Служба в армии, архивное фото

Ҳукми сарбоз барои дуздӣ ва фирор аз хизмат

220
(Таҷдидшуда 18:26 23.06.2020)
Додгоҳи низомии Душанбе сарбоз Алишер Хоҷаевро барои дуздӣ ва фирор аз хизмат ҳангоми рухсатӣ ба 2,5 соли зиндон маҳкум кардааст

ДУШАНБЕ, 23 июн — Sputnik. Тибқи иттилои додгоҳи низомӣ, Хоҷаев моҳи ноябри соли 2018 аз тарафи комиссияи даъватии ноҳияи Лахш ба артиш даъват шуда, дар қисми ҳарбии 0123 нерӯҳои марзбонӣ хизмат мекардааст.

Манбаъ афзуд, ки сарбоз аз 19 то 29-уми июли соли 2019 ба рухсатӣ ҷавоб дода шуда, баъди ба охир расидани муҳлати рухсатӣ ба маҳалли хизматаш барнагаштааст. Дар иттилоияи додгоҳ омадааст, ки Хоҷаев дар баробари саркашӣ аз хизмати ҳарбӣ даст ба содир намудани ҷинояти дуздӣ задааст.

Аз ҷумла шаби 19-уми ноябри соли 2019 дар интернет-кафеи ба номи “Rampage” воқеъ дар ноҳияи Шоҳмансури шаҳри Душанбе, кӯчаи А.Дониш, ошёнаи дуюм бинои №5 хоб рафта, саҳарии санаи 20-уми ноябри соли 2019, ҳангоме ҳамроҳааш Раҷабов хоб будааст, телефони “Samsung Galaxy A 40”-ашро дуздидааст.

Дар иттилоияи додгоҳ арзиши “Samsung Galaxy A 40” 2 ҳазору 200 сомонӣ арзёбӣ шудааст. Илова шудааст, ки Хоҷаев телефони дуздидаашро дар бозори “Саховат” ба шаҳрванд Исматуллоев ба маблағи 500 сомонӣ фурӯхтааст.

Бар асоси иттилоия, дар пайи чораҳои тафтишотӣ, 12 –уми феврали соли 2020 телефони мобилии тамғаи “Samsung Galaxy A 40” аз бародари Исматуллоев ёфта, гирифта шудааст.

Додгоҳи низомӣ Хоҷаев Алишерро барои дуздӣ ва саркашӣ аз хизмат ба 2,5 соли зиндон маҳкум кардааст.

220
Барчаспҳо:
дуздӣ, Тоҷикистон
Нож в руке

Ба қафаси синаи бародараш корд зад: боздошти марди 40 сола дар Конибодом

44
Вазорати умури дохилии Тоҷикистон аз боздошти як мардт 40 сола хабар медиҳад, ки бародарашро бо корд задааст

ДУШАНБЕ, 7 июл — Sputnik. Тибқи иттилои дафтари матбуотии ин ниҳод, ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди 40-солаи сокини шаҳри Конибодом бо гумони қасдан расонидани зарари миёна ба саломатӣ дастгир карда шуд.

Ба иттилои манбаъ, номбурда, санаи 6-уми июли соли 2020, тахминан соати 07:00-дақиқа дар хонаи истиқоматиашон бо бародари 38-солааш, ҷангу ҷанҷол карда, бо корди хоҷагии дар дасташ буда, як маротиба ба қафаси синааш задааст.
“Дар натиҷа ҷабрдида ҷарохати вазнини ҷисмонӣ бардошта, дар беморхона бистарӣ гардидааст”,-афзудааст манбаъ.

Гуфта мешавад, нисбати гумонбаршаванда парвандаи ҷиноятӣ бо моддаи 110 қисми 1 Кодекси ҷиноятии Тоҷикистон оғоз карда шуда тафтишот идома дорад.

Ин нахустин ҳолати кордкашӣ аз сӯи бародар ба додар набуда, қаблан ин ниҳод як марди 42 сола, сокини шаҳри Истаравшанро боздошт кард, ки пас аз майнӯшӣ бо бародари 41 солааш ҷангу ҷанҷол намуда, як маротиба ба гарданаш корд задааст.

44

Дарёфти қабристони ғайрирасмии муҳоҷирон дар Якутия  

141
(Таҷдидшуда 09:58 07.07.2020)
Мақомоти тафтишоти ҷумҳурии Саха аз дафрёфти як қабристони ғайрирасмии мқҳоҷирин дар наздикии шаҳри Якутия иттилоъ додаанд

ДУШАНБЕ, 7 июл — Sputnik. Бино ба иттилои дафтари матбуотии мақомоти тафтишотии Саха қабристони ғайрирасмии муҳоҷирин рӯзи 5 июл дар ҳудуди маҳаллаи Птицефабрика шаҳри Якутск, пойтахти ҷумҳурии Саха -и Русия ёфт шудааст.

Ба иттилои манбаъ,  ин қабристонро 300 метр дуртар аз қабристони расмӣ дар даруни ҷангал бо 5 қабр ёфтаанд.

"Ҳувияти ду нафари дафншуда муайян карда шуд ва барои муайян кардани се нафари дигар чораҳо андешида мешаванд",-омадааст дар иттилоияи мақомоти тафтишотӣ.

Қабрҳоро сокинони маҳаллӣ пайдо карданд, хабар медиҳад SakhaNews. Гуфта мешавад, ки ҳама қабрҳо наванд.

Парфирий Шестаков, директори корхонаи давлатии “Ритуал” гуфтааст, ду қабр ба шаҳрвандони Тоҷикистон ва Қирғизистон тааллуқ дорад ва барои муаян кардани боқимонда дафншудаҳо ҷамъиятҳои муҳоҷирони Якутск ҷалб хоҳанд кард.

141
Пробирки с биоматериалом в лабораторном комплексе

“Ковипир”: Ӯзбекистон тасмим дорад истеҳсоли доруи зидди коронавирусро ба роҳ монад

0
Қайд карда мешавад, ки доруи "Ковипир" пеш аз ҳама барои эҳтиёҷоти Ӯзбекистон истеҳсол карда мешавад

ДУШАНБЕ, 7 июл — Sputnik. Дар Ӯзбекистон тасимим доранд истеҳсоли доруи муассирри зидди коронавирус таҳти унвони “Ковипир” -ро роҳандозӣ кунанд, дар ин бора Kun.uz бо истинод ба мушовири вазири рушди инноватсия Исоҷон Султонов хабар медиҳад.

Ба гуфтаи Султонов, ширкати дорусозии Nobel Pharmsanoat, ки дар Ӯзбекистон фаъолият мекунад, ба қайди давлатӣ гирифтани доруи дорои фавипиравирро оғоз кардааст.

Ба гуфтаи директори сифати ширкат Шамшод Шарипов, патент барои ин дору ба ширкати японии Toyama Chemical тааллуқ дорад.

"Исбот шудааст, ки ин дору дорои доираи васеи зидди вирусҳо мебошад, ки кислотаи рибонуклеиро нигоҳ медорад (зуком, риновирус, вирусҳои роҳи нафас ғайра) ва таъсири мусбати зидди коронавирус дорад. Он аз моҳи феврали соли 2020 дар Ҷопон барои табобати беморони гирифтори коронавирус истифода шудааст. Аз ин моҳ сар карда, ширкати чинии Zhejiang Hisun Pharmaceutical ба истеҳсоли он таҳти бренди "Фавилавир" шурӯъ кард. Дар Русия Авифавирро моҳи майи соли равон аз ҷониби аз ҷониби Фонди сармоягузории мустақими Русия (РФПИ) ва гурӯҳи ширкатҳои "Химрар" таҳия карда карданд ва барои истеҳсол иҷозат дода шуд",-гуфт Шарипов.

Қайд карда мешавад, ки доруи "Ковипир" пеш аз ҳама барои эҳтиёҷоти Ӯзбекистон истеҳсол карда мешавад.

0