Дорожный знак, архивное фото

ВКД: дар роҳҳои кишвар дар ду рӯз чаҳор садамаи маргбор сурат гирифт

255
(Таҷдидшуда 14:35 15.08.2020)
Вазорати умури дохилаи Тоҷикистон хабар дод, ки дар ду рӯзи гузашта зимни садамаҳои нақлиётӣ дар роҳҳои кишвар чаҳор шаҳрванди хурдсолу калонсол ба ҳалокат расидааст

ДУШАНБЕ, 15 авг — Sputnik. Бино бар иттилои дафтари матбуоти Вазорати умури дохилаи Тоҷикистон, нахустин садамаи маргбор рӯзи 13-уми августи соли равон, дар шаҳри Бохтар сурат гирифтааст.

Бино бар иттилои манбаъ, Азимов Муҳсинҷон ронандаи автомашинаи “Хундай-Либеро”, ки соли таваллудаш 1992 аст ва сокини маҳаллаи Ғайрати шаҳри Бохтар мебошад, ҳангоми ҳаракат аз самти маркази шаҳри Бохтар ба самти терминали мусофиркашонии “Сафар-К”, дар кӯчаи Курғон аз уҳдаи идораи воситаи нақлиёт набаромада, велосипедрон, Зубайдов Хуршед Нуралиевич, соли таваллудаш 1970, сокини ҷамоати деҳоти С.Истиқлоли ноҳияи Кушониёнро пахш намудааст.

Дар натиҷа, охирин ҷароҳати вазнини ҷисмонӣ бардошта, дар ҷойи ҳодиса ба ҳалокат расидааст.

Инчунин ВКД иттилоъ додааст, ки санаи 13-уми август, ронандаи автомашинаи “Опел-Астра”, Сафаров Аҳлиддин, соли таваллудаш 1990, сокини ҷамоати деҳоти Тугараки ноҳияи Восеъ ҳангоми ҳаракат дар роҳи мошингарди “Душанбе-Восеъ-Кӯлоб”, дар ҳудуди ҷамоати шаҳраки Ҳулбук аз уҳдаи идораи воситаи нақлиёт набаромада, пиёдагарди ноболиғ, Шоҳрамаҷони Султон, соли таваллудаш 2006, сокини ҷамоати деҳоти Меҳнатободи ноҳияи Ҳамадониро пахш намудааст.

Гуфта шудааст, ки мутаассифона, ноболиғи мазкур ҷароҳатҳои вазнини ҷисмонӣ бардошта, дар беморхона ба ҳалокат расидааст.

Дар ҳамин ҳол, санаи ду садамаи маргбори дигар низ ба қайд гирифта шудааст.

Ба иттилои ВКД Тоҷикистон санаи 14-уми августи соли равон, ронандаи автомашинаи “Шагман”, Каримов Сунатулло Восеъевич, соли таваллудаш 1964, сокини шаҳри Душанбе ҳангоми ҳаракат аз самти кӯчаи 50-солагии Тоҷикистон ба самти кӯчаи Абай, дар рӯ ба рӯи тарабхонаи “Ҷавонбахт” пиёдагарди шахсияташ номаълум, марди тахминан 40-45 соларо пахш намудааст.

Манбаъ таъкид доштааст, ки дар натиҷа шахсияташ номаълум ҷароҳатҳои вазнини ҷисмонӣ бардошта, дар беморхона ба ҳалокат расидааст.

Ҳамчунин ҳодисаи нохуш санаи 14-уми августи соли равон ба қайд гирифта шудааст.

Гуфта шудааст, ки ронандаи автомашинаи “Опел-Астра”, Шарифов Идибег Сайдалиевич, соли таваллудаш 1987, сокини ҷамоати деҳоти Чилдараи ноҳияи Сангвор ҳангоми ҳаракат дар роҳи мошингарди “Ваҳдат-Рашт-Лахш”, дар ҳудуди деҳаи Саройи ноҳияи Файзобод бехатарии ҳаракати роҳро таъмин карда натавониста, ба дучархаи тамғаи “Скутер”, таҳти идораи ронанда, Султонов Таобшоҳ, соли таваллудаш 1994, сокини ҷамоати деҳоти Мискинободи ноҳияи мазкур бархӯрдааст.

Дар натиҷа, Султонов Таобшоҳ ҷароҳати вазнини ҷисмонӣ бардошта, дар беморхона ба ҳалокат расидааст.

Дар ҳоли ҳозир, кормандони милитсияи Тоҷикистон аз рӯи ин ҳодисаҳои мазкур таҳқиқотро идома дорад.

255
Барчаспҳо:
роҳҳо, Вазорати умури дохилӣ, хурдсол, маргбор, садама, Тоҷикистон
Чрезвычайный и Полномочный посол Таджикистана в России Имомуддин Сатторов

Сатторов дар бораи донишҷӯёни дар Тоҷикистон бандмонда ва даъват аз шаҳрвандон

4
(Таҷдидшуда 18:12 01.10.2020)
Бозгашти донишҷӯёни тоҷик ба таҳсил дар Русияро сафири ҷумҳурӣ дар Федератсияи Русия Имомуддин Сатторов шарҳ дод

ДУШАНБЕ, 1 окт – Sputnik. Бозгашти шаҳрвандони Тоҷикистон ба Русия, ки ҳангоми пандемияи коронавирусӣ рафтанд, мушкил боқӣ мемонад, гуфт Имомуддин Сатторов, сафири фавқулодда ва мухтори ҷумҳурӣ дар Федератсияи Русия.

Дипломат даъват кард, ки барои шаҳрвандони Тоҷикистон, ки ниёзи фаврӣ надоранд, Русияро тарк накунанд.

"Дар ин бора мо тобистон, вақте ҳама фикр мекарданд, ки мераванду тез бармегарданд, сӯҳбат кардем. Асосан мо пешгӯӣ кардем, ки вазъи эпидемиологӣ ба ҳама шаҳрвандон имкон намедиҳад, ки баргарданд. Мо инчунин донишҷӯёне, ки тоза ба таътил баромадаву рафта буданд, даъват кардем, гарчанде онҳо метавонистанд дар ин ҷо мунтазир шаванд ",-гуфт Сатторов дар мусоҳиба бо Sputnik Тоҷикистон.

Сафир қайд кард, ки айни замон мақомоти Русия ва Тоҷикистон дар бораи баргардонидани донишҷӯёне, ки аз Федератсияи Русия ба ҷумҳурӣ рафтаанд, гуфтушунид доранд. Диққати махсус ба донишҷӯёни курси якум дода мешавад.

Вазири маорифи Русия гуфт, чӣ қадар донишҷӯёни хориҷӣ мунтазири омадананд

Бо сабаби пандемия, зиёда аз 100 ҳазор донишҷӯёни хориҷӣ наметавонанд ба Федератсияи Русия оянд

Ҳамзамон, ӯ илова кард, ки аз Тоҷикистон ба Русия омадаану баъдан дар хобгоҳ  тариқи фосилавӣ таҳсил кардан, маъно надорад.

4
Барчаспҳо:
донишҷӯён, сафир, Русия, Тоҷикистон
Спичка, архивное фото

Пулро дуздиду хонаро оташ зад: боздошти хонандаи синфи 10 дар Истаравшан

174
(Таҷдидшуда 18:08 01.10.2020)
Мақомоти милитсия аз боздошти як ноболиғи 16 - сола, хонандаи синфи 10, сокини шаҳри Истаравшан хабар медиҳад, ки ба содир намудани ҷинояти дуздӣ ва сӯзонидани хона даст задааст

ДУШАНБЕ, 1 окт – Sputnik. Акбар Шарифӣ, сухангӯи РВКД дар вилояти Суғд рухдоди ин ҳодисаро ба Sputnik Тоҷикистон шарҳ дод.

"Сокини 16 - солаи шаҳри Истаравшан, хонандаи синфи 10, ки ҳоло танҳо аз вай Д. Б. ном бурда мешавад, санаи 10 - уми сентябр, соати 07: 30 ба манзили соҳибкор, марди 38 - солаи сокини ин шаҳр воқеъ дар кӯчаи Ҳакимова дохил шуда, 4 ҳазору 400 доллари амрикоиро тасарруф намуд", - шарщ дод Шарифӣ.

Ба изҳори ӯ, ноболиғ барои рӯйпуш кардани изи ҷинояти содиркардааш, хонаи соҳибкорро оташ зад.

Дар асоси муроҷиатномаи соҳибкор, кормандони милитсия хонандаи синфи 10 - и яке аз макотиби Истаравшанро боздошт намуданд, ки дар содир намудани ҷинояти мазкур муттаҳам дониста мешавад.

Боздошти сокини Вахш барои дуздӣ дар даҳ масҷиди ду ноҳия-видео

Гуфта мешавад, навраси 16 - сола, ба ҷузъ аз дузди маблағ, аз ҳисоби оташ задани манзили истиқоматӣ ба соҳибхона боз 30 ҳазор сомонӣ зарар расонидааст.

Ҳоло аз рӯи ин ҳодиса бо моддаи 244 (дуздӣ) ва 255 (қасдан несту нобуд кардани молу амвол) - и Кодекси ҷиноятӣ парванда оғоз карда шуда, ноболиғ ба ҳабс гирифта шудааст.

174
Барчаспҳо:
боздошт, ноболиғ, дуздӣ, Истаравшан