Арест, архивное фото

Боздошти як ҷавон барои дуздии чорво: аввал аз падараш, баъдан аз дигаронро рабуд-видео

150
(Таҷдидшуда 16:37 29.08.2020)
Вазорати умури дохилии Тоҷикистон аз боздошти як сокини ноҳияи Ҷаббор Расулов хабар медиҳад, ки дар дуздии чорвои падараш ва ҳамдеҳагон муттаҳам мешавад

ДУШАНБЕ, 29 авг — Sputnik.  Бино ба гузориши Акбар Шариф, сухангӯи Раёсати Вазорати корҳои дохилии Тоҷикистон дар Суғд боздоштшуда Рустам Абдураҳмонови 24 сола сокини шаҳраки Меҳрободи ноҳия ба гумони дуздӣ боздошт гаштааст.

Ба иттилои манбаъ, номбурда дар силсиладуздиҳо давоми моҳҳои июл ва август гумонбар дониста мешавад, ки аз чапдастиҳояш сокинон зарар дидаанд.

Ба иттилои манбаъ боздоштшуда чорвоҳои калони шохдорро шабона аз заминҳои сокинони деҳаҳои Ғулакандоз ва дуздида дар бозорҳо бо нархи нисбатан арзон фурӯхтаву ба эҳтиёҷоташ сарф мекардааст.

Манбаъ мегӯяд боздоштшуда дар шаш лаҳзаи дуздӣ гумонбар шуда, сетои он дуздии панҷ сар чорвои калони шохдор мебошад.

“Рустам Абдураҳмонов аввал як сар гови падарашро дуздидаву фурӯхта, пасон ба чорвои бегонагон дастдарозӣ кардааст”,-афзудааст манбаъ.

Гуфта мешавад ӯ ҳамзамон дар дуздии телефони мобилӣ, насоси обкашӣ ва хошоки чорво муттаҳам мешавад.

Зарари ба аҳолӣ расонидааш наздик ба 30 ҳазор сомонӣ гуфта мешавад.

Боздошти ҷавони 25 сола ба гумони дуздӣ: Ӯ хазинаи “Рахш” ва “Ғалаба”-ро холӣ кард

ВУД мегӯяд нисбат ба гумонбаршуда парвандаи ҷиноӣ оғоз шуда, тафтишот идома дорад.

150
Барчаспҳо:
дуздӣ, боздошт, Ҷаббор Расулов, Тоҷикистон
Чрезвычайный и Полномочный посол Таджикистана в России Имомуддин Сатторов

Сатторов дар бораи донишҷӯёни дар Тоҷикистон бандмонда ва даъват аз шаҳрвандон

18
(Таҷдидшуда 18:12 01.10.2020)
Бозгашти донишҷӯёни тоҷик ба таҳсил дар Русияро сафири ҷумҳурӣ дар Федератсияи Русия Имомуддин Сатторов шарҳ дод

ДУШАНБЕ, 1 окт – Sputnik. Бозгашти шаҳрвандони Тоҷикистон ба Русия, ки ҳангоми пандемияи коронавирусӣ рафтанд, мушкил боқӣ мемонад, гуфт Имомуддин Сатторов, сафири фавқулодда ва мухтори ҷумҳурӣ дар Федератсияи Русия.

Дипломат даъват кард, ки барои шаҳрвандони Тоҷикистон, ки ниёзи фаврӣ надоранд, Русияро тарк накунанд.

"Дар ин бора мо тобистон, вақте ҳама фикр мекарданд, ки мераванду тез бармегарданд, сӯҳбат кардем. Асосан мо пешгӯӣ кардем, ки вазъи эпидемиологӣ ба ҳама шаҳрвандон имкон намедиҳад, ки баргарданд. Мо инчунин донишҷӯёне, ки тоза ба таътил баромадаву рафта буданд, даъват кардем, гарчанде онҳо метавонистанд дар ин ҷо мунтазир шаванд ",-гуфт Сатторов дар мусоҳиба бо Sputnik Тоҷикистон.

Сафир қайд кард, ки айни замон мақомоти Русия ва Тоҷикистон дар бораи баргардонидани донишҷӯёне, ки аз Федератсияи Русия ба ҷумҳурӣ рафтаанд, гуфтушунид доранд. Диққати махсус ба донишҷӯёни курси якум дода мешавад.

Вазири маорифи Русия гуфт, чӣ қадар донишҷӯёни хориҷӣ мунтазири омадананд

Бо сабаби пандемия, зиёда аз 100 ҳазор донишҷӯёни хориҷӣ наметавонанд ба Федератсияи Русия оянд

Ҳамзамон, ӯ илова кард, ки аз Тоҷикистон ба Русия омадаану баъдан дар хобгоҳ  тариқи фосилавӣ таҳсил кардан, маъно надорад.

18
Барчаспҳо:
донишҷӯён, сафир, Русия, Тоҷикистон
Спичка, архивное фото

Пулро дуздиду хонаро оташ зад: боздошти хонандаи синфи 10 дар Истаравшан

181
(Таҷдидшуда 18:08 01.10.2020)
Мақомоти милитсия аз боздошти як ноболиғи 16 - сола, хонандаи синфи 10, сокини шаҳри Истаравшан хабар медиҳад, ки ба содир намудани ҷинояти дуздӣ ва сӯзонидани хона даст задааст

ДУШАНБЕ, 1 окт – Sputnik. Акбар Шарифӣ, сухангӯи РВКД дар вилояти Суғд рухдоди ин ҳодисаро ба Sputnik Тоҷикистон шарҳ дод.

"Сокини 16 - солаи шаҳри Истаравшан, хонандаи синфи 10, ки ҳоло танҳо аз вай Д. Б. ном бурда мешавад, санаи 10 - уми сентябр, соати 07: 30 ба манзили соҳибкор, марди 38 - солаи сокини ин шаҳр воқеъ дар кӯчаи Ҳакимова дохил шуда, 4 ҳазору 400 доллари амрикоиро тасарруф намуд", - шарщ дод Шарифӣ.

Ба изҳори ӯ, ноболиғ барои рӯйпуш кардани изи ҷинояти содиркардааш, хонаи соҳибкорро оташ зад.

Дар асоси муроҷиатномаи соҳибкор, кормандони милитсия хонандаи синфи 10 - и яке аз макотиби Истаравшанро боздошт намуданд, ки дар содир намудани ҷинояти мазкур муттаҳам дониста мешавад.

Боздошти сокини Вахш барои дуздӣ дар даҳ масҷиди ду ноҳия-видео

Гуфта мешавад, навраси 16 - сола, ба ҷузъ аз дузди маблағ, аз ҳисоби оташ задани манзили истиқоматӣ ба соҳибхона боз 30 ҳазор сомонӣ зарар расонидааст.

Ҳоло аз рӯи ин ҳодиса бо моддаи 244 (дуздӣ) ва 255 (қасдан несту нобуд кардани молу амвол) - и Кодекси ҷиноятӣ парванда оғоз карда шуда, ноболиғ ба ҳабс гирифта шудааст.

181
Барчаспҳо:
боздошт, ноболиғ, дуздӣ, Истаравшан