Алюминиевый завод ТАЛКО-КРАНТАС в городе Турсунзаде

Талко Голд - тарҳи нодир ва бузургтарини Осиёи Марказӣ тирамоҳ ба кор медарояд

546
Тоҷикистон дар ҷаҳон пас аз фаъол шудани “Талко голд” дар истеҳсоли сурма ба мавқеи пешгомӣ хоҳад расид

ДУШАНБЕ, 26 авг — Sputnik. Як манбаъ дар Ширкати алюминиуми Тоҷикистон ё Талко ба Sputnik Тоҷикистон гуфт, сохтмони “Талко Голд” 80% анҷом шуда, тибқи нақша моҳи сентябр ё дери дер октябр ба кор шурӯъ хоҳад кард.

“Тамоми корҳо ба анҷом расидаанд, ба истиснои овардан ва насби таҷҳизоти истеҳсолӣ, ки ду моҳ зиёдтар вақт мегирад. Техникаи “Талко Голд” навтарин ва сохти Финландия буда, бори аввал дар Тоҷикистон мавриди истифода қарор мегирад. Ҳамин шабу рӯз масъалаи интиқоли ин техника дар миён аст. Барои насби он мо 135 мутахассис аз Чин даъват кардаем ва барои интиқоли онҳо як парвози чартерӣ ҳам дар назар аст”, - гуфт ин манбаъ.

Талко баҳори соли 2017 муҷаввизи коркарди захоири тилло дар ноҳияи Айнии вилояти Суғдро аз ҳукумати Тоҷикистон дарёфт кардааст.

Шарти ҳукумат ҳам ин буда, ки ширкатҳои хориҷӣ фақат то нисфи саҳмияҳои ширкати навро бояд дар ихтиёр дошта бошанд.

Моҳи июни соли 2018 Эмомалӣ Раҳмон, президенти Тоҷикистон санги таҳдоби сохтмони ҶСП “Талко Голд” – ро гузошт.

Корхонаи "Талко Голд" як муҷтамеъи истеҳсолии чандметалӣ буда, дар заминаи кони маъдани Кончоч, 5-километрии Искандаркӯл, воқеъ дар қаторкуҳҳои Зарафшон, дар се қитъаи истеҳсолӣ – Чӯлбоӣ, Кончоч ва Шаҳкон сохта мешавад.

“Дар иҷрои ин тарҳ 504 нафар кор мекунанд. То ба ҳол 18 километр нақбҳо канда, 60 км хати барқ бо як истгоҳ сохта шудаанд. Маҷмӯаи партовгоҳи хос низ эҷод шудааст. Сохтмони хобгоҳ барои ҳудуди 1000 коргар ва бинои идораи корхонаро низ анҷом додем. Мутахассисон дар Донишкадаи саноати корҳои кӯҳии Тоҷикистон, воқеъ дар шаҳри Гулистон (собиқ Чкаловск) муштарак бо устодони чинӣ омода шудаанд. Амалан маҳалли сохтмон ба як шаҳраки нав табдил ёфтааст”, - гуфт ҳамсӯҳбати Sputnik Тоҷикистон.

Дар умум шаш навъи маъдан, аз қабили тилло, сурма, нуқра, симоб, сафедаи симоб ва флюорит дар маҳалли кон кашф шудааст, ки бино ба додаҳои муқаддамотии “Талко”, ҳудуди 1 милллион тонро ташкил мекунад ва ҳиссаи тиллову сурма дар ин захираҳо мутаносибан 60 ва 300 ҳазор тон аст.

Пешбинӣ мешавад, ки “Талко голд” ба бузургтарин корхонаи коркарди сурма дар Осиёи Миёна табдил шавад. Дар оғози тарҳ ҳаҷми тавлиди солонаи тило 1,5, сурма - 16 ҳазор ва сафедаи сурма - 5 ҳазор тон тахмин зада мешуд.

“Ҳоло тахмини мо ин аст, ки корхона солона 2,5 тон тилло ва 21 ҳазор тон сурма истеҳсол хоҳад кард. Додаҳои ахир нишон медиҳад, ки Тоҷикистон аз рӯи захираҳои сурма – ин филизи стратегӣ дар ҷаҳон ба мақоми аввал хоҳад баромад ва аз рӯи истеҳсол дар қатори Чину Русия вориди сегона аввал дохил хоҳад шуд”, - гуфт манбаъи Sputnik Тоҷикистон.

Саҳҳомони “Талко голд” Ширкати алюминиуми Тоҷикистон ва ширкати саноати кӯҳии “Тибет-Хуаюй” мебошанд, ки ҳар кадом 50% - и саҳмияҳои сармоя оинномавии корхонаро дар даст хоҳанд дошт.

546
Мужчина тянет за волосы женщину, архивное фото

Аввал занашро корд зад, сипас худашро: шарҳи ВУД аз бистарӣ шудани ду ҷавон дар беморхона

140
(Таҷдидшуда 14:09 14.07.2020)
Ҷавони муттаҳам ба расонидани зарари вазнини ҷисмонӣ соати 1-и шаб, ба манзили падарарӯсаш ба назди ҳамсараш рафта, ҷанҷол намуда, сипас кордкашӣ кардааст

ДУШАНБЕ, 14 июл — Sputnik. Вазорати умури дохилаи Тоҷикистон ҳодисаи кордкашӣ дар ноҳияи Кушониёнро, ки дар пайи онр ду ҷавон - зану шавҳар дар беморхона бистарӣ шудаанд, тавзеҳ додаст.

Бино бар иттилои манбаъ, ҳодиса шаби 13 июл рух додааст.

ВУД менависад, "дар натиҷаи гузаронидани чорабиниҳои оперативӣ-ҷустуҷуӣ аз ҷониби кормандони милитсия муайян карда шуд, ки марди 30-солаи сокини ҷамоати деҳоти Навбаҳори ноҳияи Кушониён шаби 13-уми июли соли 2020, тахминан соати 01:00 ба хонаи падарарусаш рафтааст".

Гуфта мешавад, ӯ бо ҳамсараш, зани 25-солаи сокини ҷамоати шаҳраки Бохтариёни ҳамин ноҳия ҷангу ҷанҷол намуда, бо корди дар дасташ буда, 2-маротиба ба узвҳои муҳими бадани охирон зада, сипас бо корди дар дасташ буда, 2-маротиба ба узвҳои бадани худаш зада ҷароҳати вазнини ҷисмонӣ бардошта, дар беморхонаи ноҳия бистарӣ гардидаанд.

Боздошти сокини ноҳияи Кушониён, ки дар ҳолати мастӣ ҳамсарашро шаш корд зад

Сабаби ин амали ҷвон маълум нест.

Аз руи ин ҳодиса тафтишот идома дорад.

 

140
Арест, архивное фото

Боздошти ронандае, ки зани 62 - соларо пас аз пахш кардан ба бемористон бурду гурехт - акс

604
(Таҷдидшуда 18:35 13.07.2020)
Раёсати умури дохилии дар шаҳри Душанбе аз боздошти ронандаи фирорӣ хабар медиҳанд, ки зани 62 - соларо бо мошинаш пахш намуд

ДУШАНБЕ, 13 июл — Sputnik.  Бар хабари РВУД дар шаҳри Душанбе, ронандаи автомашинаи номаълум, рӯзи 11-уми июл, тахминан соатҳои 21:20 дақиқа дар рӯ ба рӯи тарабхонаи "Тоҷ" зани 62 - соларо пахш намуд, ки дар натиҷа пиёдагард ҷароҳати ҷисмонӣ бардоштанд.

Водитель совершивший наезд на пешехода
Водитель совершивший наезд на пешехода

Манбаъ меафзояд, ронанда пас аз пахш намудани пиёдагард ӯро фавран ба бемористон интиқол медиҳад ва худат ба самти номаълум ғайб мезанад.

"Вобаста ба ҳолати мазкур ҷиҳати муайян намудани ронандаи фирорӣ аз ҷониби кормандони мақомоти корҳои дохилӣ як қатор чорабиниҳои дахлдори оперативӣ-ҷустуҷӯӣ роҳандозӣ карда шуда, дар натиҷа ронандаи мазкур боздошт ва ба ШБДА Раёсати ВКД дар шаҳри Душанбе дастрас карда шуд", - таъкид мешавад дар хабар.

“Лада-Приора” бо “Опел-Астра”: Боздошти ду ҷавон барои ташкили пойгаи шабона дар Душанбе

Муайян гардид, ки ронандаи автомашинаи мазкур шаҳрванд Худойназаров Азизҷон Додарович, соли таваллудаш 1994, истиқоматкунандаи ш. Турсунзода деҳаи Ширкент мебошад, ки номбурда тавассути автомашинаи шахсиаш тамғаи Опел-Астра рақами қайди давлатиаш 7994 АТ 01 ин садамаи нақлиётиро содир намудааст.

Айни замон ҷиҳати муайян намудани сабабу омилҳои садамаи мазкур таҳқиқ идома дорад.

604
Барчаспҳо:
акс, ронанда, боздошт
Рогунская ГЭС

Ҳодисаҳои нохуш дар саноат: ҳалокати 1 ва ҷароҳати 9 кас ҳангоми сохтмони "Роғун"

0
Дар умум, дар кори ширкату сохтмонҳои Тоҷикистон 3 нафар ба ҳалокат расида, 13 тани дигар ҷароҳатҳои гуногун гирифтаанд

ДУШАНБЕ, 14 июл — Sputnik. Санъат Раҳим, раиси Хадамоти назорати давлатии бехатарии корҳо дар саноат ва соҳаи кӯҳкории назди Ҳукумати Тоҷикистон зимни нишасти матбуотии ин ниҳод бо эълони ин омор гуфт, аксари ин мурдану ҷароҳатбардориҳо дар пайи беэҳтиётӣ ва риоя накардани қоидаву техникаи бехатарии кор рух додааст.

“Бештарин маворид ба кори ширкатҳое, ки дар сохтмони нерӯгоҳи барқи обии Роғун рост меояд. Худи коргарон ё раҳбарони онҳо аз ин ки ғайриҳирфаӣ будаанд, аз қоидаву техникаи бехатарии кор хабар надоштаанд ё беэҳтиётӣ кардаанд. Коргарон ва омилони дигари ин ҳодисаҳои нохуш муҷозот шуда, ба ниҳодҳои ҳифзи ҳуқуқ пешниҳод шуд, ки афроди ғайриҳирфаӣ аз вазифа барканор шаванд”, - гуфт Санъат Раҳим.

Тибқи иттилои Хадамоти назорати давлатии бехатарии корҳо дар саноат ва соҳаи кӯҳкорӣ, дар сохтмони нерӯгоҳи Роғун ҳангоми кор як нафар ба ҳалокат расида, 9 нафари дигар захмӣ шудаанд. Бино ба ин манбаъ, дуввумин ширкате, ки ҳамчунин маворидро таҷриба кардааст, ширкати кӯҳии Тоҷикистону Хитой аст. Ҳангоми кор дар ин ширкат ду нафар ба ҳалокат расида, ду нафари дигар ҳам ҷароҳат гирифтаанд.

Ба ҳамин минвол, тайи ним соли равон аз ҳодисаҳои нохуш ҳангоми кор якнафарӣ коргарони ширкатҳои “Талко”, Маркази илмӣ – техникии Ҳуавей дар Зарнисор ва “Анзоб” низ захмӣ шудаанд.

 

0