Руки в наручниках.

Фоида мегирем: боздошти як зани қаллоб, ки 90 ҳазори ҳамсолашро гирифту надод

173
Мақомоти милитсияи Суғд аз боздошти як зани 39 сола хабар медиҳад, ки бо роҳи фиреб 90 ҳазор сомонӣ пули як сокини шаҳри Хуҷандро гирифта, барнагардонидааст

ДУШАНБЕ, 12 сен – Sputnik. Акбар Шарифӣ, сухангӯи Идораи умури дохилии Суғд ба Sputnik Тоҷикистон гуфт, ин зан сокини ҷамоати Унҷии ноҳияи Бобоҷон Ғафуров буда, дар содир намудани ҷинояти қаллобӣ гумонбар дониста мешавад.

“Муайян карда шудааст, ки Б. С., сокини 39 солаи ҷамоати Унҷии ноҳияи Бобоҷон Ғафуров, моҳи июни соли 2019 воқеъ дар ҳудуди бозори “Афросиёб” и шаҳри Хуҷанд ба боварии як зани ҳамсоли худ, сокини шаҳри Хуҷанд даромада, аз ӯ 90 ҳазор сомонӣ маблағашро бо ваъдаи даромад гирифта ба эҳтиёҷоти худ сарф кардааст”, гуфт Шарифӣ.

Ба иттилоъи манбаъ, ҳоло алайҳи ин зан бо моддаи 247 қисми 3 и Кодекси ҷиноятӣ парванда оғоз шуда, тафтишот давом дорад.

Нисбати гумонбаршуда чораи ҳабси пешакӣ тадбиқ карда шудааст. Ҳолатҳои даст ба қаллобӣ бурдани занон аз тамоюли нави ҷинояткорӣ дониста мешавад, ки вақтҳои охир дар ин бора хабарҳо зиёд ба нашр мерасанд.

Боздошти қаллоб: 80 ҳазор долларро гирифту гуфт, хона медиҳам, аммо надод

Бино ба омори РВКД Суғд дар шаш моҳи соли ҷорӣ содирнамоии 197 адад ҷиноят аз ҷониби занон ба қайд гирифта шудааст.

173
Барчаспҳо:
зан, боздошт, Хуҷанд, Тоҷикистон
Место крушения самолета АН-28

Суқути ҳавопаймои низомӣ дар Харков ва ҳалокати 22 тан - навор аз ҷои ҳодиса

449
(Таҷдидшуда 08:59 26.09.2020)
Ду кас дар паи ин ҳодисаи мудҳиш зинда монданд. Аҳволи яке ваҳим арзёбӣ мешавад. Наҷотдиҳандагон дар ҷустуҷӯи ҷасадҳо ҳастанд

ДУШАНБЕ, 26 сен - Sputnik. Дар вилояти Харкови Украина ҳавопаймоии низомии Ан-26 бо 28 нафар мусофир суқут кард, хабар медиҳад РИА Новости.

​Муовини вазири корҳои дохилии Украина Антон Герашенко дар саҳифааш дар Facebook ҳалокати 22 танро тасдиқ кард.

"Дар дохили ҳавопаймо халабонон ва курсантони донишкадаи қувваҳои ҳавоии ба номи Кожедуб қарор доштанд. Ду нафар аз наҷотёфтаҳоро бо аҳволи вазнин ба бемористон (яке дар ҳолати бад қарор дорад) интиқол доданд. Наҷотдиҳандагон дар ҷустуҷӯи ҷасадҳо ҳастанд", — навиштааст ӯ.

Тақдири чаҳор тани дигар то ҳол номаълум аст.

449
Барчаспҳо:
ҳалокат, Харков, ҳавопаймо, суқут
Машина милиции в Таджикистане, архивное фото

Фирори подполковник баъди латукӯби майор: тафсилоти парванда алайҳи 2 мақомдор

5899
(Таҷдидшуда 19:07 25.09.2020)
Нисбати Даврон Юнусзода, ваколатдори калони фаврии шуъбаи мубориза алайҳи гардиши ғайриқонунии маводи мухаддири назди РВКД ва подполковник Раҳмонзода Муҳаммадалӣ, сардори шуъбаи мазкур, барои шиканҷа ва озори як шахси низомӣ парвандаи ҷиноӣ оғоз шудааст

ДУШАНБЕ, 25 сен – Sputnik. Бино ба иттилои дарёфтӣ аз мақомоти ҳифзи ҳуқуқи Тоҷикистон тафтишоти муқаддамотии ин қазия собит намудааст, ки ба ин ҷинояти нангин подполковники милитсия Раҳмонзода Муҳаммадалӣ Раҳмон, сардори шӯъбаи мубориза бо гардиши ғайриқонунии маводи мухаддири РВКД дар вилояти Суғд низ даст доштааст.

Агентии коррупсия фасодзадатарин ниҳодҳоро дар Тоҷикистон эълон кард

Манбаъ тавзеҳ дод, ки ин ҳодиса оғози ҳафтаи равон рух дода ва ҳоло подполковник Раҳмонзода аз тафтишот пинҳон шуда, фирор намудааст.

"Ҳоло кофтукови фаврӣ-ҷустуҷӯӣ нисбати Раҳмонзода Муҳаммадалӣ ва дигар ҳаммаслакони ӯ, ки дар содир намудани ҷинояти шиканҷадиҳӣ ҳамроҳ мебошанд, идома дорад", -  гуфтанд манобеи Sputnik Тоҷикистон.

Бино ба иттилои дарёфтӣ, Юнусзода ва Раҳмонзода бо маслиҳати пешакӣ, як командири қисми низомии мустақар дар ноҳияи Масчоҳ, дорои рутбаи майор бударо, ба утоқи кории худ воқеъ дар шаҳри Хуҷанд даъват намуда, ӯро шадидан латукӯб кардаанд.

Дар бораи бадрафторӣ ва мавриди шиканҷа қарор гирифтани шаҳрвандон аз ҷониби кормандони мақомоти низомӣ то ин дам хабарҳо зиёд нашр мешуданд.

Зимнан, оиди ин ҳодиса прокуратураи шаҳри Хуҷанд нисбати Юнусзода Даврон ва Раҳмонзода Муҳаммадалӣ, масъулони шӯъбаи мубориза бо гардиши ғайриқонунии маводи мухаддири РВКД дар вилояти Суғд бо аломатҳои моддаи 316 қисми 3 ва ва 358 и Кодекси ҷиноӣ парванда боз намуда, тафтишот дар ин самт идома дорад.

5899
Барчаспҳо:
парванда, латукӯб, Суғд
Нигина Амонкулова

Нигина Амонқулова суруди Муқаддас Набиеваро бозхонӣ кард - видео

0
(Таҷдидшуда 15:24 26.09.2020)
Сарояндаи шинохтаи мусиқии попи тоҷик Нигина Амонқулова суруди овозхони шаҳир Муқаддас Набиеваро бозхонӣ кард

ДУШАНБЕ, 26 сен - Sputnik. Нигина Амонқулова сарояндаи шинохтаи саҳнаи тоҷик рӯзи 25 сентябр суруду навори ҷадиде дар шабакаи Youtube нашр кард.

Ин бор сароянда суруди овозхони машҳур Муқаддас Набиева-"Тарки ёрӣ" - ро бозхонӣ кард.

Навор  рӯзи 25 сентябр дар шабакаи Youtube нашр шудааст. Дар давоми як рӯз ин сурудро беш аз 17 ҳазор кас тамошо карда ва зиёда аз 800 корбар писандидааст.

Бештари корбарони аз ҳунари Нигина тавсиф карда ӯро "нигини саҳнаи тоҷик" унвон кардаанд.

Бахтовар Бокиев19 часов назад
"Ман фахр мекунам ки дар Тоҷикисон ҳаминхел бонуи зебо бонуи ҳаматарафа аст. Дар ҳақиқкат Нигина нигини саҳнаи тоҷик аст", - навиштааст Бахтовар Боқиев.

"Legends live forever": тарҳи нави Нигина ва бозхонии таронаи машҳури Зафар Нозим

Файзинисо Зокирова ҳам аз бозхонӣ шудани суруди "Тарки ёрӣ" изҳори хушҳолӣ карда иҳзор доштааст, ки "солҳо интизор будам ки хамин суруди Муккадасро кӣ мехонда бошад".

Таронаи "Тарки ёрӣ" - ро ҳунарманд дар доираи тарҳи наваш "Legends live forever" бозхонӣ кардааст.

Ӯ дар доираи ин тарҳ қаблан таронаи ҳиндии "Yeh Mera Prem Patra Padhkar", суруди шодравон Зафар Нозим "Рафтам ба ҷустуҷӯят", "Зорӣ зорӣ кардам" - ро бозхонӣ карда буд.

Муқаддас Набиева аз сарояндагони саршиноси тоҷик ба шумор меравад. Ӯ дар саҳнаи эстрадаи тоҷик бо сурудҳое чун "Ҷони ман", "Тарки ёрӣ", "Боди сабо", "Ситораи ман" ва ғайраҳо машҳур аст.

Муқаддас Набиева дар овони ҷаҳонӣ дар синни 29-солагӣ дар авҷи шӯҳрат, дар паи садамаи нақлиётӣ соли 1979 ҷон бохт.

 

0
Барчаспҳо:
бозхонӣ, суруд, Нигина Амонқулова