Певец Бахром Гафури

Ногуфтаҳои марги Баҳром: намехост рафтан, зангҳои паиҳам ва чӣ хел аз мошин парид?-видео

13140
(Таҷдидшуда 22:05 05.09.2020)
Анӯшервон Ғафурӣ, писари Баҳром Ғафурӣ, дар бораи шаби пеш аз марги падар, даъвату зангҳои паиҳам, рафтан бо дили нохоҳам ва паридан аз мошин ҳангоми садама ва бардоштани захми маргбор дар ҷӯйбор суҳбат кард

ДУШАНБЕ, 5 сен — Sputnik. Анӯшервон мегӯяд, он шаб маъракаеро гузаронда, бо дӯстони падараш якҷо нишаста буданд ва вақти хестан ӯро боз ба ҷои дигар даъват карданд.

“Ман, падар ва амакам Анварҷон хестем, ки падарамро боз ба дигар ҷо таклиф карданд. Дили нохоҳам дошт, намехост рафтан, аммо занг заданду исрор карданд. Падар калидро ба ман доду мо ба хона баргаштем. Субҳ тақрибан соати 5:30 аз хоб хестам, телефонро дидам, ки амакам занг задааст. Аз дар баромадам, ки янга бо як тарс даромаду гуфт, падаратон ба садама дучор шудааст. Ман Худо гуфтам, ки соз бошад, ҳанӯз аз занги телефон дар дилам тарс пайдо шуда буд ва ба амакам занг задам. Амакам аввал нагуфт, бо гиря гуфт, падарат ҳамин ҷо, ҳозир духтурҳо дида истодаанд ва телефонро кушт”, - нақл кард писари Баҳром Ғафурӣ дар барномаи “Ногуфтаҳо”-и рӯзноманигор Орзу Исо

Ҷароҳати маргбор дар ҷӯйбор вақти паридан аз мошин-видео

Анӯшервон гуфт, дубора ба амакаш занг зада, хостаст, ҳар чизе ҳаст рост гӯяд ва амакаш изҳор доштааст, ки Анӯшҷон падарат гузашт.

Ӯ афзуд, ки рӯйи падараш захмӣ набуд, танҳо аз қисмати пушти сар хун мерафт.

“Пушти сар зарба хӯрда буд. Вақти задан аз мошин мепарад, Сараш дар ҳамин бетонак мезанаду даруни ҷӯйбор – латок ҳамон ҷо меғалтад. Сараш зарбаи сахт ҳамон ҷо мехӯрад”, -  изҳор дошт Анӯшервон.

Хоби Баҳром: дӯсти ҷавонмаргаш ӯро даъват кард

Писари Баҳром Ғафурӣ инчунин нақл кард, ки тақрибан ду ҳафта қабл аз ҳодиса падараш зиқ буд, чун дӯсти ҷавонмаргашро хоб дидаст, ки ӯро ба сарояндагӣ даъват кардааст.

“Ду ҳафта пеш дар мошин якҷо рафта будем, ки зиқ буд. Сабабашро пурсидам,  гуфт Аҳрор ном дӯсташро, ки дар ҷавонӣ фавтид, дар хобаш дид. Дар хоб сӯи падар гуфтааст, “Баҳромҷон ҳофизиро сар мекунем”. Вақте дид, ман зиқ шудам, гуфт ин хоб аст, мегузарад. Писари он дӯсташ бемор буд ва ҳамон субҳ ӯ ҳам даргузашт”, - нақл кард Анӯшервон.

Нақшаҳои Ғафурӣ. Анӯшервон кори падарро идома медиҳад

Саъдӣ, дӯсти Баҳром Ғафурӣ гуфт, марҳум дар бахши эҷодӣ нақшаҳо дошт, мехост сурудҳо сабт кунаду ба корҳои эҷодии писараш низ машғул буд, чун Анӯшервон низ  мактаби мусиқиро хонда, хатм кард.

Ӯ гуфт, “Хона холӣ”, охирин таронаи хомашро хонда буд, ки то охир нарасонд ва писараш онро бозхонӣ карду намоҳанг сохт. Тарона дар иҷрои Баҳром Ғафурӣ низ мебарояд. Дар намоҳанги таҳияшуда, Анӯшервон гитараи чангзадаи падарашро мегирад, тоза мекунад, ба маъное, ки кори падарро давом медиҳад.

13140
Барчаспҳо:
ҳалокат, садама, сароянда, Тоҷикистон
Чрезвычайный и Полномочный посол Таджикистана в России Имомуддин Сатторов

Сатторов дар бораи донишҷӯёни дар Тоҷикистон бандмонда ва даъват аз шаҳрвандон

376
(Таҷдидшуда 18:12 01.10.2020)
Бозгашти донишҷӯёни тоҷик ба таҳсил дар Русияро сафири ҷумҳурӣ дар Федератсияи Русия Имомуддин Сатторов шарҳ дод

ДУШАНБЕ, 1 окт – Sputnik. Бозгашти шаҳрвандони Тоҷикистон ба Русия, ки ҳангоми пандемияи коронавирусӣ рафтанд, мушкил боқӣ мемонад, гуфт Имомуддин Сатторов, сафири фавқулодда ва мухтори ҷумҳурӣ дар Федератсияи Русия.

Дипломат даъват кард, ки барои шаҳрвандони Тоҷикистон, ки ниёзи фаврӣ надоранд, Русияро тарк накунанд.

"Дар ин бора мо тобистон, вақте ҳама фикр мекарданд, ки мераванду тез бармегарданд, сӯҳбат кардем. Асосан мо пешгӯӣ кардем, ки вазъи эпидемиологӣ ба ҳама шаҳрвандон имкон намедиҳад, ки баргарданд. Мо инчунин донишҷӯёне, ки тоза ба таътил баромадаву рафта буданд, даъват кардем, гарчанде онҳо метавонистанд дар ин ҷо мунтазир шаванд ",-гуфт Сатторов дар мусоҳиба бо Sputnik Тоҷикистон.

Сафир қайд кард, ки айни замон мақомоти Русия ва Тоҷикистон дар бораи баргардонидани донишҷӯёне, ки аз Федератсияи Русия ба ҷумҳурӣ рафтаанд, гуфтушунид доранд. Диққати махсус ба донишҷӯёни курси якум дода мешавад.

Вазири маорифи Русия гуфт, чӣ қадар донишҷӯёни хориҷӣ мунтазири омадананд

Бо сабаби пандемия, зиёда аз 100 ҳазор донишҷӯёни хориҷӣ наметавонанд ба Федератсияи Русия оянд

Ҳамзамон, ӯ илова кард, ки аз Тоҷикистон ба Русия омадаану баъдан дар хобгоҳ  тариқи фосилавӣ таҳсил кардан, маъно надорад.

376
Барчаспҳо:
донишҷӯён, сафир, Русия, Тоҷикистон
Спичка, архивное фото

Пулро дуздиду хонаро оташ зад: боздошти хонандаи синфи 10 дар Истаравшан

633
(Таҷдидшуда 18:08 01.10.2020)
Мақомоти милитсия аз боздошти як ноболиғи 16 - сола, хонандаи синфи 10, сокини шаҳри Истаравшан хабар медиҳад, ки ба содир намудани ҷинояти дуздӣ ва сӯзонидани хона даст задааст

ДУШАНБЕ, 1 окт – Sputnik. Акбар Шарифӣ, сухангӯи РВКД дар вилояти Суғд рухдоди ин ҳодисаро ба Sputnik Тоҷикистон шарҳ дод.

"Сокини 16 - солаи шаҳри Истаравшан, хонандаи синфи 10, ки ҳоло танҳо аз вай Д. Б. ном бурда мешавад, санаи 10 - уми сентябр, соати 07: 30 ба манзили соҳибкор, марди 38 - солаи сокини ин шаҳр воқеъ дар кӯчаи Ҳакимова дохил шуда, 4 ҳазору 400 доллари амрикоиро тасарруф намуд", - шарщ дод Шарифӣ.

Ба изҳори ӯ, ноболиғ барои рӯйпуш кардани изи ҷинояти содиркардааш, хонаи соҳибкорро оташ зад.

Дар асоси муроҷиатномаи соҳибкор, кормандони милитсия хонандаи синфи 10 - и яке аз макотиби Истаравшанро боздошт намуданд, ки дар содир намудани ҷинояти мазкур муттаҳам дониста мешавад.

Боздошти сокини Вахш барои дуздӣ дар даҳ масҷиди ду ноҳия-видео

Гуфта мешавад, навраси 16 - сола, ба ҷузъ аз дузди маблағ, аз ҳисоби оташ задани манзили истиқоматӣ ба соҳибхона боз 30 ҳазор сомонӣ зарар расонидааст.

Ҳоло аз рӯи ин ҳодиса бо моддаи 244 (дуздӣ) ва 255 (қасдан несту нобуд кардани молу амвол) - и Кодекси ҷиноятӣ парванда оғоз карда шуда, ноболиғ ба ҳабс гирифта шудааст.

633
Барчаспҳо:
боздошт, ноболиғ, дуздӣ, Истаравшан
Девушка за рулем автомобиля, архивное фото

Ҷазои Снежанна барои мошинронӣ бо суръати хеле баланд дар Душанбе-видео

0
(Таҷдидшуда 21:06 01.10.2020)
Раёсати умури дохилии Душанбе аз ҷаримабандии ҷавондухтаре хабар дод, ки мошинро дар хиёбони Исмоили Сомонии пойтахт бо суръати 175 километр дар як соат рондаст

ДУШАНБЕ, 1 окт — Sputnik. Тибқи иттилои манбаъ, духтар мошинронияш бо суръати 175 км/соатро ба навор гирифта, дар саҳифаи шахсияш дар Инстаграм нашр намудааст. Корбарони шабакаҳои иҷтимоӣ аз маъмурини милиса хостаанд, ки барои нақзи қоидаҳои ҳаракат дар роҳ ронанда ба ҷавобгарӣ кашида шавад.

Раёсати умури дохилӣ хабар дод, ки дар пайи санҷиш муайян шуд, ронандаи мазкур Юдинна Снежанна Руслановна, сокини 29-солаи шаҳри Душанбе мебошад, ки ҳангоми идораи мошини шахсияш “Ауди А4” ба қонуншиканӣ роҳ додааст.

Манбаъ таъкид кард, ки бо назардошти ҳолатҳои мазкур нисбати ронанда, барои бо суръати баланд идора намудани воситаи нақлиёт ва гузаштан дар чароғаки сурх санади маъмурӣ тартиб дода шуда, ҷаримабандӣ гардид.

0
Барчаспҳо:
ҷазо, ронанда, роҳ, Тоҷикистон