вилояти Суғд дирӯз дар зимни сафари кории худ, дар расми ифтитоҳи озмоишгоҳ иштирок карда, таъкид намудааст, ки фаъол гардидани чунин озмоишгоҳ дар шаҳри Хуҷанд имкон медиҳад, ки саривақт бемориҳои сироятӣ COVID-19 муайян ва пешгирӣ карда шавад.

Ба иттилоъи манбаъ ҳоло чанд нафар мутахассисоне, ки тоза курси махсуси омӯзиширо дар муассисаи давлатии "Пажӯҳишгоҳи тиббии профилактикии Ҷумҳурии Тоҷикистон" гузаштанд, дар озмоишгоҳ фаъолият намуда, минбаъд низ ба дигар кормандон тарзу усули гузаронидани таҳлилҳо омӯзонида мешавад.

Масъулони Раёсати тандуристии Суғд зикр мекарданд, ки таҳлили гумонбарон ба бемории COVID -19 барои ташхис ба озмоишгоҳи шаҳри Душанбе фиристода мешуд.

Қарор аст, бо фаъол шудани ташхисгоҳи вирусологӣ дар Хуҷанд минбаъд таҳлили беморӣ дар он арзёбӣ карда шавад. то имрӯз намунаи таҳлили гумонбарони бемории COVID-19 барои ташхис ба шаҳри Душанбе фиристода мешуд.

Коршиносони умури тандурустӣ мегуянд, ба ҳисоби бемории коронавирус дар мубориза ба ҳар навъи беморӣ ташхиси амиқи он муҳим буда, он роҳро барои дармони бемориҳо боз мегардонад.

205
Барчаспҳо:
вирус, Душанбе, ташхис, Хуҷанд, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон (968)
Медицинская каталка в больнице, архивное фото

Ҳалокати 5 донишҷӯи ҳамхона бар асари заҳролудшавӣ

322
(Таҷдидшуда 21:18 28.02.2021)
Панҷ донишҷӯ дар шаҳри Тошканд, ки дар як хона зиндагӣ мекарданд, дар пайи заҳролудшавӣ аз моддаи номаълум фавтиданд

ДУШАНБЕ, 28 фев - Sputnik. Маводи номаълум сабаби марги панҷ донишҷӯ дар ноҳияи Юнусободи шаҳри Тошканд шуд, хабар дод дафтари матбуоти Додситонии кулли Ӯзбекистон. 

Тибқи маълумоти пешниҳодшуда, донишҷӯён якҷоя дар хонаи хусусӣ дар кӯчаи Инжободи маҳаллаи Фирдавсӣ зиндагӣ мекарданд. Онҳо дар бино иҷоранишин буданд.

Манбаъ афзуд, ки ташхисгарон то ҳол натавонистаанд моддаеро, ки боиси марги донишҷӯён шудааст, муайян кунанд.

Дар байни кушташудагон, бино ба иттилои Додситонии кул, се донишҷӯи соли дуюми Донишгоҳи технологияҳои иттилоотии Тошканд, донишҷӯи соли дуюми Донишкадаи рушди менеҷменти Сингапур ва донишҷӯи соли якуми Донишгоҳи Инҳаи Тошканд ҳастанд. Тафсилоти дигари ҳодиса мушаххас карда мешавад.

Маълум аст, ки додситонии ноҳияи Юнусобод тибқи моддаи вайрон кардани қоидаҳои бехатарӣ аз сӯхтор, ки боиси марги чанд нафар шудааст, парвандаи ҷиноӣ боз кардааст. Рафти тафтишот таҳти назорати Дастгоҳи марказии Додситонии кул қарор дорад.

Қаблан дар вилояти Самарқанд панҷ нафар бо заҳролудшавӣ аз хӯрок дар беморхона бистарӣ шуда буданд. Яке аз онҳо фавтид. Маълум аст, ки дар Самарқанд консервҳои помидор боиси заҳролудшавӣ шудаанд.

322
Барчаспҳо:
ҳалокат, заҳролудшавӣ, Ӯзбекистон
Старик , архивное фото

Латукӯби пирамард дар кӯча: пулу телефонашро гирифтаанд

829
Вазорати умури дохилии Тоҷикистон аз ҳолати латукӯб ва ғорати марди солхӯрда дар шаҳри Душанбе хабар додааст

ДУШАНБЕ, 28 фев – Sputnik. Ба иттилои ВУД, ба идораи милиса дар шаҳри Ваҳдат пирамарди 73-сола муроҷиат карда, арз доштааст, ки дар кӯча мавриди латукӯб ва ғорат қарор гирифтааст.

Муроҷиаткунанда изҳор доштааст, ки  25-уми феврали соли 2021, тахминан соати 21:00, дар кӯчаи Хуросон шахси номаълум бе ягон асос ӯро лату кӯб намуда, бо роҳи зӯроварӣ аз ҷайбаш 1 адад телефони мобилии тамғаи “Алкател”  - ро гирифтааст.

Манбаъ афзуд, ҳамлагар дар баробари телефон инчунин  каме маблағро тасарруф намуда, аз ҷойи ҳодиса ғайб задааст.

Вазорати умури дохилии Тоҷикистон мегӯяд, маъмурини милиса дар пайи гузаронидани чорабиниҳои оперативӣ-ҷустуҷӯӣ марди 30-сола,  сокини шаҳри Ваҳдатро бо гумони латукӯб ва ғорати пирамард боздошт кардаанд.

Маълум шудааст, ки дастгиршуда пеш бо моддаҳои 237 ва 244-и Кодекси ҷиноятии Тоҷикистон суд шудааст.

Мақомоти умури дохилӣ мегӯянд, феълан чораандешӣ барои оғози парвандаи ҷиноятӣ идома дорад. Назари бевоситаи дастгиршуда дар мавриди иттиҳомоти эълонкардаи мақомот маълум нест.

829
Барчаспҳо:
боздошт, латукӯб, Тоҷикистон
Горы в  Таджикистане, архивное фото

Қарорҳои Ҳукумат барои тағйири номҳо: аз номи нави фурудгоҳи Хоруғ то қуллаи Боми Ҷаҳон

0
(Таҷдидшуда 22:03 28.02.2021)
Ҳукумати ҷумҳурии Тоҷикистон бо қабули як қатор қарорҳо пешниҳоди вакилони маҳаллиро барои тағйири номи муассисаҳо ва мавзеъҳои ҷуғрофӣ дар ВМКБ ҷонибдорӣ кардааст

ДУШАНБЕ, 28 фев – Sputnik. Қарорҳои Ҳукумати Тоҷикистон дар бораи номгузориҳои ҷадид зимни Маҷлиси вакилони халқи ВМКБ қироат карда шуданд.

Тибқи иттилои котиботи ҳукумати ВМКБ, фурудгоҳи шаҳри Хоруғ ба номи собиқ сардори фурудгоҳи мазкур, корманди шоистаи авиатсия ва нақлиёти ҷумҳурӣ, Махсутшоев Дилдорбек гузошта шуд.

Ҳукумати Тоҷикистон инчунин қарори Маҷлиси вакилони халқи ноҳияи Ишкошимро дар бораи тағйир додани номи қуллаи Комсомоли Украина ҷонибдорӣ намудааст. Номи нави ин қулла Боми Ҷаҳон мебошад.

Инчунин Ҳукумат қарори маҷлиси вакилони халқи ноҳияи Дарвоз дар бораи номгузорӣ намудани мактаби №39-и деҳаи Пастироҳи ноҳияи Дарвоз ба номи Сафаров Сафар ва мактаби № 23 –и деҳаи Жаки ноҳияи Дарвоз ба номи Исломов Садриддинро тасдиқ кардааст.

Маҷлиси вакилони халқи ВМКБ дар бораи номгузориҳои ҷадид қарорҳои дахлдорро қабул намудааст.

0
Барчаспҳо:
Хоруғ, фурудгоҳ, Тоҷикистон