Преступник за решеткой

Пулҳоро мегирифтанду ғайб мезаданд: боздошти қаллобони заминфурӯш

806
(Таҷдидшуда 14:05 12.06.2020)
Вазорати умури дохилаи Тоҷикистон аз ошкор намудани чанд ҳолати қаллобӣ хабар дод. Гуфта шудааст, ки гумонбарон дар содир намудани ин кирдорҳои қаллобӣ боздошт шудаанд

ДУШАНБЕ, 12 июн – Sputnik. Бино бар иттилои дафтари матбуоти вазорати умури дохилаи Тоҷикистон, зимни як амалиёт аз ҷониби кормандони милитсия ҷавони 25-солаи сокини шаҳри Бӯстон ҳамчун гумонбар дар содир намудани кирдори қаллобӣ дастгир када шуд.

Тибқи иттилои ВУД Тоҷикистон номбурда моҳи декабри соли 2019, бо роҳи фиреб ба боварии марди 33-солаи сокини шаҳри Конибодом даромада бо баҳонаи аз ҳудуди ҷамоати деҳоти Э.Шарипов гирифта додани қитъаи замини наздиҳавлигӣ дар масоҳати 0,25 га, 40 ҳазор сомониро гирифта, ба эҳтиёҷоти худ сарф намудааст.

Вазорати умури дохила қайд кардааст, ки нисбати гумонбаршаванда парвандаи ҷинояти бо моддаи 247 қисми 3 Кодекси ҷиноятии Тоҷикистон оғоз карда шуда, тафтишот идома дорад.

Ҳамзамон манбаъ зикр намудааст, ки ба ШВКД дар шаҳри Ваҳдат марди 56-солаи сокини ҷамоати деҳоти Симганҷи шаҳри мазкур муроҷиат намудааст, охирҳои соли 2015, марди 34-солаи сокини ҳамин шаҳр бо роҳи фиреб ба бовариаш даромада бо баҳонаи аз ҳудуди деҳаи Тангаи гирифта додани қитъаи замини наздиҳавлигӣ дар масоҳати 0,06 га, 10 ҳазор доллари амрикоиро гирифта, ба эҳтиёҷоти худ сарф намудааст.

ВУД Тоҷикистон хабар додааст, ки дар ҳоли ҳозир, нисбати ҳодисаи мазкур низ тафтишот идома дорад.

806
Барчаспҳо:
заминфурӯшӣ, боздошт, гумонбарон, ҳолат, қаллоб, вазорати умури дохила, Тоҷикистон
Маросими дафни Баҳром Гафурӣ

Сипоси падари Баҳром Ғафурӣ ба ғамшарикони хонадонаш

105
Хонаводаи Бахром Ғафурӣ, овозхони марҳуми тоҷик, ба тамоми дӯстону азизоне, ки тариқи шабакаҳои иҷтимоӣ ва расонаҳо ғамшарикӣ кардаанд, изҳори сипос кардааст

ДУШАНБЕ, 12 авг — Sputnik. Баҳром аввал ба шумо – миллати бошараф ва мухлисони азизаш, сипас ба хонаводаи мо тааллуқ дошт, омадааст дар изҳороти хонаводаи мотамзада.

“Аз замин то осмон аз якояки шумо миннатдорем. Худованд ҳамаи шуморо аз балову офатҳои заминиву осмонӣ нигаҳбон бошад!”, - дуо кардаанд аҳли байти сароянда.

Сипосномаро яке аз дӯстони хонавода, рӯзноманигор Фахриддини Холбек дар саҳифаи фейсбукияш аз номи падари хонадон - амаки Шамсиддин, бародарони Баҳром - Анвар, Музаффар, Вайсиддин, писаронаш – Анӯшервон ва Эҳсон ва бақияи аъзои хонаводаи Баҳром Ғафурӣ нашр кардааст.

Баҳром Ғафурӣ бар асари садамаи маргбор санаи 7-уми августи соли равон, тахминан соати 04:00 ҷон дода буд.

Бино бар иттилои ВКД, ронандаи автомашинаи тамғаи “Ланд-крузер-200”, рақами қайди давлатиаш 01-57JJ01, Анварзода Ислом Қурбон, соли таваллудаш 1991, муовини прокурори ноҳияи Фирдавсӣ, дар хиёбони Рӯдакии шаҳри Душанбе суръати автомашинаро баланд карда, ба автомашинаи тамғаи “Камаз” бархӯрдаааст. .

Ба иттилои мабаъ, дар натиҷа мусофири дохили автомашинаи мазкур Баҳром Ғафурӣ, соли таваллудаш 1976, сароянда, дар ҷойи ҳодиса ба ҳалокат расидааст.

Ҳамзамон манбаъ қайд кардааст, ки худи ронанда Анварзода ва мусофири дигари автомашина Зарипов Баҳодур, соли таваллудаш 1986, сокини деҳаи Кангурти ноҳияи Темурмалик ҷароҳатҳои ҷисмонӣ бардошта, дар беморхона бистарӣ гардидаанд.

105
Барчаспҳо:
ҳалокат, садама, овозхон, Тоҷикистон
Последствия разрушений после селевого потока в Пенджикенте

Ҳушдори Кумитаи ҳолатҳои фавқулода аз омадани сел дар ВМКБ

81
(Таҷдидшуда 12:53 12.08.2020)
Давоми чанд рӯзи оянда обшавии пиряхҳо метавонад боиси фаромадани сел дар қаламрави Вилояти Мухтори Кӯҳистони Бадахшон гардад

ДУШАНБЕ, 12 авг — Sputnik.  Кумитаи ҳолатҳои фавқулода ва мудофиаи граждании Тоҷикистон мегӯяд, давоми се рӯзи оянда дар Вилояти Мухтори Кӯҳистони Бадахшон имкони омадани сел дар назар аст.

Ба иттилои дафтари матбуотии ин ниҳод, чунин ҳодисаи табиӣ метавонад  дар минтақаҳои Ванҷ, Шуғнон ва Ишкошим рух диҳад.

Манбаъ мегӯяд, гармии бефосилаи тобистон ва баланшавии ҳарорат сабаби обшавии пиряхҳо ва  омадани селро дар пай дошта бошад.

Хатарнок: КҲФ ҷойҳои мамнӯъ барои оббозӣ ва истироҳатро нишонгузорӣ мекунад

КҲФ аз шаҳрвандон даъват кардааст, ки дар минтақаҳои кӯҳистон  ҳангоми чаронидани чорво, ҷамъоварии ҳезум, моҳидорӣ ва сайёҳӣ дар кӯҳҳо эҳтиёткор бошанд.

Офатҳои табиӣ ба вилояти Суғд зиёда аз 14 миллион сомонӣ хисорот овардааст

Ёдрас мешавем, ҳарорати баланди то 44 дараҷа сар моҳи май дар Тоҷикистон идома дорад.

 

81