Фельдшер станции скорой медицинской помощи

Садамаи марговар дар роҳи Кӯлоб - Душанбе се кушта барҷой гузошт

2696
(Таҷдидшуда 12:32 22.08.2020)
Бар асари бархӯрди ду худрав дар роҳи мошингарди Кӯлоб - Душанбе се нафар аз мусофирон ҷон бохтанд, ки дуи онҳо кӯдакони 4 ва 1 сола буданд

ДУШАНБЕ, 22 авг — Sputnik. Дар роҳи мошингарди Кӯлоб - Душанбе садамаи маргбори нақлиётӣ рух додааст, хабар медиҳад ВУД Тоҷикистон.

Ба иттилои манбаъ, ҳодисаи нохуш рӯзи 21-уми август, тахминан соати 12 ба 13:00, дар шоҳроҳи ҷамоати деҳоти Гулистони ноҳияи Восеъ сар задаст.

Манбаъ меафзояд, ронандаи автомашинаи тамғаи "Мерседес-Бенс-200" Раҷабов Ҷомии 28 - сола, сокини шаҳри Душанбе, ҳангоми ҳаракат аз самти шаҳри Кӯлоб ба самти шаҳри Душанбе аз уҳдаи идораи воситаи нақлиёт набаромада, ба автомашинаи тамғаи "Опел-Астра", таҳти идораи ронанда, Каримов Суҳроби 36 - сола, сокини шаҳри Кӯлоб, ки аз самти шаҳри Бохтар ба самти шаҳри Кӯлоб ҳаракат мекард, бархӯрдааст. 

Ҳалокати фоҷиабори ронанда дар шоҳроҳи Исфара-Конибодом

Дар натиҷа, мусофирони дохили автомашинаи тамғаи "Опел-Астра", Исмоилова Иродаи 37 - сола, сокини ноҳияи Ҷ.Балхӣ, хурдсолон, Исматов Абубакри 4 - сола, сокини ҳамон ҷо ва Ашурзода Нусхамои 1 - сола, сокини ҷамоати шаҳраки Ҳулбук ва ронандагони ҳар ду худрав ҷароҳатҳои гуногуни ҷисмонӣ бардошта, дар беморхонаи марказии ноҳия бистарӣ гардидаанд.

Зимнан, мусофирон Исмоилова  ва хурдсолони 4 ва 1 сола дар беморхонаи ноҳия ба ҳалокат расидаанд.

ВУД Тоҷикистон мегӯяд, феълан аз рӯи ҳодисаи мазкур тафтишот идома дорад.

2696
Барчаспҳо:
Душанбе, Кӯлоб, роҳ, садама
Милиционеры в Душанбе, архивное фото

Капитану подполковник, майорро латукӯб намуданд: парвандаи ду масъули баландпояи Суғд

38
(Таҷдидшуда 18:14 25.09.2020)
Нисбати Даврон Юнусзода, ваколатдори калони фаврии шуъбаи мубориза алайҳи гардиши ғайриқонунии маводи мухаддири назди РВКД ва подполковник Раҳмонзода Муҳаммадалӣ, сардори шуъбаи мазкур, барои шиканҷа ва озори як шахси низомӣ парвандаи ҷиноӣ оғоз шудааст

ДУШАНБЕ, 25 сен – Sputnik. Бино ба иттилои дарёфтӣ аз мақомоти ҳифзи ҳуқуқи Тоҷикистон тафтишоти муқаддамотии ин қазия собит намудааст, ки ба ин ҷинояти нангин подполковники милитсия Раҳмонзода Муҳаммадалӣ Раҳмон, сардори шӯъбаи мубориза бо гардиши ғайриқонунии маводи мухаддири РВКД дар вилояти Суғд низ даст доштааст.

Агентии коррупсия фасодзадатарин ниҳодҳоро дар Тоҷикистон эълон кард

Манбаъ тавзеҳ дод, ки ин ҳодиса оғози ҳафтаи равон рух дода ва ҳоло подполковник Раҳмонзода аз тафтишот пинҳон шуда, фирор намудааст.

"Ҳоло кофтукови фаврӣ-ҷустуҷӯӣ нисбати Раҳмонзода Муҳаммадалӣ ва дигар ҳаммаслакони ӯ, ки дар содир намудани ҷинояти шиканҷадиҳӣ ҳамроҳ мебошанд, идома дорад", -  гуфтанд манобеи Sputnik Тоҷикистон.

Бино ба иттилои дарёфтӣ, Юнусзода ва Раҳмонзода бо маслиҳати пешакӣ, як командири қисми низомии мустақар дар ноҳияи Масчоҳ, дорои рутбаи майор бударо, ба утоқи кории худ воқеъ дар шаҳри Хуҷанд даъват намуда, ӯро шадидан латукӯб кардаанд.

Дар бораи бадрафторӣ ва мавриди шиканҷа қарор гирифтани шаҳрвандон аз ҷониби кормандони мақомоти низомӣ то ин дам хабарҳо зиёд нашр мешуданд.

Зимнан, оиди ин ҳодиса прокуратураи шаҳри Хуҷанд нисбати Юнусзода Даврон ва Раҳмонзода Муҳаммадалӣ, масъулони шӯъбаи мубориза бо гардиши ғайриқонунии маводи мухаддири РВКД дар вилояти Суғд бо аломатҳои моддаи 316 қисми 3 ва ва 358 и Кодекси ҷиноӣ парванда боз намуда, тафтишот дар ин самт идома дорад.

38
Барчаспҳо:
парванда, латукӯб, Суғд
Мусофирбар, акс аз бойгонӣ

“Ман подполковники милиса, мекушамат”: талаби ҷазо барои бетартибӣ дар мусофирбар-видео

439
(Таҷдидшуда 17:48 25.09.2020)
Марде, ки худро подполковники милиса гуфта, дар дохили мусофирбари пуродам дар маҳаллаи Текстили шаҳри Душанбе марди дигарро мавриди таҳқиру таҳдид қарор дод, норозигии корбарони шабакаҳои иҷтимоиро ба вуҷуд овард

ДУШАНБЕ, 25 сен - Sputnik. Ин мард, бо иддаои он, ки гӯиё ӯро аз пушти сараш задаанд, гиребони марди дигареро гирифта, бо дашномҳои дағал таҳдид мекунад, ки медаронад, мекушад.

“Ака даста бигир, илтимос, ман ягон гапи зиёдатӣ гуфтам, чит гуфтам? Илтимос”, - зора мекунад мард аз "подполковнике", ки бо қаҳр аз гиребонаш гирифта, таҳдиди дарондану куштан мекунад. Марди зӯргӯй иддао дорад, ки ӯро аз пушт задаанд, аммо ин қисмат дар навор сабт нашудааст.

Мусофирони дигар дар хитоб ба “подполковник” изҳор медоранд, ки “айбай ака, ин ҷо ҷои ҷамъиятиай”. Аммо марде, ки худро подполковник мегӯяд, аз гиребони марди дигар гирифта, дашномдиҳии дағалонаро идома медиҳад. Навори мазкурро саҳифаи Парвиз.Тв нашр кардаст, ки боиси баҳсҳо дар шабакаҳои иҷтимоӣ шуд.

Ин рафтори марде, ки худро милиса гуфт, норозигии корбарони шабакаҳои иҷтимоиро ба вуҷуд оварда, бархе хостори муҷозоти ӯ барои чунин батартибӣ шудаанд.

439
Барчаспҳо:
мусофирбар, бетартибӣ, ҷазо, Тоҷикистон