Праздничный намаз на Иди Курбон в Душанбе

Кумитаи дини Тоҷикистон гузориши ИМА оид ба озодии диниро интиқод кард

453
(Таҷдидшуда 11:20 13.06.2020)
Кумитаи дин, танзими анъана ва ҷашну маросими назди Ҳукумати Тоҷикистон  эътимоднокии гузориши Департаменти давлатии ИМА оид ба озодиҳои диниро шарҳ дод

ДУШАНБЕ, 13  июн — Sputnik.  Кумитаи дини Тоҷикистон гуфтааст, гузориши Департаменти давлатии ИМА оид ба озодии динӣ аз воқеият дур аст, хабар медиҳад "Ховар".

Дар шарҳи ин ниҳоди динии кишвар гуфта мешавад,  гузориш на бар пояи хулосаҳо ва маълумоти оморӣ ва тасдиқшуда, балки ба иттилооти ВАО асос ёфтааст.

Афшин Муқим, сухангӯи Кумитаи дин мегӯяд, ки хулосаҳои гузориш вазъи воқеиро инъикос намекунанд.

Ин ниҳод алоҳида  ба масъалаи таблиғи либоси миллӣ таваҷҷӯҳ зоҳир кардааст.

“Интиқоди Амрико аз фишор ба либоспӯшии мазҳабӣ дуруст нест. Чун дар кишвар ягон қонун барои шаҳрвандон пӯшидани либоси хосеро муқаррар накардааст. Ин ҳаққи конситутсионии ҳар шаҳрванд аст”, — гуфтааст Афшини.

Номбурда гуфтааст, ҳар гуна тарғиб барои пӯшидани либоси миллӣ танҳо ба хотири ҳифзи асолати фарҳанги миллӣ аст.

Амрико Тоҷикистонро ба нақзи озодиҳои динӣ муттаҳам мекунад

Ёдовар мешавем, ахиран Амрико Тоҷикистонро мувофиқи қонун "Дар бораи озодиҳои мазҳабии байналмилалӣ" аз соли 1998, ҳамчун кишвари ташвишовар эътироф кард.

 

453
Исправительная колония, архивное фото

Фирори маҳбусон аз зиндоне дар Доғистон: миёнашон зодаи Тоҷикистон низ будааст

35
(Таҷдидшуда 12:05 23.09.2020)
Шаш маҳбуси хатарнок аз зиндоне дар Доғистон бо роҳи кофтани нақб фирор кардаанд, ки миёнашон як зодаи Тоҷикистон низ будааст

ДУШАНБЕ, 23 сен - Sputnik. Дар Доғистон, шаби чоршанбе шаш маҳбус нақб сохта, аз колонияи ислоҳии рақами 2-и деҳаи Шамхал фирор кардаанд, хабар медиҳад раёсати минтақавии Хадамоти федералии иҷрои ҷазо.

Хабаргузории ТАСС дар такя ба манобеяш аз мақомоти амниятии ҷумҳурӣ навиштаас, ки яке аз фироркардагон зодаи Тоҷикистон буда, боқимонда зодагони Доғистон мебошанд.

Гуфта мешавад, маҳбусон нақб кофтаву баъдан, тавассути он фирор кардаанд.

Инчунин, ба гуфтаи як манбаъ аз мақомот, аз шаш маҳбуси фирорӣ чаҳор нафар ба мӯҳлатҳои аз 8 то 15 соли зиндон ҳукм доштанд.

Ба иттилои манбаъ, ду нафари онҳо барои куштор зиндонӣ шуданд, боқимонда барои ҷиноятҳои марбут ба маводи мухаддир ҳукм гирифтаанд.

Барои ёфтани онҳо гурӯҳҳои эҳтиётӣ ва таъқиботӣ фиристода шуданд, ҷустуҷӯ идома дошта, постҳои муваққатӣ ташкил карда шудаанд, омадааст дар иттилоия.

Талоши Кумитаи дин барои баргардонидани маҳбусон аз роҳи ифротгароӣ

Манбаъ мегӯяд, ҳамзамон, роҳнамо дар бораи гурезагон ба ҳамаи шӯъбаҳои минтақавии Вазорати корҳои дохилӣ фиристода шуда, тамоми қувва барои ҷустуҷӯи онҳо равона карда шудааст.

"Ҳоло ҷустуҷӯи фирориён вазифаи аввалиндараҷаи ВКД аст" гуфт сухангӯи хадамоти матбуот.

35
Детская игрушка возле дороги

Ҳодисаҳои мудҳиши нақлиётӣ: ноболиғ духтари амакрову бобо набераро пахш кард

83
(Таҷдидшуда 11:21 23.09.2020)
Вазорати умури дохилии Тоҷикистон аз рухдоди як садамаи мудҳиши нақлиёти хабар медиҳад, ки дар пайи беэҳтиётии ноболиғ сар задааст

ДУШАНБЕ, 23 сен - Sputnik. Ба иттилои манбаъ, ҳодиса санаи 21-уми сентябри соли ҷорӣ, тахминан соатҳои 17:10-дақиқа сар задааст.

Ба иттилои манбаъ, ноболиғ Ш.И., соли таваллудаш 2007, сокини ҷамоати деҳоти К.Исмоилов, бе ҳуҷҷати ронандагӣ автомашинаи тамғаи “Тайота-Фледер”-ро, ки ба амакаш Шамсов Алишер Қурбоналиевич тааллуқ дорад, гирифта, ҳангоми ҳаракат кардан дар деҳаи мазкур аз уҳдаи идора намудани автомашина набаромада, духтари амакаш, хурдсол Шамсова Оишамо Далеровна, соли таваллудаш 2018-ро пахш намудааст.

Манбаъ мегӯяд, дар натиҷа, хурдсол Шамсова Оишамо Далеровна ҷароҳатҳои вазнини ҷисмонӣ бардошта, ҳангоми ба беморхона дастрас намудан дар роҳ ба ҳалокат расидааст.

ВУД мегӯяд, ҳамзамон санаи  22-юми сентябр, тахминан соатҳои 22:00-дақиқа, ронандаи автомашинаи тамғаи "Старекс", Қушоқов Хушбахт Холмирзоевич, соли таваллудаш 1968, сокини ҷамоати деҳоти Ҷавкандаки шаҳри Истаравшан, аз уҳдаи идора намудани автомашина набаромада, дар назди манзили истиқоматиаш набераи ноболиғаш, Қушоқов Амир Давлатназарович, соли таваллудаш 2015-ро пахш намудааст.

Ҳалокати як ноболиғ ва ду ҷавон дар ду садамаи маргбор

Гуфта мешавад дар натиҷа, ноболиғ Қушоқов А.Д. ҷароҳатҳои вазнини ҷисмонӣ бардошта, дар беморхона ба ҳалокат расидааст.
Аз рӯи ин ҳодисаҳо таҳқиқот идома дорад.

83
Барчаспҳо:
фавт, ноболиғ, садамаи маргбор, Тоҷикистон