Президент РФ В. Путин

Путин ба ислоҳоти конститутсионӣ дар Русия овоз дод

123
(Таҷдидшуда 14:55 01.07.2020)
Президент Владимир Путин дар овоздиҳии умумихалқӣ оид ба ворид намудани тағйироти конститутсионӣ дар Русия ширкат варзид

ДУШАНБЕ, 1 июл — Sputnik. Раисиҷумҳури Русия ба ҳавзаи интихоботии №2151 воқеъ дар  Академияи илмҳои Русия ҳозир шудааст, ки тибқи анъана ӯ ҳамеша дар интихоботи сатҳҳои гуногун дар ин ҷой овоз медиҳад, хабар додааст, РИА Новости.

Ба иттилои манбаъ, президент соати 10:57 ба ҳавзаи раъйдиҳӣ омад.

Гуфта мешавад, президент бидуни дастпуш ва ниқоби тиббӣ вориди бино шуд, аммо, бино пеш аз овоздиҳӣ безараргардонӣ шуда буд.

Чоршанбе, 1 июл, рӯзи асосии овоздиҳии умумихалқӣ оид ба ворид намудани тағйирот ба Конститутсияи Федератсияи Русия мебошад.

Раъйпурсии умумирусиягӣ дар мавриди ислоҳот дар Қонуни асосии Федератсияи Русия барои 22 апрел барномарезӣ шуда буд, аммо ба далели бемории ҳамагири “вируси корона” дар кишвар ба таъвиқ афтод.

Баъдан Владимир Путин, раисҷумҳури Русия фармони таърихи нави раъйгириро барои 1 июл имзо кард. Бо таваҷҷуҳ ба вазъияти эпидемиологӣ ва эминии ҷамъият тасмим гирифта шуд, ки мардуми Русия битавонанд дар кулли ҳафта - аз 25 июн то 1 июл - раъй диҳанд.

Раъйгирии хос дар Душанбе: таҳти қавоиди шадиди гигенӣ ва ҳавои гарм

Қаблан КМИР гуфт, ки 49,6 миллион овоздиҳанда дар раъйдиҳӣ, аз ҷумла ба таври фосилавӣ, иштирок карданд. Тибқи оморҳои охирин, то соати 12:00 ширкати аҳолӣ дар овоздиҳӣ 57,43 фоизро ташкил медиҳад.

123
Нож в руке

Ба қафаси синаи бародараш корд зад: боздошти марди 40 сола дар Конибодом

73
(Таҷдидшуда 11:38 07.07.2020)
Вазорати умури дохилии Тоҷикистон аз боздошти як марди 40 сола хабар медиҳад, ки бародарашро бо корд задааст

ДУШАНБЕ, 7 июл — Sputnik. Тибқи иттилои дафтари матбуотии ин ниҳод, ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди 40-солаи сокини шаҳри Конибодом бо гумони қасдан расонидани зарари миёна ба саломатӣ дастгир карда шуд.

Ба иттилои манбаъ, номбурда, санаи 6-уми июли соли 2020, тахминан соати 07:00-дақиқа дар хонаи истиқоматиашон бо бародари 38-солааш, ҷангу ҷанҷол карда, бо корди хоҷагии дар дасташ буда, як маротиба ба қафаси синааш задааст.
“Дар натиҷа ҷабрдида ҷарохати вазнини ҷисмонӣ бардошта, дар беморхона бистарӣ гардидааст”,-афзудааст манбаъ.

Гуфта мешавад, нисбати гумонбаршаванда парвандаи ҷиноятӣ бо моддаи 110 қисми 1 Кодекси ҷиноятии Тоҷикистон оғоз карда шуда тафтишот идома дорад.

Ин нахустин ҳолати кордкашӣ аз сӯи бародар ба додар набуда, қаблан ин ниҳод як марди 42 сола, сокини шаҳри Истаравшанро боздошт кард, ки пас аз майнӯшӣ бо бародари 41 солааш ҷангу ҷанҷол намуда, як маротиба ба гарданаш корд задааст.

73

Дарёфти қабристони ғайрирасмии муҳоҷирон дар Якутия  

242
(Таҷдидшуда 11:32 07.07.2020)
Мақомоти тафтишоти ҷумҳурии Саха аз дафрёфти як қабристони ғайрирасмии муҳоҷирин дар наздикии шаҳри Якутия иттилоъ додаанд

ДУШАНБЕ, 7 июл — Sputnik. Бино ба иттилои дафтари матбуотии мақомоти тафтишотии Саха қабристони ғайрирасмии муҳоҷирин рӯзи 5 июл дар ҳудуди маҳаллаи Птисефабрикаи шаҳри Якутск, пойтахти ҷумҳурии Саха -и Русия ёфт шудааст.

Ба иттилои манбаъ,  ин қабристонро 300 метр дуртар аз қабристони расмӣ дар даруни ҷангал бо 5 қабр дарёфтанд.

"Ҳувияти ду нафари дафншуда муайян карда шуд ва барои муайян кардани се нафари дигар чораҳо андешида мешаванд", - омадааст дар иттилоияи мақомоти тафтишотӣ.

Қабрҳоро сокинони маҳаллӣ пайдо карданд, хабар медиҳад SakhaNews. Гуфта мешавад, ки ҳама қабрҳо наванд.

Парфирий Шестаков, директори корхонаи давлатии "Ритуал" гуфтааст, ду қабр ба шаҳрвандони Тоҷикистон ва Қирғизистон тааллуқ дорад ва барои муайян кардани боқимонда дафншудаҳо ҷамъиятҳои муҳоҷирони Якутск ҷалб хоҳанд кард.

242

Ташрифи ҳайати СҶБ ба Туркманистон, кишваре, ки худро озод аз COVID-19 медонад

0
(Таҷдидшуда 11:44 07.07.2020)
Ҳайати Созмони ҷаҳонии беҳдошт оилд ба масоили коронавирус рӯзи гузашта вориди Туркманистон гардид Ханс Клюге, раҳбари Дафтари минтақавии СҶТ дар Аврупо дар Твиттераш дар ин бора хабар додааст

ДУШАНБЕ, 7 июл — Sputnik. Ду рӯз пеш Катерине Смоллвуд,  намояндаи Дафтари минтақавии СҶТ дар Аврупо оид ба ҳолатҳои фавқулодда гуфт, ки ҳайати созмон баҳри ҳамкорӣ бо мақомоти маҳаллӣ дар робита ба омодагӣ ва пешгирии коронавирус Туркманистон мераванд.

Ба иттилои манбаъ, намояндагони СҶБ тули 10 рӯз дар ин кишвар хоҳанд монд.

Гуфта мешавад ин муддат, намояндагони ТУТ бо мутахассисони соҳаи тандурустӣ мулоқот намуда, кори муштаракро оид ба арзёбии хатар ва таҳияи механизмҳои вокуниш ба COVID-19 баррасӣ менамояд.

Ҳамчунин, ҳайати коршиносон аз муассисаҳои тиббӣ, марказҳои саломатии давлатӣ, озмоишгоҳҳо ва дигар муассисаҳои сатҳи ҷумҳуриявӣ, вилоятӣ ва шаҳрӣ ва нуқтаҳои даромадгоҳӣ дидан хоҳанд кад.

Қаблан вазири умури хориҷаи Туркманистон Рашид Мередов дар рафти нишасти матбуотие изҳор дошт, ки ҷумҳурӣ омода аст ҳайати СУТ-ро аввалҳои моҳи июл пешвоз гирад.

СҶБ ба ваксинаи Русия алайҳи коронавирус эътимод дорад ва пешниҳоди ҳамкорӣ намуд

Мередов дар ҳамин нишасти матбуотӣ таъкид кард, ки то ҳол Туркманистон ба кишварҳое шомил мешавад, ки бо коронавирус рӯ ба рӯ нашудааст.

Ӯ далоили набудани коронаро на  саривақт бастани марз, балки рушди низоми тандурустӣ гуфтааст. 

 

 

0