Руки в наручниках, архивное фото

Боздошти мошинхари қаллоби 39 - сола: худрави "Инфинити" - ро бе пул "харид"

622
(Таҷдидшуда 15:58 27.06.2020)
Нисбати сокини 39 - солаи ноҳияи Б. Ғафуров, ки дар қаллобӣ ҳангоми харид намудани мошин гумонбар дониста мешавад, парвандаи ҷиноӣ боз гардидааст

ДУШАНБЕ, 27 июн – Sputnik. Кормандони милитсия сокини 39 - солаи ноҳияи Б. Ғафуровро дастгир намуданд, ки дар содир намудани кирдори қаллобӣ гумонбар дониста мешавад.

Ба иттилои котиботи Вазорати умури дохилии Тоҷикистон, номбурда моҳи декабри соли 2019, бо роҳи фиреб ба боварии марди 49 - солаи сокини шаҳри Душанбе, даромада аз ӯ 1 - адад автомашинаи тамғаи "Инфинити"-ро бидуни пардохт намудани маблағ гирифтааст.

Ҳоли Иноятзода, раиси барканоршудаи Кӯлоб ва афзоиши дубораи беморон дар шаҳр

Гуфта мешавад, соҳиби ин мошин худравашро 9 400 доллари амрикои нархгузори карда ба сокини ноҳияи Б. Ғафуров фурӯхт.

Аммо ба изҳори соҳиби худрав ӯ то ҳол маблағи мошини фурӯхтаашро нагирифтааст.

Зимнан, пас аз дастгир шудани сокини 39 - сола, алайҳи ӯ парвандаи ҷиноятӣ бо моддаи 247 қисми 3 Кодекси ҷинояти Ҷумҳурии Тоҷикистон оғоз гардида, тафтишот идома дорад.

622
Барчаспҳо:
қаллоб, харидорӣ, мошин, боздошт
Нурекское водохранилище

Қадрдонии прапоршик Сафаров барои наҷоти духтари ноболиғ

79
(Таҷдидшуда 13:14 11.07.2020)
Вазорати умури дохилии Тоҷикистон хабар дод, ки прапоршик Сафаров Анваршо, корманди идораи милиса дар шаҳри Норак, ҳангоми адои хизмат як духтарчаро аз марг наҷот дод

ДУШАНБЕ, 11 июл — Sputnik. Тибқи иттилои ВУД, рӯзи 8 июли соли равон Сафаров, духтари ноболиғро, ки дар дарёи Вахш дар ҳолати ғарқшавӣ қарор дошт, наҷот дод. Ин ниҳод аз амали Сафаров тавсиф кард, ки аз худ далериву ҷасурӣ нишон додаст.

Манбаъ афзуд, ки барои қадрдонии корманди милиса дар маҷлисгоҳи шуъбаи Вазорати корҳои дохилӣ дар шаҳри Норак ҷамъомади ҳайати шахсӣ доир гардид.

"Раиси шаҳр Неъматзода Маликшо Маҳмадшо рафтори шуҷоатмандонаи корманди милитсия Анвар Сафаровро намунаи баланди хизматӣ, садоқат ба касб ва эҳтироми баланд ба мардум арзёбӣ намуда, ӯро бо ифтихорномаи мақомоти иҷроияи ҳокимияти давлатии шаҳр ва туҳфаи хотиравӣ сарфароз гардонид", - омадааст дар иттилоия.

Сипас аз номи Роҳбарияти РВКД дар вилояти Хатлон, сардори ШВКД дар шаҳри Норак подполковники милитсия Саидаҳрор Мирзоев барои нишон додани мардонагиву шуҷоат ва содиқ будан ба савганди хеш ба корманд изҳори сипос намуда, дар фазои тантанавӣ ӯро бо тӯҳфаҳои пулию хотиравӣ қадрдонӣ кард. 

ВУД илова намуд, ки инчунин дар назди ҳозирин фармон дар бораи додани рутбаи ғайринавбатӣ ба прапоршики милитсия Сафаров Анваршо Маҳмадсобирович эълон карда шуд.

79
Барчаспҳо:
наҷотдиҳанда, милиса, размикор, Тоҷикистон
Пассажиры в здании Казанского вокзала во время дезинфекционной обработки вокзала

Анҷумаи ширкатҳои сайёҳии Русия бозшавии сарҳадҳоро пешгӯӣ кард

257
(Таҷдидшуда 12:34 11.07.2020)
Анҷумаи ширкатҳои сайёҳии Русия пешгӯии хушбинонаро барои  барқарор кардани парвозҳои байналмилалӣ гуфт

ДУШАНБЕ, 11 июл – Sputnik. Парвози хатсайрҳои мусофирбари ба минтақаҳои сайёҳие, ки маъмулан мардуми рус ба он таваҷҷуҳ доранд, дар гумон аст пеш аз  охири моҳи сентябр - октябр барқарор шавад,  гуфт  Мая Ломидзе, директори иҷроияи Анҷумани ташкилотҳои сайёҳии Русия (ATOR) зимни суҳбаташ дар эфири радиои "Говорит Москва".

Мая Ломидзе изҳор доштааст, ки пешгӯии аз ҳама хушбинона авохири моҳи сентябр – октябр хоҳад буд.

Ба гуфтаи вай, дар навбати аввал, интиқол ба ҷойҳои маъмултарини туристӣ дубора барқарор карда мешавад.

Вай илова намуд, ки набояд дар илова ба ҳодисаҳои рухдода асабонияти худро зиёд кард.

"Аммо ин маънои онро надорад, ки мо дар соли 2020 ба ҳеҷ ҷо парвоз нахоҳем кард. Албатта, ин саволест, ки ҳама ҳам сайёҳон ва ҳам соҳаи туризм мепурсанд. Ин як саволи муҳим аст, вақте имконпазир мешавад мо на танҳо шаҳрвандони худро фиристем, балки шаҳрвандони хориҷиро низ қабул мекунем".

Ба гуфтаи вай, бояд дарк кард, ки вазъ хеле зуд тағир меёбад.

Ломидзе ёдовар шуд, ки Хорватия охири моҳи июн боз шуд, дар моҳи май Туркия эълом дошт, ки барои қабули шаҳрвандони Русия омода аст.

"Булғория омодагии худро барои қабули шаҳрвандони Русия эълом кард. Ҳама эҳсос доштанд, ки фавран, агар пагоҳ набошад, пас аз фардо, мо ба баъзе кишварҳо парвозро оғоз хоҳем кард" Анҷумани ширкатҳои сайёҳӣ.

Вай афзуд, ки агар вазъи эпидемиологӣ дар ҷаҳон бадтар шавад, маҳдудияти кушодани сарҳадҳо метавонад тамдид ёбад. Бар асоси пешгӯиҳо, равуои байналмилалӣ танҳо дар моҳи декабр дубора барқарор мешавад.

"Ҳоло мо медонем, ки кушодашавии парвозҳо ба ягон минтақаи сайёҳӣ то охиримоҳи июл мӯъҷиза хоҳад буд, ва дар гумон аст. 99 фоиз - не. Август сахт зери суол аст" гуфт ӯ.

Ёдовар мешавем, ки бар асари пандемияи коронавирус, Русия парвозҳои байналмилалии нақшавӣ ва чартериро 27 март ба таъхир андохт.

 

257
Продавец в магазине считает сдачу

Кумакпулии раиси Суғд ба 77 нафар наврасону донишҷӯён

0
(Таҷдидшуда 16:34 11.07.2020)
Раҷаббой Аҳмадзода, раиси вилояти Суғд ба 77 нафар кӯдакон ва донишҷӯёни дорои имконияташон маҳдуд дар шаҳри Хуҷанд кумакпулӣ ҷудо кардааст

ДУШАНБЕ, 11 июл — Sputnik. Асрор Шарифзода, муовини раиси шаҳри Хуҷанд ба 72 нафар маъюбони навраси синну солашон гуногун ва 5 нафар донишҷӯёни шаҳри Хуҷанд кӯмакпулии яквақта ва туҳфаҳои хотиравӣ дастрас кард. 

Асрор Шарифзода изҳор доштааст, ки парастории маъюбон ва пирони барҷомонда барояшон амали муқаррарӣ буда, ин масъала дар сатҳи давлатӣ ҳалли мусбати худро ёфтааст.

"Ҷорӣ кардани имтиёз ва аёдати ин қабил ашхос дар рӯзҳои иду айём, аз тадбирҳое маҳсуб меёбанд, ки барои дастгирии моддию маънавӣ равона карда шудааст. Дар шаҳр онон бо дастгирии моддию маънавии ҳамаҷонибаи Мақомоти иҷроияи ҳокимияти давлатии вилояти Суғд ва шаҳри Хуҷанд фаро гирифта шудаанд", - омадааст дар иттилоияи котиботи ҳукумати Хуҷанд.

Манбаъ афзуд, ки ба маркази минтақавии хизматрасонии иҷтимоӣ ба пиронсолон ва маъюбон дар шаҳри Хуҷанд барои 62 нафар бошандагон низ кумаки моддӣ ҷудо карда шуда, барои 2 нафар маъюбони шаҳри Хуҷанд аробачаи маъюбӣ дастрас гардид.

Котибот илова намуд, ки тибқи дастури раиси шаҳри Хуҷанд Маъруф Муҳаммадзода 20 нафар шахсони маъюб аёдат карда шуда ба ҳамаи онҳо маводи ниёзи аввал дастрас гардид.

0
Барчаспҳо:
маҳдудият, кумак, Раҷаббой Аҳмадзода, Тоҷикистон