Писари Никита Хрушёв вафот кард

375
(Таҷдидшуда 09:49 19.06.2020)
Писари Никита Хрушёв, роҳбари вақти Иттиҳоди Шӯравӣ Сергей Хрушёв дар синни 84-солагӣ аз олам даргузашт

ДУШАНБЕ, 19  июн — Sputnik. Писари котиби якуми роҳбари вақти Кумитаи марказии Ҳизби коммунистии Шӯравӣ Никита Хрушёв вафот кард, менависад рӯзномаи "Известия" бо такя ба дӯсти наздики фавтида Марк Харрисон.

Сергей Хрушёв дар синни 84-солагӣ аз олам даргузашт.

"Ӯ имрӯз фавтид. Бубахшед, ки дигар дар ин бора гуфта наметавонам - ин вазъи фоҷианок аст" гуфтааст Харрисон.

Сергей Никитич Хрушёв публитсист, олими Шӯравӣ, русу амрико  ва фарзанди котиби якуми роҳбари вақти Кумитаи марказии Ҳизби коммунистии Шӯравӣ Никита Хрушёв буд. Дорандаи унвони доктори илмҳои техникӣ, профессор ва Қаҳрамони Меҳнати Сотсиалистӣ (1963) мебошад.

Сергей Хрущев 2 июли соли 1935 дар Маскав ба дунё омадааст. Соли 1952 мактаби миёнаи рақами 110-и Маскавро бо медали тилло хатм кардааст.

Соли 1958 вай факултети электровакуумӣ ва асбобҳои махсуси Донишгоҳи энергетикии Москваро бо дипломи дараҷаи идоракунии системаҳои автоматикӣ гирифтааст.

Соли 1959 Хрущев барандаи ҷоизаи Ленин гардид.

Соли 1991 Хрушёв ба Донишгоҳи Браун даъват карда шуд, то дар бораи таърихи ҷанги сард лексияҳо хонад. Баъд аз ин, вай Иёлоти Муттаҳидаро ҳамчун макони доимии худ интихоб кард.

Аз соли 1999 шаҳрвандии Русия ва Амрикоро соҳиб шуд.

Ӯ соли 1934 бо Галина Шумова хонадор шуд, ки аз онҳо ду писар Никита Хрушёв ва Сергей ба дунё омад. Онҳо пас аз 17 сол аз ҳам ҷудо шуданд.

Пас аз расман ҷудо шудан бо Галина Шумова, писари роҳбари вақти ИҶШС бо Олга Крейдик аз Душанбе издивоҷ кард. Чанд муддат вай бо ӯ дар Маскав зиндагӣ карда, баъдтар ҷудо шуданд.

Ҳамсари сеюми Сергей Хрушёв Валентина Голенко буд, ки бо ӯ ба ИМА кӯчид.

375

Дарёфти қабристони ғайрирасмии муҳоҷирон дар Якутия  

41
(Таҷдидшуда 09:58 07.07.2020)
Мақомоти тафтишоти ҷумҳурии Саха аз дафрёфти як қабристони ғайрирасмии мқҳоҷирин дар наздикии шаҳри Якутия иттилоъ додаанд

ДУШАНБЕ, 7 июл — Sputnik. Бино ба иттилои дафтари матбуотии мақомоти тафтишотии Саха қабристони ғайрирасмии муҳоҷирин рӯзи 5 июл дар ҳудуди маҳаллаи Птицефабрика шаҳри Якутск, пойтахти ҷумҳурии Саха -и Русия ёфт шудааст.

Ба иттилои манбаъ,  ин қабристонро 300 метр дуртар аз қабристони расмӣ дар даруни ҷангал бо 5 қабр ёфтаанд.

"Ҳувияти ду нафари дафншуда муайян карда шуд ва барои муайян кардани се нафари дигар чораҳо андешида мешаванд",-омадааст дар иттилоияи мақомоти тафтишотӣ.

Қабрҳоро сокинони маҳаллӣ пайдо карданд, хабар медиҳад SakhaNews. Гуфта мешавад, ки ҳама қабрҳо наванд.

Парфирий Шестаков, директори корхонаи давлатии “Ритуал” гуфтааст, ду қабр ба шаҳрвандони Тоҷикистон ва Қирғизистон тааллуқ дорад ва барои муаян кардани боқимонда дафншудаҳо ҷамъиятҳои муҳоҷирони Якутск ҷалб хоҳанд кард.

41
Доллары в конверте, архивное фото

Боздошти афсар барои талаби пора аз бародари сарбоз

73
(Таҷдидшуда 09:39 07.07.2020)
Агентии молиявӣ ва мубориза бо коррупсияи Тоҷикистон аз боздошти афсаре хабар медиҳад, ки аз бародари як сарбоз маблағ талаб кардааст

 

ДУШАНБЕ, 7 июл — Sputnik. Бо иттиҳоми гирифтани пора афсар Ёрмаҳмад Нуров боздошт гаштааст, хабар медиҳад, дафтари матбуотии Агентӣ.

Бино ба иттилои дафтари матбуотии Агентӣ Ёрмаҳмад Нуров барои дар қисмҳои ҳарбии гарнизони Душанбе ҷойгир намудани шаҳрванд “А”, ки барои хизмати ҳарбӣ даъват гардида буд, бо роҳи фиреб ва суиистифодаи боварӣ аз бародараш шаҳрванд “Б” маблағи 1200 доллари ИМА талаб намуд.

Манбаъ мегӯяд, дар натиҷаи гузаронидани чорабиниҳои оперативӣ–тафтишотӣ Нуров Ё.Г. баъди аз шаҳрванд “Б” гирифтани маблағи 1200 доллари ИМА дастгир гардида, маблағи мазкур ҳамчун далели шайъӣ аз ӯ  дарёфт ва гирифта шуд.

Гуфта мешавад, дар ин асос нисбати Нуров Ё.Г. бо моддаи 247 қисми 4 банди “б” Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шуда, баъди анҷоми тафтиши пешакӣ ба мақомоти прокуратура ирсол карда шуд.

Дафтари матбуотии Агентӣ дар бораи мақом ва рутбаи афсар иттилоъ надодааст.

73
Барчаспҳо:
Агентии мубориза бо фасоди молӣ, боздошт, пора, сарбоз, Афсар, Тоҷикистон