Преступник за решеткой

22 соли зиндон барои қатли зану фарзанди бародар

557
Додгоҳи Вилояти Суғд Сайфиддинов Парвизҷонро дар қатли ваҳшиёнаи фарзанд ва ҳамсари бародараш муттаҳам донита 22 сол равонаи зиндон кардааст

ДУШАНБЕ, 19  июн — Sputnik. Тибқи иттилои дафтари матбуотии Додситони кулли Тоҷикистон Сайфиддинов Парвизҷон дар манзили истиқоматиаш, воқеъ дар ноҳияи Бобоҷон Ғафуров, деҳоти Хистеварз бо ахли оилаашон зиндагонӣ карда, бинобар рафтору кирдори ҳамсари бародараш Абдусаломзода С., ки ӯро мунтазам бо баҳонаи бекоргардию тайёрхӯрӣ таҳқир менамуд, бадбинӣ пайдо намудааст.

© Sputnik / Максим Блинов

Ба иттилои манбаъ, Сайфиддинов Парвизҷон ҳамчунин нисбати духтарчаи ҳамсари бародараш, хурдсол Аюбова Қ.С. низ нафрат намуд, ки аз шавҳари аввалаи Абдусаломзода С. буда, ҳамроҳи модараш ҳамчун узви оилаи бародараш зиндагӣ мекард.

Манбаъ мегӯяд, бо сабаби ҷанҷоли оилавӣ ду маротиба бе иҷозати шавҳар ва падару модари ҳамсараш ба хонаи падару модари худ ба шаҳри Исфара рафтани Абдусаломзода С.-ро ӯ камоли беэҳтиромию нописандӣ нисбати падару модараш ҳисобида, баҳри ҷазо додан нақшаи қасди куштори онҳоро мекашад.

Дафтари матбуотии Додситонӣ мегӯяд, Сайфиддинов Парвизҷон бо мақсади амалӣ намудани нақшаи ҷинояткоронааш дар манзили истиқоматиашон хурдсол Аюбова Қ.С.-и шашсоларо бо истифодаи корди хоҷагӣ ба узвҳои ҳаётан муҳими ӯ зада, номбурдаро ба ҳалокат мерасонад.

Қатли модарандар аз сӯи ноболиғи 17 сола: як корд ба пушташ задааст

Гуфта мешавад,  вақте модар барои наҷоти тифли хурдсолаш меояд Сайфидинов ӯро низ бо бераҳмии махсус ба узвҳои ҳаётан муҳимаш корд задааст, ки номбурда аз таъсири ин ҷароҳатҳои халандаи рагҳои калони хунгарди қисми чапи гарданаш ва хунравии зиёд ба ҳалокат расидааст.

Қаҳрамони филми "Дар орзуи падар" муҷозот шуд: додгоҳ Меҳрубонро 15 сол зиндон кард

Прокуратураи генералӣ мегӯяд, пас аз боздошт ва баррасии парванда бо ҳукми суди вилояти Суғд Сайфидинов Парвизҷон дар содир намудани куштор гунаҳгор дониста шуда, 22 сол равонаи зиндони низомаш сахт гардид.

 

557
Новорожденный

Вазорат гуфт, дар Тоҷикистон таваллуд каму фавт зиёд шуд

62
Вазорати адлияи Тоҷикистон мегӯяд, тайи шаш моҳи соли ҷорӣ дар Тоҷикистон нисбат ба ҳамин давраи соли гузашта 2540 нафар шаҳрвандон зиёд фавтидаанд

ДУШАНБЕ, 13 июл – Sputnik.  Ин нуктаро Музаффар Ашуриён, вазири адлияи кишвар имрӯз зимни як нишасти хабарӣ ба рӯзноманигорон изҳор дошта гуфт, тайи шаш моҳ дар кишвар 18 ҳазору 777 нафар фавтидаанд.

Ба иттилои манбаъ, ин нишондиҳанда  дар ҳамин давраи соли гузашта ба  16 ҳазору 229 нафар баробар буд.

Музаффар Ашуриён, гуфт шаҳрвандони кишвар ан танҳо аз коронавирус фавтиданд, бал ки аз бемориҳои мисоли қалбу раг ва ғайраҳо.

Тибқи иттилои вазир, давоми шаш моҳи соли ҷорӣ нисбат ба ҳамин давраи соли гузашта 5 ҳазору 274 кӯдак кам таваллуд шудааст.

Ба иттилои манбаъ дар нимсолаи  ҷорӣ дар ҷумҳурӣ 101 ҳазору 141 тифли навзод ба қайд гирифта шуда, ки  ин нишондиҳанда  дар ҳамин давраи соли гузашта - 106 ҳазору 415 нафар баробар буд.

62

Хадамоти алоқа гуфт, дар Тоҷикистон чи қадар истифодабарандаи интернету симкор аст

74
Хадамоти алоқаи Тоҷикистон гуфт, чи қадар аҳолии Тоҷикистон истифодабандагони фаъоли интернет ва телефонҳои мобилӣ мебошанд

ДУШАНБЕ, 13 июл – Sputnik.  Илҳомҷон Атоев, муовини раиси Хададамоти алоқа имрӯз зимни як нишасти хабарӣ гуфт,  теъдоди муштариёни мобилии сабтшуда дар Тоҷикистон 7 миллиону 25 ҳазору 830 нафарро ташкил медиҳад.

Тибқи иттилои манбаъ, шумораи муштариёни фаъоли мобилӣ дар кишвар 5 миллиону 325 ҳазору 978 нафар мебошанд.

Манбаъ мегӯд, шумораи корбарони интернет дар кишвар, бо назардошти корбарони интернети мобилӣ, 3,18 миллион нафарро ташкил медиҳад.

То 1 июли соли ҷорӣ шумораи муштариёни ҶСШК “Тоҷиктелеком”,  ки зери назорати Хадамот аст,   276 ҳазору 796 нафарро ташкил додааст, ки нисбат ба ҳамин давраи соли  гузашта 9 ҳазору 574 муштарӣ камтар аст.

Илҳомҷон Атоев гуфт,  то 30 июни соли 2020, бақайдгирии сим-кортҳои мобилӣ бо шиносномаҳои баъди (ID-корт) соли 2014 ба 4 миллиону 68 ҳазору 537 муштарӣ расид.

Интиқоди Раҳмон аз интернети суст ва дастур ба Хадамоти алоқа

Ба гуфти ӯ,  ҳоло 2 миллиону 957 ҳазору 293 нафар шахсоне, ки SIM-кортҳо дар шиносномаҳои намунаи соли 1996 ба сабт шудаанд, то ҳол азнавбақайдгириро нагузаштаанд.

Ёдовар мешавем, қаблан мӯҳлати азнавбақайдгирии SIM-кортҳо то 15 феврали соли 2020 буд ва баъдан пурра то моҳи феврали соли 2022 тамдид карда шуд.

74
Здание администрации города Хорог, архивное фото

Ниқоб пӯшеду фосиларо нигоҳ доред: идомаи корҳои фаҳмондадиҳӣ дар Бадахшон

0
(Таҷдидшуда 15:54 13.07.2020)
"Маркази ҷумҳуриявии ташаккули тарзи ҳаёти солим" барои пешгирӣ аз паҳншавии маризии коронавирус дар Вилояти Мухтори Кӯҳистони Бадахшон корҳои фаҳмондадиҳӣ мегузаронад

ДУШАНБЕ, 13 июл – Sputnik. Бо мақсади пешгирии бемории COVID-19 мутахассисони Муассисаи давлатии “Маркази ҷумҳуриявии ташаккули тарзи ҳаёти солим” дар вилоятҳо ва шаҳру ноҳияҳои кишвар дар байни аҳолӣ  корҳои фаҳмондадиҳиро ба роҳ мондаанд, хабар медиҳад агентии Ховар.

Ба иттилои манбаъ, чунин як чорабинии оммафаҳмонӣ аз ҷониби кормандони ин муассиса дар ВМКБ гузаронида шуд.

Зимни вохурӣ аз сокинони ин вилоят даъват ба амал оварданд, ки аснои сайругашт дар кӯчаҳо ҳатман ниқоби тиббӣ пӯшанд ва ҳамзамон фосилаи иҷтимоиро риоя кунанд.

Дастури президент: Ширин Исматуллозода ба ВМКБ сафар кард

Қобили зикр аст, ки чунин чорабиниҳои оммафаҳмонӣ аз ҷониби мутахассисони марказҳои ҷумҳуриявии ташаккули тарзи ҳаёти солим дар дигар шаҳру ноҳияҳои кишвар низ доир гардида истодаанд.

Ёдрас мешавем, чанде пеш, баҳри пешгирӣ аз паҳншавии бемории сироятии COVID-19 ва табобати он ширкати "Хрустал"  ба  муассисаҳои тандурустии Вилояти Мухтори Кӯҳистони Бадахшон  кумаки навбатӣ расонид, ки он аз  либосҳои бисёркаратаи муҳофизатӣ, ниқобу маҳлулҳои зиддисептикӣ ва доруворӣ иборат мебошад.

Даргузашти шоира Гулнисои Ризвоншо

Сардори раёсати тандурустии  вилоят Фарид Музаффаров гуфт, ки ин ширкат ба муассисаҳои табобатии вилоят 10 ҳазор ниқоб, 179 дона либосҳои бисеркаратаи муҳофизатӣ, маҳлулҳои зиддисептикию доруворӣ  тақдим  намудааст.

Ба изҳори ӯ, ҳамаи ин маводҳо дар анборхона захира карда мешаванд ва дар ҳолати зарурӣ ба муассисаҳои табобатӣ дастрас карда мешаванд.

0
Барчаспҳо:
корҳои фаҳмондадиҳӣ, Бадахшон