Саидзода Маҳмадсаид Борон

Рашт: сардорони милисаву амният таъин шуданд, прокурор ҳанӯз на

1033
Бо гузашти 15 рӯз аз барканории раҳбарони ниҳодҳои қудратии Рашт дар пайи тағйироти ахири кадрӣ сардорони раёсатҳои милисаву амнияти минтақа маълум шуданд, аммо прокурор ҳоло таъин нашудааст

ДУШАНБЕ, 10 сен — Sputnik. Нусратулло Маҳмадзода, сухангӯи вазорати корҳои дохилии Тоҷикистон ба Sputnik Тоҷикистон таъйид кард, ки Саидзода Маҳмадсаид Борон, генерал-майори милитсия, сардори Раёсати ВКД дар минтақаи Рашт таъин шудааст.

“Он кас ҳамзамон вазифаи сардори шуъбаи милисаи ноҳияи Раштро низ иҷро хоҳад кард”, - гуфт Нусратулло Маҳмадзода.

Саидзода Маҳмадсаид Борон 1 январи соли 1964 таваллуд шуда, аз 1 марти соли 1991 умдатан дар ниҳодҳои Бозрасии давлатии автомобилии ВКД Тоҷикистон кор кардааст ва аз соли 2014 то 2017 сардори Раёсати БДА – и Тоҷикистон будааст. То 10 сентябри соли 2020 ӯ муовини аввали вазири корҳои дохилии Тоҷикистон буд.

Бино ба иттилои дарёфтӣ, Абдусафо Сафоев сардори Раёсати Кумитаи давлатии амнияти миллии Тоҷикистон дар гуруҳи навоҳии минтақаи Рашт таъин шудааст. Ӯ дар гузашта сардори шуъбаи КДАМ дар ноҳияи Нуробод буд.

Дар ҳамин ҳол, дар Прокуратураи генералии Тоҷикистон ба Sputnik Тоҷикистон гуфтанд, ки сари таъйини прокурори ноҳияи Рашт ҳанӯз тасмими ниҳоӣ гирифта нашудааст.

“Ҳамин шабу рӯз маълум хоҳад шуд”, - гуфтанд дар ин ниҳод.

Фармони Президент: дар Тоҷикистон як генерал зиёд шуд - кист?

28 август расонаҳо аз барканории якбораи раҳбарони тамоми ниҳодҳои қудратӣ – ВКД, прокуратура ва КДАМ дар минтақаву ноҳияи Рашт хабар доданд, ки ба таври худ ғайримунтазира буд.

Барканории Борону мансаби нави Партов: Раҳмон дар ВКД тағйироти кадрӣ кард

Гуруҳи ноҳияҳои минтақаи Рашт панҷ ноҳия – Рашт, Сангвор, Нуробод, Тавилдара ва Лахшро ташкил медиҳад. Ниҳодҳои вижаи қудратӣ дар Рашт аз соли 2011 ба ин сӯ ташкил шудааст, ки кори мақомоти навоҳии минтақаро ҳамоҳанг мекунад.

1033
Барчаспҳо:
генерал, мансабӣ, тағйирот, Рашт, Тоҷикистон

Орипов: Раҳмон дар муносибатҳои Тоҷикистону Ӯзбекистон сафҳаи тиллоӣ боз кард

163
(Таҷдидшуда 16:50 29.09.2020)
Дар ҷараёни музокирот Сарвазири Тоҷикистон Коҳир Расулзода ва Сарвазири Узбекистон Абдулло Арипов масъалаҳои рушди минбаъдаи муносибатҳои тиҷоративу иқтисодии байни кишварҳоро баррасӣ карданд

ДУШАНБЕ, 29 сен – Sputnik. Сарвазири Тоҷикистон Коҳир Расулзода бо сарвари ҳукумати Узбакистон Абдулло Арипов мулоқот кард.

Дар ҷараёни музокирот ҷонибҳо масъалаҳои рушди минбаъдаи муносибатҳои тиҷоративу иқтисодии Тоҷикистону Узбекистонро баррасӣ карданд.

Ҳамзамон дар мулоқот масъалаи масъалаи кушодани робитаҳои нақлиётӣ миёни ҷумҳуриҳо гузошта шудааст.

Расулзода зимни гуфтушунид таваҷҷӯҳро ба тавсеаи гардиши мол миёни Тоҷикистон ва Узбакистон ҷалб кардааст.

Бар поияи оморҳои расмӣ,  гардиши савдо байни ин ду давлати дӯст аз 12 миллион доллари соли 2015 ба 362 миллион доллар дар соли 2019 расид. Ин нишондиҳанда 30 баробар афзудааст.

Дар Душанбе ҷаласаи Комиссияи байниҳукуматии Тоҷикистон ва Ӯзбекистон баргузор мегардад

Давоми ҳашт моҳи соли равон бошад содироти молу маҳсулот аз Тоҷикистон ба Ӯзбекистон 53 миллион долларро ташкил додааст, ки 24 дарсади ҳаҷми умумии содироти кишварро дар бар мегирад.

 Сарвазири Тоҷикистон аснои мулоқот қайд кардааст, ки дар оянда гардиши савдои хориҷии ҷумҳурҳо ба як миллиард доллар расиданист.

Вазири фарҳанги Ӯзбекистон Озодбек Назарбеков ба Тоҷикистон омад

Расулзода инчунин ба Узбакистон барои кумаки фаврӣ ба Тоҷикистон дар мубориза бо коронавирус ташаккур гуфт.

Дар навбати худ, сарвазири Ӯзбекистон Абдулло Орипов саҳми Эмомалӣ Раҳмонро дар рушди муносибатҳои Тоҷикистону Узбекистон мусбат арзёбӣ кардааст.

"Президенти Тоҷикистон Эмомалӣ Раҳмон дар ҳамкории ду кишвари бародар саҳифаи тиллоиро кушод.  Ҳамкории мо ба сатҳи сифатан нав баромад ва имрӯз мо ҳама ҷанбаҳо ва самтҳои робитаҳои тиҷоративу иқтисодии худро муҳокима кардем" гуфт ӯ.

Ҳамзамон зимни гуфтушунид, роҳандозии лоиҳаҳои муштарак оид ба таъсиси “Ширкати инвеститсионии Тоҷикистону Ӯзбекистон” зарур шуморида шуда, ҷиҳати истифодаи василаҳои дипломатияи иқтисодӣ, пеш аз ҳама, тавассути роҳандозии тамосҳои мустақим байни доираҳои тиҷоратӣ бо мақсади амалӣ гардонидани лоиҳаҳои инвеститсионии муштарак барои истеҳсоли маҳсулоти рақобатпазир ҳавасмандӣ зоҳир гардид.

163
Барчаспҳо:
ҳамкорӣ, Ӯзбекистон, Тоҷикистон

Дар Чин дояи боғчаро барои заҳролуд кардани кӯдакон эъдом карданд

106
(Таҷдидшуда 15:59 29.09.2020)
Додгоҳи халқии музофоти Хенан, тарбиятдиҳандаи яке аз боғчаҳои кӯдакона дар шаҳри Сзяосзоро ба қатл маҳкур кард

ДУШАНБЕ, 29 сен – Sputnik. Ван Юн сокини музофоти Хенан мебошад, ки дар яке аз боғчаҳои кӯдакона ба ҳайси муррабӣ кор мекард.

Ӯро бо ҷурми заҳролудкардани як гурӯҳ тарбиятгирандаҳои боғҷа ба қатл маҳкум намуданд, хабар медиҳад РИА Новости.

Миёни Ван Юн ва Сун ном мурабии дигари боғча нофаҳмие сар зад ва якумӣ баро қасд гирифтан аз ҳамтои худ кӯдакони гурӯҳи ӯро заҳролуд кард.

Парвиз Мушарраф ба ҳукми қатл маҳкум шуд

Юн дар хӯроки кӯдакон нитрити натрийро илова кард, ки дар натиҷа ҳамаи 25 тарбиятгиранда заҳролуд шуда, фавран ба бемористон интиқол ёфтанд.

Манбаъ менависад, пизишкон ҷони як кӯдакро наҷот дода натавонистанд.

Дар робита ба ҳамин қазия, додгоҳ Юнро бо роҳи маҳрум намудан аз зиндагӣ ҷазо дод.

106
Барчаспҳо:
эъдом, боғча, Чин
Министр экономического развития и торговли Таджикистана Завки Завкизода

"Соҳибкор бо соҳибкор": Форуми сармоягузории Тоҷикистону Ӯзбекистон доир гардид

10
(Таҷдидшуда 18:26 29.09.2020)
Беш аз 300 нафар дар ҳамоиши сармоягузории Тоҷикистону Ӯзбекистон ширкта карда, бо фазои сармоягузорӣ дар соҳаҳои сайёҳӣ, саноат, энергетика ошно шуданд

ДУШАНБЕ, 29 сен – Sputnik. Дар доираи сафари сарвазири Ӯзбекистон ба Тоҷикистон дар шаҳри Душанбе, Форуми сармоягузории Тоҷикистону Ӯзбекистон бо роҳбарии вазири рушди иқтисод ва савдо Завқизода Завқӣ Амин баргузор гардид.

Бино ба гузориши Вазорати рушди иқтисод, Завқизода дар ин нишаст қайд карда, ки тайи солҳои охир бо ташаббусҳои созандаи Президенти Тоҷикистон Эмомалӣ Раҳмон ва Президенти Ӯзбекистон Шавкат Мирзиёев ҳамкориҳои гуногунҷанбаи байни ду кишвар ба сатҳи сифатан нав баромад.

Манбаъ қайд карда, ки бо дастгирии ду кишвардор, баргузории чунин чорабиниҳо, ки ба рушди ҳамкориҳои иқтисодиву тиҷоратӣ, баланд бардоштани нерӯи содиротӣ, ҷалби сармояву воридоти технологияҳои муосир ва тақвияти ҳамкориҳои дуҷонибаи иқтисодию сармоягузорӣ мусоидат менамояд, ба ҳукми анъана даромадааст.

Дар Форуми мазкур беш аз 300 нафар иштирокчӣ аз ҳарду ҷониб, аз ҷумла роҳбарони мақомоти давлатӣ, корхонаву ташкилотҳои давлатӣ, сармоягузорон ва намояндагони бахши хусусии ду давлат иштирок намудаанд.

Дар доираи Форум ба иштирокчиён фазо ва имкониятҳои сармоягузорӣ дар соҳаҳои сайёҳӣ, саноат, энергетика, хизматрасонӣ ва дигар соҳаҳо муаррифӣ шуда, лоиҳаҳои муштараки ҳамкорӣ мавриди баррасӣ қарор гирифтааст.

"Пас аз анҷоми қисмати расмии Форум вохӯрии ду ҷониба - соҳибкорони ду давлат дар сиғаи "Соҳибкор бо Соҳибкор" (B2B) баргузор гардида, аз натиҷаи он санадҳои нави ҳамкорӣ мувофиқа ва ба имзо расонида шудааст", - омадааст дар хабарнома.

Иштирокчиёни Форуми сармоягузории Тоҷикистону Ӯзбекистон ба рушди муносибатҳои дуҷониба ва баимзорасонии созишномаю шартномаҳои мутақобилан судманд, ки фарогири ҳамаи соҳаҳои ҳамкориҳои иқтисодӣ мебошанд, баҳои баланд додаанд.

Манбаъ афзуда, ки тарафҳо ба мувофиқа расидаанд, ки чунин ҳамоишҳои соҳибкоронро мунтазам баргузор менамоянд.

10
Барчаспҳо:
пешниҳодот ба ҷониби Ӯзбекистон, Тоҷикистон, Форум, иқтисод, Душанбе