Яке кӯдакистон сохту дигаре мошини ёрии таъҷилӣ туҳфа кард: эҳсонкории соҳибкорон

151
(Таҷдидшуда 17:30 11.09.2020)
Дар ноҳияи Темурмалик бахшида ба 30-умин солгарди Истиқлол, бунёду навсозии 270 иншоот ба нақша гирифта шуда, то имрӯз қариб 140 ададаш ба истифода дода шуданд, хабар дод ҳукумати ноҳия

ДУШАНБЕ, 11 сен - Sputnik. Дар деҳоти Танобчии ноҳия бо иқдоми соҳибкори ватанӣ сохтмони муассисаи томактабии хусусии дорои 60 кати хоб идома дорад. Яке аз соҳибкорони маҳаллӣ баробари саҳмгузорӣ дар корҳои ободонӣ ба беморхонаи марказии ноҳия мошини ёрии таъҷилӣ туҳфа кард, хабар дод “Ховар” аз қавли ҳукумати ноҳияи Теммурмалик.

Манбаъ афзуд, бо мақсади сазовор пешвоз гирифтани ҷашни миллӣ дар ноҳия дар маҷмӯъ 13 бунгоҳи тиббӣ, 8 муассисаи томактабӣ, 6 китобхона, 3 қасри фарҳанг, 1 боғи фарҳангӣ, 2 гулгашт, 2 беморхона, 7 маркази тиббӣ, 1 таваллудхона, 9 нуқтаи хатнаи кӯдакон, 8 дорухона, 7 майдончаи бозии кӯдакон, 4 меҳмонхонаи замонавӣ, 17 сартарошхона, 14 ҳаммом, 15 кошонаи ҳусн, 5 маркази савдо, 9 маркази хизматрасонӣ, 2 корхонаи коркарди шир, 7 коргоҳи дӯзандагӣ ва 11 дӯкони ҳунармандӣ бунёд мегарданд. Аз ҳисоби маблағгузории соҳибкорони ватанӣ аллакай се маркази хизматрасонии дорои кошонаи ҳусн, ошхона, сартарошхона, нуқтаи савдо, коргоҳи дӯзандагӣ, майдончаҳои варзишӣ, мағозаҳои тиҷоратӣ, нонвойхона ва дорухонаҳо ба истифода дода шуданд.

Мақомоти ноҳия таъкид намуданд, ки ҳамчунин навсозии маркази саломатӣ, кашидани хати оби нӯшиданӣ ба масофаи 1,5 километр, таъмири шабакаи оби полезӣ ба дарозии 1,5 километр, бетонпӯш намудани каналҳои селпарто ба масофаи 200 метр анҷом ёфта, дар ҳудуди боғи фарҳангиву фароғатии ноҳия иншооти гигиенӣ - санитарии замонавӣ сохта шуд.

Инчунин аз ҷониби соҳибкорон навсозии толори варзишии муассисаи таълимии рақами 2 ва сафолакпӯш намудани роҳравҳои маркази шаҳрак идома дорад. Дар баробари ин таъмири толори варзиши мактаби миёнаи № 2 ҷараён дошта, сохтмони толору майдончаи варзишӣ дар назди интернати наздимактабии деҳоти Кангурт дар назар аст.

151
Барчаспҳо:
сохтмон, хайрхоҳӣ, кори хайр, Тоҷикистон
Мэр города Душанбе Рустам Эмомали

Даъвати Рустами Эмомалӣ аз сокинон барои шинонидани лоақал як дарахти ҳамешасабз

90
(Таҷдидшуда 14:10 25.09.2020)
Рустами Эмомалӣ,  раиси шаҳри Душанбе аз сокинони пойтахт даъват ба амал овардааст, ки дар сабзгардонии пойтахт саҳмгузор бошанд

ДУШАНБЕ, 25 сен - Sputnik. Тибқи иттилои дафтари матбуотии шаҳрдорӣ Рустами Эмомалӣ ин нуктаро зимни баргузории иҷлосияи сеюми Маҷлиси вакилони халқи шаҳри Душанбе, даъвати шашум изҳор доштааст.


Ба иттилои манбаъ, вобаста ба корҳои ободонию ниҳолшинонӣ, Рустами Эмомалӣ аз тамоми сокинони пойтахт даъват кард, ки барои ба "шаҳри сабз" табдил додани шаҳри Душанбе, ҳар як оила барои дар мавсими ниҳолшинонӣ, лоақал шинонидани як дарахти ҳамешасбз саҳмгузор бошанд.

Манбаъ мегӯяд, ҳамзамон шаҳрдори Душанбе таваҷҷуҳи масъулини бахшҳои дахлдори шаҳрдориро ба вусъати корҳои ободонӣ, аз ҷумла тоза намудани кӯчаю хиёбон ва гулгаштҳо ҷалб намуда, барои сари вақт баровардани партову хазонҳо, таъмини нақшаи шинонидани дарахту гулҳои зимистона, иваз намудани дарахтони хушкшуда, дар ҳолати хуб нигоҳ доштани фаввораю курсиҳои боғҳо  дастурҳои мушахахас дод.

“Аз роҳбарони сохторҳои дахлдор талаб карда шуд, ки ҷиҳати ба инфрасохтори шаҳр мутобиқ намудани тамоми иншоот ва муассисаҳои иҷтимоии ҳудуди аз ноҳияи Рӯдакӣ ба шаҳри Душанбе воридшуда ва амалӣ кардани корҳо барои омодагӣ ба давраи зимистонгузаронӣ тадбирҳои зарурии саривақтиро татбиқ намоянд”,-афзудааст, манбаъ.

Ҳамзамон дар ҷаласа Рустами Эмомалӣ, ба масъалаи хизматрасониҳои нақлиёт ва гузариш ба низоми пардохти эллектронӣ барои воситаҳои нақлиёт дахл карда ба масъулин дар ин самт супориш додааст.

90
Барчаспҳо:
Рустами Эмомалӣ, Душанбе, Тоҷикистон
Ноги, архивное фото

Хонаашро ба фоҳишахона табдил доду мукофотпулӣ гирифт: боздошти зани ҷавон дар Душанбе

783
(Таҷдидшуда 10:39 25.09.2020)
Вазорати умури дохилии Тоҷикистон, як занро бо гумони ташкили фоҳишахона боздошт кардааст

ДУШАНБЕ, 25 сен - Sputnik. Бино ба иттилои дафтари матбуотии ин ниҳод, боздоштшуда сокини 30 солаи пойтахт буда, зимни баргузории чорабиниҳои оперативӣ-ҷустуҷӯӣ аз ҷониби кормандони милитсия дастгир шудааст.

Ба иттилои манбаъ, номбурда, санаи 23-юми сентябри соли 2020, тахминан соатҳои 19:00, хонаи истиқоматиашро ба фоҳишахона табдил дода, барои алоқаи ҷинсӣ намудан шароит муҳайё намуда, ба ҷавони 24 ва зани 27-солаи сокинони пойтахт додааст.

Манбаъ мегӯяд, боздоштшуда барои ин хидматаш аз онҳо ба маблағи 150-сомонӣ мукофотпулӣ гирифтааст.
ВУД мегӯяд, аз рӯи ҳодисаи мазкур тафтишот идома дорад.

Ёдовар мешавем, қаблан кормандони вазорат ду сокини шаҳри Конибодом як зан ва як мардро бо чунин ҷурм боздошт карда буданд.

Гуфта мешавад, боздоштшудаҳо, ҷавони 24 сола дар шаҳр ва зани 44 сола дар яке аз деҳаҳои шаҳри Конибодом фоҳихона ташкил карда, ба ивази хадамоташон аз 300 то 400 сомонӣ гирифтаанд.

783
Барчаспҳо:
ташкили фоҳишахона, боздошт, зан, Душанбе, Тоҷикистон
Чрезвычайный и Полномочный Посол Исламской Республики Иран в Российской Федерации

Сафири Эрон дар Русия дар бораи “худширинкунии” баъзе кишварҳои минтақа назди Амрико гуфт

0
Новобаста аз таҳримҳо Эрон кушиш хоҳад кард, ба ҳамаи кишварҳои дустӯ ҳамсоя равобити хуб дошта бошад

ДУШАНБЕ, 25 сен — Sputnik. Козим Ҷалилӣ, сафири Эрон дар Русия имрӯз зимни як нишасти матбуотӣ дар шаҳри Маскав таъкид кард, ки Эрон бо бархе аз кишварҳои минтақа на танҳо таърихи муштарак балки чандин барномаҳои иқтисодӣ низ дорад.

Вай афзуд, мусалам аст, ки Русия бузургтарин шарики Эрон аст ва Теҳрон бо ин кишвар дар бахшҳои гуногун ҳамкории зич дорад.

Оқои Козим Ҷалилӣ зикр кард, ки кишвараш бо Русия дар самтҳои низомӣ, амниятӣ, сиёсӣ ва иқтисодӣ ҳамкории бениҳоят зичро ба роҳ мондааст.

Сафири Эрон дар Русия ҳамчунин дар бораи равобити Тоҷикистону Эрон сухан кард.

Вай гуфт, Тоҷикистон кишвари бародари мост ва Эрон ҳамеша мехоҳад, ки бо ин кишвар равобити бисёр хубе дошта бошад.

“Мо бо Тоҷикистон чандин барномаҳои муштарак дорем. Мо бояд барномаҳои худро дар ин кишвар ба анҷом расонем. Ҳамингуна равобитро мо мехоҳем бо дигар кишварҳои минтақа низ дошта бошем. Равобити хуб бо кишварҳои дӯсту ҳамсоя дар мадди аввали ҳукумати Эрон аст”, - гуфт ҷаноби сафир Қозим Ҷалилӣ.

Дар ҳамин ҳол сафири Эрон дар Русия таъкид дошт, ки бархе аз кишварҳои ҳамсоя ба ҷои равобит хуб бо кишвари дӯсти минтақавӣ ҳамкорӣ бо кишвари ғайри минтақавӣ аз ҷумла бо Амрикоро интихоб мекунанд.

“Ин кишварҳо мехоҳанд нишон бидиҳанд, ки бо Эрон чандон равобити хуб надоранд ва имкониятҳои пешомада бо Амрико наздик шаванду аз имкониятҳои вай истифода намоянд”, - қайд кард сафири Эрон дар Русия.

Қозим Ҷалилӣ, илова кард, ки Эрон кушиш хоҳад кард дар оянда низ бо тамоми кишварҳои минтақа равобити хуб дошта бошад.

0
Барчаспҳо:
равобит, дӯстӣ, кишвар, ҳамкорӣ, Русия, Эрон, Тоҷикистон