Градусник с горячим чаем

Баҳси чойи хунук бо худкушии зану ҳабси шавҳар анҷомид: фоҷиа дар оилаи Раҳимовҳо

894
(Таҷдидшуда 18:19 19.06.2020)
Додгоҳи ноҳияи Ҷаббор Расулов, Раҳимов Гуломҷонро барои ба худкушӣ расондани ҳамсараш Онаҷон Раҳимова ба 6 соли зиндон маҳкум кардааст

ДУШАНБЕ, 19 июн — Sputnik. Тибқи иттилои Додситонии кулли Тоҷикистон, худкушии зан дар пайи ҷанҷоли охир барои чойи хунук рух додааст.

Ба иттилои Додситонии кул,  Раҳимов 11 феврали соли 2020 тахминан соати 21:00 дақиқа, ҳамсараш Раҳимоваро бо баҳонаи он, ки ба ӯ чойи хунук наовардааст, дар бистари хобаш бо дастонаш зада, ҷароҳатҳои ҷисмонӣ расонидааст.

"Дар натиҷа Раҳимова 13 феврали соли 2020 тахминан соати 17:30 дақиқа дар болои боми оғилхонаи манзили истиқоматиаш бо роҳи худовезӣ худкушӣ кардааст”, - омадааст дар иттилоия.

Манбаъ тавзеҳ додаст, ки Раҳимов Гуломҷон Элашович, сокини деҳаи Гулафшони ҷамоати деҳоти "Ҳаёти нав"-и ноҳияи Ҷ.Расулов 8 ноябри соли 2001 бо шаҳрванд Раҳимова Онаҷон Исроиловна ақди никоҳ баста, давоми зиндагии якҷояашон мунтазам ҷанҷолу муштзӯрӣ мекардааст.

Додгоҳи ноҳияи Ҷ.Расулов шавҳарро барои ба худкушӣ расонидани ҳамсараш ба муҳлати 6 сол равонаи зиндон кард.

894

Дарёфти қабристони ғайрирасмии муҳоҷирон дар Якутия  

26
(Таҷдидшуда 09:58 07.07.2020)
Мақомоти тафтишоти ҷумҳурии Саха аз дафрёфти як қабристони ғайрирасмии мқҳоҷирин дар наздикии шаҳри Якутия иттилоъ додаанд

ДУШАНБЕ, 7 июл — Sputnik. Бино ба иттилои дафтари матбуотии мақомоти тафтишотии Саха қабристони ғайрирасмии муҳоҷирин рӯзи 5 июл дар ҳудуди маҳаллаи Птицефабрика шаҳри Якутск, пойтахти ҷумҳурии Саха -и Русия ёфт шудааст.

Ба иттилои манбаъ,  ин қабристонро 300 метр дуртар аз қабристони расмӣ дар даруни ҷангал бо 5 қабр ёфтаанд.

"Ҳувияти ду нафари дафншуда муайян карда шуд ва барои муайян кардани се нафари дигар чораҳо андешида мешаванд",-омадааст дар иттилоияи мақомоти тафтишотӣ.

Қабрҳоро сокинони маҳаллӣ пайдо карданд, хабар медиҳад SakhaNews. Гуфта мешавад, ки ҳама қабрҳо наванд.

Парфирий Шестаков, директори корхонаи давлатии “Ритуал” гуфтааст, ду қабр ба шаҳрвандони Тоҷикистон ва Қирғизистон тааллуқ дорад ва барои муаян кардани боқимонда дафншудаҳо ҷамъиятҳои муҳоҷирони Якутск ҷалб хоҳанд кард.

26
Доллары в конверте, архивное фото

Боздошти афсар барои талаби пора аз бародари сарбоз

63
(Таҷдидшуда 09:39 07.07.2020)
Агентии молиявӣ ва мубориза бо коррупсияи Тоҷикистон аз боздошти афсаре хабар медиҳад, ки аз бародари як сарбоз маблағ талаб кардааст

 

ДУШАНБЕ, 7 июл — Sputnik. Бо иттиҳоми гирифтани пора афсар Ёрмаҳмад Нуров боздошт гаштааст, хабар медиҳад, дафтари матбуотии Агентӣ.

Бино ба иттилои дафтари матбуотии Агентӣ Ёрмаҳмад Нуров барои дар қисмҳои ҳарбии гарнизони Душанбе ҷойгир намудани шаҳрванд “А”, ки барои хизмати ҳарбӣ даъват гардида буд, бо роҳи фиреб ва суиистифодаи боварӣ аз бародараш шаҳрванд “Б” маблағи 1200 доллари ИМА талаб намуд.

Манбаъ мегӯяд, дар натиҷаи гузаронидани чорабиниҳои оперативӣ–тафтишотӣ Нуров Ё.Г. баъди аз шаҳрванд “Б” гирифтани маблағи 1200 доллари ИМА дастгир гардида, маблағи мазкур ҳамчун далели шайъӣ аз ӯ  дарёфт ва гирифта шуд.

Гуфта мешавад, дар ин асос нисбати Нуров Ё.Г. бо моддаи 247 қисми 4 банди “б” Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шуда, баъди анҷоми тафтиши пешакӣ ба мақомоти прокуратура ирсол карда шуд.

Дафтари матбуотии Агентӣ дар бораи мақом ва рутбаи афсар иттилоъ надодааст.

63
Барчаспҳо:
Агентии мубориза бо фасоди молӣ, боздошт, пора, сарбоз, Афсар, Тоҷикистон