Тонущий человек, архивное фото

Аз 5 то 60 сола: ҳалокати 5 нафар тайи се рӯзи гузашта дар обанбору дарёҳо

98
Кумитаи ҳолатҳои фавқулодаи Тоҷикистон аз ҳалокати панҷ нафар тайи се рӯзи гузашта дар кулу дарёҳои кишвар хабар медиҳад

ДУШАНБЕ, 27 июл — Sputnik. Бино ба иттилои сомонаи расмии ин ниҳод, ҳалокшудагон аз 5 сола то 60 сола умр доша, дар пайи беназоратӣ ва ё надонистани қавоиди ғаввосӣ ҳалок шудаанд.

Тибқи иттилои ин ниҳод, рӯзи гузашта, соати 16:30 дақиқа ҷасади як марди шастсолаи дар дарёи Душанбе ғарқшуда пайдо ва ба кормандони мақомоти ҳифзи ҳуқуқ супурда шуд. Гуфта мешавад,

ин мард бегоҳии рӯзи 25-уми ғарқ шуда буд ва наҷотдиҳандагон мекофтанд.

Ба иттилои манбаъ, як сокини 20-солаи деҳаи Пастиғави ноҳияи Масчо зуҳри рӯзи 26 июл дар канали рақами 1 ноҳия ҳангоми оббозӣ ғарқ шуд ва соате пас аҳолии атроф ҷасади ӯро пайдо ва ба соҳибонаш супурданд. 

Манбаъ мегӯяд, ҳамчунин як сокини 42 солаи Душанбе санаи 25 дар обанбори Норак ғарқ шуд.

“Маълум шуд, ки номбурда ба хонаи хешовандонаш ба меҳмонӣ омада, барои истироҳат бо бародаронаш ба соҳили обанбори Норак рафта, ҳангоми оббозӣ бо қоидаҳои шиноварӣ риоя накарда, ғарқ шудааст” ,-афзудааст манбаъ. 

Сокини 10 - солаи Кушониён дар заҳбур ғарқ шуд

 Кумита гуфтааст, ҷасади сокини деҳаи ниҳолпарвари ноҳияи Шаҳринав, ки рӯзи 23-уми июл бо ҷамъе аз дӯстонаш барои табобат ба деҳаи Конинамак, ҷамоати деҳоти Ориёни шаҳри Ҳисор рафтаву дарёи Кофарниҳон ғарқ шуд, рӯзи 25 уми июл дар деҳаи Ашқободи ҷамоати деҳоти Эсамбой-и ноҳияи Рӯдакӣ аз суи сокинон пайдо карда шуд.  

КҲФ: дар кӯлу ҳавзҳои Тоҷикистон 28 нафар ғарқ шуданд: 9 ноболиғ

Ин ниҳод мегӯяд, мудҳиштарин фоҷеа ғарқи об шудани писарбачаи панҷсола дар дарёи Кофарниҳон буд.

“Вай бо истифода аз беназоратии волидон хостааст дар дарёи Кофарниҳон оббозӣ кунад, вале мавҷи пурхӯриш ӯро ба комаш кашидааст” ,-афзудааст манбаъ.

 

98
Река Кофарниган, архивное фото

Наврӯз нагуфт, ки ӯро Шаҳзода оташ зад: ҷузъиёти ишқи сӯзон дар Ваҳдат-видео

504
(Таҷдидшуда 21:13 23.09.2020)
Наврӯз Раҷабов ба Шаҳзода Шамсиева зарфи сӯзишворӣ дода, гуфтааст, ҳар коре бихоҳад бо ӯ анҷом диҳад, то дилаш ором шавад

ДУШАНБЕ, 23 сен – Sputnik. Тибқи гузориши ВУД, 26 - уми августи соли ҷорӣ, дар деҳаи Шаҳдбори шаҳри Ваҳдат, дар соҳили дарёи Кофарниҳон Шамсиева Шаҳзодаи 21-сола, дӯстдоштааш Наврӯз Раҷабови 25-соларо оташ задааст.

Наврӯз худаш ба Шаҳзода сӯзишворӣ дода гуфтаст, ҳар коре хоҳад бо ӯ бикунад

“Аз пушти мошин, бақлашкаи бензинро қатии зажигалка гирифта, дар дастам доду гуфт ин марҳамат чӣ кореям кунӣ, бикун, то дилат хунук шудана. Росто истода ин марҳамат гуфт. Ман ҳам бақлажка дар дастам, аз тори санг истода, болояш рехтам. Басай фиреб гуфтам, то кай фиреб мекунӣ, гуфтам, ин сӯ нигоҳ кун, ки зажигалкаро гирён кардаму оташ сӯяш давид”, - тавзеҳ дод Шаҳзода ҳодисаро.

ВУД мегӯяд, ҷабрдида содиркунандаи ин ҷиноятро пинҳон медошт, аммо кормандони милиса муайян кардаанд, ки ин корро Шаҳзода кардааст.

Наврӯз баъди сӯхтан ба Шаҳзода гуфтаст, ки ба касе чизе нагӯяд-видео

Шаҳзода дар гузориши ВУД изҳор дошт, ки Наврӯз дар роҳ ба ӯ гуфт, “рост ба хона рав, ба телефони ҳеч кас ҷавоб надеҳ, маро надидаӣ, намедонӣ”.

Шаҳзода изҳор доштааст, ки Наврӯз Раҷабов ба зиндагии осоиштаи ӯ дахл карда, сабабгори вайрон шудани оилааш шудааст.

Ба иттилои ВУД феълан аз рӯи ин ҳодиса алайҳи Шаҳзода парвандаи ҷиноӣ оғоз гардида, тафтишот идома дорад.

504
Насилие над женщинами, архивное фото

Озори ҷинсӣ ва қатли 2 духтар дар Душанбе: таксиюм гуфта, бурдаст-видео

4451
(Таҷдидшуда 20:22 23.09.2020)
Вазорати умури дохилии Тоҷикистон аз пайдо шудани ҷасади ду ҷавонзани бедаракшуда аз Душанбе, Ҳайдарова Замирамо ва Меҳрафрӯзи Холмирзо хабар дод, ки дар пайи озори ҷинсӣ ба қатл расонда шудаанд

ДУШАНБЕ, 23 сен – Sputnik. Тибқи иттилои ВУД, Ҳайдарова Замирамо, соли таваллудаш 1991, сокини кӯчаи Алишер Навоии шаҳри Душанбе ҳанӯз моҳи январи соли 2018 ва Меҳрафрӯзи Холмирзо, сокини 18-солаи ноҳияи Исмоили Сомонӣ моҳи апрели соли равон бедарак шуда буданд. Ҷасади ҳардуяшон ахиран дар як ғоре дар теппаҳои болои деҳаи Харангони ноҳияи Варзоб пайдо карда шуд.

ВУД бо иттиҳоми қатли Замирамо ва Меҳрафрӯз ду марди 28-сола, сокинони шаҳри Душанбе - Дониёр Сафаров ва Раупов Саъдуллоро боздошт кардааст.

Манбаъ тавзеҳ дод, ки Дониёр бо Замирамо робита дошта, пайваста ӯро дар заминаи рашку нофаҳмӣ латукӯб мекардааст. Ба иттилои ВУД, Сафаров ва Раупов соли 2018 Замираморо баъди латукӯб, дар бағоҷ бор карда, шабона дар ғори болои Харангон шиканҷаю озори ҷинсӣ дода, ба қатл расондаанд.

Ин ниҳод афзуд, ки ҷинояти дигарро Раупов Саъдулло, ки ба мусофирбарӣ машғул будааст, содир кардааст. Ӯ Меҳрафрӯзи Холмирзоро ҳамчун мусофир савори мошинаш карда, баъди рад кардани алоқаи ҷинсӣ латукӯб ва ба қатл расондааст. Ҷасади дуюмро низ ба ғоре бурдаст, ки қаблан ҷасади Замираморо дар он пинҳон карда будаанд.

ВУД таъкид кард, ки феълан алайҳи муттаҳамон парвандаи ҷиноӣ оғоз гардида, тафтишот идома дорад.

4451
Барчаспҳо:
қатл, ҷасад, Тоҷикистон