Врач, архивное фото

Роҳбари телевизиони Хуҷанд: аз хуруҷи дубораи COVID-19, фавти табибон то беморхонаҳои пур

1413
(Таҷдидшуда 13:02 10.09.2020)
Аъзам Акбаров, директори телевизиони маҳаллии “Азия” дар шаҳри Хуҷанд бо нашри як муроҷиатнома дар бораи хуруҷи мавҷи дуюми бемории COVID-19, бепарвои дар иҷрои қоидаҳои беҳдоштӣ ва марги бармаҳали табибон зикр намудааст

ДУШАНБЕ, 10 сен – Sputnik. Аъзам Акбаров дар муроҷиатномаи видеоии худ гуфтааст, рӯзҳои охир нафарони зиёде бар асари бемории COVID-19 аз дунё рафтанд ва шунидани хабари даргузашти онҳо басо риққатбору дилгиркунанда аст.

“Бисёр нафарон аз COVID-19 моро тарк карда истодаанд, онҳо дигар барнамегарданд. Танҳо зарфи 15-20 рӯзи охир, аз даргузашти нафарони зиёд дар шабакаҳои иҷтимоӣ ва телевизионӣ хабарҳо мерасанд. Нафароне, ки чи қадар барои аъзои хонаводаи худ азизу меҳрубон буданд ва саҳме дар рушди ҷомеа доштанд. Аз рафтани бармаҳали онҳо хеле дилгир ҳастем ва илоҷи дигар ҳам надорем”, иброз намудааст Акбаров.

Ин муроҷиатномаи роҳбари “Азия” баъди он садо медиҳад, ки рӯзҳои охир хабари даргузашти табибон ва фаъолони ҷомеа аз хуруҷи беморӣ бештар нашр мешаванд.

Бино ба иттилоъи манобеъи Sputnik Тоҷикистон субҳи рӯзи 10 уми сентябр Фурқат Мансуров, сартабиби Диспансери саратоншиносӣ (онкологияи) вилояти Суғд дар сини 47 солагӣ аз олам даргузаштааст.

Аз ӯ пештар Фазлиддин Шарипов, табиби бемориҳои чашм, собиқ сартабиби Бемористони клиникавии Суғд ва роҳбари Маркази муолиҷаи лазерии чашм “Карния” дар сини 60 солагӣ бар асари бемории “илтиҳоби шуш” дунёро падруд гуфт.

Рӯзи 6 уми сентябр Назокат Ёрматова, омӯзгор бо таҷриба ва собиқ муовини раиси шаҳри Хуҷанд дар 62 солагӣ аз хуруҷи бемории “илтиҳоби шуш” ҷон ба Ҳақ пайваст. Як ҳафта пеш аз ин, Содиқҷон Бобоев табиб-ҷарроҳи Бемористони № 1 и шаҳри Хуҷанд дар синни 58 солагӣ аз бемории ҳамагири “илтиҳоби шуш” аз олам чашм пушид.

Дар хона табобат мегирифт: даргузашти табиби маъруф Шарипов аз "илтиҳоби шуш" дар Суғд

Аъзам Акбаров таъкид намудааст, ки хуруҷи мавҷи COVID-19 доман паҳн намудааст, вале бисёриҳо бепарвоӣ зоҳир намуда, бастани ниқоб ва риояи дигар қоидаҳои беҳдоштиро фаромӯш кардаанд.

“Ин бепарвоиҳо ба он оварда расонидааст, ки бисёриҳо ба ин бемори гирифтор шудаанд ва бемористонҳо аз беморон пур шудаанд”.

Роҳбари телевизиони “Азия” дар поёни муроҷиатномааш аз мухотабонаш даъват намудааст, ки бастани ниқоб ва дигар қоидаҳои беҳдоштиро риоя кунанд ва дар ҳолати ҳис кардани нишонаҳои беморӣ онро пинҳон накарда ба духтурон муроҷиат намуда, худу атрофиёнро эҳтиёт намоянд.

1413
Барчаспҳо:
табибон, вирус, муроҷиат, Акбар Шарифов, Тоҷикистон
Чрезвычайный и Полномочный посол Таджикистана в России Имомуддин Сатторов

Сатторов дар бораи донишҷӯёни дар Тоҷикистон бандмонда ва даъват аз шаҳрвандон

375
(Таҷдидшуда 18:12 01.10.2020)
Бозгашти донишҷӯёни тоҷик ба таҳсил дар Русияро сафири ҷумҳурӣ дар Федератсияи Русия Имомуддин Сатторов шарҳ дод

ДУШАНБЕ, 1 окт – Sputnik. Бозгашти шаҳрвандони Тоҷикистон ба Русия, ки ҳангоми пандемияи коронавирусӣ рафтанд, мушкил боқӣ мемонад, гуфт Имомуддин Сатторов, сафири фавқулодда ва мухтори ҷумҳурӣ дар Федератсияи Русия.

Дипломат даъват кард, ки барои шаҳрвандони Тоҷикистон, ки ниёзи фаврӣ надоранд, Русияро тарк накунанд.

"Дар ин бора мо тобистон, вақте ҳама фикр мекарданд, ки мераванду тез бармегарданд, сӯҳбат кардем. Асосан мо пешгӯӣ кардем, ки вазъи эпидемиологӣ ба ҳама шаҳрвандон имкон намедиҳад, ки баргарданд. Мо инчунин донишҷӯёне, ки тоза ба таътил баромадаву рафта буданд, даъват кардем, гарчанде онҳо метавонистанд дар ин ҷо мунтазир шаванд ",-гуфт Сатторов дар мусоҳиба бо Sputnik Тоҷикистон.

Сафир қайд кард, ки айни замон мақомоти Русия ва Тоҷикистон дар бораи баргардонидани донишҷӯёне, ки аз Федератсияи Русия ба ҷумҳурӣ рафтаанд, гуфтушунид доранд. Диққати махсус ба донишҷӯёни курси якум дода мешавад.

Вазири маорифи Русия гуфт, чӣ қадар донишҷӯёни хориҷӣ мунтазири омадананд

Бо сабаби пандемия, зиёда аз 100 ҳазор донишҷӯёни хориҷӣ наметавонанд ба Федератсияи Русия оянд

Ҳамзамон, ӯ илова кард, ки аз Тоҷикистон ба Русия омадаану баъдан дар хобгоҳ  тариқи фосилавӣ таҳсил кардан, маъно надорад.

375
Барчаспҳо:
донишҷӯён, сафир, Русия, Тоҷикистон
Спичка, архивное фото

Пулро дуздиду хонаро оташ зад: боздошти хонандаи синфи 10 дар Истаравшан

630
(Таҷдидшуда 18:08 01.10.2020)
Мақомоти милитсия аз боздошти як ноболиғи 16 - сола, хонандаи синфи 10, сокини шаҳри Истаравшан хабар медиҳад, ки ба содир намудани ҷинояти дуздӣ ва сӯзонидани хона даст задааст

ДУШАНБЕ, 1 окт – Sputnik. Акбар Шарифӣ, сухангӯи РВКД дар вилояти Суғд рухдоди ин ҳодисаро ба Sputnik Тоҷикистон шарҳ дод.

"Сокини 16 - солаи шаҳри Истаравшан, хонандаи синфи 10, ки ҳоло танҳо аз вай Д. Б. ном бурда мешавад, санаи 10 - уми сентябр, соати 07: 30 ба манзили соҳибкор, марди 38 - солаи сокини ин шаҳр воқеъ дар кӯчаи Ҳакимова дохил шуда, 4 ҳазору 400 доллари амрикоиро тасарруф намуд", - шарщ дод Шарифӣ.

Ба изҳори ӯ, ноболиғ барои рӯйпуш кардани изи ҷинояти содиркардааш, хонаи соҳибкорро оташ зад.

Дар асоси муроҷиатномаи соҳибкор, кормандони милитсия хонандаи синфи 10 - и яке аз макотиби Истаравшанро боздошт намуданд, ки дар содир намудани ҷинояти мазкур муттаҳам дониста мешавад.

Боздошти сокини Вахш барои дуздӣ дар даҳ масҷиди ду ноҳия-видео

Гуфта мешавад, навраси 16 - сола, ба ҷузъ аз дузди маблағ, аз ҳисоби оташ задани манзили истиқоматӣ ба соҳибхона боз 30 ҳазор сомонӣ зарар расонидааст.

Ҳоло аз рӯи ин ҳодиса бо моддаи 244 (дуздӣ) ва 255 (қасдан несту нобуд кардани молу амвол) - и Кодекси ҷиноятӣ парванда оғоз карда шуда, ноболиғ ба ҳабс гирифта шудааст.

630
Барчаспҳо:
боздошт, ноболиғ, дуздӣ, Истаравшан
Девушка за рулем автомобиля, архивное фото

Ҷазои Снежанна барои мошинронӣ бо суръати хеле баланд дар Душанбе-видео

0
(Таҷдидшуда 21:06 01.10.2020)
Раёсати умури дохилии Душанбе аз ҷаримабандии ҷавондухтаре хабар дод, ки мошинро дар хиёбони Исмоили Сомонии пойтахт бо суръати 175 километр дар як соат рондаст

ДУШАНБЕ, 1 окт — Sputnik. Тибқи иттилои манбаъ, духтар мошинронияш бо суръати 175 км/соатро ба навор гирифта, дар саҳифаи шахсияш дар Инстаграм нашр намудааст. Корбарони шабакаҳои иҷтимоӣ аз маъмурини милиса хостаанд, ки барои нақзи қоидаҳои ҳаракат дар роҳ ронанда ба ҷавобгарӣ кашида шавад.

Раёсати умури дохилӣ хабар дод, ки дар пайи санҷиш муайян шуд, ронандаи мазкур Юдинна Снежанна Руслановна, сокини 29-солаи шаҳри Душанбе мебошад, ки ҳангоми идораи мошини шахсияш “Ауди А4” ба қонуншиканӣ роҳ додааст.

Манбаъ таъкид кард, ки бо назардошти ҳолатҳои мазкур нисбати ронанда, барои бо суръати баланд идора намудани воситаи нақлиёт ва гузаштан дар чароғаки сурх санади маъмурӣ тартиб дода шуда, ҷаримабандӣ гардид.

0
Барчаспҳо:
ҷазо, ронанда, роҳ, Тоҷикистон