Президент Республики Таджикистан Эмомали Рахмон

“Раҳбари минтақаӣ”: як созмони хориҷӣ ба Эмомалӣ Раҳмон унвони нав дод

1114
(Таҷдидшуда 09:25 29.08.2020)
Ҷунбиши ҳамгироии миллатҳои Қалби Осиё ё Heart of Asia Nations Integration Movement (HANIM) ба раисҷумҳури Тоҷикистон унвони “Раҳбари минтақаӣ” – ро эъто кард

ДУШАНБЕ, 29 авг — Sputnik. Муҳибуллоҳ Нурӣ, раҳбари ин созмон дар таъйиди ин хабар ба Sputnik Тоҷикистон гуфт, давлати Тоҷикистон ва шахси Эмомалӣ Раҳмон дар солҳои пасин сиёсатҳо ва фаъолиятҳои зиёдеро дар ҷиҳати тақвияти ҳамкориҳо ва ҳамгироиҳои минтақаӣ дар кул таъмини сулҳу субот ва тавсеа дар Тоҷикистон ва минтақа рӯи даст гирифтааст.

“Намунаи боризи он тақвияти ҳамкориҳои минтақаӣ бо кишварҳои ҳамсоя, аз ҷумла эъмори пулҳо ва эҷоди бозорҳои муштарак дар минтақаи марзӣ бо Афғонистон аст. Муҳимтар аз ҳама, ба таърихи 20 август 2020 мо аз тариқи расонаҳо дидем, ки раисҷумҳур Эмомалӣ Раҳмон шахсан ба вилояти марзии Бадахшон сафар карда ва аз он сӯи дарёи Ому бо теъдоде аз шаҳрвандони Афғонистон аз тариқи баландгӯ гуфтугӯ намуд”, - гуфт Муҳибуллоҳ Нурӣ.

Ҷунбиши ҳамгироии миллатҳои Қалби Осиё ё Heart of Asia Nations Integration Movement (HANIM) яке аз созмонҳои муътабари ғайридавлатӣ дар Афғонистон буда, соли 2012 таъсис ёфтааст ва ҳадафи он ҳимояти ҳамкориҳову ҳамгироиҳои минтақаӣ аз тариқи тақвияти робитаи мардум бо мардум дар сатҳи минтақаи Қалби Осиё - Афғонистон, Тоҷикистон, Ӯзбекистон, Туркманистон, Қирғизистон, Қазоқистон, Муғулистон, Озарбойҷон, Арманистон, Гурҷистон, Туркия, Покистон ва Эрон мебошад.

Раҳмон номзад ба президентӣ ва Файзизода раиси нави иттифоқҳои касаба шуд

Ин созмон дар саросари Афғонистон чанд созмону донишгоҳ ва расона, аз қабили Иттиҳоди рӯзноманигорон, Федератсияи фул разм, Донишгоҳи Фаҷристон, Расо ТВ, Радиои “Тахористон”, Ширкати радиотелевизионии “Ойхонум” ва ғайраро таҳти пуштибонӣ дорад. Ба қавли раҳбари Ҷунбиши ҳамгироии миллатҳои Қалби Осиё, яке аз барномаҳои созмон “Барномаи ҳимоят аз зимомдории минтақавӣ” аст, ки тибқи он, ҳар шахсият ва мақоми давлатӣ, ки дар ҷиҳати ислоҳоти миллӣ ва минтақаӣ муваффақ аст, он шахсият тақдир хоҳад шуд.

“Механизми тақдири руасои ҷумҳур ва нахуствазирон эътои унвони “Раҳбари минтақаӣ” аст. Мутобиқи ин барнома ифтихор дорем, то эълон намоем, Эмомалалӣ Раҳмон, раисҷумҳури Тоҷикистон аз сӯи Ҷунбиши ҳамгироии миллатҳои Қалби Осиё барҳақ арзандаи унвони “Раҳбари минтақаӣ” шинохта шудааст”, - гуфт Муҳибуллоҳ Нурӣ.

Муҳибуллоҳ Нурӣ дар гузашта раиси департаменти сиёсати Шӯрои амнияти миллӣ (2012 – 2019) ва як соли ахир мушовири раиси иҷроияи Афғонистон доктор Абдулло Абдулло буд.

Ӯро яке аз сиёсатмадорони ҷавони муваффақи Афғонистон муаррифӣ мекунанд. Моҳи июли соли равон беш аз 100 намояндаи парлумони Афғонистон номзадии ӯро барои мақоми вазири корҳои дохилии ин кишвар пуштибонӣ карданд.

1114
Барчаспҳо:
унвони нав, Эмомалӣ Раҳмон, Тоҷикистон
Машина полиции

Майдаавбошии Одинаевҳо: барои дашному латукӯби ҳамсоя ҳабсу ҷарима шуданд - навор

398
(Таҷдидшуда 18:57 19.09.2020)
Саҳнаи дашномкунӣ ва латукӯби як ҷавон аз ҷониби ду бародар дар шаҳри Душанбе ба шабакаҳои иҷтимоӣ роҳ ёфт ва баҳси гармеро ба миён овард

ДУШАНБЕ, 19 сен – Sputnik. Кормандони Раёсати умури дохилаи шаҳри Душанбе ду ҷавонеро боздошт намуданд, ки дар якҷоягӣ ҷавони дигарро ҳақорат ва шадидан кӯфтанд.

Бар хабари котиботи раёсати мазкур, ин ҳодиса нисфирӯзи 16 - уми сентябр дар кӯчаи Соҳилӣ рух дод.

Бародарон Одинаев Фирӯз ва Одинаев Фаррух, ки сокинони кӯчаи Соҳилӣ мебошанд, ҳамсояи 30  солаашонро нахуст дашном дода, сипас ду каса ӯро шадидан кӯфтанд.

Қиссаи бедаракшавии муҳоҷири тоҷик: аз латукӯб то гум шудани хотира-видео

Аз рӯи наворе, ки ба дасти кормандони РВУД дар пойтахт расид, ҳар ду бародар боздошт ва ба идораи пулис оварда шуданд.

Манбаъ меафзояд, Одинаевҳо барои дағалона вайрон кардани тартиботи ҷамиятӣ яке ба 5 шабонарӯз ҳабси маъмурӣ равона шуда, дар нисбати дигарӣ, ҷарима ба андозаи 10 нишондиҳанда барои ҳисобҳо таъин карда шуд.

398
Барчаспҳо:
ҷарима, ҳабс, ҳамсоя, латукӯб, Душанбе
Ювелирные изделия, архивное фото

Боздошти зани 41-сола бо иттиҳоми дуздии ҷавоҳироти зани дигар

96
(Таҷдидшуда 15:51 19.09.2020)
Вазорати умури дохилии Тоҷикистон аз боздошти зани 41-сола хабар дод, ки дар дуздии ҷавоҳироти зани дигар муттаҳам мешавад

ДУШАНБЕ, 19 сен — Sputnik. Тибқи иттилои ВУД, ба идораи милисаи ноҳияи Сино, зани 43-солаи сокини пойтахт муроҷиат намуда, арз доштааст, ки 5-уми сентябри соли 2020, тахминан соатҳои 10:30-дақиқа, шахси номаълум бо роҳи пинҳонӣ ба хонаи истиқоматиаш даромада, аз он ҷо ҷавоҳироти гуногуни тиллоиро дуздида, аз ҷойи ҳодиса ғайб задааст.

Манбаъ зарари расонидашударо 10 ҳазор сомонӣ арзёбӣ кардааст.

ВУД афзуд, ки ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия зани 41-солаи сокини ҷамоати деҳоти Турдибобои шаҳри Ҳисор, ки пеш барои дуздию қаллобӣ суд шудааст, ҳамчун гумонбар дар дуздӣ боздошт гардид.

Инчунин дар натиҷаи гузаронидани чорабиниҳои оперативӣ ҷустуҷӯӣ аз ҷониби кормандони милитсия ноболиғи 17-солаи сокини ҷамоати деҳоти Саразми шаҳри Панҷакент бо гумони содир намудани ҷинояти дуздӣ дастгир карда шудааст.

“Номбурда, санаи 21-уми августи соли 2020, тахминан соатҳои 01:30-дақиқа, бо роҳи пинҳонӣ аз хонаи истиқоматии марди 46-солаи сокини ҷамоати деҳоти Саразм 1 адад скутери тамғаи “Daylingo”-ро дуздида аз ҷойи ҳодиса ғайб задааст. Зарари расонидашуда 3 ҳазору 500-сомониро ташкил медиҳад”, - омадааст дар иттилоия.

ВУД Тоҷикистон таъкид кард, ки аз рӯи ин ҳодисаҳо тафтишот идома дорад.

96
Барчаспҳо:
боздошт, дуздии ҷавоҳирот, Тоҷикистон
Итоговая пресс-конференция Миссии наблюдателей от СНГ после выборов

Номзадҳо дар шаҳри Душанбе ба зиёиён ва намояндагони касбу кори гуногуни чӣ ваъда доданд?

0
(Таҷдидшуда 02:46 20.09.2020)
Ахиран вохӯрии навбатии номзадҳо ба мансаби Президенти Тоҷикистон ва шахсони боэътимоди онҳо бо интихобкунандагон дар ноҳияҳои Фирдавсӣ ва Исмоили Сомонии шаҳри Душанбе баргузор гардид

ДУШАНБЕ, 20 сен — Sputnik. Дар вохӯрӣ зиёиён ва намояндагони касбу кори гуногуни пойтахт иштирок намуда, бо муҳтавои барномаҳои пешазинтихоботии номзадҳо шинос шуданд, иттилоъ додааст хабаргузории давлатии АМИТ “Ховар”.

Манбаъ таъкид доштааст, ки дар ноҳияи Фирдавсӣ номзад ба мансаби Президенти Тоҷикистон аз Ҳизби Аграрии Тоҷикистон Рустам Латифзода таъкид намуд, ки боз ҳам баланд бардоштани мавқеи бахши аграрӣ дар таъмини амнияти озуқавории мамлакат ва озод кардани соҳаи кишоварзӣ аз андоз, баланд бардоштани нафақаи кишоварзон то сатҳи нафақаи миёнаи ҷумҳуриявӣ дар меҳвари барномаи пешазинтихоботиаш қарор дорад.

Абдуҳалим Ғаффорзода номзад ба мансаби Президенти Тоҷикистон аз Ҳизби Сотсиалистии Тоҷикистон иброз дошт, ки дар барномаи пешазинтихоботии ҳизб рушди соҳаи саноат бо роҳи баланд бардоштани рақобатпазирӣ ва ба фурӯш баровардани маҳсулоти саноатии дар бозори ҷаҳонӣ рақобатпазир аз  тадбирҳои асосӣ ба ҳисоб меравад.

Ҳамзамон гуфта шудааст, ки дар Барномаи пешазитихоботии номзад ба мансаби Президенти Тоҷикистон аз Итттифоқои касабаи мустақили Тоҷикистон, Иттифоқи ҷавонон ва ҲХДТ Эмомалӣ Раҳмон, ки аз ҷониби шахси боэътимод Аброр Мирсаидов  муаррифӣ карда шуд, таҳким бахшидан ба сармояи инсонӣ, баланд бардоштани самаранокии истеҳсолот ва истифодаи оқилонаи сарватҳои табиии мамлакат ва баланд бардоштани рақобатнокии иқтисоди миллӣ аз ҳадафҳои асосӣ ба ҳисоб меравад.

Ҳамчунин дар ноҳияи Исмоили Сомонӣ низ номзадҳо ба мансаби Президенти Тоҷикистон ва шахсони боэътимоди онҳо бо интихобкунандагон вохӯрӣ доир намуданд.

Номзад ба  мансаби Президенти Тоҷикистон аз Ҳизби ислоҳоти иқтисодии Тоҷикистон Рустам Раҳматзода дурнамо ва самтҳои таҳкими вазъи иҷтимоӣ, иқтисодӣ ва сиёсии кишавар, дастгирии ҷавонон ва дастрасии онҳо ба манзилро, ки дар барномаи пешазинтихоботиаш дарҷ ёфтааст, ба интихобкунандагон муаррифӣ намуд.

Аз ҷумла таъкид гардидааст, ки  таъсиси бозори ширкатҳои идоракунанда бо мақсади ғайриинҳисоркунонии хизматрасонии хоҷагии манзилию коммуналӣ, созмондиҳии ширкатҳои идоракунандаи нав ҳамчун корхонаҳои маҳаллӣ дар шакли ҷамъиятҳои саҳҳомии пӯшида бо иштироки аҳолии минтақа ҳамчун саҳҳом зарур аст.

Номзад Мироҷ Абдуллоев, аз Ҳизби Коммунистии Тоҷикистон дар барномаи пешазинтихоботии худ диққати асосиро ба ҳамоҳангсозии сатҳи рушди иқтисодӣ ва иҷтимоии минтақаҳои кишвар, беҳтар кардани инфрасохтори шаҳру деҳот, дастгирии давлатӣ ва боз ҳам боло бурдани мақому манзалати занон равона намудааст. Барномаи пешазинтихоботии номзад ба мансаби Президенти Тоҷикистон аз ҷониби шахси боэътимод Заррагул Мирасанова муаррифӣ карда шуд.

Ёдрас мешавем, ки интихоботи Президентӣ дар Тоҷикистон санаи 11 октябри соли равон таъин шудааст.

Номзадҳо аз ҳозирин хоҳиш карданд, ки фаъолона дар ин маракаи муҳимми сиёсӣ иштирок намоянд.

0
Барчаспҳо:
ваъда, мансаб, Душанбе, Интихоботи президентӣ, интихобот, Тоҷикистон