Вид на город Хорог, ГБАО.

Шарҳи расмии гирдиҳамоҳо дар Рӯшон: аз боздошту ҷарима то пушаймонӣ аз карда-видео

961
(Таҷдидшуда 23:06 29.06.2020)
Вазорати корҳои дохилиии Тоҷикистон расман гирдиҳамоиҳое, ки дар пайи боздошти як қочоқбар дар ноҳияи Рушони ВМКБ сар зад, шарҳ дод

ДУШАНБЕ, 29 июн — Sputnik. Тибқи иттилои дафтари матбуотии вазорати корҳои дохилии Тоҷикистон санаи якуми май қочоқчии ашаддии маводи мухаддир Шароф Қобилов 44 сола ва ҷинояткори махсусан хавфнок Фирдавс Гадомамадови 44 сола ҳарду сокинони ноҳияи Рушон дастгир гардидаанд, ки қаблан низ доғи судӣ доштаанд.

Манбаъ мегӯяд, баъди боздошт аз ҷониби КДАМ нисбат ба муттаҳамон парвандаи ҷиноӣ боз карда ба додгоҳи ВМКБ ирсол карда шуд.

“Дар ин замина як гурӯҳ ҷавонони ноогоҳу гумроҳ ва бо ГМҶ алоқаманди ноҳия ҷиҳати дастгирии қочоқчиёни воситаҳои нашъадор барои пешбурди фаъолияти хизматии кормандони мақомоти ҳифзи ҳуқуқи ноҳияи Рӯшон монеагӣ эҷод намуданд, ҳамзамон тартиботи ҷамъиятиро вайрон ва осудагии одамонро халалдор карда, ба майдаавбошӣ даст задаанд”,- афзудааст манбаъ.

Ба иттилои манбаъ, дар пайи ин ҳолат баҳри ҳифзи тартиботи нисбати Ғуломайдаров Ёдгори 44 сола, Мавлододов Ҳабиби 43 сола ва Бахтибеков Илчибеки 55 сола нафақахӯр сокинони ҳамин ноҳия, протоколҳои дахлдор тартиб дода шуда, дар асоси қарори Суди ноҳияи Рӯшон барои содир намудани ҳуқуқвайронкунии маъмурӣ ба ҳабси маъмурӣ гирифта шуданд.

Шарҳи ҳукумати Хоруғ дар бораи хабар ва акси "гирдиҳамоӣ барои иҷозат надодани футбол"

Дафтари матбуотии ВКД мегӯяд, ҳамчунин, барои вайрон намудани талаботи моддаи 460 Кодекси ҳуқуқвайронкунии маъмурии ҶТ сокинони ноҳияи Рӯшон Ғарибшоев Ғарибшои 36 сола, Бодуров Дарзуи 33 сола, Хушназаров Азамати 29 сола, Мазабшоев Муҳаммади 29 сола , Фародбеков Аъзамҷони 43 сола, ҳар кадом ба маблағи 406 сомонӣ ҷарима карда шуданд.

“Номбурдагон ба амалҳои ғайриқонунии худ иқрор шуда, изҳори пушаймонӣ карданд”,-афзудааст манбаъ.

ВУД мегӯяд зарарҳое, ки аз чониби чинояткорон расонида шуда буданд, аз ҷониби худи онҳо пурра барқарор карда шуд.

961
Барчаспҳо:
навор, гирдиҳамоӣ, Рӯшон
Арест, архивное фото

Сокини Душанбе дар ҳолати мастӣ хоҳарбузурги 36 - солаашро кушт

19
(Таҷдидшуда 14:59 09.07.2020)
Вазорати умури дохилаи Тоҷикистон аз боздошти сокини 34 - солаи пойтахт хабар медиҳад, ки дар куштори хоҳарбузурги худ гумонбар дониста мешавад

ДУШАНБЕ, 9 июл – Sputnik. Кормандони милитсия марди 34 - сола, сокини шаҳри Душанберо дастгир намуданд, ки дар содир намудани ҷинояти одамкушӣ гумонбар дониста мешавад.

Ба иттилои котиботи Вазорати умури дохилии Тоҷикистон, ҳодисаи мазкур санаи 7 - уми июл дар манзили истиқоматии гумонбаршуда рух додааст.

"Номбурда соати 19:30 дақиқа дар хонаи истиқоматияш дар ҳолати мастӣ бо хоҳарбузурги 36 - солаи худ муноқиша карда, 2-маротиба бо дастонаш ба сару рӯи ҷабрдида задааст", - таъкид мешавад дар хабар.

Куштор дар Вахш: писар ба хотири ҳамсари худ падарашро бо қарабоӣ зада кушт

Дар натиҷа марҳум ҷароҳати вазнини ҷисмонӣ бардошта, дар ҷойи ҳодиса ба ҳалокат расидааст.

ВУД Тоҷикистон мегӯяд, номбурда қаблан низ тибқи моддаи 224 Кодески ҷиноятии Тоҷикистон суд шуда буд.

Феълан аз рӯйи ин ҳодиса тафтишот идома дорад.

19
Барчаспҳо:
боздошт, мастӣ, куштор, Тоҷикистон
Сейсмография, архивное фото

Тоҷикистонро заминларзаи 4 - балла такон дод

121
(Таҷдидшуда 13:44 09.07.2020)
Маркази заминларза 165 километр дуртар аз самти шимолу шарқии Душанбе ва 11 километр дуртар аз самти ҷанубии ноҳияи Спитамен ҷойгир мебошад

ДУШАНБЕ, 9 июл — Sputnik. Дар вилояти Суғди Тоҷикистон субҳи имрӯз замин ларзид, хабар медиҳад California Earthquake Authority.

Бар хабари манбаъ, заминҷунбӣ соати 11:40 дақиқа сурат гирифт. Қувваи ларзиши замин 4,3 дараҷаи Рихтерро ташкил дод.

Гуфта мешавад, маркази заминҷунбӣ ҳудуди 33 километр дуртар аз шаҳри Хуҷанд ва 134 километр дуртар аз шаҳри Тошканд руз додааст.

Алъон гузоришҳо дар мавриди талафоти ҷонӣ ва молӣ рӯи даст нест.

Зилзила дар Бадахшон, барфи аввали Душанбе ва рухдодҳои дигари ҳафта

Манбаъ меафзояд, заминларза бо таҷҳизоти пойгоҳҳои зилзиласанҷӣ дар Қазоқистон, Қирғизистон, Ӯзбекистон, ИМА, Русия ва Олмон сабт шудааст.

Ёдовар мешаве, рӯзи шанбеи ҳафтаи гузашта дар шарқи Тоҷикистон заминҷунбӣ рух дод.

Бино бар иттилои Пажӯҳишгоҳи сейсмологии кишвар, 4 июли соли равон, соати 14:52 дар ҳудуди кишвар зилзила ба қайд гирифта шуд. Маркази он 201 километрии шимолу шарқии Душанбе, дар ҳудуди ноҳияи Тоҷикобод гуфта мешавад.

Дар натиҷаи ин ҳодисаи табиӣ, қисман манзилҳои сокинон дар қишлоқи Дараи Нушори ҷамоати қишлоқи Нушор, деҳаҳои Ширинчашма, Сари Най ва Себистони ҷамоати қишлоқи Ширинчашма  ва қишлоқҳои Ғанишобу Сафедоби ҷамоати қишлоқи Қалъаи лаби об қисман зарар диданд.

121
Барчаспҳо:
заминларза, Тоҷикистон