Машина пожарной службы

Таркиш дар НФС дар ноҳияи Ёвон 8 захмӣ бар ҷой гузошт- навор аз ҷои ҳодиса

217
Вазорати умури дохилаи Тоҷикистон аз таркиш ва сӯхтор дар нуқтаи фурӯши сӯзишвории нафтӣ ва гази моеъи ҶДММ "Шералиҷон" дар ноҳияи Ёвон хабар медиҳад, ки дар паи он 8 кас ҷароҳатдор шуд

ДУШАНБЕ, 24 июн — Sputnik. Бино ба гузориши ВКД, ҳодиса рӯзи 23 июни соли 2020, соати 13:20 ба вуқӯъ пайвастааст.

Гуфта мешавад, ки дар натиҷаи риоя нагардидани қоидахои бехатарӣ, ҳангоми холӣ намудани сӯзишворӣ аз дохили автомашинаи интиқолдиҳандаи сузишвории нафтии тамғаи "Дулан", рақами қайди давлатиаш 45 69 ВМ 01 ТҶ, дар нуқтаи фурӯши сӯзишвории нафтӣ ва гази моеъи ҶДММ "Шералиҷон", воқеъ дар деҳаи А.Навоӣ, ҷамоати деҳоти Ҳаёти Нави ноҳияи Ёвон, сӯхтор ба амал меояд, ки дар натиҷа оташ ба дигар сарфҳо аз ҷумла зарфи гази моеъи ҳаҷмаш 10 тонна гузашт, ки дар натиҷа таркиш ба амал омадааст.

Автомашинаи интиқолдиҳандаи сузишвории нафтии тамғаи "Дулан" ба ронанда Каримзода Асрорҷони Толиб, 1991 соли таваллуд, тааллуқ доштааст.

Ба ҷойи ҳодиса кормандони Қисми мустақили 29-уми ҳарбикунонидашудаи хадамоти давлатии оташнишонӣ оид ба муҳофизати ноҳияи Ёвони вилояти Хатлон ҳозир шуда, сӯхторро, ки дар масоҳати 60 м2 ташкил медод, бартараф намуданд.

Манбаъ афзуда, ки дар натиҷаи сӯхтор 4 нафар шаҳрвандон ва 4 нафар кормадони хадамоти оташнишонӣ ҷароҳатҳои сабуки ҷисмонӣ бардоштанд.

Хушбахтона, талафоти ҷонӣ ба қайд гирифта нашудааст.

217
Барчаспҳо:
ВКД, сӯхтор, таркиш, Ёвон
Новорожденный

Вазорат гуфт, дар Тоҷикистон таваллуд каму фавт зиёд шуд

1
Вазорати адлияи Тоҷикистон мегӯяд, тайи шаш моҳи соли ҷорӣ дар Тоҷикистон нисбат ба ҳамин давраи соли гузашта 2540 нафар шаҳрвандон зиёд фавтидаанд

ДУШАНБЕ, 13 июл – Sputnik.  Ин нуктаро Музаффар Ашуриён, вазири адлияи кишвар имрӯз зимни як нишасти хабарӣ ба рӯзноманигорон изҳор дошта гуфт, тайи шаш моҳ дар кишвар 18 ҳазору 777 нафар фавтидаанд.

Ба иттилои манбаъ, ин нишондиҳанда  дар ҳамин давраи соли гузашта ба  16 ҳазору 229 нафар баробар буд.

Музаффар Ашуриён, гуфт шаҳрвандони кишвар ан танҳо аз коронавирус фавтиданд, бал ки аз бемориҳои мисоли қалбу раг ва ғайраҳо.

Тибқи иттилои вазир, давоми шаш моҳи соли ҷорӣ нисбат ба ҳамин давраи соли гузашта 5 ҳазору 274 кӯдак кам таваллуд шудааст.

Ба иттилои манбаъ дар нимсолаи  ҷорӣ дар ҷумҳурӣ 101 ҳазору 141 тифли навзод ба қайд гирифта шуда, ки  ин нишондиҳанда  дар ҳамин давраи соли гузашта - 106 ҳазору 415 нафар баробар буд.

1

Хадамоти алоқа гуфт, дар Тоҷикистон чи қадар истифодабарандаи интернету симкор аст

47
Хадамоти алоқаи Тоҷикистон гуфт, чи қадар аҳолии Тоҷикистон истифодабандагони фаъоли интернет ва телефонҳои мобилӣ мебошанд

ДУШАНБЕ, 13 июл – Sputnik.  Илҳомҷон Атоев, муовини раиси Хададамоти алоқа имрӯз зимни як нишасти хабарӣ гуфт,  теъдоди муштариёни мобилии сабтшуда дар Тоҷикистон 7 миллиону 25 ҳазору 830 нафарро ташкил медиҳад.

Тибқи иттилои манбаъ, шумораи муштариёни фаъоли мобилӣ дар кишвар 5 миллиону 325 ҳазору 978 нафар мебошанд.

Манбаъ мегӯд, шумораи корбарони интернет дар кишвар, бо назардошти корбарони интернети мобилӣ, 3,18 миллион нафарро ташкил медиҳад.

То 1 июли соли ҷорӣ шумораи муштариёни ҶСШК “Тоҷиктелеком”,  ки зери назорати Хадамот аст,   276 ҳазору 796 нафарро ташкил додааст, ки нисбат ба ҳамин давраи соли  гузашта 9 ҳазору 574 муштарӣ камтар аст.

Илҳомҷон Атоев гуфт,  то 30 июни соли 2020, бақайдгирии сим-кортҳои мобилӣ бо шиносномаҳои баъди (ID-корт) соли 2014 ба 4 миллиону 68 ҳазору 537 муштарӣ расид.

Интиқоди Раҳмон аз интернети суст ва дастур ба Хадамоти алоқа

Ба гуфти ӯ,  ҳоло 2 миллиону 957 ҳазору 293 нафар шахсоне, ки SIM-кортҳо дар шиносномаҳои намунаи соли 1996 ба сабт шудаанд, то ҳол азнавбақайдгириро нагузаштаанд.

Ёдовар мешавем, қаблан мӯҳлати азнавбақайдгирии SIM-кортҳо то 15 феврали соли 2020 буд ва баъдан пурра то моҳи феврали соли 2022 тамдид карда шуд.

47