Санитарный контроль магазинов в Худжанде

Фурӯшандаҳо дастпӯш надоранду харидорон ниқоб: се мағозаи Хуҷандро муваққатан бастанд

528
(Таҷдидшуда 11:09 18.08.2020)
Як санҷиши корӣ, ё рейди масъулони Ситоди мубориза бо бемории COVID - 19 дар шаҳри Хуҷанд собит намудааст, ки дар аксар мағозаҳои бузурги шаҳр, оддитарин чораҳои беҳдоштӣ риоят намешавад

ДУШАНБЕ, 18 авг – Sputnik. Маъмури Юсуфзод, котиби матбуоти ҳукумати Хуҷанд гуфтааст, ба далели ошкоршавии камбудиҳои зиёд, дирӯз фаъолияти баъзе фурӯшгоҳҳои бузург муваққатан боз дошта шуд.

“Дар мағозаҳои бузурги озуқаворӣ то ҳол риоя нашудани оддитарин талаботи беҳдоштии мизоҷон, аз ҷумла набудани монеаи дизенфексионӣ, насанҷидани табъи бадан, безарагардонии дастон, сабаду аробачаҳои ҷойгиркунии харид мушоҳида шуданд. Аз ин хотир то бартараф намудани камбудиҳои ҷойдошта, аз ҷониби гурӯҳи корӣ фаъолияти се маркази савдо муваққатан қатъ карда шуд”, хабар додааст Юсуфзод.

Котиби матбуоти Хуҷанд аз бурдани номи мағозаҳо худдорӣ варзид, вале афзуд, ки ҳолатҳои бидуни дастпӯшак фаъолият намудани фурӯшандаҳо, бениқоб ворид шудани мизоҷон, аз ҷумлаи камбудиҳое будаанд, ки дар бузургтарин мағозаҳои шаҳр ошкор гардидааст.

Бино ба иттилоъи манбаъ, кормандони маркази назорати давлатии санитарию эпидемиологии Хуҷанд, фаъолияти се мағозаи калонро муваққатан баста ва нисбати 15 корманди онҳо, санадҳои маъмурӣ тартиб дода шудааст.

Зимнан дар шаҳри Хуҷанд “Оазис”, “Асал”, “Анис”, “Амид”, ва “Доро” аз бузургтарин мағозаҳои озуқаворӣ ба ҳисоб мераванд.

Ҳушдори раиси Хуҷанд: бозорҳо дубора баста мешаванд, агар...

“Кормандони марказҳои савдо бояд ҳушёру эҳтиёткор бошанд, зеро як омили сироятёбӣ ба садҳо мизоҷон ва худи онҳо эҳтимоли таҳдид намуданро дошта метавонад. Фаромӯш насозем, ки сатҳи хатар ҳанӯз ҳам баланд аст ва риоя нашудани талаботҳои пешбинишуда, ба муташанниҷ гардидани хуруҷи мавҷи дуюми беморӣ боис хоҳад шуд”, таъкид намудааст Юсуфзод.

528
Барчаспҳо:
мағозаҳо, санҷиш, Хуҷанд, Тоҷикистон
Машина милиции в Таджикистане, архивное фото

Фирори подполковник баъди латукӯби майор: тафсилоти парванда алайҳи 2 мақомдор

358
(Таҷдидшуда 18:28 25.09.2020)
Нисбати Даврон Юнусзода, ваколатдори калони фаврии шуъбаи мубориза алайҳи гардиши ғайриқонунии маводи мухаддири назди РВКД ва подполковник Раҳмонзода Муҳаммадалӣ, сардори шуъбаи мазкур, барои шиканҷа ва озори як шахси низомӣ парвандаи ҷиноӣ оғоз шудааст

ДУШАНБЕ, 25 сен – Sputnik. Бино ба иттилои дарёфтӣ аз мақомоти ҳифзи ҳуқуқи Тоҷикистон тафтишоти муқаддамотии ин қазия собит намудааст, ки ба ин ҷинояти нангин подполковники милитсия Раҳмонзода Муҳаммадалӣ Раҳмон, сардори шӯъбаи мубориза бо гардиши ғайриқонунии маводи мухаддири РВКД дар вилояти Суғд низ даст доштааст.

Агентии коррупсия фасодзадатарин ниҳодҳоро дар Тоҷикистон эълон кард

Манбаъ тавзеҳ дод, ки ин ҳодиса оғози ҳафтаи равон рух дода ва ҳоло подполковник Раҳмонзода аз тафтишот пинҳон шуда, фирор намудааст.

"Ҳоло кофтукови фаврӣ-ҷустуҷӯӣ нисбати Раҳмонзода Муҳаммадалӣ ва дигар ҳаммаслакони ӯ, ки дар содир намудани ҷинояти шиканҷадиҳӣ ҳамроҳ мебошанд, идома дорад", -  гуфтанд манобеи Sputnik Тоҷикистон.

Бино ба иттилои дарёфтӣ, Юнусзода ва Раҳмонзода бо маслиҳати пешакӣ, як командири қисми низомии мустақар дар ноҳияи Масчоҳ, дорои рутбаи майор бударо, ба утоқи кории худ воқеъ дар шаҳри Хуҷанд даъват намуда, ӯро шадидан латукӯб кардаанд.

Дар бораи бадрафторӣ ва мавриди шиканҷа қарор гирифтани шаҳрвандон аз ҷониби кормандони мақомоти низомӣ то ин дам хабарҳо зиёд нашр мешуданд.

Зимнан, оиди ин ҳодиса прокуратураи шаҳри Хуҷанд нисбати Юнусзода Даврон ва Раҳмонзода Муҳаммадалӣ, масъулони шӯъбаи мубориза бо гардиши ғайриқонунии маводи мухаддири РВКД дар вилояти Суғд бо аломатҳои моддаи 316 қисми 3 ва ва 358 и Кодекси ҷиноӣ парванда боз намуда, тафтишот дар ин самт идома дорад.

358
Барчаспҳо:
парванда, латукӯб, Суғд
Мусофирбар, акс аз бойгонӣ

“Ман подполковники милиса, мекушамат”: талаби ҷазо барои бетартибӣ дар мусофирбар-видео

550
(Таҷдидшуда 18:22 25.09.2020)
Марде, ки худро подполковники милиса гуфта, дар дохили мусофирбари пуродам дар маҳаллаи Текстили шаҳри Душанбе марди дигарро мавриди таҳқиру таҳдид қарор дод, норозигии корбарони шабакаҳои иҷтимоиро ба вуҷуд овард

ДУШАНБЕ, 25 сен - Sputnik. Ин мард, бо иддаои он, ки гӯиё ӯро аз пушти сараш задаанд, гиребони марди дигареро гирифта, бо дашномҳои дағал таҳдид мекунад, ки медаронад, мекушад.

“Ака даста бигир, илтимос, ман ягон гапи зиёдатӣ гуфтам, чит гуфтам? Илтимос”, - зора мекунад мард аз "подполковнике", ки бо қаҳр аз гиребонаш гирифта, таҳдиди дарондану куштан мекунад. Марди зӯргӯй иддао дорад, ки ӯро аз пушт задаанд, аммо ин қисмат дар навор сабт нашудааст.

Мусофирони дигар дар хитоб ба “подполковник” изҳор медоранд, ки “айбай ака, ин ҷо ҷои ҷамъиятиай”. Аммо марде, ки худро подполковник мегӯяд, аз гиребони марди дигар гирифта, дашномдиҳии дағалонаро идома медиҳад. Навори мазкурро саҳифаи Парвиз.Тв нашр кардаст, ки боиси баҳсҳо дар шабакаҳои иҷтимоӣ шуд.

Ин рафтори марде, ки худро милиса гуфт, норозигии корбарони шабакаҳои иҷтимоиро ба вуҷуд оварда, бархе хостори муҷозоти ӯ барои чунин батартибӣ шудаанд.

550
Барчаспҳо:
мусофирбар, бетартибӣ, ҷазо, Тоҷикистон
Спикер Парламента Таджикистана Мухамадтоир Зокирзода и посол Ирана в Душанбе Маухаммадтаки Собири

Эрон эълон кард омодааст дар ҳамаи заминаҳо бо Тоҷикистон ҳамкорӣ кунад

0
(Таҷдидшуда 18:19 25.09.2020)
Сафири Эрон дар Душанбе ва раиси Маҷлиси Намояндагони Тоҷикистон бар аҳаммияти равобити байнипорлумонӣ дар густариши муносиботи ду кишвар таъкид карданд

ДУШАНБЕ, 25 сен - Sputnik. Муҳаммадтақии Собирӣ, сафири Эрон дар Душанбе дар дидор бо Муҳаммадтоир Зокирзода, раиси Маҷлиси Намояндагони Тоҷикистон бо ишора ба аҳаммият ва ҷойгоҳи маҷолиси ду кишвар ва нақши онҳо дар иртиқои сатҳи муносиботи дуҷониба, омодагии Эронро барои ҳамкорӣ бо Тоҷикистон дар ҳамаи заминаҳо эълом кард.

Дар ин бора дафтари матбуоти Маҷлиси намояндагони Маҷлиси Олии Тоҷикистон хабар додааст.

Бино бар иттилои манбаъ, Муҳаммадтақии Собирӣ зарфиятҳои ҳамкорӣ дар ҳавзаҳои мухталиф бавижа ҳавзаи иқтисодӣ байни Эрон ва Тоҷикистонро болотар аз сатҳ кунӯнӣ донист ва афзуд, ҳамкории музоаф барои ҷуброни осебҳои иқтисодӣ дар даврони пасокуруна зарурӣ аст.

Муҳаммадтоир Зокирзода низ дар ин дидор бо ишора ба иштирокоти ду кишвар ва собиқаи равобити дӯстонаи Эрон ва Тоҷикистон, изҳор кард, Эрон аз нахустин кишварҳое буд, ки истиқлоли Тоҷикистонро ба расмияти шинохт ва сафорати худро  дар Душанбе ифтитоҳ кард.

Зокирзода бо таъкид бар аҳаммияти нақши равобити байнипорлумонӣ дар густариши муносибот миёни давлатҳо ва миллатҳо, таъсиси гурӯҳи дӯстӣ ва ҳамкории байни Маҷлиси Шӯроии Исломии Эрон ва Маҷлиси Тоҷикистонро гоми муҳим дар масири тақвияти ин ҳамкориҳо донист.

0
Барчаспҳо:
Маҷлиси намояндагон, муносибат, тақвияти ҳамкориҳои байнипарлумонӣ, равобит, ҳамкорӣ, Эрон, Тоҷикистон