Раҳмон гуфт, раисони шаҳру навоҳӣ чи қадар қарори ғайриқонунии тақсими замин баровардаанд

© Sputnik / Вероника Антонова-ТризноПодписание договора, архивное фото
Подписание договора, архивное фото - Sputnik Тоҷикистон
Обуна шудан
Дар шаш моҳи аввали соли равон 513 парвандаи ҷиноӣ вобаста ба замин ва заминфурушӣ оғоз гардида, нафарони қонуншикан ба ҷавобгарӣ кашида шудаанд.

ДУШАНБЕ, 19 июл — Sputnik. Дар ин бора прокурори генералӣ Юсуф Раҳмон зимни нишасти хабарии ниҳоди зертобеяш итиилоъ дода, гуфт, дар ин самт 2219 санадҳои эътиноии прокурорӣ татбиқ ва 3248 нафар барои қонуншиканӣ ба ҷавобгарии интизомию маъмурӣ кашида шуданд.

Приветственная арка перед въездом в город Куляб. архивное фото - Sputnik Тоҷикистон
Додситони кулл: раиси пешини шаҳри Кӯлоб барои ҷиноятҳои марбут ба замин боздошт шуд

“Инчунин  беш аз 6286 гектар қитъаи замини ғайриқонунӣ ғасбшуда  ба ҳолати аввал баргардонида шудаанд”,-афзуд прокурори генеразӣ.

Номбурда гуфт,  зиёда аз 600 қарорҳои ғайриқонунии раисони шаҳру ноҳияҳоро вобаста ба ҷудо кардани қитъаи замин дар асоси эътирозҳои прокурорӣ бекор кардаанд.

“Масъулини мақомоти иҷроияи ҳокимияти давлатӣ дар шаҳру ноҳияҳо низ, ки ба ғайриқонунӣ тақсим кардани замин даст доштанд, ба ҷавобгарии дахлдор кашида шуданд. Зарари расида аз ин ҷиноятҳо 1,6 млн сомониро ташкил медод, ки он барқарор карда шу”, — илова кард Прокурори генералӣ.

Ин изҳороти Прокуратураи генералӣ дар ҳолест, ки Кумитаи давлатии заминсозӣ ва геодезӣ низ гуфт, дар шаш моҳ 6697 ҳолати вайрон намудани муқаррароти қонунгузорӣ дар бораи заминро ошкор ва ҷиҳати рафъи онҳо нисбат ба 6611 тан даъвоҳои судӣ пешниҳод шуд.

Боздошти як раиси ҷамоат дар Хатлон бо иттиҳоми фурӯши замин

Ориф Хоҷазода, раиси Кумитаи гуфт, ки бар асоси 6156 даъвои судӣ парвандаҳои ҷиноятӣ оғоз ва дар ҳаҷми 2 940 763 сомонӣ ҷарима баста шуд, ки аз он маблағи 2 348.439 сомонӣ (80%) ба суратҳисоби махсуси давлат интиқол ёфтааст.

Лентаи хабарҳо
0