Открытие районной больницы №5 в джамоате Далион Боло Деваштичского района

Раҳмон дар Деваштич беморхонаи табиберо ифтитоҳ кард, ки ваъдаашро иҷро карду фавтид

2309
(Таҷдидшуда 12:01 01.07.2020)
Эмомалӣ Раҳмон, зимни сафараш ба ноҳияи Деваштич, субҳи имрӯз Беморхонаи ноҳиявии № 5 и деҳаи Далёни поёни ноҳияро мавриди баҳрабардорӣ қарор дод. Маврид ба зикр аст, ки Беморхонаи мазкур аз ҷониби сардухтури марҳум Садрӣ Файзиев сохта шудааст

ДУШАНБЕ, 1 июл – Sputnik. Шодравон Садрӣ Файзиев, ҳанӯз дар соли 2017 дар мулоқот бо соҳибкорон ба Эмомалӣ Раҳмон ваъдаи камназире карда буд.

Ӯ гуфт, аз ҳисоби худу фарзандонаш дар зодгоҳаш деҳаи Далёни поён як беморхонаи замонавӣ бо ҳама шароиташ сохта, онро ба ҳисоби давлат мегузорад.

Файзиев бо харҷи ҳудуди 7 милион сомонӣ дар зарфи беш аз як сол ин ваъдааш ба раисиҷумҳурро иҷро кард, аммо мутаасифона умр барояш вафо накард ва рӯзи 29-уми май дар пайи хуруҷи бемории ҳамагири “илтиҳоби шуш” дар бемористони ноҳияи Деваштич аз олам даргузашт.

Бино ба иттилои дафтари матбуотии президент, субҳи имрӯз аснои ифтитоҳи ин Бемористон, Президент ба аъзои оилаи соҳибкор Садрӣ Файзиев ва дигар шахсони ватандӯсти деҳот, ки дар бунёди ин Маркази тиббии замонавӣ шароити мусоиди фаъолият ва дастрасии сокинон ба хизматрасонии тиббиро таъмин кардаанд, изҳори сипосу миннатдорӣ намуда, анҷоми чунин эҳсонкориҳоро ба нафъи миллату ҷомеа ва амали ҷавонмардона арзёбӣ намудааст.

Аз майдони парчам то фермаи парандапарварӣ: Раҳмон чанд иншооти муҳимро ифтитоҳ кард

Сохтмони Беморхонаи ноҳиявии № 5, соли 2018 оғоз шуда, зарфи беш аз як сол бо талошҳои табиби саховатпеша Садрӣ Файзиев ба анҷом расонида шудааст.

Дар 4 ошёнаи ин Маркази тиббӣ, шӯъбаҳои таваллуд, қабул ва таҳлилгоҳ бо маҷмӯи гузаронидани амалиёти ҷарроҳӣ, утоқи хатнаи кӯдакон, касалиҳои узвҳои дарунӣ ва бачагона иборат буда, имкони бо ҷои кор таъмин шудани 60 корманди соҳаи тиб фароҳам оварда шудааст.

Ҳамчунин дар ин Маркази саломатӣ дастгоҳу таҷҳизоти муосири тиббӣ аз қабили дастгоҳи нафасдиҳии сунъӣ (ИВЛ), кардиомонитор, дастгоҳи ташхиси ултрасадо ва ҳам технологияҳои муосири ташхису табобат муҷаҳҳаз шудааст.

Ҳуҷраҳои беморхона маҷмӯан дорои 75 кат буда, барои бе мушкилӣ гузаронидани мавсими сармо ҳар яке бо шабакаи мутамаркази гармидиҳӣ ва хати озоди барқ пайваст карда шудаанд.

Ба Эмомалӣ Раҳмон иттилоъ дода шудаст, ки ин муассисаи тандурустии навсохти шодравон Садрӣ Файзиев ба тавозуни мақомоти иҷроияи ҳокимияти давлатии ноҳияи Деваштич гузаронида мешавад.

Зимнан ин нахустин Маркази беҳдоштии замонавӣ дар ин ҷамоати ноҳияи Деваштич ба ҳисоб меравад. Минбаъд аҳолии беш аз 26 ҳазор нафараи ҷамоатҳои Далёни поён ва Далёни боло аз хизматрасонии он истифода хоҳанд бурд.

2309
Мужчина тянет за волосы женщину, архивное фото

Аввал занашро корд зад, сипас худашро: шарҳи ВУД аз бистарӣ шудани ду ҷавон дар беморхона

106
(Таҷдидшуда 14:09 14.07.2020)
Ҷавони муттаҳам ба расонидани зарари вазнини ҷисмонӣ соати 1-и шаб, ба манзили падарарӯсаш ба назди ҳамсараш рафта, ҷанҷол намуда, сипас кордкашӣ кардааст

ДУШАНБЕ, 14 июл — Sputnik. Вазорати умури дохилаи Тоҷикистон ҳодисаи кордкашӣ дар ноҳияи Кушониёнро, ки дар пайи онр ду ҷавон - зану шавҳар дар беморхона бистарӣ шудаанд, тавзеҳ додаст.

Бино бар иттилои манбаъ, ҳодиса шаби 13 июл рух додааст.

ВУД менависад, "дар натиҷаи гузаронидани чорабиниҳои оперативӣ-ҷустуҷуӣ аз ҷониби кормандони милитсия муайян карда шуд, ки марди 30-солаи сокини ҷамоати деҳоти Навбаҳори ноҳияи Кушониён шаби 13-уми июли соли 2020, тахминан соати 01:00 ба хонаи падарарусаш рафтааст".

Гуфта мешавад, ӯ бо ҳамсараш, зани 25-солаи сокини ҷамоати шаҳраки Бохтариёни ҳамин ноҳия ҷангу ҷанҷол намуда, бо корди дар дасташ буда, 2-маротиба ба узвҳои муҳими бадани охирон зада, сипас бо корди дар дасташ буда, 2-маротиба ба узвҳои бадани худаш зада ҷароҳати вазнини ҷисмонӣ бардошта, дар беморхонаи ноҳия бистарӣ гардидаанд.

Боздошти сокини ноҳияи Кушониён, ки дар ҳолати мастӣ ҳамсарашро шаш корд зад

Сабаби ин амали ҷвон маълум нест.

Аз руи ин ҳодиса тафтишот идома дорад.

 

106
Арест, архивное фото

Боздошти ронандае, ки зани 62 - соларо пас аз пахш кардан ба бемористон бурду гурехт - акс

602
(Таҷдидшуда 18:35 13.07.2020)
Раёсати умури дохилии дар шаҳри Душанбе аз боздошти ронандаи фирорӣ хабар медиҳанд, ки зани 62 - соларо бо мошинаш пахш намуд

ДУШАНБЕ, 13 июл — Sputnik.  Бар хабари РВУД дар шаҳри Душанбе, ронандаи автомашинаи номаълум, рӯзи 11-уми июл, тахминан соатҳои 21:20 дақиқа дар рӯ ба рӯи тарабхонаи "Тоҷ" зани 62 - соларо пахш намуд, ки дар натиҷа пиёдагард ҷароҳати ҷисмонӣ бардоштанд.

Водитель совершивший наезд на пешехода
Водитель совершивший наезд на пешехода

Манбаъ меафзояд, ронанда пас аз пахш намудани пиёдагард ӯро фавран ба бемористон интиқол медиҳад ва худат ба самти номаълум ғайб мезанад.

"Вобаста ба ҳолати мазкур ҷиҳати муайян намудани ронандаи фирорӣ аз ҷониби кормандони мақомоти корҳои дохилӣ як қатор чорабиниҳои дахлдори оперативӣ-ҷустуҷӯӣ роҳандозӣ карда шуда, дар натиҷа ронандаи мазкур боздошт ва ба ШБДА Раёсати ВКД дар шаҳри Душанбе дастрас карда шуд", - таъкид мешавад дар хабар.

“Лада-Приора” бо “Опел-Астра”: Боздошти ду ҷавон барои ташкили пойгаи шабона дар Душанбе

Муайян гардид, ки ронандаи автомашинаи мазкур шаҳрванд Худойназаров Азизҷон Додарович, соли таваллудаш 1994, истиқоматкунандаи ш. Турсунзода деҳаи Ширкент мебошад, ки номбурда тавассути автомашинаи шахсиаш тамғаи Опел-Астра рақами қайди давлатиаш 7994 АТ 01 ин садамаи нақлиётиро содир намудааст.

Айни замон ҷиҳати муайян намудани сабабу омилҳои садамаи мазкур таҳқиқ идома дорад.

602
Барчаспҳо:
акс, ронанда, боздошт
Российской военно-транспортной авиации 89 лет

Даргузашти ҳунарманди машҳур Абдураим Абдуваҳҳобов

0
(Таҷдидшуда 13:41 14.07.2020)
Сабаби даргузашти ҳунарманд - Абдураим Абдуваҳҳобов, ки дар синни 57-солагӣ аз олам даргузашт, то ҳол маълум нест

ДУШАНБЕ, 14 июл – Sputnik. Ҳунарманди шоистаи Ӯзбекистон - Абдураим Абдуваҳҳобов аз олам даргузашт, хабар медиҳад Вазорати фарҳанги Ӯзбекистон.

Сабаби даргузашти ҳунарманд то ҳол маълум нест, ӯ ҳамагӣ 57-сол дошт.

Абдураим Абдуваҳҳобов 8 августи соли 1963 дар шаҳри Тошканд ба дунё омадааст. Ӯ дар филмҳои "Шум бола" -  (Садои дард), "Суюнчи", "Мухаббат синовлари", "Назира" ва сериоли "Шайтанат"  ва дар дигар намоишномаҳо нақш бозидааст.

Мусибат дар хонаводаи раиси вилояти Хатлон: модарашро аз даст дод

Ҳамчунин Абдуваҳҳобов дар филми "Жўра овчи" - и "Тоҷикфилм" нақш офаридааст.

0
Барчаспҳо:
ҳунарманд, даргузашт, Ӯзбекистон