Туристы прибывают в аэропорт Сон-Сан-Хуан в Пальма-де-Майорка

Дигар навбатпоиву "коғазбозӣ" нест: Русия раводиди электрониро ҷорӣ мекунад

374
(Таҷдидшуда 17:31 04.08.2020)
Сар аз 1 январи соли оянда, бо раводиди электронии кӯтоҳмуддат ба Русия ворид шудан мумкин аст, ки ин раванд на бештар аз чор рӯзро дар бар мегирад. Sputnik маълум кард, ки кӣ метавонад аз тартиби нав истифода барад

ДУШАНБЕ, 4 авг — Sputnik, Алексей Стефанов. Пас аз лоиҳаи озмоишӣ - додани раводидҳои электронӣ ба шаҳрвандони 53 давлат барои сафар ба Владивосток ва ноҳияи Федералии Шарқи Дур, вилояти Калининград, Санкт-Петербург ва вилояти Ленингради Русия имкони гирифтани раводиди кӯтоҳмуддати электрониро бо сафар ба тамоми минтақаҳои кишвар роҳандозӣ мекунанд.

Рӯзи ҷумъа президенти Русия Владимир Путин қонуни федералиро имзо кард, ки тибқи он раводиди ягонаи универсалии электронӣ барои сафари кӯтоҳмуддат ба Русия ба мӯҳлати то 60 рӯз ҷорӣ карда мешавад.

Ин раводид дар баробари раводиди дипломатӣ, хидматӣ, муқаррарӣ, транзитӣ ва муваққатии иқоматӣ категорияи алоҳида дорад.

Ҳамзамон, давомнокии худи сафар аз 16 рӯз зиёд буда наметавонад. Аммо, Анҷумани ширкатҳои сайёҳии Русия (ATOR) ба хабаргузории Sputnik тавзеҳ дод, ки тибқи омор, сафари шаҳрвандони хориҷӣ ба Русия ба ҳисоби миёна ҳафтае сурат мегирад, аз ин рӯ ин рӯзҳо барои будубоши кӯтоҳмуддат дар кишвар кофӣ аст.

Шаҳрвандони 113 давлат: Русия воридшавиро ҳарчи бештар осон мекунад

Аз 1 январи соли 2021 раводиди нав ба шаҳрвандони хориҷӣ дода хоҳад шуд. Дар Вазорати корҳои хориҷии Русия ба он диққат медиҳад, ки дар доираи таҷриба бо раводиди электронӣ ба ноҳияи Федералии Шарқи Дур, вилояти Калининград, Санкт-Петербург ва вилояти Ленинград сафаркунандагон ба мушкилот дучор шуданд - довталабон ҳангоми пур кардани ариза аксар вақт хато мекунанд, ки ин сабаби рад кардани раводид мегардад. Барои пешгирии ин ҳолат барои  раводиди нав, сайт такмил ва содда карда шуд.

Ҳанӯз дақиқ маълум нест, ки шаҳрвандони кадом кишварҳо аз ин навоварӣ истифода бурда метавонанд.

"Рӯйхати кишварҳои хориҷӣ аз ҷониби Ҳукумати Федератсияи Русия алоҳида тасдиқ карда мешавад",-гуфт, Наталя Кувшинова, узви Кумитаи Думаи давлатӣ оид ба тарбияи ҷисмонӣ, варзиш, сайёҳӣ ва кор бо ҷавонон, ба Sputnik.

"Ман боварӣ дорам, ки раводиди кӯтоҳмуддати электронӣ талабот хоҳад дошт. Ин навоварӣ ба рушди туризми дохилӣ дар Русия равона карда шудааст, зеро афзалиятҳои имрӯз сайёҳии дохилӣ мебошанд. Фикр мекунам, ки ин яке аз механизмҳое мебошад, ки ба шаҳрвандони хориҷӣ имкон фароҳам меорад миёни давлатҳои мариди назарашон Федератсияи Русияро интихоб кунанл ", - гуфт вакили Думаи давлатӣ.

Эҳтимол, ба рӯйхати кишварҳое, ки шаҳрвандонашон метавонанд раводидҳои электрониро гиранд, 53 давлате шомил карда мешаванд, ки лоиҳаи озмоиширо истифода мебаранд. Дар байни онҳо кишварҳои Иттиҳоди Аврупо, Чин, Ҷопон, Туркия, Ҳиндустон ҳастанд.

 

Аммо ба ин рӯйхат шаҳрвандони ИМА, Канада ва Бритониё шомил нашудаанд. Ва, эҳтимол дорад, онҳо то ҳол наметавонанд раводиди кӯтоҳмуддати электрониро мисли пештара ба даст оранд.  Вазорати корҳои хориҷӣ мегӯяд, раводити электрони замони роҳандозии таҷрибавӣ дар минтақаҳои алоҳида бепул буд, аммо аз моҳи январи соли 202 пардохта мешавад. Хароҷот эҳтимол аз 50 доллар зиёд набошад.

"Соли оянда, хоҳем дид, ки раводиди нави электронӣ дар муқоиса бо раводидҳое, ки имрӯз амал мекунанд, чӣ қадар маъмул хоҳад буд" гуфт депутат вакили Думаи давлатӣ Наталя Кувшинова.

Ба ғайр аз 53 давлате, ки барои гирифтани раводиди электронӣ дар Федератсияи Русия ҳуқуқ доранд, шаҳрвандони 60 кишвари дигар имкони вуруд бидуни раводитро ба Русияро дар асоси муқаррароти шартномаҳои дуҷонибаи байналмилалӣ доранд.

Ҳамин тариқ, Вазорати корҳои хориҷӣ таъкид кардааст, ки аз соли 2021 режими озодтари вуруд ба қаламрави Русия, ки раводиди коғазиро талаб намекунад, ба шаҳрвандони давлатҳои хориҷӣ, ки нисфи аҳолии ҷаҳон - тақрибан 4 миллиард нафарро ташкил медиҳанд, татбиқ хоҳад шуд.

Ҳаҷми сайёҳон на камтар аз 30% афзоиш меёбад

Ба таъкиди Майя Ломидзе, директори иҷроияи Ассотсиатсияи Туроператорҳои Россия ин содагардонии назаррас мебошад, сафаркунандагон солҳои зиёд орзу мекарданд.

Ба ақидаи ӯ, раводиди электронии кӯтоҳмуддат, ҳатто тибқи пешгӯиҳои хушбинона, ҷараёни сайёҳонро ҳадди аққал 30% афзоиш медиҳад. Аз ин рӯ, Ломидзе итминон дорад, ки навовариҳо танҳо фоида меоранд "ҳамзамон як камбудӣ метавонад мавҷуд бошад - агар соддагардонии эълоншуда дар асл чунин нашавад."

Александр Курносов, ноиби президенти ATOR бошад, мегӯяд, ки ин қарори ҳукумат метавонад ҷараёни сайёҳиро ҳатто 40 ё 50% "ё ҳатто аз ин ҳам зиёдтар кунад, зеро таҷрибаи дигар кишварҳо, ки раводидро бекор мекунанд ё соддагардонии назаррас натиҷаҳои аз ин баландтарро нишон медиҳад”.

"Хеле мусбат аст, ки чунин тасмим дар як лаҳзаи мушкил барои соҳаи сайёҳӣ гирифта шуд" гуфт ӯ.

Александр Курносов умедвор аст, ки минбаъд низ содагардонии низоми раводит идома меёбад -"тамдиди мӯҳлати раводид аз ду моҳи ҷорӣ то ҳадди аққал шаш моҳ ё сол ва эҳтимолан дароз кардани рӯзҳо аз 16 то 30".

Инчунин, ноиби президенти Ассотсиатсияи ширкатҳои сайёҳии Русия умедвор аст, ки шумораи кишварҳоеро, ки ба гирифтани раводиди электронӣ дастрасӣ доранд, афзоиш афзоиш меёбад, "зеро дар ин рӯйхат давлатҳое шомил нашудаанд, ки шумораи зиёди сайёҳонро ба Русия фиристанд - ин масалан Иёлоти Муттаҳида ва Британияи Кабир аст."

"Ин мусбат хоҳад буд. Аммо возеҳ аст, ки дар ин масъала ҳама чиз ба ҳолати сиёсӣ баста шудааст" - хулоса кард Александр Курносов.

374
Барчаспҳо:
ширкатҳо, вазъи ширкатҳои сайёҳӣ, сафар, муҳлат, осон аст, Сайёҳ, раводид, Русия
Машина полиции

Майдаавбошии Одинаевҳо: барои дашному латукӯби ҳамсоя ҳабсу ҷарима шуданд - навор

484
(Таҷдидшуда 18:57 19.09.2020)
Саҳнаи дашномкунӣ ва латукӯби як ҷавон аз ҷониби ду бародар дар шаҳри Душанбе ба шабакаҳои иҷтимоӣ роҳ ёфт ва баҳси гармеро ба миён овард

ДУШАНБЕ, 19 сен – Sputnik. Кормандони Раёсати умури дохилаи шаҳри Душанбе ду ҷавонеро боздошт намуданд, ки дар якҷоягӣ ҷавони дигарро ҳақорат ва шадидан кӯфтанд.

Бар хабари котиботи раёсати мазкур, ин ҳодиса нисфирӯзи 16 - уми сентябр дар кӯчаи Соҳилӣ рух дод.

Бародарон Одинаев Фирӯз ва Одинаев Фаррух, ки сокинони кӯчаи Соҳилӣ мебошанд, ҳамсояи 30  солаашонро нахуст дашном дода, сипас ду каса ӯро шадидан кӯфтанд.

Қиссаи бедаракшавии муҳоҷири тоҷик: аз латукӯб то гум шудани хотира-видео

Аз рӯи наворе, ки ба дасти кормандони РВУД дар пойтахт расид, ҳар ду бародар боздошт ва ба идораи пулис оварда шуданд.

Манбаъ меафзояд, Одинаевҳо барои дағалона вайрон кардани тартиботи ҷамиятӣ яке ба 5 шабонарӯз ҳабси маъмурӣ равона шуда, дар нисбати дигарӣ, ҷарима ба андозаи 10 нишондиҳанда барои ҳисобҳо таъин карда шуд.

484
Барчаспҳо:
ҷарима, ҳабс, ҳамсоя, латукӯб, Душанбе
Ювелирные изделия, архивное фото

Боздошти зани 41-сола бо иттиҳоми дуздии ҷавоҳироти зани дигар

110
(Таҷдидшуда 15:51 19.09.2020)
Вазорати умури дохилии Тоҷикистон аз боздошти зани 41-сола хабар дод, ки дар дуздии ҷавоҳироти зани дигар муттаҳам мешавад

ДУШАНБЕ, 19 сен — Sputnik. Тибқи иттилои ВУД, ба идораи милисаи ноҳияи Сино, зани 43-солаи сокини пойтахт муроҷиат намуда, арз доштааст, ки 5-уми сентябри соли 2020, тахминан соатҳои 10:30-дақиқа, шахси номаълум бо роҳи пинҳонӣ ба хонаи истиқоматиаш даромада, аз он ҷо ҷавоҳироти гуногуни тиллоиро дуздида, аз ҷойи ҳодиса ғайб задааст.

Манбаъ зарари расонидашударо 10 ҳазор сомонӣ арзёбӣ кардааст.

ВУД афзуд, ки ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия зани 41-солаи сокини ҷамоати деҳоти Турдибобои шаҳри Ҳисор, ки пеш барои дуздию қаллобӣ суд шудааст, ҳамчун гумонбар дар дуздӣ боздошт гардид.

Инчунин дар натиҷаи гузаронидани чорабиниҳои оперативӣ ҷустуҷӯӣ аз ҷониби кормандони милитсия ноболиғи 17-солаи сокини ҷамоати деҳоти Саразми шаҳри Панҷакент бо гумони содир намудани ҷинояти дуздӣ дастгир карда шудааст.

“Номбурда, санаи 21-уми августи соли 2020, тахминан соатҳои 01:30-дақиқа, бо роҳи пинҳонӣ аз хонаи истиқоматии марди 46-солаи сокини ҷамоати деҳоти Саразм 1 адад скутери тамғаи “Daylingo”-ро дуздида аз ҷойи ҳодиса ғайб задааст. Зарари расонидашуда 3 ҳазору 500-сомониро ташкил медиҳад”, - омадааст дар иттилоия.

ВУД Тоҷикистон таъкид кард, ки аз рӯи ин ҳодисаҳо тафтишот идома дорад.

110
Барчаспҳо:
боздошт, дуздии ҷавоҳирот, Тоҷикистон
Эмблема Центральной комиссии по выборам и референдумам  Республики Таджикистан

Номзадҳо барои интихоботи президентӣ чӣ қадар маблағ масраф хоҳанд кард?

0
(Таҷдидшуда 14:36 20.09.2020)
Барномаи таблиғоти барномаҳои интихоботии номзадҳои раёсатҷумҳурӣ дар Тоҷикистон дар ҳоле оғоз шудааст, ки масъулон дар бораи ҳазинаи молии аҳзоби сиёсӣ дар ин марҳала камтар изҳори назар мекунанд

ДУШАНБЕ, 20 сен — Sputnik.Танҳо намояндагони Ҳизби коммунисти Тоҷикистон гуфтаанд, ки барои таблиғоти барномаи интихоботии Меъроҷ Абдуллоев раис ва номзади ин ҳизб 40 ҳазор сомонӣ ҳазина хоҳад шуд, иттилоъ додааст хабаргузории “Парстудей”.

Бино бар иттилои манбаъ,ҳизби кишоварзии Тоҷикистон барои барномаи таблиғотии Рустам Латифзода раис ва номзади ин ҳизб 15 ҳазор адад шиорнавишта ва варақҳои таблиғотӣ мунташир кардааст ва нашрияи ин ҳизб низ бо шуморагони 40 ҳазор нусха мунташир хоҳад шуд.

Рустам Раҳматзода, раис ва номзади Ҳизби ислоҳоти иқтисодии Тоҷикистон гуфтааст, ки барои таблиғот ба қадри кофӣ манобеи молӣ дар ихтиёр дорад.

Номзадҳо ҳамчунин аз 40 дақиқа замоне, ки телевизиони давлатии Тоҷикистон барои муаррифии барномаҳои интихоботии онон ихтисос додааст, истифода хоҳанд кард.

Аз сӯи дигар ба ғайр аз ҳизби халқии демократӣ бақияи аҳзоби сиёсӣ дар ин кишвар сомонаи интернетӣ надоранд.

Ҳамчунин густариши вируси куруно дидори мустақими номзадҳои интихоботи раёсатҷумҳурии Тоҷикистон бо мардум ва тавзеҳи барномаҳои интихоботии номзадҳоро ба шиддат маҳдуд кардааст.

Интихоботи раёсатҷумҳурии Тоҷикистон ёздаҳуми октябр баргузор мешавад.

0
Барчаспҳо:
Аҳзоби сиёсӣ, ҳазина, Интихоботи президентӣ, интихобот, Тоҷикистон