Драка, архивное фото

Бандишозода: сокини Хуросон баъди латтукӯби корманди пулис худро аз ошёнаи дуюм партофт

417
(Таҷдидшуда 12:25 19.07.2020)
Додситони вилояти Хатлон қазияи боздошт ва латукӯби Маҳмадмумин Муминов як сокини ноҳияи Хуросонро аз суи маъмури пулиси ин минтақа шарҳ дод

ДУШАНБЕ, 19 июл — Sputnik.  Миллопар Бандишозода, муовини прокурори вилояти Хатлон зимни як нишасти хабарӣ гуфт, нисбат ба майори милитсия Исломбек Забирзода, корманди пулиси барои баромадан аз ҳадди ваколатҳои мансабӣ бо истифодаи зӯроварӣ, дидаю дониста расонидани хабари бардурӯғ нисбат ба прокурор ва боздошти ғайриқонунӣ парвандаи ҷиноӣ  боз кардааст.

Тибқи иттилои манбаъ, Исломбек Забирзода санаи 23 апрел тахминан соати 22:30 дақиқа бо гумонбарии тасарруфии молу амволи ғайр шаҳрванди ноҳия Маҳмадмумин Муминов ба ШВКД оварда пас аз ду соат дар бевақтии шаб, соати 23:30 дақиқа ғайриқонунӣ бе иштироки холисон ба хонаи Муминов рафта аз он ҷой ашёҳо, аз қабили болгарка, мошинаи дарздӯзӣ, асбобҳои кафшергарӣ ва ғайраро гирифта ба ШВКД меорад.

Бандишозода  гуфт бар замми ин корманди пулис  Муминовро ғайриқонунӣ дар утоқи корияш аз озодӣ маҳрум мекунад  ва барои он ки ӯ ҷинояти содиршударо ба гардан намегирад, мавриди латукӯб ва муносибати бераҳмона қарор медиҳад.

“Ин боис мешавад, ки санаи 24 апрел наздики нисфирӯзӣ ҷавон ба шиканҷаву зӯроварӣ ва таҳдиду дигар ҳарактҳои Забирзода тоб наоварда Бандишозода аз ошёнаи дуввуми ШВКД худро ба замин мепартояд, ки дар натиҷа ҷароҳатҳои вазнин бардошта дар беморхона бистарӣ гаштааст”,-афзуд муовини прокурор.

Номбурда гуфт, ин масъала зери назорати ҷиддии прокуророн қарор дошта, Исломбек Забирзода ҳоло дар ҳабси пешакӣ буда, парвандааш ба қарибӣ ба додгоҳ ирсол мешавад.

417
Мэр города Душанбе Рустам Эмомали

Дастури Рустам ба масъулини пойтахт аз танзими нарх то захираи ғизо ва омодагӣ ба зимистон

240
(Таҷдидшуда 17:21 27.09.2020)
Рустами Эмомалӣ, шаҳрдори Душанбе ба масъулини пойтахт дастур додааст, ки ба мавсими тирамоҳу зимистон омодагии ҷиддӣ бигиранд

ДУШАНБЕ, 27 сен — Sputnik. Тибқи иттилои дафтари матбуотии раиси шаҳр, зимни баргузории иҷлосияи сеюми Маҷлиси вакилони халқи шаҳри Душанбе, Рустами Эмомалӣ ба раисони ноҳияҳои пойтахт, дастур додааст, ки дар ҳама соҳаҳо омодагии ҷиддӣ гирифта, фаъолияти сохторҳоро дар ин самт зери назорати қатъӣ қарор диҳанд.

Ҳамзамон роҳбарони соҳаҳои маорифу тандурустӣ ва ҳифзи иҷтимоии аҳолӣ вазифадор шудаанд, ки ҷиҳати захираи маводи озуқаворӣ, сӯзишворӣ, ангишт ва ҳезум, омодагии генераторҳои барқӣ, бехатарии зиддисӯхтор дар мавсими тирамоҳу зимистон ва омода намудани бинои иншоотҳои соҳа барои қабули гармӣ чораҳои бетаъхир андешанд.

Рустами Эмомалӣ барои бо нархҳои дастрас таъмин намудани сокинони пойтахт бо маҳсулоти ниёзи аввалия, захира ва ғанӣ гардонидани бозори истеъмолӣ, иҷрои аз меъёри асосӣ зиёди нақшаҳои захираи картошка, пиёз, сабзӣ, орд, равған, шакар, мониторинги нарху наво ба масъули пойтахт супоришҳо додааст.

Масъулини соҳаҳои дахлдори шаҳриву ноҳиявӣ уҳдадор гардиданд, ки кори муътадили марказҳои барқу гармидиҳӣ захираи ангишту мазутро таъмин намуда, оид ба пайвастшавии бинову иншоот ба шабакаи гармидиҳӣ, таъмир ва сохтмони истгоҳҳои трансформаторӣ, пешгирии худсаронаи пайвасти ноқилҳо ба симчӯбҳо ва қонунвайронкуниҳо дар истифодаи қувваи барқ,  тадбирҳои мушаххасро амалӣ намоянд.

240
Барчаспҳо:
дастур, Рустами Эмомалӣ, Душанбе, Тоҷикистон
Партия наркотиков

Интиқоли маводи мухаддир аз Афғонистон ба Тоҷикистон 10% коҳиш ёфтааст

57
(Таҷдидшуда 13:01 27.09.2020)
Қисми зиёди маводи мухаддире, ки мехоҳанд ба қаламрави Тоҷикистон интиқол диҳанд, дар марз ё минтақаҳои наздисарҳадӣ бо Афғонистон мусодира карда мешаванд, қайд кард Агентии назорати маводи мухаддир.

ДУШАНБЕ, 27 сен — Sputnik. Дар ду соли охир ҳаҷми интиқоли маводи мухаддир аз Афғонистон ба Тоҷикистон дар масири шимол коҳиш ёфт, хабар медиҳад Агентии назорати маводи мухаддири ҷумҳурӣ.

Тибқи маълумоти расмӣ, аз соли 2017 то 2019 ҳаҷми интиқол аз 15 то 10% коҳиш ёфтааст.

"Интиқоли маводи мухаддир аз Афғонистон ба Тоҷикистон бо роҳи ба истилоҳ Масири Шимолӣ аз соли 2017 инҷониб аз 15 то 10% коҳиш ёфтааст.  Ин ба шарофати афзоиши назарраси назорат, аз сарҳад ва то ба тамоми минтақаҳои кишвар, имконпазир гардид ", - гуфта мешавад, дар гузориши оҷонсӣ "Дастовардҳои Тоҷикистон дар давраи татбиқи Стратегияи миллии мубориза бо гардиши ғайриқонунии маводи мухаддир дар Тоҷикистон барои солҳои 2013-2020".

Гуфта мешавад, ки аксари маводи мухаддире, ки онҳо мехостанд ба қаламрави Тоҷикистон интиқол диҳанд, дар марз ё минтақаҳои наздисарҳадӣ мусодира карда мешаванд.

Ҳамин тавр, соли 2019 дар ҷумҳурӣ беш аз 1,6 ҳазор килограмм маводи мухаддир мусодира карда шудааст, ки 48% аз он дар минтақаҳои наздисарҳадӣ мусодира шудааст.

Мақомот дигар мухаддирот намехаранд: Салимзода гуфт, чаро гардиши нашъа 2 тон кам шуд

Ин ниҳод қаблан гуфт, ки мақомоти ҳифзи ҳуқуқи Тоҷикистон давоми солҳои 2017-2020 35 гурӯҳи муташаккили ҷиноии трансмиллиро ошкор ва нест карда, инчунин 84 роҳбар ва аъзои фаъолро боздошт карданд.

57
Барчаспҳо:
Агентии назорати маводи нашъаовар, Афғонистон, Тоҷикистон
День 28 сентября

Ҷашнҳои рӯзи 28 сентябр дар Тоҷикистон ва ҷаҳон

0
(Таҷдидшуда 19:44 27.09.2020)
Рӯзи бисту ҳаштуми сентябр ҳамчун Рӯзи байналмилалии баҳр мебошад. Ҳамчунин Рӯзи умумиҷаҳонии мубориза бар зидди бадҷаҳлӣ низ 28 сентябр ҷашн гирифта мешавад

Рӯзи 28 сентябр дар ҷаҳон чӣ рух дод

Соли 1950 Индонезия ба ҳайати СММ шомил шуд.

Соли 1960 дар Созмони Шартномаи Атлантикаи Шимолӣ фармондеҳии ягонаи қувваҳои ҳарбӣ-ҳавоӣ таъсис дода шуд.

Соли 1992 аввалин маротиба маъракаи даъват ба сафи қувваҳои мусаллаҳи Русияоғоз гардид.

Рӯзи 28 сентябр дар Тоҷикистон чӣ рух дод

Соли 2002 дар шаҳри Душанбе комиссияи байниҳукуматии Тоҷикистону Ӯзбекистон оид ба тақсимот ва муайянкунии сарҳади давлатӣ ба кори худ оғоз кард, ки то 5 октябр давом ёфт.

День 26 сентября
© Sputnik / Стас Этвеш / Вишнякова Мария

Соли 2010 дар шаҳри Душанбе оид ба ҳамкории иқтисодӣ ва тиҷоратии Тоҷикистону Қазоқистон форуми тиҷоратӣ баргузор гардид.

Соли 2012 Президенти Тоҷикистон Эмомалӣ Раҳмон Лоиҳаи Қонуни конститутсионии Ҷумҳурии Тоҷикистон "Дар бораи тартиби ҳалли масъалаҳои сохти марзиву маъмурӣ" ва Қонуни Ҷумҳурии Тоҷикистон "Дар бораи фаъолияти савдо ва хизматрасонии маишӣ"-ро маъқул дониста, ба баррасии Маҷлиси намояндагони Маҷлиси Олии Ҷумҳурии Тоҷикистон пешниҳод  карданд.

Ҷашнҳои рӯзи 25 сентябр дар Тоҷикистон ва ҷаҳон

Соли 2015 дар Иёлоти Муттаҳидаи Амрико Эмомалӣ Раҳмон  дар муколамаи интерактивии Саммити 2015 оид ба мавзӯи "Ба хотири ҳифзи сайёраи мо ва дар ҷодаи мубориза бо тағйирёбии иқлим" суханронӣ карда буданд.

Соли 2016 дар шаҳри Хуҷанд ҷаласаи 14-уми Кумитаи роҳбарони воҳидҳои ҳифзи ҳуқуқи Шӯрои роҳбарони Хадамоти гумруки кишварҳои аъзои Иттиҳоди Давлатҳои Мустақил баргузор гардид.

Соли 2017 дар Театри давлатии академии опера ва балети ба номи С.Айнӣ ба ифтихори 25 – солагии барқарорсозии муносиботи дипломатӣ байни ду давлат барномаи фарҳангии «Шоми дӯстии Тоҷикистону Корея» баргузор гардид.

Соли 2017 Барномаи рушди кино дар Ҷумҳурии Тоҷикистон қабул гардид.

Соли 2018 дар шаҳри Душанбе ҷаласаи Шӯрои сарони давлатҳои аъзои Иттиҳоди Давлатҳои Мустақил баргузор гардид.

Ҷашнҳои рӯзи 28 сентябр

  • Рӯзи байналмилалии баҳр.
  • Рӯзи умумиҷаҳонии мубориза бар зидди бадҷаҳлӣ.
  • Дар Русия – Рӯзи кормандони саноати атомӣ.

Рӯзи 28 сентябр дар Тоҷикистон кӣ ба дунё омадааст

Солҳои (1898-1940) Ходими давлатӣ Сурен Шадунс.

Соли 1951 Риёзидон  Сайфулло Бобоев.

Соли 1954 доктори илмҳои таърих, профессор Музаффар Олимов.

Соли 1957 Ходими намоёни давлатӣ Муҳаммад Шарифов.

0
Барчаспҳо:
ҷашн, ҷаҳон, Тоҷикистон