Наркоторговцы-транснациональная группировка

Молу мулк мусодира шуд: шарҳи ВУД Тоҷикистон аз ҳукми додгоҳ нисбати "Муқимча" ва гурӯҳаш

749
(Таҷдидшуда 14:39 26.06.2020)
Масъулини вазорати умури дохилаи Тоҷикистон ҳукми додгоҳи шаҳри Душанберо, ки 7 нафар аъзоёни гурӯҳи муташаккили нашъаҷаллоби трансмиллиро маҳкум кард, шарҳ додааст

ДУШАНБЕ, 26  июн — Sputnik. Бино бар иттилои Вазорати умури дохилаи Тоҷикисто, кирдору ҳаракатҳои ҳар як аъзоёни гурӯҳ тибқи талаботи моддаи 200 қисми 4-и Қодекси ҷиноятии Тоҷикистон (муомилоти ғайриқонунии воситаҳои нашъадор дар ҳаҷми махсусан калон) бастубанд карда шуда, дар рафти баррасии парвандаи мазкур дар маҷлиси ошкорои судӣ нисбати ҳар кадоме ҷазои сазовор таъин карда шудааст.

ВУД Тоҷикистон таъкид доштааст, ки нисбати роҳбари гурӯҳи муташаккили қочоқчиёни маводи мухаддир Қурбонов Муқим Шералиевич ва ду нафар ҳаммаслаки дигараш Назиров Рӯҳангез Латифович ва Боронов Ҳикматулло Мирзоевич ҷазои ҷиноӣ дар намуди маҳрум сохтан аз озодӣ ба муддати 20 сол таъин карда шуд.

Пулиси Душанбе "Муқимча" бо тимашро боздошт кард: 70 кг маводи мухадирашон мусодира шуд

“Илова бар ин аъзоёни дигари гурӯҳ Назиров Сироҷ Сулаймонович, Салимдодов Шамсиддин Самиевич, Латипов Зоир Гадоевич ва Қаландаров Доваршо Мирзоевич ба муҳлатҳои аз 15 то 17-солӣ бо адои ҷазо дар калонияҳои низомашон сахт таъин карда шуданд. Ҳамзамон молу мулки маҳкумшудагон, аз қабили манзили истиқоматии 2-ошёна, лимухона, маркази савдои “Осиё”, манзили истиқоматӣ воқеъ дар шаҳри Норак ва 7-адад автомашинаҳои гаронарзиши хориҷӣ, ки аз ҷониби милитсияи шаҳри Душанбе дар рафти чорабиниҳои оперативӣ-тафтишоӣ ба ҳабс гирифта шуда буданд, ба фоидаи давлат мусодира гардиданд”, - қайд намудааст ВУД Тоҷикистонт.

Бояд қайд кард, ки ин гурӯҳи нашъаҷаллоби трансмиллӣ дар ҳайати 7 нафар 3 моҳ қабл аз ҷониби кормандони Раёсати ВКД дар шаҳри Душанбе боздошт карда шуда, дар умум аз ин гурӯҳ зиёда аз 70 кг воситаҳои гуногуни нашъадор мусодира гардида буд.

Манбаъ зикр кардааст, ки дар идомаи баргузории чорабиниҳои тафтишотӣ аз ҷониби мақомоти милитсияи пойтахт схемаи ғайриқонунии интиқоли воситаҳои нашъадори гурӯҳ, ки ба муомилоти он дар дохил ва хориҷи кившар машғул будаанд, муайян ва фаъолияти пинҳонии аъзоёни он дар дохил ва хориҷ пурра барҳам дода шуд.

Аз Аврупо ба Тоҷикистон: Ошкорсозии шабакаи нашъаҷаллобон ва ҷустуҷӯйи Рамазонзода Зафар

“Дар доираи тафтиши парвандаи ҷиноӣ муайян карда шуд, ки ҳамаи ин дастгиршудагон чун занҷира ва ҳалқаҳои ҷиноятӣ бо ҳамдигар пайваст ва робита дошта, воситаҳои нашъадорро аз гурӯҳҳои нашъаҷаллоби кишвари ҳамсоя, яъне Афғонистон ба таври қочоқ ба ҳудуди Тоҷикистон ворид намуда, сипас ба кишварҳои дигар интиқол медодаанд”, - таъкид намудааст ВУД Тоҷикистон.

Роҳбари ин гурӯҳ Қурбонов Муқим Шералиевич сокини шаҳри Норак, ҷамоати деҳоти Пули Сангин, деҳаи Кибил буда, дар байни гурӯҳҳои нашъаҷаллоб бо тахаллусҳои “Муқимча” ва ”Бачаи кампир” маъруф аст.

Манбаъ иттилоъ додааст ҳарчанд гузаштаи доғдоркунандаи ҷиноӣ дошта, ду маротиба маҳбасӣ гардида бошад ҳам, боз ба худ хулосаи ибратбахш набароварда, бо таъсиси як гурӯҳи муташаккили ҷиноӣ ба қочоқ ва хариду фуруши воситаҳои нашъадор даст задааст.

Дар рафти тафтиши пешакӣ саҳми ҳар як аъзоёни гурӯҳ дар қочоқи маводи мухаддир, дастраснамоӣ, интиқол, паҳнкунӣ ва фуруши он дар дохил ва кившарҳои хориҷа муайян карда шуда, дақиқ гардид, ки хариду фуруш ва ҳамагуна амалиётҳои додудигирифти ғайриқонунии воситаҳои нашъадорро роҳбари гурӯҳи муташаккил Қурбонов Муқим назорат ва нақшабандӣ намуда, тавассути шабакаҳои иҷтимоии интернетӣ аз ҷумла “Ватс-Ап”, “Имо”, “Вайбер” бо дигар ҳаммаслаконаш ба роҳ мондааст.

749
Барчаспҳо:
додгоҳ, ҳукм, нашъаҷаллобӣ, нашъаҷаллобон, гурӯҳ, Тоҷикистон
Новорожденный

Вазорат гуфт, дар Тоҷикистон таваллуд каму фавт зиёд шуд

78
Вазорати адлияи Тоҷикистон мегӯяд, тайи шаш моҳи соли ҷорӣ дар Тоҷикистон нисбат ба ҳамин давраи соли гузашта 2540 нафар шаҳрвандон зиёд фавтидаанд

ДУШАНБЕ, 13 июл – Sputnik.  Ин нуктаро Музаффар Ашуриён, вазири адлияи кишвар имрӯз зимни як нишасти хабарӣ ба рӯзноманигорон изҳор дошта гуфт, тайи шаш моҳ дар кишвар 18 ҳазору 777 нафар фавтидаанд.

Ба иттилои манбаъ, ин нишондиҳанда  дар ҳамин давраи соли гузашта ба  16 ҳазору 229 нафар баробар буд.

Музаффар Ашуриён, гуфт шаҳрвандони кишвар ан танҳо аз коронавирус фавтиданд, бал ки аз бемориҳои мисоли қалбу раг ва ғайраҳо.

Тибқи иттилои вазир, давоми шаш моҳи соли ҷорӣ нисбат ба ҳамин давраи соли гузашта 5 ҳазору 274 кӯдак кам таваллуд шудааст.

Ба иттилои манбаъ дар нимсолаи  ҷорӣ дар ҷумҳурӣ 101 ҳазору 141 тифли навзод ба қайд гирифта шуда, ки  ин нишондиҳанда  дар ҳамин давраи соли гузашта - 106 ҳазору 415 нафар баробар буд.

78

Хадамоти алоқа гуфт, дар Тоҷикистон чи қадар истифодабарандаи интернету симкор аст

86
Хадамоти алоқаи Тоҷикистон гуфт, чи қадар аҳолии Тоҷикистон истифодабандагони фаъоли интернет ва телефонҳои мобилӣ мебошанд

ДУШАНБЕ, 13 июл – Sputnik.  Илҳомҷон Атоев, муовини раиси Хададамоти алоқа имрӯз зимни як нишасти хабарӣ гуфт,  теъдоди муштариёни мобилии сабтшуда дар Тоҷикистон 7 миллиону 25 ҳазору 830 нафарро ташкил медиҳад.

Тибқи иттилои манбаъ, шумораи муштариёни фаъоли мобилӣ дар кишвар 5 миллиону 325 ҳазору 978 нафар мебошанд.

Манбаъ мегӯд, шумораи корбарони интернет дар кишвар, бо назардошти корбарони интернети мобилӣ, 3,18 миллион нафарро ташкил медиҳад.

То 1 июли соли ҷорӣ шумораи муштариёни ҶСШК “Тоҷиктелеком”,  ки зери назорати Хадамот аст,   276 ҳазору 796 нафарро ташкил додааст, ки нисбат ба ҳамин давраи соли  гузашта 9 ҳазору 574 муштарӣ камтар аст.

Илҳомҷон Атоев гуфт,  то 30 июни соли 2020, бақайдгирии сим-кортҳои мобилӣ бо шиносномаҳои баъди (ID-корт) соли 2014 ба 4 миллиону 68 ҳазору 537 муштарӣ расид.

Интиқоди Раҳмон аз интернети суст ва дастур ба Хадамоти алоқа

Ба гуфти ӯ,  ҳоло 2 миллиону 957 ҳазору 293 нафар шахсоне, ки SIM-кортҳо дар шиносномаҳои намунаи соли 1996 ба сабт шудаанд, то ҳол азнавбақайдгириро нагузаштаанд.

Ёдовар мешавем, қаблан мӯҳлати азнавбақайдгирии SIM-кортҳо то 15 феврали соли 2020 буд ва баъдан пурра то моҳи феврали соли 2022 тамдид карда шуд.

86
Журналисты, архивное фото

Додситонии кул ба рӯзноманигорон ҳисобот медиҳад

0
(Таҷдидшуда 16:14 13.07.2020)
Рӯзи 14 июл чор ниҳоди давлатӣ дар доираи иҷрои амри раисиҷумҳури Тоҷикистон ба хабарнигорон дар бораи фаъолияташон дар 6 моҳи гузашта иҷозат медиҳанд

ДУШАНБЕ, 13 июл — Sputnik. Додситонии кул, Кумитаи рушди маҳали назди Президент, Кумитаи ҳифзи муҳити зист ва  Хадамоти назорати давлатии бехатарии корҳо дар саноат ва соҳаи кӯҳкории Тоҷикистон аз ҷамъбасти фаъолияташон дар нимсолаи аввали соли 2020 нишасти матбуотӣ баргузор мекунанд.

 

"Роҳбарияти Прокуратураи генералӣ соати 09:00 дар маҷлисгоҳи Прокуратураи генералӣ ва Кумитаи ҳифзи муҳити зист соати 11:00 дар Кумитаи мазкур ба суолҳои намояндагони воситаҳои ахбори омма посух медиҳанд", - хабар дод Ховар.

Манбаъ афзуд, нишастҳои матбуотии Кумитаи рушди маҳал соати 09:00 ва  Хадамоти назорати давлатии бехатарии корҳо дар саноат ва соҳаи кӯҳкорӣ соати 11:00 дар Маркази матбуоти ҷумҳуривии "Ховар" баргузор мешаванд.

Таъкид шудааст, ки бо назардошти аз байн нарафтани хавфи мубталошавӣ ба коронавирус, ба диққати масъулин ва иштирокчиёни нишастҳои матбуотӣ расонида мешавад, ки талаботи муайяннамудаи Ситоди ҷумҳуриявӣ оид ба пурзӯр намудани чораҳои зиддиэпидемиявӣ ва пешгирӣ аз интиқолу паҳншавии бемории сироятии COVID-19-ро қатъиян риоя намоянд.

Нишастҳои матбуотии роҳбарони идораҳои давлатӣ соле ду бор дар доираи дастури Эмомалӣ Раҳмон, раисиҷумҳури Тоҷикистон баргузор мешаванд.

0
Барчаспҳо:
рӯзноманигорон, амри президент, нишасти хабарӣ, Тоҷикистон