"Мерседес-Бенс" дар шоҳроҳи Душанбе-Хуҷанд ба чуқурии 30-метра сарозер шуд

376
(Таҷдидшуда 11:55 27.08.2020)
Дар пайи садамаи нақлиётӣ ронандаи мошин ҷароҳати вазнин бардошта, дар ҷои ҳодиса ба ҳалокат расидааст

ДУШАНБЕ, 27 авг — Sputnik. Вазорати умури дохилаи Тоҷикистон хабар медиҳад, ки дар шоҳроҳи Душанбе-Хуҷанд як худрави "Мерседес-Бенс" ба чуқурии 30-метра сарозер шуд.

Бино бар иттилои манбаъ, ҳодиса зуҳри 26 август дар ҳудуди ноҳияи Айнии шоҳроҳ рух додааст.

Ҳалокати ду мусофир дар ду садамаи мудҳиш дар роҳҳои Тоҷикистон

"Ронандаи автомашинаи тамғаи "Мерседес-Бенс", Ашуров Ҳотам Кенҷаевич, соли таваллудаш 1970, сокини ҷамоати деҳоти Айнии ноҳияи Айнӣ ҳангоми ҳаракат аз самти деҳаи Айнӣ ба самти шаҳраки Зарафшон дар километри 118-ум, дар роҳи мошингарди Душанбе-Чаноқ, дар ҳудуди ноҳияи Айнӣ аз уҳдаи идораи воситаи нақлиёт набаромада, ба чуқурии 30 метр сарозер шудааст", - тавзеҳ медиҳад ВКД Тоҷикистон.

Дар натиҷа, ронандаи автомашинаи мазкур Ашуров Х.К. ҷароҳатҳои вазнини ҷисмонӣ бардошта дар ҷойи ҳодиса ба ҳалокат расидааст.

Садамаи маргбор: мошини ҳомили 6 узви оилаи Чаққоновҳо чаппа шуд-видео

Мусофирони автомашинаи мазкур, Холиқов Бадриддин Содиқбекович, соли таваллудаш 1979 ва Ниёззода Масрури Мурод, соли таваллудаш 1990, сокинони ноҳияи Айнӣ, ҷароҳати ҷисмонӣ бардошта, дар беморхона бистарӣ гардидаанд.

Аз рӯи ҳодисаи мазкур таҳқиқот идома дорад.

376
Спичка, архивное фото

Пулро гирифту хонаро оташ зад: боздошти хонандаи синфи 10 дар Истаравшан

32
Мақомоти милитсия аз боздошти як ноболиғи 16 - сола, хонандаи синфи 10, сокини шаҳри Истаравшан хабар медиҳад, ки ба содир намудани ҷинояти дуздӣ ва сӯзонидани хона даст задааст

ДУШАНБЕ, 1 окт – Sputnik. Акбар Шарифӣ, сухангӯи РВКД дар вилояти Суғд рухдоди ин ҳодисаро ба Sputnik Тоҷикистон шарҳ дод.

"Сокини 16 - солаи шаҳри Истаравшан, хонандаи синфи 10, ки ҳоло танҳо аз вай Д. Б. ном бурда мешавад, санаи 10 - уми сентябр, соати 07: 30 ба манзили соҳибкор, марди 38 - солаи сокини ин шаҳр воқеъ дар кӯчаи Ҳакимова дохил шуда, 4 ҳазору 400 доллари амрикоиро тасарруф намуд", - шарщ дод Шарифӣ.

Ба изҳори ӯ, ноболиғ барои рӯйпуш кардани изи ҷинояти содиркардааш, хонаи соҳибкорро оташ зад.

Дар асоси муроҷиатномаи соҳибкор, кормандони милитсия хонандаи синфи 10 - и яке аз макотиби Истаравшанро боздошт намуданд, ки дар содир намудани ҷинояти мазкур муттаҳам дониста мешавад.

Боздошти сокини Вахш барои дуздӣ дар даҳ масҷиди ду ноҳия-видео

Гуфта мешавад, навраси 16 - сола, ба ҷузъ аз дузди маблағ, аз ҳисоби оташ задани манзили истиқоматӣ ба соҳибхона боз 30 ҳазор сомонӣ зарар расонидааст.

Ҳоло аз рӯи ин ҳодиса бо моддаи 244 (дуздӣ) ва 255 (қасдан несту нобуд кардани молу амвол) - и Кодекси ҷиноятӣ парванда оғоз карда шуда, ноболиғ ба ҳабс гирифта шудааст.

32
Барчаспҳо:
боздошт, ноболиғ, дуздӣ, Истаравшан
Призывники в армию Таджикистана в Бадахшане

Бадахшон аввалин шуда нақшаи даъват ба артишро дар як рӯз иҷро кард

27
(Таҷдидшуда 16:56 01.10.2020)
Вилояти Мухтори Куҳистони Бадахшон аз нахустин манотиқи кишвар аст, ки аввал шуда нақшаи даъват ба артишро иҷро кард.

ДУШАНБЕ, 1 окт – Sputnik. Тибқи иттилои дафтари матбуотии вилоят, дар нахустин рӯзи даъват нақшаро пурра ба анҷом расонидаанд.

Ба иттилои манбаъ, нақшаи сафарбар намудани ҷавонон ба сафи Қувваҳои Мусаллаҳи Ҷумҳури Тоҷикистон дар рузи якум 103 % иҷро намуд.

Президент фармони даъвати тирамоҳӣ ба аскариро имзо кард

Ёдовар мешавем, Вилояти Мухтори Куҳистони Бадахшон дар даъватҳои қаблӣ низ пеш аз дигар минтақаҳо нақшаро нахустин шуда иҷро мекард.

Фармон дар бораи даъвати наваскаронро раисиҷумҳури кишвар 3 сентябр имзо карда буд.

Пешсафии Бадахшон: нақшаи даъвати наваскарон дар вилоят 110 дарсад иҷро шуд

Бар асоси он дар даъвати тирамоҳа шаҳрвандони солҳои таваллуди 1993-2002 ба хизмати ҳарбӣ ҷалб карда мешаванд.

27
Барчаспҳо:
артиш, даъват, Бадахшон, Тоҷикистон