Шакал

Маҳви 9 шағол дар Хуҷанд: амалиёт алайҳи ҳайвонҳои ваҳшӣ идома дорад

274
Дар пайи роҳандозии амалиёт ҳайвоноти ваҳшӣ дар маҳаллаҳои аҳолиниши Хуҷанд дастикам 9 шағол нобуд карда шудааст. Мақомоти Идораи шикор мегуянд, амалиёти безарарсозӣ аз рӯбоҳу шағолҳо дар маҳаллаи Чашмаи арзанаи Хуҷанд давом дорад

ДУШАНБЕ, 10 авг – Sputnik. Мубин Маҳмудов, муовини раиси ҷамъияти шикорчиён ва моҳидорони Суғд дар суҳбат ба Sputnik Тоҷикистон гуфт, маҳвсозии шағолҳо кори басо душвор аст, аммо бо ин вуҷуд дар раванди амалиёт дастикам 9 шағол аз пойдарафтонда шуд.

“Тибқи мушоҳидаҳои мо шағолҳо дар маҳаллаи Чашма-2 макон гирифта буданд. Мо маҳалли зисти онҳоро муҳосира карда, то имрӯз 9 тои онҳоро маҳв кардем. Ин маҳаллаи шаҳр аз шағолҳо тоза шуд ва мардум аз ҳамла ба ҳайвоноти хонагиашон хотирҷамъ шуданд. Ҳоло мо дар маҳаллаи Чашма-1 кор бурда, шому саҳар поида истодаем, ки оё шағолҳо ба ин ҷо меоянд, ё не. Дар қисмати шарқии ин маҳалла ду шағолро мушоҳида кардем, онҳо сояи моро дида фирор карданд. Ин, ки минбаъд ба маҳалла оянд, онҳоро маҳв мекунем”, гуфт Маҳмудов.

Мақомот дар ҳоле даст ба амалиёти рӯбоҳу шағолҳо заданд, ки ахиран дар моҳи июни соли ҷорӣ сокинони маҳаллаи Чашма-2 и Хуҷанд аз ҳуҷуми афзояндаи ин намуд ҳайвоноти ваҳшӣ ба мурғу гурба ва дигар ҳайвоноти хонагии худ иброз намуданд.

Сокинон бо нигаронӣ аз кушта шудани ҳудуди 90 сар мурғу чорвои хонагии худ аз ҳамлаи ҳайвоноти ваҳшӣ хабар дода, аз мақомот тақозо намуданд, ки аз вуруди шағолҳо ба маҳалла пешгирии амалӣ сурат бигирад, вагарна хавфи расидани зарар аз ин ҳайвонҳои ваҳшӣ ба кӯдакони хурдсол эҳтимол дошта метавонад.

Масъулони Идораи шикор дар Суғд, дар пайи ин муроҷиатномаи сокинони Чашмаи арзана, миёнаҳои моҳи июн ҷаласа ороста дар он роҳандозии амалиёт алайҳи несту нобуд кардани шағолҳоро матраҳ карданд.

Он замон қарори амалиёт содир шуд ва бо ҷудо намудани 300 сомонӣ маблағ ва 30 дона тири милтиқи шикорӣ таҳти роҳбарии муовини ин ниҳод Мубин Маҳмудов кори маҳвсозии шағолҳо дар Чашмаи арзанаи Хуҷанд шурӯъ гардид.

Мубин Маҳмудов гуфт, бо маҳв кардани 9 шағол ҳоло дигар сокинон дар Чашмаи арзана аз нағмаю ҳамлаи шағолҳо фориғ шудаанд ва қарор аст то охирҳои ҳафтаи равон аз кори ду моҳаи худ натиҷагирӣ кунанд.

274
Барчаспҳо:
маҳв, ҳайвонот, амалиёт, Хуҷанд, Тоҷикистон
Автомобиль опрокинулся в реку Фондарё

Садамаи маргбор дар шоҳроҳи "Душанбе-Хоруғ-Қулма": худрав ба дарёи "Ғунд" чаппа шуд

2322
(Таҷдидшуда 15:51 28.10.2020)
Вазорати умури дохилаи Тоҷикистон аз садмаи маргбор дар шоҳроҳи "Душанбе - Хоруғ - Қулма" хабар медиҳад

ДУШАНБЕ, 28 окт — Sputnik. Бино ба гузориши Вазорати корҳои дохилӣ, садама бегоҳи 27-уми октябррух додааст.

Тибқи иттилои ВКД, ронандаи худрави тамғаи "Чанху", Мардонов Ховар Навбаҳорович, соли таваллудаш 1972, сокини ноҳияи Шуғнон, ҳангоми ҳаракат дар шоҳроҳи "Душанбе-Хоруғ-Қулма", аз уҳдаи идораи воситаи нақлиёт набаромада, ба дарёи "Ғунд" чаппа шудааст.

Марги ду сокини Чорсӯ дар садамаи мудҳиши нақлиётӣ: яке ронанда буду дигараш мусофир

Гуфта мешавад, ки садама дар ҳудуди деҳаи Боғев ба вуқӯъ пайвастааст.

"Дар натиҷа, ронанда Мардонов Х.Н. ҷароҳати вазнини ҷисмонӣ бардошта, дар ҷойи ҳодиса ба ҳалокат расидааст", - омадааст дар хабарнома.

Боз садама дар тӯй: мошин бо домоди тоҷику арӯсаш ба истгоҳ бархӯрда, чаппа шуд

Манбаъ афзуда, ки аз рӯи ин ҳодисаи мазкур таҳқиқот идома дорад.

2322
Барчаспҳо:
ҳалокат, садама, Тоҷикистон
Подростки

Бо корд ҳамла кардани ноболиғ ба хонандагони синфи 10: пулис волидонро ҷарима кард- навор

766
(Таҷдидшуда 16:37 27.10.2020)
Ҷавони 17 - сола бо ҳамроҳии ду дӯсти дигараш барои ҳал кардани нофаҳмиҳо миёни ӯ ва хонандагони синфи 10, мактаби № 92, ба яке аз кӯчаҳои шаҳри Душанбе омада, бо корд ба онҳо таҳдид кард

ДУШАНБЕ, 27 окт — Sputnik. Навори муноқишаи ду гурӯҳ ҷавонону ноболиғон дар шаҳри Душанбе, аз ҷониби раҳгузаре сабт ва дар шабакаҳои иҷтимоӣ паҳн шуд. 

Зимнан, кормандони милитсияи пойтахт навори мазкуро мавриди баррасӣ қарор доданд.

Дар ин навор навраси 17 - сола, сокини ноҳияи Рӯдакӣ, хонандаи курси 2 - и Литсеи касбӣ - политехникӣ бо ҳамроҳии ду нафар рафиқони худ, яке ҷавони 19 - сола, дигаре ҷавони 15 - сола ба хотири қасдгирӣ аз хонандагони синфи 10 - и МТМУ № 92 дар ноҳияи Сино, онҳоро ба муноқиша даъват кардаанд.

Вазорати маорифи ҶТ омӯзгореро, ки бо донишомӯз задухӯрд карда буд, танбеҳ дод

Манбаъ меафзояд, ҳодисаи мазкур рӯзи 25 октябр рух додааст. Чаҳор нафар хонандагони синфи 10 - и муассисаи мазкур ба хотири ба қавле ҳал намудани нофаҳмиҳои ба миён омада, ба макони муайяншуда рафтаанд.

Дар навор ҷавони 17 - сола бо корд ба хонандаҳо таҳдид намудааст, ки дар натиҷа, ҳамаи онҳо пароканда шуданд.

РВУД дар шаҳри Душанбе таъкид мекунад, ки нисбати волидайни ноболиғон бо моддаи 90 - Кодекси ҳуқуқвайронкунии маъмурӣ, барои бемасъулиятӣ ва ҳунукназарӣ нисбати таълиму тарбияи фарзанд, протоколи ҳуқуқвайронкунии маъмурӣ тартиб дода шуд.

Волидони кӯдакон ҷаримабандӣ ва худи онҳо ба таври қатъӣ огоҳонида шуданд.

766
Барчаспҳо:
ноболиғ, ҳамла, корд, Душанбе

Вакил гуфт, бекор кардани патент барои муҳоҷирон чӣ пайомад дорад

0
(Таҷдидшуда 20:06 28.10.2020)
Ба гуфти вакил сабукӣ барои муҳоҷирони метавонад вокунииши манфии шаҳрвандони Русияро ба бор орад ва ба амният хатар дошта бошад

ДУШАНБЕ, 28 окт — Sputnik. ВУД Русия пешниҳод карда, ки қонун "Дар бораи вазъи ҳуқуқии шаҳрвандони хориҷӣ дар ФР" ислоҳ карда шавад ва барои бархе аз гурӯҳи муҳоҷирон патент бекор гардад.

Светлана Бессараб, узви Кумитаи Думаи давлатӣ оид ба меҳнат, сиёсати иҷтимоӣ ва собиқадорон, дар суҳбат бо Парламентская газета аз чунин навоварӣ интиқод кард.

Дар Русия барои муҳоҷирони ғайриқонунӣ низ Маркази имдод ифтитоҳ мешавад

"Ман ба чунин ташаббус эҳтиёткорона муносибат мекунам. Тавре таҷриба нишон медиҳад, аз ҷумла дар кишварҳои Урупо, на ҳамеша пур кардани ҷойҳои корие, ки мардуми бумӣ намехоҳад аз ҳисоби муҳоҷирон, хуб аст. Аксар вақт ин амалкард бо амнияти давлатӣ алоқаманд аст". қайд кард Бессараб.

Вакил афзуд, ки чунин навгониҳо барои муҳоҷирони сохтмончӣ метавонад вокунииши манфии шаҳрвандони Русия ва иттифоқҳои касабаро ба бор орад.

Чунин вокуниш махсусан имрӯзҳо, ки сатҳи бекорӣ дар Русия дар ҳоли афзоиш аст, интизоршаванда мебошад.

Ба ширкатҳои бузурги сохтмонӣ иҷозат дода мешавад, муҳоҷиронро аз Тоҷикистон даъват кунанд

Рӯзи 26 октябр Вазорати корҳои дохилии Русия тарҳи ислоҳи қонун "Дар бораи вазъи ҳуқуқии шаҳрвандони хориҷӣ дар Федератсияи Русия" -ро барои муҳокимаи умум нашр кард.

Тибқи ҳуҷҷат, хориҷиён метавонанд бидуни патент ва иҷозатномаи кор дар ширкатҳои байналмилалии Русия кор кунанд: дар сохтани иншооти барои чорабиниҳо зарурӣ пешбинишуда ва ҳангоми омодагӣ ва иштирок дар чунин чорабиниҳо.

Рӯйхати чорабиниҳо, ташкилкунандагон ва лоиҳаҳои сохтмонро ҳукумат муайян мекунад.

0
Барчаспҳо:
муҳоҷирон, хатар, патент, Русия