Конверт с деньгами, архивное фото

Ҷазои ҷавоне, ки худро корманди мақомоти зидди коррупсия гуфта, аз мақомдорон пул гирифт

2279
Додгоҳи шаҳри Хуҷанд  Нуриддинов Анвархуҷа Ҳайдаровичи 26-соларо бо ҷурми қаллобӣ барои 3 сол равонаи зиндон кард

ДУШАНБЕ, 19 июл — Sputnik. Бино ба гузориши Акбар Шариф, сухангӯи Раёсати Вазорати корҳои дохила дар Суғд Нуриддинов Анвархуҷа дар се ҳолати қаллобӣ муттаҳам мешавад.

Ба иттилои манбаъ, номбурда давоми моҳи апрел ва майи соли равон худро корманди мақомоти коррупсия муаррифӣ карда бо роҳи фиреб ва суистифодаи боварӣ аз ду хизматчии давлатӣ ва як раиси ҷамоат гӯиё барои ифшо накардани камбудиҳояшон ҷойдошта маблағи пулӣ ба даст овардааст.

Ин дар ҳолест, ки ӯ ягон ихтисос надошта ва додгоҳ соли гузашта низ ӯро дар асоси моддаҳои 111 ва 237 гунаҳгор дониста ҷазо таъйин карда буд.

Манбаъ мегӯяд, Нуриддинов дар ду ҳолат аз  як раиси ҷамоат 10 ҳазор ва аз хизматчии дигар 1000 ва 200 сомонӣ гирифтааст.

“Суҳбатҳо тавассути телефон сурат гирифта, баъди ба мувофиқа расидан, Нуриддинов ба ҳайси шогирд ва иҷрокунандаи супориши роҳбар ба назди ҷабрдидаҳо омада, маблағи маслиҳатшударо ба даст меорад. Ҳоло он ки шахси сеюм вуҷуд надошт ва нафари дар телефон суҳбаткарда низ худи ӯ мебошад”,- афзудааст манбаъ.

Гуфта мешавад, дар пайи баррасии парванда додгоҳ Нуриддинов Анвархуҷаро барои 3 сол равонаи зиндони низомаш умумӣ кардааст.

2279
Милиционеры в Душанбе, архивное фото

Капитану подполковник, майорро латукӯб намуданд: парвандаи ду масъули баландпояи Суғд

10
(Таҷдидшуда 18:14 25.09.2020)
Нисбати Даврон Юнусзода, ваколатдори калони фаврии шуъбаи мубориза алайҳи гардиши ғайриқонунии маводи мухаддири назди РВКД ва подполковник Раҳмонзода Муҳаммадалӣ, сардори шуъбаи мазкур, барои шиканҷа ва озори як шахси низомӣ парвандаи ҷиноӣ оғоз шудааст

ДУШАНБЕ, 25 сен – Sputnik. Бино ба иттилои дарёфтӣ аз мақомоти ҳифзи ҳуқуқи Тоҷикистон тафтишоти муқаддамотии ин қазия собит намудааст, ки ба ин ҷинояти нангин подполковники милитсия Раҳмонзода Муҳаммадалӣ Раҳмон, сардори шӯъбаи мубориза бо гардиши ғайриқонунии маводи мухаддири РВКД дар вилояти Суғд низ даст доштааст.

Агентии коррупсия фасодзадатарин ниҳодҳоро дар Тоҷикистон эълон кард

Манбаъ тавзеҳ дод, ки ин ҳодиса оғози ҳафтаи равон рух дода ва ҳоло подполковник Раҳмонзода аз тафтишот пинҳон шуда, фирор намудааст.

"Ҳоло кофтукови фаврӣ-ҷустуҷӯӣ нисбати Раҳмонзода Муҳаммадалӣ ва дигар ҳаммаслакони ӯ, ки дар содир намудани ҷинояти шиканҷадиҳӣ ҳамроҳ мебошанд, идома дорад", -  гуфтанд манобеи Sputnik Тоҷикистон.

Бино ба иттилои дарёфтӣ, Юнусзода ва Раҳмонзода бо маслиҳати пешакӣ, як командири қисми низомии мустақар дар ноҳияи Масчоҳ, дорои рутбаи майор бударо, ба утоқи кории худ воқеъ дар шаҳри Хуҷанд даъват намуда, ӯро шадидан латукӯб кардаанд.

Дар бораи бадрафторӣ ва мавриди шиканҷа қарор гирифтани шаҳрвандон аз ҷониби кормандони мақомоти низомӣ то ин дам хабарҳо зиёд нашр мешуданд.

Зимнан, оиди ин ҳодиса прокуратураи шаҳри Хуҷанд нисбати Юнусзода Даврон ва Раҳмонзода Муҳаммадалӣ, масъулони шӯъбаи мубориза бо гардиши ғайриқонунии маводи мухаддири РВКД дар вилояти Суғд бо аломатҳои моддаи 316 қисми 3 ва ва 358 и Кодекси ҷиноӣ парванда боз намуда, тафтишот дар ин самт идома дорад.

10
Барчаспҳо:
парванда, латукӯб, Суғд
Мусофирбар, акс аз бойгонӣ

“Ман подполковники милиса, мекушамат”: талаби ҷазо барои бетартибӣ дар мусофирбар-видео

398
(Таҷдидшуда 17:48 25.09.2020)
Марде, ки худро подполковники милиса гуфта, дар дохили мусофирбари пуродам дар маҳаллаи Текстили шаҳри Душанбе марди дигарро мавриди таҳқиру таҳдид қарор дод, норозигии корбарони шабакаҳои иҷтимоиро ба вуҷуд овард

ДУШАНБЕ, 25 сен - Sputnik. Ин мард, бо иддаои он, ки гӯиё ӯро аз пушти сараш задаанд, гиребони марди дигареро гирифта, бо дашномҳои дағал таҳдид мекунад, ки медаронад, мекушад.

“Ака даста бигир, илтимос, ман ягон гапи зиёдатӣ гуфтам, чит гуфтам? Илтимос”, - зора мекунад мард аз "подполковнике", ки бо қаҳр аз гиребонаш гирифта, таҳдиди дарондану куштан мекунад. Марди зӯргӯй иддао дорад, ки ӯро аз пушт задаанд, аммо ин қисмат дар навор сабт нашудааст.

Мусофирони дигар дар хитоб ба “подполковник” изҳор медоранд, ки “айбай ака, ин ҷо ҷои ҷамъиятиай”. Аммо марде, ки худро подполковник мегӯяд, аз гиребони марди дигар гирифта, дашномдиҳии дағалонаро идома медиҳад. Навори мазкурро саҳифаи Парвиз.Тв нашр кардаст, ки боиси баҳсҳо дар шабакаҳои иҷтимоӣ шуд.

Ин рафтори марде, ки худро милиса гуфт, норозигии корбарони шабакаҳои иҷтимоиро ба вуҷуд оварда, бархе хостори муҷозоти ӯ барои чунин батартибӣ шудаанд.

398
Барчаспҳо:
мусофирбар, бетартибӣ, ҷазо, Тоҷикистон