Горная речка в Таджикистане

Суруд мехонд: Шомирзоев чӣ тавр бо аъзои оилааш ғарқ шуд?

883
(Таҷдидшуда 15:19 26.08.2020)
Бо гузашти 12 рӯз аз ғарқ шудани чор узви як хонадон дар ноҳияи Айнӣ ҷасади онҳо то ба ҳол пайдо нашудааст

ДУШАНБЕ, 26 авг — Sputnik. Худойқул Муродов, раиси маҳаллаи Рӯи оби Махшевад дар шарҳи ин матлаб ба Sputnik Тоҷикистон гуфт, ҷустуҷӯи онҳо аз 14 август ба ин сӯ бо ширкати густардаи мардуми деҳа, ҳамсоядеҳаҳо ва кормандони Кумитаи ҳолатҳои фавқулодда то ба ҳол натиҷа надодааст.

“То Панҷакент, худи сарҳади Ӯзбекистон рафтем, аммо ҳеҷ пайдояшон нашуд. Мушкил дар ин аст, ки оби дарё баланду сангҳояш зиёд аст. Дар дохили дарё сангҳои бузургу ғорҳо ҳастанд, ки ҷасад метавонад дар онҳо руст кунад. Бо ин вуҷуд, таваккал ба Худо, ҷустуҷӯ дорем”, - гуфт Худойқул Муродов.

БРА гуфт, Тоҷикистон ягона давлати аъзояш аст, ки иқтисодаш дар замони пандемия рушд кард

Рӯзи 15 августи соли равон Кумитаи ҳолатҳои фавқулодаи Тоҷикистон аз ғарқ шудани чор узви як хонавода дар ноҳияи Айнӣ хабар дод. Бино ба ин манбаъ, онҳо тахминан соати 09:50 – и рӯзи 14 август мехостанд савори заврақи худсохте дарёи Искандарро убур кунанд, аммо аз беэҳтиётӣ заврақ чаппа шуда, ҳамагӣ ба коми дарё рафтаанд.

Дар ҳамин ҳол, хабарнигори Sputnik Тоҷикистон дар маҳалли ҳодиса аз сӯҳбат бо сокинон дарёфт, ки Исмоил Шоҳмирзоев ва се узви дигари хонаводааш на тариқи заврақи худсохт, балки аробаи танобӣ (ба истилоҳи мардуми деҳа, каталка) мехостанд аз як соҳили дарёи Искандар ба соҳили дигараш убур кунанд.

“Ин аробаи танобиро худи Исмоил Шомирзоев сохта, аз он аз ин соҳил ба дигар соҳил рафта меомад. Ҳатто замоне, ки барои ширкати “Талко Голд” аз Махшевад хатти барқ мегузаронданд, чиниҳо тариқи ин ароба сементу дигар маводи сохтмониро интиқол медоданд. Коре шуд, ки ин ихтироъаш ҳам ба сари худаш расиду ҳам аъзои хонаводааш”, - гуфт яке аз ҳамсӯҳбатони мо.

Ба қавли сокинони Махшевад, Исмоил Шомирзоев дар гузашта дар Кумитаи замини ноҳияи Айнӣ заминсоз буд, аммо дар ҳамаи соҳаҳо саводи кофӣ дошт ва гули сари сабади маҳфилҳо буд.

“Овозхони хеле хубе буд. Агар ӯро дар ҷои прокурор мемондӣ ё суд, ё механику ҳар касби дигар аз уҳдаи ҳама кор мебаромад. Ҳамин аробаи танобӣ далели ҳунармандии ӯ буд”, - мегӯянд онҳо.

Туркманистон сохти роҳи оҳан аз Афғонистон то марзи Тоҷикистонро идома медиҳад

Ба қавли сокинон, дар фоҷиаи рӯзи 14 август ба ҷуз Исмоил Шомирзоеви 61 – сола, духтараш Гулҳаваси 33 – сола бо писараш Пурдил Наврӯзови 3 - сола, келини хонавода, зодаи ноҳияи Шаҳринав Наврӯзмо Пироваи 30 – сола, ҳамагӣ сокини маҳаллаи Гулободи деҳаи Махшевади ноҳияи Айнӣ дар дарё ғарқ шудаанд.

883
Барчаспҳо:
суруд, ғарқ, Тоҷикистон
Чрезвычайный и Полномочный посол Таджикистана в России Имомуддин Сатторов

Сатторов дар бораи донишҷӯёни дар Тоҷикистон бандмонда ва даъват аз шаҳрвандон

379
(Таҷдидшуда 18:12 01.10.2020)
Бозгашти донишҷӯёни тоҷик ба таҳсил дар Русияро сафири ҷумҳурӣ дар Федератсияи Русия Имомуддин Сатторов шарҳ дод

ДУШАНБЕ, 1 окт – Sputnik. Бозгашти шаҳрвандони Тоҷикистон ба Русия, ки ҳангоми пандемияи коронавирусӣ рафтанд, мушкил боқӣ мемонад, гуфт Имомуддин Сатторов, сафири фавқулодда ва мухтори ҷумҳурӣ дар Федератсияи Русия.

Дипломат даъват кард, ки барои шаҳрвандони Тоҷикистон, ки ниёзи фаврӣ надоранд, Русияро тарк накунанд.

"Дар ин бора мо тобистон, вақте ҳама фикр мекарданд, ки мераванду тез бармегарданд, сӯҳбат кардем. Асосан мо пешгӯӣ кардем, ки вазъи эпидемиологӣ ба ҳама шаҳрвандон имкон намедиҳад, ки баргарданд. Мо инчунин донишҷӯёне, ки тоза ба таътил баромадаву рафта буданд, даъват кардем, гарчанде онҳо метавонистанд дар ин ҷо мунтазир шаванд ",-гуфт Сатторов дар мусоҳиба бо Sputnik Тоҷикистон.

Сафир қайд кард, ки айни замон мақомоти Русия ва Тоҷикистон дар бораи баргардонидани донишҷӯёне, ки аз Федератсияи Русия ба ҷумҳурӣ рафтаанд, гуфтушунид доранд. Диққати махсус ба донишҷӯёни курси якум дода мешавад.

Вазири маорифи Русия гуфт, чӣ қадар донишҷӯёни хориҷӣ мунтазири омадананд

Бо сабаби пандемия, зиёда аз 100 ҳазор донишҷӯёни хориҷӣ наметавонанд ба Федератсияи Русия оянд

Ҳамзамон, ӯ илова кард, ки аз Тоҷикистон ба Русия омадаану баъдан дар хобгоҳ  тариқи фосилавӣ таҳсил кардан, маъно надорад.

379
Барчаспҳо:
донишҷӯён, сафир, Русия, Тоҷикистон
Спичка, архивное фото

Пулро дуздиду хонаро оташ зад: боздошти хонандаи синфи 10 дар Истаравшан

635
(Таҷдидшуда 18:08 01.10.2020)
Мақомоти милитсия аз боздошти як ноболиғи 16 - сола, хонандаи синфи 10, сокини шаҳри Истаравшан хабар медиҳад, ки ба содир намудани ҷинояти дуздӣ ва сӯзонидани хона даст задааст

ДУШАНБЕ, 1 окт – Sputnik. Акбар Шарифӣ, сухангӯи РВКД дар вилояти Суғд рухдоди ин ҳодисаро ба Sputnik Тоҷикистон шарҳ дод.

"Сокини 16 - солаи шаҳри Истаравшан, хонандаи синфи 10, ки ҳоло танҳо аз вай Д. Б. ном бурда мешавад, санаи 10 - уми сентябр, соати 07: 30 ба манзили соҳибкор, марди 38 - солаи сокини ин шаҳр воқеъ дар кӯчаи Ҳакимова дохил шуда, 4 ҳазору 400 доллари амрикоиро тасарруф намуд", - шарщ дод Шарифӣ.

Ба изҳори ӯ, ноболиғ барои рӯйпуш кардани изи ҷинояти содиркардааш, хонаи соҳибкорро оташ зад.

Дар асоси муроҷиатномаи соҳибкор, кормандони милитсия хонандаи синфи 10 - и яке аз макотиби Истаравшанро боздошт намуданд, ки дар содир намудани ҷинояти мазкур муттаҳам дониста мешавад.

Боздошти сокини Вахш барои дуздӣ дар даҳ масҷиди ду ноҳия-видео

Гуфта мешавад, навраси 16 - сола, ба ҷузъ аз дузди маблағ, аз ҳисоби оташ задани манзили истиқоматӣ ба соҳибхона боз 30 ҳазор сомонӣ зарар расонидааст.

Ҳоло аз рӯи ин ҳодиса бо моддаи 244 (дуздӣ) ва 255 (қасдан несту нобуд кардани молу амвол) - и Кодекси ҷиноятӣ парванда оғоз карда шуда, ноболиғ ба ҳабс гирифта шудааст.

635
Барчаспҳо:
боздошт, ноболиғ, дуздӣ, Истаравшан
Девушка за рулем автомобиля, архивное фото

Ҷазои Снежанна барои мошинронӣ бо суръати хеле баланд дар Душанбе-видео

0
(Таҷдидшуда 21:06 01.10.2020)
Раёсати умури дохилии Душанбе аз ҷаримабандии ҷавондухтаре хабар дод, ки мошинро дар хиёбони Исмоили Сомонии пойтахт бо суръати 175 километр дар як соат рондаст

ДУШАНБЕ, 1 окт — Sputnik. Тибқи иттилои манбаъ, духтар мошинронияш бо суръати 175 км/соатро ба навор гирифта, дар саҳифаи шахсияш дар Инстаграм нашр намудааст. Корбарони шабакаҳои иҷтимоӣ аз маъмурини милиса хостаанд, ки барои нақзи қоидаҳои ҳаракат дар роҳ ронанда ба ҷавобгарӣ кашида шавад.

Раёсати умури дохилӣ хабар дод, ки дар пайи санҷиш муайян шуд, ронандаи мазкур Юдинна Снежанна Руслановна, сокини 29-солаи шаҳри Душанбе мебошад, ки ҳангоми идораи мошини шахсияш “Ауди А4” ба қонуншиканӣ роҳ додааст.

Манбаъ таъкид кард, ки бо назардошти ҳолатҳои мазкур нисбати ронанда, барои бо суръати баланд идора намудани воситаи нақлиёт ва гузаштан дар чароғаки сурх санади маъмурӣ тартиб дода шуда, ҷаримабандӣ гардид.

0
Барчаспҳо:
ҷазо, ронанда, роҳ, Тоҷикистон