ДТП, архивное фото

"Эй сорбон, оҳиста рон": ҳалокати 4 тан тайи ду рӯзи ахир дар роҳҳои Тоҷикистон

164
(Таҷдидшуда 12:50 29.08.2020)
27-28 август дар пайи садамаҳои нақлиётӣ дар роҳҳои Тоҷикистон дастикам 4 тан, аз ҷумла 1 кӯдак ҷон бохтан, чанд нафари дигар ҷароҳат бардоштанд

ДУШАНБЕ, 29 авг – Sputnik. Дар пайи садамаҳои мудҳиш дар шаҳрҳои Кӯлобу Панҷакент ва ноҳияи Рӯдакӣ дар ду рӯзи ахир 4 тан ҳалок шудаанд. Дар ин бора ВКД Тоҷикистон хабар медиҳад.

Бино бар иттилои манбаъ, дар шумори қурбониёни садамаҳо як кӯдаки 7-сола низ будааст.

Бино бар иттилои манбаъ, 28-уми августи соли 2020, тахминан соати 18:30-дақиқа, ронандаи автомашинаи тамғаи “Мерседес-Бенс”, Ғафуров Маҳмадумар Хурсандович, соли таваллудаш 1988, сокини ҷамоати деҳоти Лоҳури ноҳияи Рӯдакӣ, ҳангоми ҳаракат аз самти ҷамоати деҳоти Эсанбой ба самти деҳаи Лоҳур, дар ҳудуди ҷамоати деҳоти Лоҳур аз уҳдаи идораи воситаи нақлиёт набаромадааст.

Дар натиҷа пиёдагарди ноболиғ, Исмоилова Бибисоро Қудратуллоевна, соли таваллудаш 2013, сокини ҷамоати деҳоти Лоҳури ноҳияи мазкурро пахш намудааст, ки ахирон мутаассифона дар ҷои ҳодиса ба ҳалокат расидааст.

Парванда алайҳи ронандаи мошине, ки дар пайи садамаи он Баҳром Ғафурӣ ҳалок шуд

Рӯзи 27-уми августи соли 2020, тахминан соати 22:20-дақиқа ронандаи автомашинаи тамғаи “ВАЗ-2109”, Сарахонов Назри Улуғбекович, соли таваллудаш 1996, сокини шаҳри Кӯлоб, ҳангоми ҳаракат дар роҳи автомобилгарди маҳаллаи 1-Май ба самти бозори “Сомониён” ва расидан ба гардиши даромадгоҳи боғи “Модарон” ба автомашинаи тамғаи “ВАЗ-21099”, ки таҳти идораи ронанда Тиллоев Раббони Нуруллоевич, соли таваллудаш 1995, сокини шаҳри мазкур қарор дошт, бархӯрдааст.

"Дар натиҷа, мусофирони дохили автомашинаи тамғаи “ВАЗ-2109”, Рустамов Эраҷ Аъзамович, соли таваллудаш 2001 ва Сайдалиев Сунатулло Исломуддинович, соли таваллудаш 1997, сокинони ҳамин шаҳр, ҷароҳатҳои вазнини ҷисмонӣ бардошта, дар ҷойи ҳодиса ба ҳалокат расидаанд", - тавзеҳ медиҳад ВКД.

Худи ронандаи автомашинаи тамғаи “ВАЗ-2109”, Сарахонов Н.У. ва мусофири дигари дар дохили автомашина буда, Иброҳимов Хайрандеш Асламбекович, соли таваллудаш 2002, сокини ҷамоати деҳоти Балхобии ноҳияи Муъминобод, ҷароҳатҳои гуногуни ҷисмонӣ бардошта, дар беморхона бистарӣ гардидаанд.

Санаи 28-уми август, тахминан соати 16:00, ронандаи автомашинаи тамғаи "Мерседес-Бенс", Ниёзов Ғайрат Ҳайдарович, соли таваллудаш 1993, сокини шаҳри Панҷакент, ҳангоми ҳаракат дар шоҳроҳи "Айнӣ-Панҷакент" дар ҳудуди хиёбони Рӯдакӣ аз уҳдаи идораи воситаи нақлиёт набаромадаст.

Дар натиҷа ба автомашинаи тамғаи "Опел-Астра", ки таҳти идораи ронанда, Мирзоев Шервон Ҳасанович, соли таваллудаш 1996, сокини ҷамоати деҳоти Косатароши шаҳри мазкур қарор дошт, бархӯрдааст.

"Ронандаи автомашинаи тамғаи "Опел-Астра" Мирзоев Ш.Ҳ. ҷароҳати вазнини ҷисмонӣ бардошта дар беморхона бистарӣ гардидааст ва мусофири дохили автомашинаи мазкур Давронова Нозукой Боботурсуновна, соли таваллудаш 1966, сокини ҷамоати деҳоти Косатароши ҳамин шаҳр, ҷароҳатҳои гуногунӣ ҷисмонӣ бардошта, ҳангоми ба беморхона дастрас намудан дар роҳ ба ҳалокат расидааст", - омадааст дар гузориши ВКД Тоҷикистон.

Тафтишоти ҳодисаҳои мазкур идома дорад.

Садамаи мошин бо 28 тонна бор дар шоҳроҳи Душанбе-Кӯлоб - аксҳо аз ҷои ҳодиса

164
Машина полиции

Майдаавбошии Одинаевҳо: барои дашному латукӯби ҳамсоя ҳабсу ҷарима шуданд - навор

512
(Таҷдидшуда 18:57 19.09.2020)
Саҳнаи дашномкунӣ ва латукӯби як ҷавон аз ҷониби ду бародар дар шаҳри Душанбе ба шабакаҳои иҷтимоӣ роҳ ёфт ва баҳси гармеро ба миён овард

ДУШАНБЕ, 19 сен – Sputnik. Кормандони Раёсати умури дохилаи шаҳри Душанбе ду ҷавонеро боздошт намуданд, ки дар якҷоягӣ ҷавони дигарро ҳақорат ва шадидан кӯфтанд.

Бар хабари котиботи раёсати мазкур, ин ҳодиса нисфирӯзи 16 - уми сентябр дар кӯчаи Соҳилӣ рух дод.

Бародарон Одинаев Фирӯз ва Одинаев Фаррух, ки сокинони кӯчаи Соҳилӣ мебошанд, ҳамсояи 30  солаашонро нахуст дашном дода, сипас ду каса ӯро шадидан кӯфтанд.

Қиссаи бедаракшавии муҳоҷири тоҷик: аз латукӯб то гум шудани хотира-видео

Аз рӯи наворе, ки ба дасти кормандони РВУД дар пойтахт расид, ҳар ду бародар боздошт ва ба идораи пулис оварда шуданд.

Манбаъ меафзояд, Одинаевҳо барои дағалона вайрон кардани тартиботи ҷамиятӣ яке ба 5 шабонарӯз ҳабси маъмурӣ равона шуда, дар нисбати дигарӣ, ҷарима ба андозаи 10 нишондиҳанда барои ҳисобҳо таъин карда шуд.

512
Барчаспҳо:
ҷарима, ҳабс, ҳамсоя, латукӯб, Душанбе
Ювелирные изделия, архивное фото

Боздошти зани 41-сола бо иттиҳоми дуздии ҷавоҳироти зани дигар

120
(Таҷдидшуда 15:51 19.09.2020)
Вазорати умури дохилии Тоҷикистон аз боздошти зани 41-сола хабар дод, ки дар дуздии ҷавоҳироти зани дигар муттаҳам мешавад

ДУШАНБЕ, 19 сен — Sputnik. Тибқи иттилои ВУД, ба идораи милисаи ноҳияи Сино, зани 43-солаи сокини пойтахт муроҷиат намуда, арз доштааст, ки 5-уми сентябри соли 2020, тахминан соатҳои 10:30-дақиқа, шахси номаълум бо роҳи пинҳонӣ ба хонаи истиқоматиаш даромада, аз он ҷо ҷавоҳироти гуногуни тиллоиро дуздида, аз ҷойи ҳодиса ғайб задааст.

Манбаъ зарари расонидашударо 10 ҳазор сомонӣ арзёбӣ кардааст.

ВУД афзуд, ки ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия зани 41-солаи сокини ҷамоати деҳоти Турдибобои шаҳри Ҳисор, ки пеш барои дуздию қаллобӣ суд шудааст, ҳамчун гумонбар дар дуздӣ боздошт гардид.

Инчунин дар натиҷаи гузаронидани чорабиниҳои оперативӣ ҷустуҷӯӣ аз ҷониби кормандони милитсия ноболиғи 17-солаи сокини ҷамоати деҳоти Саразми шаҳри Панҷакент бо гумони содир намудани ҷинояти дуздӣ дастгир карда шудааст.

“Номбурда, санаи 21-уми августи соли 2020, тахминан соатҳои 01:30-дақиқа, бо роҳи пинҳонӣ аз хонаи истиқоматии марди 46-солаи сокини ҷамоати деҳоти Саразм 1 адад скутери тамғаи “Daylingo”-ро дуздида аз ҷойи ҳодиса ғайб задааст. Зарари расонидашуда 3 ҳазору 500-сомониро ташкил медиҳад”, - омадааст дар иттилоия.

ВУД Тоҷикистон таъкид кард, ки аз рӯи ин ҳодисаҳо тафтишот идома дорад.

120
Барчаспҳо:
боздошт, дуздии ҷавоҳирот, Тоҷикистон
Эмомалӣ Раҳмон, раисиҷумҳури Тоҷикистон ва профессор Лутфулло Солиев

Даргузашти профессор Солиев, чанд ҳафта баъд аз гирифтани ҷоизаи махсус

0
Профессор, олими маъруфи кимиё, Лутфулло Солиев, ки чанд ҳафта қабл бо ҷоизаи махсуси Президент дар соҳаи маориф қадрдонӣ шуда буд, даргузашт

ДУШАНБЕ, 21 сен — Sputnik.  Дар бораи даргузашти Солиев, ки тайи солҳои охир мудири кафедраи кимиёи Донишгоҳи омӯзгории Тоҷикистон буд, шогирдонаш дар шабакаҳои иҷтимоӣ хабар дода, фавташро фоҷиа ва талафоти бузург барои илм хондаанд.

Президент Таджикистана Эмомали Рахмон
© Официальная страница пресс-службы президента РТ в Facebook.

Солиев 79 сол дошт. Феълан дар бораи сабаби даргузашташ чизе маълум нест. Ӯ чанд ҳафта қабл аз ҷониби Эмомалӣ Раҳмон, раисиҷумҳури Тоҷикистон бо мукофоти давлатӣ қадрдонӣ шуда буд.

Котиботи раисиҷумҳури Тоҷикистон хабар дода буд, ки “бори аввал дар таърихи соҳибистиқлолии кишвар бо Амри Президенти мамлакат ба хотири қадршиносии омӯзгорони беҳтарин мукофоти махсуси давлатӣ таъсис дода шуда, 5 нафар бо Ҷоизаи Президенти Ҷумҳурии Тоҷикистон дар соҳаи маориф сарфароз гардид”.

Бар асоси донишномаи озод, Лутфулло Солиев, кимиёшиноси маъруфи тоҷик, доктори илмҳои химия (1989), профессор (1991), Арбоби илм ва техникаи Тоҷикистон (2002), академики шӯъбаи тоҷикистонии Академияи илмҳои байналмилалии мактабҳои олӣ буд. Ӯ соли 1941 дар ноҳияи Рӯдакӣ,  собиқ ноҳияи Ленин таваллуд шуда, солҳои 1959–1964 дар факултети табиатшиносӣ ва географияи Донишкадаи давлатии омӯзгории шаҳри Душанбе ба номи Т. Г. Шевченко таҳсил кардааст.

“Солҳои 1964–1965 дар сафҳои Артиши Шӯравӣ хизмат намудааст. Солҳои 1966–1969 аспиранти Институти химияи умумӣ ва ғайриорганикии АИ ҶШС Украина (ш. Киев), 1970–1989 ходими хурди илмӣ, ходими калон илмӣ ва ходими пешбари институти мазкур, 1989–1997 дотсент ва профессори кафедраи химияи умумӣ ва ғайриорганикии Донишгоҳи давлатии омӯзгории Тоҷикистон ба номи Қ. Ҷӯраев, 1997–1998 декани факултети химия, 1998–2007 муовини ректори донишгоҳи номбурда оид ба корҳои илмӣ буд”, - омадааст дар ҳолномаи Солиев дар донишномаи озод.

Ӯ аз соли 2007 то дами марг ба ҳайси мудири кафедраи химияи умумӣ ва ғайриорганикии Донишгоҳи давлатии омӯзгории Тоҷикистон ба номи Садриддин Айнӣ фаъолият кардааст. Шогирдону ҳамкорон ӯро ҳамчун омӯзгори ҳалим, олими пуркор пухтакор ва хоксор ёд мекунанд.

0
Барчаспҳо:
профессори фахрӣ, даргузашт, Тоҷикистон