Похороны в Таджикистане, архивное фото

Даргузашти подполковник Муродзода Мирзошо дар 50 солагӣ аз “илтиҳоби шуш”

1042
(Таҷдидшуда 12:23 12.09.2020)
Муродзода Мирзошо Иқбол, муовини сардори шуъбаи кофтукови ҷиноятии Раёсати вазорати корҳои дохила дар вилояти Суғд бомдоди имрӯз дар сини 50 солагӣ аз олам даргузашт

ДУШАНБЕ, 12 сен – Sputnik. Манобеъи Sputnik Тоҷикистон аз РВКД дар Суғд гуфтанд, ки Муродзода чанд рӯзи пеш дар яке аз бемористонҳои шаҳри Душанбе табобат мегирифт, вале субҳи имрӯз ҷон ба Ҷонофарин супоридааст.

“Саҳар ба мо хабар доданд, ки Муродзода бандагӣ кардаанд. Аз шунидани хабари даргузашти ҳамкорамон хеле дилгир шудем. Худо раҳмат кунад, Муродзода як кадри ҳирфаӣ ва дар кору вазифаи худ содиқ буданд”, таъкид намуд, манбаъ.

Дар бораи аз чи беморӣ сироят шудани подполковник, Муродзода масъулин дақиқан чизе шарҳ надоданд, аммо манобеъи дигар гуфтанд, ки ин масъули РВКД вилояти Суғд ҳангоми сафар ба шаҳри Душанбе ба бемории ҳамагири “илтиҳоби шуш” гирифтор шуда ва дар яке аз бемористонҳои шаҳри Душанбе табобат мегирифт

Баъзе нафарони огоҳ низ аз дар бораи даргузашти Муродзода дар шабакаҳои иҷтимоӣ хабар дода, изҳори тасаллият баён намудаанд.

Бино ба иттилоъи манобеъи Sputnik Тоҷикистон, Муродзода Мирзошо Иқбол 23 июли соли 1971 дар ноҳияи Муъминободи вилояти Хатлон таваллуд шудааст.

Пас аз хатми Академияи Вазорати корҳои дохилӣ дар сохтори мақомоти милитсия дар шаҳру ноҳияҳои шаҳри Душанбе кор кардааст.

Чанд соли охир ба кор дар сафи мақомоти милитсияи Суғд интиқол ёфта ва соли 2017 муовини сардори шуъбаи кофтукови ҷиноятии РВКД дар вилояти Суғд таъйин шуда буд.

Даргузашти полковник Рашидов, мақомдори гумрук аз “илтиҳоби шуш”-акс

Қарор аст имрӯз ҷанозаи марҳум дар зодгоҳаш ноҳияи Муъминобод баргузор карда шавад.

1042
Машина милиции в Таджикистане, архивное фото

Фирори подполковник баъди латукӯби майор: тафсилоти парванда алайҳи 2 мақомдор

3723
(Таҷдидшуда 19:07 25.09.2020)
Нисбати Даврон Юнусзода, ваколатдори калони фаврии шуъбаи мубориза алайҳи гардиши ғайриқонунии маводи мухаддири назди РВКД ва подполковник Раҳмонзода Муҳаммадалӣ, сардори шуъбаи мазкур, барои шиканҷа ва озори як шахси низомӣ парвандаи ҷиноӣ оғоз шудааст

ДУШАНБЕ, 25 сен – Sputnik. Бино ба иттилои дарёфтӣ аз мақомоти ҳифзи ҳуқуқи Тоҷикистон тафтишоти муқаддамотии ин қазия собит намудааст, ки ба ин ҷинояти нангин подполковники милитсия Раҳмонзода Муҳаммадалӣ Раҳмон, сардори шӯъбаи мубориза бо гардиши ғайриқонунии маводи мухаддири РВКД дар вилояти Суғд низ даст доштааст.

Агентии коррупсия фасодзадатарин ниҳодҳоро дар Тоҷикистон эълон кард

Манбаъ тавзеҳ дод, ки ин ҳодиса оғози ҳафтаи равон рух дода ва ҳоло подполковник Раҳмонзода аз тафтишот пинҳон шуда, фирор намудааст.

"Ҳоло кофтукови фаврӣ-ҷустуҷӯӣ нисбати Раҳмонзода Муҳаммадалӣ ва дигар ҳаммаслакони ӯ, ки дар содир намудани ҷинояти шиканҷадиҳӣ ҳамроҳ мебошанд, идома дорад", -  гуфтанд манобеи Sputnik Тоҷикистон.

Бино ба иттилои дарёфтӣ, Юнусзода ва Раҳмонзода бо маслиҳати пешакӣ, як командири қисми низомии мустақар дар ноҳияи Масчоҳ, дорои рутбаи майор бударо, ба утоқи кории худ воқеъ дар шаҳри Хуҷанд даъват намуда, ӯро шадидан латукӯб кардаанд.

Дар бораи бадрафторӣ ва мавриди шиканҷа қарор гирифтани шаҳрвандон аз ҷониби кормандони мақомоти низомӣ то ин дам хабарҳо зиёд нашр мешуданд.

Зимнан, оиди ин ҳодиса прокуратураи шаҳри Хуҷанд нисбати Юнусзода Даврон ва Раҳмонзода Муҳаммадалӣ, масъулони шӯъбаи мубориза бо гардиши ғайриқонунии маводи мухаддири РВКД дар вилояти Суғд бо аломатҳои моддаи 316 қисми 3 ва ва 358 и Кодекси ҷиноӣ парванда боз намуда, тафтишот дар ин самт идома дорад.

3723
Барчаспҳо:
парванда, латукӯб, Суғд
Мусофирбар, акс аз бойгонӣ

“Ман подполковники милиса, мекушамат”: талаби ҷазо барои бетартибӣ дар мусофирбар-видео

2075
(Таҷдидшуда 18:22 25.09.2020)
Марде, ки худро подполковники милиса гуфта, дар дохили мусофирбари пуродам дар маҳаллаи Текстили шаҳри Душанбе марди дигарро мавриди таҳқиру таҳдид қарор дод, норозигии корбарони шабакаҳои иҷтимоиро ба вуҷуд овард

ДУШАНБЕ, 25 сен - Sputnik. Ин мард, бо иддаои он, ки гӯиё ӯро аз пушти сараш задаанд, гиребони марди дигареро гирифта, бо дашномҳои дағал таҳдид мекунад, ки медаронад, мекушад.

“Ака даста бигир, илтимос, ман ягон гапи зиёдатӣ гуфтам, чит гуфтам? Илтимос”, - зора мекунад мард аз "подполковнике", ки бо қаҳр аз гиребонаш гирифта, таҳдиди дарондану куштан мекунад. Марди зӯргӯй иддао дорад, ки ӯро аз пушт задаанд, аммо ин қисмат дар навор сабт нашудааст.

Мусофирони дигар дар хитоб ба “подполковник” изҳор медоранд, ки “айбай ака, ин ҷо ҷои ҷамъиятиай”. Аммо марде, ки худро подполковник мегӯяд, аз гиребони марди дигар гирифта, дашномдиҳии дағалонаро идома медиҳад. Навори мазкурро саҳифаи Парвиз.Тв нашр кардаст, ки боиси баҳсҳо дар шабакаҳои иҷтимоӣ шуд.

Ин рафтори марде, ки худро милиса гуфт, норозигии корбарони шабакаҳои иҷтимоиро ба вуҷуд оварда, бархе хостори муҷозоти ӯ барои чунин батартибӣ шудаанд.

2075
Барчаспҳо:
мусофирбар, бетартибӣ, ҷазо, Тоҷикистон
Игор Черевченко, акс аз бойгонӣ

Cобиқ футболбози тими миллии Тоҷикистон, сармураббии “Химки” шуд

0
(Таҷдидшуда 19:28 25.09.2020)
Дастаи “Химки” дар пайи қатъи шартнома бо сармураббӣ Дмитрий Гунко хабар дод, ки Игор Черевченко сармураббии нави тим таъйин гардид

ДУШАНБЕ, 25 сен - Sputnik. Собиқ сармураббии тими “Арсенал”-и Тула, Игор Черевченко ба мақоми сармураббии дастаи “Химки” таъйин шудааст, хабар дод бошгоҳ дар саҳифааш.

Рӯзи 21 сентябр маълум шуд, ки бошгоҳи “Химки” ҳамкориро бо мураббии собиқ Дмитрий Гунко қатъ мекунад, ки дар ин бора хадамоти матбуоти даста хабар дод.

Черевченко дар тӯли камтар аз як сол чорумин мураббии клуби вилояти Маскав шуд.

Дмитрий Гунко тавонист камтар аз ду моҳро дар даста гузаронад. Таҳти роҳбарии Гунко, “Химки” ба зинаи охир дар ҷадвали “РПЛ” фаромад.

Черевченко 46-сол дошта, писари Геннадий Черевченко, аз бозингарони маъруфи дастаи “Помир”-и Душанбе аст, ки то кӯч бастани хонаводааш аз кишвар дар солҳои 1993-1994 дар ҳайати мунтахаби Тоҷикистон бозӣ мекард.

Номбурда тавонист ҳам дар тими мунтахаби кишвар ва ҳам дар бошгоҳҳои футболи Русия бозӣ кунад.

Ӯ ба ҳайси мураббӣ дар дастаҳои "Локомотив"-и Маскав, "Балтика"-и Калининград ва "Арсенал" -и Тула фаъолият кардааст.

0
Барчаспҳо:
Футбол, Русия