Русия омодааст парвозҳоро бо як қатор кишварҳо барқарор кунад - рӯйхати нав

5742
(Таҷдидшуда 14:44 24.08.2020)
Маълум шуд, ки аз охири моҳи август Русия нақша дорад, ки парвози ҳавопаймоиро бо ҳафт кишвари дигар дубора барқарор кунад

ДУШАНБЕ, 24 авг — Sputnik. Росавиатсия ва Роспотребнадзор имкони кушодани хатсайрҳои ҳавоӣ бо кишварҳои навро баррасӣ мекунанд, хабар медиҳад РИА Новости.

Ба иттилои манбаъ, ҳаракати ҳаво метавонад ба кишварҳои Фаронса, Маҷористон, Малта, Кипр, Иордания, Миср (Қоҳира) ва Чин (Шанхай) барқарор карда шавад.

Қарор имкон дорад фардо  зимни як нишаст, аз рӯи натиҷаҳои ҷаласаи роҳбари ситоди фаврӣ қабул шавад .

Ҳамзамон, ВАО хабар доданд, ки яке аз ширкатҳои ҳавопаймоии Русия пешниҳод кардааст, ки парвозҳо ба Фаронса, Маҷористон ва Малта танҳо барои мусофирон бо иҷозатномаи иқомат, иҷозати кор ва инчунин барои боздид аз муассисаҳои тиббӣ ташкил карда шаванд.

Ин истисно танҳо барои парвозҳои содиротӣ, инчунин борҳо, почта, ёрии таъҷилӣ ва баъзе парвозҳои дигар эътибор дорад.

Мавриди зикр аст, ки аз аввали август, Русия парвозҳоро бо Туркия, Бритониёи Кабир ва Танзания дубора барқарор кард.

Қазоқистон парвозҳои мунтазамро бо Русия ва 6 кишвари дигар барқарор мекунад

Инчунин, аз 1 август Русия ва Абхозистон маҳдудиятҳоро дар убури марзҳо лағв карданд ва аз 15 август ҳаракати ҳавоӣ байни Швейтсария ва Русия аз нав барқарор карда шуд. Ҳамзамон вуруд ба Қирғизистон ва Черногория барои русҳо боз аст.

Ёдовар мешавем, ки бар асари пандемияи коронавирус Русия аз 27 март парвозҳои мунтазам ва чартерӣ ба хориҷа боздошта шудааст.

5742
Чрезвычайный и Полномочный посол Таджикистана в России Имомуддин Сатторов

Сатторов дар бораи донишҷӯёни дар Тоҷикистон бандмонда ва даъват аз шаҳрвандон

379
(Таҷдидшуда 18:12 01.10.2020)
Бозгашти донишҷӯёни тоҷик ба таҳсил дар Русияро сафири ҷумҳурӣ дар Федератсияи Русия Имомуддин Сатторов шарҳ дод

ДУШАНБЕ, 1 окт – Sputnik. Бозгашти шаҳрвандони Тоҷикистон ба Русия, ки ҳангоми пандемияи коронавирусӣ рафтанд, мушкил боқӣ мемонад, гуфт Имомуддин Сатторов, сафири фавқулодда ва мухтори ҷумҳурӣ дар Федератсияи Русия.

Дипломат даъват кард, ки барои шаҳрвандони Тоҷикистон, ки ниёзи фаврӣ надоранд, Русияро тарк накунанд.

"Дар ин бора мо тобистон, вақте ҳама фикр мекарданд, ки мераванду тез бармегарданд, сӯҳбат кардем. Асосан мо пешгӯӣ кардем, ки вазъи эпидемиологӣ ба ҳама шаҳрвандон имкон намедиҳад, ки баргарданд. Мо инчунин донишҷӯёне, ки тоза ба таътил баромадаву рафта буданд, даъват кардем, гарчанде онҳо метавонистанд дар ин ҷо мунтазир шаванд ",-гуфт Сатторов дар мусоҳиба бо Sputnik Тоҷикистон.

Сафир қайд кард, ки айни замон мақомоти Русия ва Тоҷикистон дар бораи баргардонидани донишҷӯёне, ки аз Федератсияи Русия ба ҷумҳурӣ рафтаанд, гуфтушунид доранд. Диққати махсус ба донишҷӯёни курси якум дода мешавад.

Вазири маорифи Русия гуфт, чӣ қадар донишҷӯёни хориҷӣ мунтазири омадананд

Бо сабаби пандемия, зиёда аз 100 ҳазор донишҷӯёни хориҷӣ наметавонанд ба Федератсияи Русия оянд

Ҳамзамон, ӯ илова кард, ки аз Тоҷикистон ба Русия омадаану баъдан дар хобгоҳ  тариқи фосилавӣ таҳсил кардан, маъно надорад.

379
Барчаспҳо:
донишҷӯён, сафир, Русия, Тоҷикистон
Спичка, архивное фото

Пулро дуздиду хонаро оташ зад: боздошти хонандаи синфи 10 дар Истаравшан

635
(Таҷдидшуда 18:08 01.10.2020)
Мақомоти милитсия аз боздошти як ноболиғи 16 - сола, хонандаи синфи 10, сокини шаҳри Истаравшан хабар медиҳад, ки ба содир намудани ҷинояти дуздӣ ва сӯзонидани хона даст задааст

ДУШАНБЕ, 1 окт – Sputnik. Акбар Шарифӣ, сухангӯи РВКД дар вилояти Суғд рухдоди ин ҳодисаро ба Sputnik Тоҷикистон шарҳ дод.

"Сокини 16 - солаи шаҳри Истаравшан, хонандаи синфи 10, ки ҳоло танҳо аз вай Д. Б. ном бурда мешавад, санаи 10 - уми сентябр, соати 07: 30 ба манзили соҳибкор, марди 38 - солаи сокини ин шаҳр воқеъ дар кӯчаи Ҳакимова дохил шуда, 4 ҳазору 400 доллари амрикоиро тасарруф намуд", - шарщ дод Шарифӣ.

Ба изҳори ӯ, ноболиғ барои рӯйпуш кардани изи ҷинояти содиркардааш, хонаи соҳибкорро оташ зад.

Дар асоси муроҷиатномаи соҳибкор, кормандони милитсия хонандаи синфи 10 - и яке аз макотиби Истаравшанро боздошт намуданд, ки дар содир намудани ҷинояти мазкур муттаҳам дониста мешавад.

Боздошти сокини Вахш барои дуздӣ дар даҳ масҷиди ду ноҳия-видео

Гуфта мешавад, навраси 16 - сола, ба ҷузъ аз дузди маблағ, аз ҳисоби оташ задани манзили истиқоматӣ ба соҳибхона боз 30 ҳазор сомонӣ зарар расонидааст.

Ҳоло аз рӯи ин ҳодиса бо моддаи 244 (дуздӣ) ва 255 (қасдан несту нобуд кардани молу амвол) - и Кодекси ҷиноятӣ парванда оғоз карда шуда, ноболиғ ба ҳабс гирифта шудааст.

635
Барчаспҳо:
боздошт, ноболиғ, дуздӣ, Истаравшан
Девушка за рулем автомобиля, архивное фото

Ҷазои Снежанна барои мошинронӣ бо суръати хеле баланд дар Душанбе-видео

0
(Таҷдидшуда 21:06 01.10.2020)
Раёсати умури дохилии Душанбе аз ҷаримабандии ҷавондухтаре хабар дод, ки мошинро дар хиёбони Исмоили Сомонии пойтахт бо суръати 175 километр дар як соат рондаст

ДУШАНБЕ, 1 окт — Sputnik. Тибқи иттилои манбаъ, духтар мошинронияш бо суръати 175 км/соатро ба навор гирифта, дар саҳифаи шахсияш дар Инстаграм нашр намудааст. Корбарони шабакаҳои иҷтимоӣ аз маъмурини милиса хостаанд, ки барои нақзи қоидаҳои ҳаракат дар роҳ ронанда ба ҷавобгарӣ кашида шавад.

Раёсати умури дохилӣ хабар дод, ки дар пайи санҷиш муайян шуд, ронандаи мазкур Юдинна Снежанна Руслановна, сокини 29-солаи шаҳри Душанбе мебошад, ки ҳангоми идораи мошини шахсияш “Ауди А4” ба қонуншиканӣ роҳ додааст.

Манбаъ таъкид кард, ки бо назардошти ҳолатҳои мазкур нисбати ронанда, барои бо суръати баланд идора намудани воситаи нақлиёт ва гузаштан дар чароғаки сурх санади маъмурӣ тартиб дода шуда, ҷаримабандӣ гардид.

0
Барчаспҳо:
ҷазо, ронанда, роҳ, Тоҷикистон