Рахмон Юсуф Ахмадзод генеральный прокурор РТ, архивное фото

Боздошти Ҳайдарова ва Маҳмадҷонов: гузориши Раҳмон дар бораи таҷовузи кӯдаки 4-сола

7416
(Таҷдидшуда 15:46 11.09.2020)
Юсуф Раҳмон, додситони кулли Тоҷикистон, мегӯяд, муттаҳамон дар қазияи дастдарозӣ ба кӯдаки чорсола дар шаҳри Турсунзода боздошт гардида, дар Душанбе нигоҳдорӣ мешаванд

ДУШАНБЕ, 11 сен - Sputnik. Ахиран наздикони кӯдак аз ҷониби модар бо нашри як видео аз таҷовузи фарзандашон аз ҷониби хешовандони падараш хабар дода, таъкид карданд, ки ин корро худи амаки ҷабрдида анҷом додааст.

Додситонии кулли Тоҷикистон дар пайи нашри навор хабар дод, ки сабти видеоӣ оид ба расонидани зарари вазнини ҷисмонӣ ба саломатии кӯдакӣ 4-сола дар шаҳри Турсунзода, ки санаи 5 сентябри соли 2020 дар шабакаҳои иҷтимоӣ паҳн шуда буд, мавриди омӯзиш қарор гирифт. Дар ин робита додситонӣ хабар дод, ки ду нафар муттаҳам боздошт шудаанд.

Боздошти амаку аммаи кӯдаки ҷабрдида

“Дар натиҷаи пешбурди тафтишоти пешакӣ муайян карда шуд, ки ҷинояти мазкурро Ҳайдарова Одина Абдулҳодиевна, соли таваллудаш 1995 ва Мамадҷонов Муҳаммадҷон Абдулҳодиевич, соли таваллудаш 1997 содир намудаанд”, - хабар дод додситонии кул.

Манбаъ таъкид кард, ки 9 сентябри соли 2020 Ҳайдарова ва Мамадҷонов аз ҷониби Прокуратураи генералии Ҷумҳурии Тоҷикистон дастгир ва вориди боздоштгоҳи муваққатии РВКД Тоҷикистон дар шаҳри Душанбе шуданд.

Мақомоти додситонӣ афзуд, ки феълан тафтишоти пешакӣ аз рӯи ин ҳодиса идома дорад. Юсуф Раҳмон дар ҷаласа таҳти раёсати Рустами Эмомалӣ, раиси Маҷлиси миллии Тоҷикистон, таъкид кард, ки таҳқиқи қазия таҳти назорат қарор дорад.

Қаблан модари духтари ҷабрдида, гуфт, ки ҳодиса аввали моҳи август аз ҷониби амак ва аммаи духтараш содир шудааст. Ба гуфтаи модар, ӯ аз шавҳар бо ду фарзанд ҷудо шуда буд, вале наздикони шавҳари собиқаш ҳаққи дидор бо фарзандонро доштанд. Ӯ афзудааст, ки дар Иди Қурбон амаку аммаи духтараш барои сайру гашт, ӯро бо худ бурданд ва баъдан хусури собиқаш бо ӯ занг зада аз бемории духатараш хабар додааст. Ба гуфтаи модар, дар пайи хунравии зиёд духтурон чор соат фарзандашро ҷарроҳӣ кардаанд.

Наздикони духтарча аз ҷониби модарӣ иддао карданд, ки ӯро хешовандонаш аз ҷониби падар таҷовуз кардаанд. Қаблан ҷониби муттаҳамон дар расонаҳо ин даъворо беасос хонда, таъкид карданд, ки духтар аз қабл чунин беморие дошт ва гоҳо чунин ҳодиса рух медод.

7416
Барчаспҳо:
парванда, боздошт, таҷовузи ҷинсӣ, Тоҷикистон
Молоток судьи, архивное фото

Кор дар мақомоти низомӣ бар ивази 1700 доллар: Суд корманди қалбакии мақомотро ҷазо дод

387
(Таҷдидшуда 17:53 24.09.2020)
Суди шаҳри Хуҷанд нисбати Алиҷон Кенҷаев, сокини 36 солаи шаҳри Хуҷанд, ки барои содир намудани ҷинояти қаллобӣ ҷавобгар дониста мешуд, ҷазо таъйин кард

ДУШАНБЕ, 24 сен – Sputnik. Кенҷаев Алиҷон Ҳасанович, зодаи ноҳияи Деваштич, сокини шаҳри Хуҷанд буда, худро корманди мақомоти ҳифзи ҳуқуқ хонда, бо роҳи фиреб ба боварии шаҳрвандон даромада, бо ваъдаи ба кор таъмин намудан дар сохтори низомӣ даст ба қаллобӣ задааст.

Дар мурофияи кушоди судӣ, ки зери роҳбарии раисикунанда Акмалҷон Савриддинзода дар Суди шаҳри Хуҷанд баргузор гардид, таъкид шуд, ки судшаванда Кенҷаев дар ду ҳолат даст ба мардумфиребӣ задааст.

“Маротибаи аввал ӯ моҳи январи соли 2018, дар ҳудуди шаҳри Хуҷанд худро корманди мақомоти ҳифзи ҳуқуқ муаррифӣ намуда, бо ваъдаи ба кор таъмин намудан дар сохтори интизомӣ аз як нафар сокини шаҳри Хуҷанд 1700 доллари амрикоӣ талаб карда, даҳ ҳазор сомонӣ муодили як ҳазор доллари амрикоӣ пешпардохт гирифта, боқимонда маблағро то баъди иҷрои кор мавқуф гузоштааст. Аммо то он замоне, ки ҷабрдида ба мақомоти ҳифзи ҳуқуқ муроҷиат накард, Кенҷаев пулро ба манфияти шахсӣ истифода бурда, барнагардонидааст” - гуфта шудааст дар мурофияи судӣ.

Ҳолати дигари қаллобиро судшаванда моҳи апрели соли ҷорӣ содир намудааст. Кенҷаев бо роҳи фиреб ба боварии сокини шаҳри Истаравшан даромада бо баҳонаи супоридани маблағи шартномаи таҳсил 3300 сомонӣ ва роҳ ёфтан ба имтиҳон 300 сомонӣ дар маҷмӯъ 3600 сомонии охиронро ба даст оварда ва дар ҳолати мазкур худро корманди мақомоти ҳифзи ҳуқуқ муаррифӣ кардааст.

Дар ҷараёни маҷлиси судӣ маълум шудааст, ки Кенҷаев, корманди мақомот набуда, як даъфа дар соли 2018 бо ҷурми содир кардани ҷинояти қаллобӣ суд шудааст.

Дар асоси далелҳои зимни тафтиши пешакӣ ошкор гардида суди шаҳри Хуҷанд нисбати Алиҷон Кенҷаев дар содир намудани ҷинояти қаллобӣ тибқи моддаи 247 қисми 3 банди “а” гунаҳгор дониста, нисбати ӯ ҷазо дар намуди ҷарима ба андозаи 920 нишондиҳанда барои ҳисобҳо баробар ба 53 ҳазору 360 сомонӣ ба фоидаи давлат ва бе маҳрум сохтан аз ишғоли мансабҳои муайян ҷазо таъйин намудааст.

Дар мурофияи судӣ гуфта шудааст, ки дар сурати саривақт пардохт нашудани мабрағи ҷарима, ҷазо маҳрум сохтан аз озодӣ нисбати судшаванда татбиқ карда мешавад.

387
Барчаспҳо:
низомӣ, ҷиноят, мақомот, суд, Хуҷанд, Тоҷикистон
Рахматилло Зоиров, глава СДПТ

Раҳматилло Зойировро боз кӯфтанд: "беҳуш будам, аммо касе ба кумакам наомад"

987
(Таҷдидшуда 14:40 24.09.2020)
Раиси Ҳизби сотсиал - демократии Тоҷикистон Раҳматилло Зойиров мегӯяд, дар назди манзили зисташ, ӯро ашхоси номаълум мавриди латукӯб қарор доданд

ДУШАНБЕ, 24 сен — Sputnik. Раҳматилло Зойиров дар сафҳаи Фейсбукии худ аз ҳамлаи навбатии ашхоси номаълум ба ӯ хабар дод.

Ба навиштаи Зойиров, ҳамлаи навбатӣ рӯзи 22 - уми сентябр , тақрибан соати 18:20 дақиқа, дар 20 метр дуртар аз хонаи истиқоматияш сурат гирифт.

Раиси Ҳизби сотсиал - демократии Тоҷикистон мегӯяд, он замон аз сафари минтақаҳо ва шаҳрҳои ҷумҳурӣ бо маълумотҳои иборат аз тақаллубкории роҳбарони навоҳӣ ва шаҳрҳо баргашта буд.

Ду ҷавонмарди номаълум аз қафо ба ӯ ҳамла намуданд.

Ба нигоштаи Зойиров, "яке аз онҳо ду зарба аз қафо зад: аввал ба чизи кунд ба сар, баъд ба чашми рост ва қисми чашми косахонаи сар аз паҳлӯ, дуюмӣ маро бо тамоми қувват ба ҷӯйбор тела дод, вақте афтодам, китфи чапам ба девори ҷӯйбор зад, сипас бо зону ба замин афтодам".

Раиси ҳизби сотсиал-демократии Тоҷикистон дар интихоботи президентӣ иштирок намекунад

Сиёсатмадори тоҷик мегӯяд, чанд лаҳза беҳуш буд, аммо касе ба кумаки ӯ наомадааст. Чун манзили зисташ аз ҷойи ҳодиса дур набуд, худаш чорғовак карда, базӯр ба хона расидаст.

Дар идома Зойиров гуфтааст, ки ҷароҳатҳояшро дору кардааст ва баъди ду рӯз аз бистар хестаасту ҳоло ин хабарро нашр кардааст.

987
Барчаспҳо:
Раҳматилло Зойиров, ҳамла

Амрико ба хотири қатъи сохтмони “Маҷрои шимолӣ-2” шарик меҷуяд

0
(Таҷдидшуда 21:15 24.09.2020)
Мақомоти Амрико эълон кардааст, ки эътилофи зидди “Маҷрои шимолӣ-2”- ро ташкил хоҳад кард

Нашрияи Die Welt  навиштааст, ки Амрико фишорашро бар зидди ширкатҳое, ки дар лоиҳаи “Маҷрои шимолӣ-2” иштирок доранд зиёд кардааст.

Вазири хорҷаи Амрико Майк Помпео, ахиран эълон кардааст, ки кишвараш барои қатъи сохтмони “Маҷрои шимолӣ-2” эътилоф ташкил хоҳад дод.

Ба гуфтаи вай, ин лоиҳа метавонад вобастагии Аврупоро аз Русия зиёд намояд ва ба амнияти Украин хатар ворид кунад. Ба ҳамин хотир амрико набояд гузорад ин лоиҳа иҷро шавад.

Бояд гуфт, ки Русия борҳо таъкид кард, ки тарҳҳои энержии ин кишвар, аз ҷумла "Маҷрои шимолӣ-2" дар Аврупо бо ҳадафҳои сиёсӣ дучори монеа шудаанд.

Лоиҳаи “Маҷрои шимолӣ-2” бунёди ду лӯлаи газ бо иқтидори умумии 55 миллиард метри мукааб газ дар як сол аз соҳили Русия тавассути баҳри Балтика то Олмонро дар бар мегирад.

Владимир Путин борҳо таъкид кардааст, ки Русия ба лӯла танҳо ба унвони як лоиҳаи иқтисодӣ ишора мекунад. Маскав даъват мекунад, ки онро ҳамчун воситаи таъсирот қабул накунед. Сохтмони “Маҷрои шимолӣ-2” аз ҷониби Олмон, Австрия ва Норвегия фаъолона дастгирӣ карда мешавад.

0
Барчаспҳо:
мақомот, ташкил, эътилоф, Амрико, Русия