Пожилой человек на турнире бузкаши в Таджикистане, архивное фото

Дар Тоҷикистон теъдоди нафақахӯрон зиёду нафақапулӣ кам шудааст

149
(Таҷдидшуда 14:53 23.06.2020)
Дар муқоиса бо моҳи апрели соли 2019, нафақаи миёнаи нафақахӯрони тоҷик аз 308 сомонӣ то 301 сомонӣ коҳиш ёфтааст

ДУШАНБЕ, 23 июн — Sputnik. Тибқи маълумоти Агентии омори назди Президенти кишвар, дар Тоҷикистон сатҳи миёнаи нафақа имсол нисбатба соли гузашта коҳиш ёфтааст.

Дар муқоиса бо моҳи апрели соли 2019, нафақаи миёна ба нафақахӯронони тоҷик аз 308 сомонӣ то 301 сомонӣ коҳиш ёфтааст.

Ҳамин тариқ, коҳиш 2,3% -ро ташкил дод.

Дар ҳоле ки шумораи сокиноне, ки нафақа мегиранд, дар аввали моҳи апрели соли ҷорӣ 715 ҳазору 429 нафарро ташкил додааст.

Ин рақам нисбат ба ҳамин давраи соли гузашта 3,3% зиёдтар аст.

Тибқи маълумоти Агентии омор, шумораи нафақагирон дар аввали моҳи июн 5 ҳазору 585 нафар зиёд шуда, теъдоди умумии он ба 722 ҳазору 14 нафар расидааст.

Ҳаҷми нафақа ва кӯмакпулиҳо дар ҷумҳурӣ дар моҳҳои январ-майи соли равон бо назардошти бақия дар аввали сол (16,6 миллион сомонӣ) 959,7 миллион сомонӣ (93,1 миллион доллар) -ро ташкил додааст.

149
Барчаспҳо:
бознишаста, нафақахурон, Агентии омори Тоҷикистон, Тоҷикистон
Арест, архивное фото

Сокини Душанбе дар ҳолати мастӣ хоҳарбузурги 36 - солаашро кушт

100
(Таҷдидшуда 14:59 09.07.2020)
Вазорати умури дохилаи Тоҷикистон аз боздошти сокини 34 - солаи пойтахт хабар медиҳад, ки дар куштори хоҳарбузурги худ гумонбар дониста мешавад

ДУШАНБЕ, 9 июл – Sputnik. Кормандони милитсия марди 34 - сола, сокини шаҳри Душанберо дастгир намуданд, ки дар содир намудани ҷинояти одамкушӣ гумонбар дониста мешавад.

Ба иттилои котиботи Вазорати умури дохилии Тоҷикистон, ҳодисаи мазкур санаи 7 - уми июл дар манзили истиқоматии гумонбаршуда рух додааст.

"Номбурда соати 19:30 дақиқа дар хонаи истиқоматияш дар ҳолати мастӣ бо хоҳарбузурги 36 - солаи худ муноқиша карда, 2-маротиба бо дастонаш ба сару рӯи ҷабрдида задааст", - таъкид мешавад дар хабар.

Куштор дар Вахш: писар ба хотири ҳамсари худ падарашро бо қарабоӣ зада кушт

Дар натиҷа марҳум ҷароҳати вазнини ҷисмонӣ бардошта, дар ҷойи ҳодиса ба ҳалокат расидааст.

ВУД Тоҷикистон мегӯяд, номбурда қаблан низ тибқи моддаи 224 Кодески ҷиноятии Тоҷикистон суд шуда буд.

Феълан аз рӯйи ин ҳодиса тафтишот идома дорад.

100
Барчаспҳо:
боздошт, мастӣ, куштор, Тоҷикистон
Сейсмография, архивное фото

Тоҷикистонро заминларзаи 4 - балла такон дод

142
(Таҷдидшуда 13:44 09.07.2020)
Маркази заминларза 165 километр дуртар аз самти шимолу шарқии Душанбе ва 11 километр дуртар аз самти ҷанубии ноҳияи Спитамен ҷойгир мебошад

ДУШАНБЕ, 9 июл — Sputnik. Дар вилояти Суғди Тоҷикистон субҳи имрӯз замин ларзид, хабар медиҳад California Earthquake Authority.

Бар хабари манбаъ, заминҷунбӣ соати 11:40 дақиқа сурат гирифт. Қувваи ларзиши замин 4,3 дараҷаи Рихтерро ташкил дод.

Гуфта мешавад, маркази заминҷунбӣ ҳудуди 33 километр дуртар аз шаҳри Хуҷанд ва 134 километр дуртар аз шаҳри Тошканд руз додааст.

Алъон гузоришҳо дар мавриди талафоти ҷонӣ ва молӣ рӯи даст нест.

Зилзила дар Бадахшон, барфи аввали Душанбе ва рухдодҳои дигари ҳафта

Манбаъ меафзояд, заминларза бо таҷҳизоти пойгоҳҳои зилзиласанҷӣ дар Қазоқистон, Қирғизистон, Ӯзбекистон, ИМА, Русия ва Олмон сабт шудааст.

Ёдовар мешаве, рӯзи шанбеи ҳафтаи гузашта дар шарқи Тоҷикистон заминҷунбӣ рух дод.

Бино бар иттилои Пажӯҳишгоҳи сейсмологии кишвар, 4 июли соли равон, соати 14:52 дар ҳудуди кишвар зилзила ба қайд гирифта шуд. Маркази он 201 километрии шимолу шарқии Душанбе, дар ҳудуди ноҳияи Тоҷикобод гуфта мешавад.

Дар натиҷаи ин ҳодисаи табиӣ, қисман манзилҳои сокинон дар қишлоқи Дараи Нушори ҷамоати қишлоқи Нушор, деҳаҳои Ширинчашма, Сари Най ва Себистони ҷамоати қишлоқи Ширинчашма  ва қишлоқҳои Ғанишобу Сафедоби ҷамоати қишлоқи Қалъаи лаби об қисман зарар диданд.

142
Барчаспҳо:
заминларза, Тоҷикистон
Поисковая экспедиция на месте где были бои во время Великой Отечественной войны 1941-45 годов, архивное фото

Ҷасади Раҷабов, куҳнасарбози тоҷик, дар Калининград ёфт шуд: кӣ мешиносад?-видео

92
(Таҷдидшуда 15:28 09.07.2020)
Ҷасади боз як сарбози Ҷанги Бузурги Ватанӣ дар ноҳияи Зеленоград пайдо карда шуд, ки ба гуфтаи ҷустуҷӯгарон аз Тоҷикистон мебошад

ДУШАНБЕ, 9 июл — Sputnik. Гуруҳҳои ҷустуҷӯии "Совест" дар минтақаҳое, ки ҳангоми амалиёти Пруссияи шарқӣ задухӯрдҳо сурат гирифтаанд, кор карда,  дар ноҳияи Зеленоград ҷасади боз як сарбози ҶБВ-ро пайдо намуданд, хабар дод шабакаи телевизионии  "Вести-Калининград".

Муайян шудааст, ки сарбози ҳалокгардида Каримҷон Раҷабов аз Тоҷикистон будааст.

Сарбозони 100 – солаи ҶБВ аз Тоҷикистон: кӣ 75 – умин солгарди Ғалабаро ҷашн мегирад?

“Раҷабов зодаи Тоҷикистон мебошад. Феълан ба макони таваллуд ва даъваташ дархостҳо равон карда шудаанд. Умедворем, ки наздиконаш пайдо шаванду мо тавонем мукофоти ҷангияшро ба онҳо супорем. Шояд онҳо бихоҳанд, ки боқимондаҳо дар ватан ба хок супорида шаванд”, - изҳор дошт Руслан Хисамов, роҳбари гуруҳи ҷустуҷӯӣ дар гузориши телевизионӣ.

Қаблан дар ин минтақа ҷасади 7 сарбозеро пайдо карданд, ки аз пораҳои гулӯлаҳои  артиллерӣ ба ҳалокат расидаанд.

92
Барчаспҳо:
сарбоз, Ҷанги Бузурги Ватанӣ, Тоҷикистон