Садама, акс аз бойгонӣ

Ҳалокати 4 зан: видеои садамаҳои маргбор дар роҳи Душанбе-Чаноқ

532
(Таҷдидшуда 13:42 03.09.2020)
Вазорати умури дохилии Тоҷикистон аз садамаҳои фоҷиабор дар роҳи Душанбе – Чаноқ гузориши видеоӣ нашр кардааст, ки дар пайи риоя нашудани қоидаҳои бехатарӣ сар задаанд

ДУШАНБЕ, 3 сен — Sputnik. Тибқи гузориши ВУД, Ҳоҷиев Азизбек, сокини 26-солаи ноҳияи Деваштич, сари чанбари “Опел” ҳангоми ҳаракат ба самти шаҳри Истаравшан қоидаҳои ҳаракат дар чорроҳаро сарфи назар карда, ба “Опел астра”, ки таҳти идораи Ботиров Ҷаҳонбек дар роҳи асосии Душанбе – Хуҷанд ҳаракат доштааст, бархӯрд.

Дар натиҷа мусофирони “Опел астра” - Мирғиёсова Шоира, зодаи соли 1975, Абдуллоева Тутинисо, зодаи 1941 ва Холиқбердиева Мавлуда, соли таваллудаш 1987, истиқоматкунандагони ҷамоати деҳоти Яхтани ноҳияи Деваштич дар роҳ ба беморхона ба ҳалокат расид.

Ба иттилои ВУД, садамаи маргбори дигар дар пайи қоидавайронкунии ронандаи “Опел астра”, Холов Абдусалом, соли таваллудаш  1970, истиқоматкунандаи ноҳияи Фирдавсии шаҳри Душанбе рух додааст. Манбаъ таъкид кард, ки ронандаи “Опел” ҳангоми ҳаракат дар роҳи Хуҷанд-Конибодом дар ҷамоати деҳоти Лоҳутии шаҳри Конибодом бо суръати аз меъёр баланд ба “Тойота Лендкрузер”, таҳти идораи Одинаев Мирҷон бархӯрдаст.

Дар натиҷа Абраева Бибисоро, зодаи соли 1965, сокини ноҳияи Шаҳритус ба ҳалокат расида, худи ронанда Холов Абдусалом ва мусофирон Иброҳимова Қизларгул, Ахмедова Бозорой дар беморхона бистарӣ шудаанд.

532
Барчаспҳо:
маргбор, садама, Тоҷикистон
Место крушения самолета АН-28

Суқути ҳавопаймои низомӣ дар Харков ва ҳалокати 22 тан - навор аз ҷои ҳодиса

471
(Таҷдидшуда 15:38 26.09.2020)
Ду нафар дар пайи ин ҳодисаи мудҳиш зинда монданд. Аҳволи яке вахим арзёбӣ мешавад. Наҷотдиҳандагон дар ҷустуҷӯйи ҷасадҳо ҳастанд

ДУШАНБЕ, 26 сен - Sputnik. Дар вилояти Харкови Украина ҳавопаймоии низомии Ан-26 бо 28 нафар мусофир суқут кард, хабар медиҳад РИА Новости.

​Муовини вазири корҳои дохилии Украина Антон Герашенко дар саҳифааш дар Facebook ҳалокати 22 танро тасдиқ кард.

"Дар дохили ҳавопаймо халабонон ва курсантони донишкадаи қувваҳои ҳавоии ба номи Кожедуб қарор доштанд. Ду нафар аз наҷотёфтаҳоро бо аҳволи вазнин ба бемористон (яке дар ҳолати бад қарор дорад) интиқол доданд. Наҷотдиҳандагон дар ҷустуҷӯи ҷасадҳо ҳастанд", — навиштааст ӯ.

Тақдири чаҳор тани дигар то ҳол номаълум аст.

471
Барчаспҳо:
ҳалокат, Харков, ҳавопаймо, суқут
Машина милиции в Таджикистане, архивное фото

Фирори подполковник баъди латукӯби майор: тафсилоти парванда алайҳи 2 мақомдор

5989
(Таҷдидшуда 19:07 25.09.2020)
Нисбати Даврон Юнусзода, ваколатдори калони фаврии шуъбаи мубориза алайҳи гардиши ғайриқонунии маводи мухаддири назди РВКД ва подполковник Раҳмонзода Муҳаммадалӣ, сардори шуъбаи мазкур, барои шиканҷа ва озори як шахси низомӣ парвандаи ҷиноӣ оғоз шудааст

ДУШАНБЕ, 25 сен – Sputnik. Бино ба иттилои дарёфтӣ аз мақомоти ҳифзи ҳуқуқи Тоҷикистон тафтишоти муқаддамотии ин қазия собит намудааст, ки ба ин ҷинояти нангин подполковники милитсия Раҳмонзода Муҳаммадалӣ Раҳмон, сардори шӯъбаи мубориза бо гардиши ғайриқонунии маводи мухаддири РВКД дар вилояти Суғд низ даст доштааст.

Агентии коррупсия фасодзадатарин ниҳодҳоро дар Тоҷикистон эълон кард

Манбаъ тавзеҳ дод, ки ин ҳодиса оғози ҳафтаи равон рух дода ва ҳоло подполковник Раҳмонзода аз тафтишот пинҳон шуда, фирор намудааст.

"Ҳоло кофтукови фаврӣ-ҷустуҷӯӣ нисбати Раҳмонзода Муҳаммадалӣ ва дигар ҳаммаслакони ӯ, ки дар содир намудани ҷинояти шиканҷадиҳӣ ҳамроҳ мебошанд, идома дорад", -  гуфтанд манобеи Sputnik Тоҷикистон.

Бино ба иттилои дарёфтӣ, Юнусзода ва Раҳмонзода бо маслиҳати пешакӣ, як командири қисми низомии мустақар дар ноҳияи Масчоҳ, дорои рутбаи майор бударо, ба утоқи кории худ воқеъ дар шаҳри Хуҷанд даъват намуда, ӯро шадидан латукӯб кардаанд.

Дар бораи бадрафторӣ ва мавриди шиканҷа қарор гирифтани шаҳрвандон аз ҷониби кормандони мақомоти низомӣ то ин дам хабарҳо зиёд нашр мешуданд.

Зимнан, оиди ин ҳодиса прокуратураи шаҳри Хуҷанд нисбати Юнусзода Даврон ва Раҳмонзода Муҳаммадалӣ, масъулони шӯъбаи мубориза бо гардиши ғайриқонунии маводи мухаддири РВКД дар вилояти Суғд бо аломатҳои моддаи 316 қисми 3 ва ва 358 и Кодекси ҷиноӣ парванда боз намуда, тафтишот дар ин самт идома дорад.

5989
Барчаспҳо:
парванда, латукӯб, Суғд
Приветственная арка перед въездом в город Нурек в Таджикистане, архивное фото

Супориши Маликшо Неъматзода: барои пешгирӣ аз Covid-19 тадбирҳои иловагӣ андешед

0
(Таҷдидшуда 15:40 26.09.2020)
Раиси шаҳри Норак ба масъулини дахлдор супориш додааст, ки барои пешгирӣ аз Covid-19 тадбирҳои иловагӣ андешанд ва ба маъракаҳои барӯйхатгирии аҳолӣ ва интихоботи президнтӣ ҷидди омодагӣ гиранд

ДУШАНБЕ, 26 сен — Sputnik. Бино ба иттилои дафтари матбуоти раиси шаҳри Норак, ахиран дар толори хурди мақомотии шаҳри Норак машварати кории раиси шаҳр Неъматзода Маликшо Маҳмадшо бо иштироки шахсони масъул баргузор гардид.

Гуфта шудааст, ки дар рафти кори машварат чаҳор масоили муҳим баррасӣ гардид.

Тибқи иттилои манбаъ раиси шаҳр ба андешидани тадбирҳои иловагӣ ҷиҳати пешгирӣ аз бемории Covid-19 супоришҳои қатъӣ додааст.

Ҳамзамон гуфта шудааст, ки раиси шаҳри Норак бо масъулин масоили  натиҷагирӣ аз фаъолияти Ситоди шаҳрӣ оид ба даъвати тирамоҳии наваскарон ба хизмати ҳарбӣ, ҳисоботи гурӯҳи корӣ оид ба ташкилу баргузор намудани маъракаи ҷумҳуриявии барӯйхатгирии аҳолӣ ва масъалаи омодагии ҳавза ва участкаҳои интихобот оид ба баргузории чорабинии муҳими сиёсӣ, интихоботи Президенти Тоҷикистон баррасӣ кард.

 Зикр гардидааст, ки дар асоси гузоришҳо мавзуъҳои баррасишаванда натиҷагирӣ гардида, диққати масъулин ба иҷрои саривақтии камбудиҳои ҷойдошта равона гардид.

0
Барчаспҳо:
вируси корона, Интихоботи президентӣ, пешгирӣ, супориш, Норак, Тоҷикистон