Тоҷикистон ҳамла ба Амрулло Солеҳ, ноиби президенти Афғонистонро шадидан маҳкум кард

226
(Таҷдидшуда 14:56 10.09.2020)
Ҳукумати Тоҷикистон дар бораи ҳамла ба ноиби аввали президенти Афғонистон Амруллоҳ Солеҳ изҳор расман изҳорот дод

ДУШАНБЕ, 9 сен — Sputnik. Тоҷикистон сӯиқасд ба ҷони муовини аввали президенти Афғонистон Амрулло Солеҳро маҳкум кард, хабар медиҳад хадамоти матбуоти Вазорати корҳои хориҷии ҷумҳурӣ.

Дар изҳорот гуфта мешавад: “Ҳукумати Ҷумҳурии Тоҷикистон амали нангини террористиро, ки субҳи 9 сентябри 2020 дар Кобул бар зидди Муовини аввали Раиси Ҷумҳурии Исломии Афғонистон Амруллоҳ Солеҳ сурат гирифта, дар натиҷаи он шуморе аз мардум ҷон бохтанд ва захмӣ шудаанд, шадидан маҳкум менамояд”.

Дар идомаи изҳорот ҳукумат ба, пайвандону наздикони қурбониёни амали террористӣ таъзия баён намуда, ба захмиён шифои комил орзу намудааст.

Гуфта мешавад, Тоҷикистон дар мубориза бо терроризм ҳамеша дар паҳлӯи Афғонистон буда, хоҳони барқарорсозии сулҳу оромии пойдор дар кишвари ҳамҷавор аст.

Ёдовар мешавем, ки субҳи рӯзи гузашта дар майдони Таймани Кобул сӯиқасд ба ҷони муовини аввали президенти Афғонистон Амруллоҳ Солеҳ сурат гирифт.

Тибқи иттилои расмӣ, бомба дар роҳи қатори мошинҳои Солеҳ таркид, ки дар натиҷаи ҳамлаи террористӣ, муовини аввали президенти Афғонистон аз дасташ осеб дид ва инчунин 12 нафар куштаву тақрибан 10 шаҳрванд, аз ҷумла чанд муҳофизи Солеҳ маҷрӯҳ шуданд.

 Ҷунбиши радикалии Толибон (дар Русия ва Тоҷикистон мамнӯъ) бегуноҳии худро дар ин ҳодиса эълом кардааст.

226
Барчаспҳо:
изҳорот, Афғонистон, Тоҷикистон
Мэр города Душанбе Рустам Эмомали

Даъвати Рустами Эмомалӣ аз сокинон барои шинонидани лоақал як дарахти ҳамешасабз

91
(Таҷдидшуда 14:10 25.09.2020)
Рустами Эмомалӣ,  раиси шаҳри Душанбе аз сокинони пойтахт даъват ба амал овардааст, ки дар сабзгардонии пойтахт саҳмгузор бошанд

ДУШАНБЕ, 25 сен - Sputnik. Тибқи иттилои дафтари матбуотии шаҳрдорӣ Рустами Эмомалӣ ин нуктаро зимни баргузории иҷлосияи сеюми Маҷлиси вакилони халқи шаҳри Душанбе, даъвати шашум изҳор доштааст.


Ба иттилои манбаъ, вобаста ба корҳои ободонию ниҳолшинонӣ, Рустами Эмомалӣ аз тамоми сокинони пойтахт даъват кард, ки барои ба "шаҳри сабз" табдил додани шаҳри Душанбе, ҳар як оила барои дар мавсими ниҳолшинонӣ, лоақал шинонидани як дарахти ҳамешасбз саҳмгузор бошанд.

Манбаъ мегӯяд, ҳамзамон шаҳрдори Душанбе таваҷҷуҳи масъулини бахшҳои дахлдори шаҳрдориро ба вусъати корҳои ободонӣ, аз ҷумла тоза намудани кӯчаю хиёбон ва гулгаштҳо ҷалб намуда, барои сари вақт баровардани партову хазонҳо, таъмини нақшаи шинонидани дарахту гулҳои зимистона, иваз намудани дарахтони хушкшуда, дар ҳолати хуб нигоҳ доштани фаввораю курсиҳои боғҳо  дастурҳои мушахахас дод.

“Аз роҳбарони сохторҳои дахлдор талаб карда шуд, ки ҷиҳати ба инфрасохтори шаҳр мутобиқ намудани тамоми иншоот ва муассисаҳои иҷтимоии ҳудуди аз ноҳияи Рӯдакӣ ба шаҳри Душанбе воридшуда ва амалӣ кардани корҳо барои омодагӣ ба давраи зимистонгузаронӣ тадбирҳои зарурии саривақтиро татбиқ намоянд”,-афзудааст, манбаъ.

Ҳамзамон дар ҷаласа Рустами Эмомалӣ, ба масъалаи хизматрасониҳои нақлиёт ва гузариш ба низоми пардохти эллектронӣ барои воситаҳои нақлиёт дахл карда ба масъулин дар ин самт супориш додааст.

91
Барчаспҳо:
Рустами Эмомалӣ, Душанбе, Тоҷикистон
Ноги, архивное фото

Хонаашро ба фоҳишахона табдил доду мукофотпулӣ гирифт: боздошти зани ҷавон дар Душанбе

800
(Таҷдидшуда 10:39 25.09.2020)
Вазорати умури дохилии Тоҷикистон, як занро бо гумони ташкили фоҳишахона боздошт кардааст

ДУШАНБЕ, 25 сен - Sputnik. Бино ба иттилои дафтари матбуотии ин ниҳод, боздоштшуда сокини 30 солаи пойтахт буда, зимни баргузории чорабиниҳои оперативӣ-ҷустуҷӯӣ аз ҷониби кормандони милитсия дастгир шудааст.

Ба иттилои манбаъ, номбурда, санаи 23-юми сентябри соли 2020, тахминан соатҳои 19:00, хонаи истиқоматиашро ба фоҳишахона табдил дода, барои алоқаи ҷинсӣ намудан шароит муҳайё намуда, ба ҷавони 24 ва зани 27-солаи сокинони пойтахт додааст.

Манбаъ мегӯяд, боздоштшуда барои ин хидматаш аз онҳо ба маблағи 150-сомонӣ мукофотпулӣ гирифтааст.
ВУД мегӯяд, аз рӯи ҳодисаи мазкур тафтишот идома дорад.

Ёдовар мешавем, қаблан кормандони вазорат ду сокини шаҳри Конибодом як зан ва як мардро бо чунин ҷурм боздошт карда буданд.

Гуфта мешавад, боздоштшудаҳо, ҷавони 24 сола дар шаҳр ва зани 44 сола дар яке аз деҳаҳои шаҳри Конибодом фоҳихона ташкил карда, ба ивази хадамоташон аз 300 то 400 сомонӣ гирифтаанд.

800
Барчаспҳо:
ташкили фоҳишахона, боздошт, зан, Душанбе, Тоҷикистон

Русия ба кишварҳои ИДМ ваксинаи тайёр медиҳаду ба дигарон истеҳсолашро меомӯзад-видео

0
(Таҷдидшуда 17:29 25.09.2020)
Русия гуфтааст, воксинаи тайёрро барои кишварҳо намефиристад, аммо омодааст таҷрибаи истеҳсоли доруро бо давлатҳои тавонманд тақсим кунад

Русия ваксинаи омодашударо ба таври зиёд ба хориҷи кишвар намефиристад.

Ба ҷойи ин, олимони Русия омодаанд, ки технологияи истеҳсоли доруро бо дигар кишварҳо тақсим кунанд.

Дар ин бора директори Пажӯҳишгоҳи ба номи Гамалея Александр Гунзбург гуфтааст.  Аммо ин равишро дар кишварҳои ИДМ наметавон татбиқ кард. Ба гуфтаи ӯ, дар ҳоли ҳозир ду ваксинаи дигар дар Русия озмоиш мешавад.

22 сентябри соли ҷорӣ Вазорати тандурустии Русия барои озмоишҳои клиникии доруи нав, ки аз ҷониби Академияи илмҳои Русия сохта шудааст, иҷозат дод.

Озмоишҳои ваксина, ки онро Маркази илмии “Вектор” таҳия кардааст, дар ҳоли анҷомёбист.

Чӣ гуна кишварҳои ҳамсоя метавонанд ваксинаи Русияро ба даст оранд ва чаро Русия омода аст таҳаввулоти худро ошкор кунад – дар навор бубинед.

0
Барчаспҳо:
содирот, истеҳсол, дору, Русия