ДУШАНБЕ, 31 авг — Sputnik. Бино бар иттилои Вазорати корҳои дохила, таҳо тайи як рӯз дар ду садама дар роҳҳои Тоҷикистон ду наврас ҳалок шуданд.
Бино бар иттиолои манбаъ, 29-уми август, тахминан соатҳои 13:10-дақиқа, ронандаи автомашинаи тамғаи "Тайота-Кемри", Шукуров Шукрулло Ёқубалиевич, соли таваллудаш 1985, сокини ҷамоати деҳоти Чусти ноҳияи Шаҳринав, ҳангоми ҳаракат аз тарафи кӯчаи Соҳилӣ ба самти кӯчаи Абайи ноҳияи Фирдавсӣ, дар назди МТМУ №72 аз уҳдаи идораи воситаи нақлиёт набаромадааст.
Дар натиҷа пиёдагарди ноболиғ, Мираков Шоҳрух Умарович, соли таваллудаш 2008, хонандаи синфи 6, сокини пойтахтро пахш намудааст.
Мутаассифона, ноболиғ Мираков Ш.У. ҷароҳати вазнини ҷисмонӣ бардошта, ҳангоми ба беморхона дастрас намудан, дар роҳ ба ҳалокат расидааст.
Санаи 29-уми августи соли 2020, тахминан соати 16:30-дақиқа, ронандаи автомашинаи тамғаи "Опел-Астра", Бойқузиев Абдумалик Баҳромович, соли таваллудаш 1979, сокини ҷамоати деҳоти Зарҳалоли шаҳри Истаравшан, ҳангоми ҳаракат дар роҳи мошингарди Душанбе-Хуҷанд-Чаноқ, аз уҳдаи идораи автомашина набаромадааст.
Ҳалокати раҳбари ширкати "Бондюэл" дар садамаи нақлиётӣ дар Фаронса
Дарнатиҷа ба автомашинаи тамғаи «Лада-Калина», ки таҳти идораи ронанда, Маҳмудов Ҳусейн Иномович, соли таваллудаш 1989, сокини ҷамоати деҳоти Қалачаи-Калинаи шаҳри мазкур қарор дошт, бархӯрдааст.
Дар натиҷа, мусофири дохили автомашинаи "Лада-Калина", Умаров Муродҷон Ҳалимович, соли таваллудаш 2003, сокини ҷамоати деҳоти Қалачаи-Калина, ҷароҳати вазнини ҷисмонӣ бардошта, ҳангоми ба беморхона дастрас намудан дар роҳ ба ҳалокат расидааст.
Аз рӯи ин ҳодисаҳо таҳқиқот идома дорад.
