Наручники, архивное фото

Қатли чор писари хурдсол аз сӯи модарашон дар Хатлон: худаш ба пулис хабар додааст

1351
(Таҷдидшуда 16:07 10.09.2020)
Як модари 30 сола дар вилояти Хатлони кишвар бо бераҳмиии махсусе чор писари ноболиғи худро ба қатл расонидааст

ДУШАНБЕ, 10 сен — Sputnik. Назокатхон Тоироваи як модари  30 солаи зодаи ноҳияи Кӯшониёни вилояти Хатлон чор писари аз 1 то 9 солаи худро ба таври буғӣ кардан куштааст.

Бино ба иттиллои манобеи Sputnik Тоҷикистон аз ноҳияи Кӯшониён, ҳодисаи даҳшатбор рӯзи гузашта тақрибан соатҳои 17:00 сар задааст.

“Зан 4 писари ноболиғаш, ки  1,6,8, 9- сола буданд бо як бераҳмӣ ба таври буғӣ кардан куштааст. Пас аз куштани фарзандон худаш ба мақомот омада, хабар дод, ки ба чунин кор даст задааст”, - мегӯяд манбаъ.

Гуфта мешавад, ҳоло нисбати  гумонбаршуда бо дастрасии моддаи 104, қисми 2, бандҳои “а”, “в”, ва “е”-и Кодекси ҷиноӣ  Одамкушӣ а) ду шахс ё бештар аз он; в) бараъло ноболиғ ё шахсе, ки дар ҳолати оҷизӣ қарор доштани ӯ барои гунаҳгор аён аст ва е) бо бераҳмии махсус парвандаи ҷиноӣ боз шуда, таҳқиқ идома дорад.

Як манбаи дигар низ аз Кумитаи занони ноҳияи Кӯшониён ба Sputnik Тоҷикистон гуфт,  ҳодисаи мудҳиш дар ҷамоати Ориёни ноҳия рух дод.

Ин манбаъ гуфт, бо наздикон ва хешонвадони Назокатхон Тоирова мулоқот кардаан: "Мо бо наздикон ва ҳамсояҳои ӯ суҳбат кардем, гуфтанд, ки ягон масъалаҳои оилавӣ надоштанд. Ин хонавода қаблан дар Бохтар зиндагӣ мекарданд ва тули се чор моҳ аст, ки ба минтақаи мо омадан".

Манбаъ гуфт, модар ҳамчун бемори руҳӣ дар қайди табибон қарор доштааст.

Ба гуфти ӯ,  ин зан бемории рӯҳӣ дошт ва ҳоло дар боздоштгоҳ қарор дорад.

1351
Барчаспҳо:
модар, фарзанд, қатл, Хатлон, Тоҷикистон
Спичка, архивное фото

Пулро гирифту хонаро оташ зад: боздошти хонандаи синфи 10 дар Истаравшан

99
Мақомоти милитсия аз боздошти як ноболиғи 16 - сола, хонандаи синфи 10, сокини шаҳри Истаравшан хабар медиҳад, ки ба содир намудани ҷинояти дуздӣ ва сӯзонидани хона даст задааст

ДУШАНБЕ, 1 окт – Sputnik. Акбар Шарифӣ, сухангӯи РВКД дар вилояти Суғд рухдоди ин ҳодисаро ба Sputnik Тоҷикистон шарҳ дод.

"Сокини 16 - солаи шаҳри Истаравшан, хонандаи синфи 10, ки ҳоло танҳо аз вай Д. Б. ном бурда мешавад, санаи 10 - уми сентябр, соати 07: 30 ба манзили соҳибкор, марди 38 - солаи сокини ин шаҳр воқеъ дар кӯчаи Ҳакимова дохил шуда, 4 ҳазору 400 доллари амрикоиро тасарруф намуд", - шарщ дод Шарифӣ.

Ба изҳори ӯ, ноболиғ барои рӯйпуш кардани изи ҷинояти содиркардааш, хонаи соҳибкорро оташ зад.

Дар асоси муроҷиатномаи соҳибкор, кормандони милитсия хонандаи синфи 10 - и яке аз макотиби Истаравшанро боздошт намуданд, ки дар содир намудани ҷинояти мазкур муттаҳам дониста мешавад.

Боздошти сокини Вахш барои дуздӣ дар даҳ масҷиди ду ноҳия-видео

Гуфта мешавад, навраси 16 - сола, ба ҷузъ аз дузди маблағ, аз ҳисоби оташ задани манзили истиқоматӣ ба соҳибхона боз 30 ҳазор сомонӣ зарар расонидааст.

Ҳоло аз рӯи ин ҳодиса бо моддаи 244 (дуздӣ) ва 255 (қасдан несту нобуд кардани молу амвол) - и Кодекси ҷиноятӣ парванда оғоз карда шуда, ноболиғ ба ҳабс гирифта шудааст.

99
Барчаспҳо:
боздошт, ноболиғ, дуздӣ, Истаравшан
Призывники в армию Таджикистана в Бадахшане

Бадахшон аввалин шуда нақшаи даъват ба артишро дар як рӯз иҷро кард

45
(Таҷдидшуда 16:56 01.10.2020)
Вилояти Мухтори Куҳистони Бадахшон аз нахустин манотиқи кишвар аст, ки аввал шуда нақшаи даъват ба артишро иҷро кард.

ДУШАНБЕ, 1 окт – Sputnik. Тибқи иттилои дафтари матбуотии вилоят, дар нахустин рӯзи даъват нақшаро пурра ба анҷом расонидаанд.

Ба иттилои манбаъ, нақшаи сафарбар намудани ҷавонон ба сафи Қувваҳои Мусаллаҳи Ҷумҳури Тоҷикистон дар рузи якум 103 % иҷро намуд.

Президент фармони даъвати тирамоҳӣ ба аскариро имзо кард

Ёдовар мешавем, Вилояти Мухтори Куҳистони Бадахшон дар даъватҳои қаблӣ низ пеш аз дигар минтақаҳо нақшаро нахустин шуда иҷро мекард.

Фармон дар бораи даъвати наваскаронро раисиҷумҳури кишвар 3 сентябр имзо карда буд.

Пешсафии Бадахшон: нақшаи даъвати наваскарон дар вилоят 110 дарсад иҷро шуд

Бар асоси он дар даъвати тирамоҳа шаҳрвандони солҳои таваллуди 1993-2002 ба хизмати ҳарбӣ ҷалб карда мешаванд.

45
Барчаспҳо:
артиш, даъват, Бадахшон, Тоҷикистон