Подпись документа, архивное фото

Абдурашид Кишварзода прокурори нави Рашт таъйин шуд

813
(Таҷдидшуда 19:20 12.09.2020)
Дар пайи таъйини сардорони нави раёсатҳои ВКД ва КДАМ дар минтақаи Рашт прокурори нави ноҳия низ таъин шуд

ДУШАНБЕ, 12 сен — Sputnik. Дар Прокуратураи генералии Тоҷикистон ба Sputnik Тоҷикистон гуфтанд, ки Абдурашид Кишварзода, собиқ прокурори нақлиёти Тоҷикистон ба вазифаи прокурори ноҳияи Рашт таъин шудааст.

“Он кас шаш моҳи ахир дар ихтиёри раёсати кадрҳо қарор дошт ва инак, дар ин вазифа муқаррар шуд. Кишварзода дар соҳа як фарди ҳирфаӣ ва дар мақоми худ як раҳбари арзанда аст”, - гуфтанд дар Прокуратураи генералии Тоҷикистон.

Абдурашид Кишварзода соли 1963 таваллуд шуда, соли 1991 факултаи ҳуқуқшиносии Донишгоҳи Давлатии Тоҷикистон ба номи В.И.Ленин (ҳоло Донишгоҳи миллии Тоҷикистон)-ро хатм кардааст.

Коромӯз ва муфаттиши прокуратураи ноҳияи Фрунзе (ҳоло Сино) - и шаҳри Душанбе (1991 – 1992), муфаттиш ва муфаттиши калони парвандаҳои махсусан муҳими прокуратураи Тоҷикистон (1993 – 1994), прокурори ноҳияи Панҷи вилояти Хатлон (1999-2006), прокурори Вилояти Мухтори Кӯҳистони Бадахшон (2006 – 2010) ва аз моҳи марти соли 2010 муовини Прокурори генералии Тоҷикистон буд.

Аз 26 феврали соли 2015 то шаш моҳи қабл дар вазифаи прокурори нақлиёти Тоҷикистон кор кардааст.

28 август тамоми сардорони ниҳодҳои қудратӣ дар минтақаи Рашт, аз қабили раёсатҳои ВКД, КДАМ ва прокуратураи ноҳия барканор ва пас аз 15 рӯз дигарбора тақаррур пайдо карданд.

Маҳмадсаид Саидзода, сардори Раёсати ВКД ва Абдусафо Сафоев, сардори Раёсати КДАМ дар минтақаву ноҳияи Рашт таъин гаштанд.

Барканориҳо дар Рашт: сардорони милисаву БДА ва прокурор аз вазифа сабукдӯш шуданд

Бо тақаррурии Абдурашид Кишварзода ба вазифаи прокурори ноҳияи Рашт раҳбарияти тамоми ниҳодҳои қудратӣ дар минтақаву ноҳия такмил шуд.

813
Барчаспҳо:
прокурор, тағйироти кадрӣ, Рашт, Тоҷикистон
Мэр города Душанбе Рустам Эмомали

Даъвати Рустами Эмомалӣ аз сокинон барои шинонидани лоақал як дарахти ҳамешасабз

91
(Таҷдидшуда 14:10 25.09.2020)
Рустами Эмомалӣ,  раиси шаҳри Душанбе аз сокинони пойтахт даъват ба амал овардааст, ки дар сабзгардонии пойтахт саҳмгузор бошанд

ДУШАНБЕ, 25 сен - Sputnik. Тибқи иттилои дафтари матбуотии шаҳрдорӣ Рустами Эмомалӣ ин нуктаро зимни баргузории иҷлосияи сеюми Маҷлиси вакилони халқи шаҳри Душанбе, даъвати шашум изҳор доштааст.


Ба иттилои манбаъ, вобаста ба корҳои ободонию ниҳолшинонӣ, Рустами Эмомалӣ аз тамоми сокинони пойтахт даъват кард, ки барои ба "шаҳри сабз" табдил додани шаҳри Душанбе, ҳар як оила барои дар мавсими ниҳолшинонӣ, лоақал шинонидани як дарахти ҳамешасбз саҳмгузор бошанд.

Манбаъ мегӯяд, ҳамзамон шаҳрдори Душанбе таваҷҷуҳи масъулини бахшҳои дахлдори шаҳрдориро ба вусъати корҳои ободонӣ, аз ҷумла тоза намудани кӯчаю хиёбон ва гулгаштҳо ҷалб намуда, барои сари вақт баровардани партову хазонҳо, таъмини нақшаи шинонидани дарахту гулҳои зимистона, иваз намудани дарахтони хушкшуда, дар ҳолати хуб нигоҳ доштани фаввораю курсиҳои боғҳо  дастурҳои мушахахас дод.

“Аз роҳбарони сохторҳои дахлдор талаб карда шуд, ки ҷиҳати ба инфрасохтори шаҳр мутобиқ намудани тамоми иншоот ва муассисаҳои иҷтимоии ҳудуди аз ноҳияи Рӯдакӣ ба шаҳри Душанбе воридшуда ва амалӣ кардани корҳо барои омодагӣ ба давраи зимистонгузаронӣ тадбирҳои зарурии саривақтиро татбиқ намоянд”,-афзудааст, манбаъ.

Ҳамзамон дар ҷаласа Рустами Эмомалӣ, ба масъалаи хизматрасониҳои нақлиёт ва гузариш ба низоми пардохти эллектронӣ барои воситаҳои нақлиёт дахл карда ба масъулин дар ин самт супориш додааст.

91
Барчаспҳо:
Рустами Эмомалӣ, Душанбе, Тоҷикистон
Ноги, архивное фото

Хонаашро ба фоҳишахона табдил доду мукофотпулӣ гирифт: боздошти зани ҷавон дар Душанбе

788
(Таҷдидшуда 10:39 25.09.2020)
Вазорати умури дохилии Тоҷикистон, як занро бо гумони ташкили фоҳишахона боздошт кардааст

ДУШАНБЕ, 25 сен - Sputnik. Бино ба иттилои дафтари матбуотии ин ниҳод, боздоштшуда сокини 30 солаи пойтахт буда, зимни баргузории чорабиниҳои оперативӣ-ҷустуҷӯӣ аз ҷониби кормандони милитсия дастгир шудааст.

Ба иттилои манбаъ, номбурда, санаи 23-юми сентябри соли 2020, тахминан соатҳои 19:00, хонаи истиқоматиашро ба фоҳишахона табдил дода, барои алоқаи ҷинсӣ намудан шароит муҳайё намуда, ба ҷавони 24 ва зани 27-солаи сокинони пойтахт додааст.

Манбаъ мегӯяд, боздоштшуда барои ин хидматаш аз онҳо ба маблағи 150-сомонӣ мукофотпулӣ гирифтааст.
ВУД мегӯяд, аз рӯи ҳодисаи мазкур тафтишот идома дорад.

Ёдовар мешавем, қаблан кормандони вазорат ду сокини шаҳри Конибодом як зан ва як мардро бо чунин ҷурм боздошт карда буданд.

Гуфта мешавад, боздоштшудаҳо, ҷавони 24 сола дар шаҳр ва зани 44 сола дар яке аз деҳаҳои шаҳри Конибодом фоҳихона ташкил карда, ба ивази хадамоташон аз 300 то 400 сомонӣ гирифтаанд.

788
Барчаспҳо:
ташкили фоҳишахона, боздошт, зан, Душанбе, Тоҷикистон
Визит Эмомали Рахмона в Согдийскую область

Сафари Раҳмон ба ноҳияи Ховалинг аз ифтитоҳи пул оғоз ёфт

0
Кишвардори Тоҷикстон Эмомалӣ Раҳмон дар идомаи сафарӣ корӣ ба вилояти Хатлон имрӯз ба ноҳияи Ховалинг ташриф овард

 

ДУШАНБЕ, 25 сен - Sputnik. Сафари кории Эмомалӣ раҳмон раисҷумҳури Тоҷикистон аз ноҳияи Ховалинг аз ифтитоҳи пули нав миёни деҳаи Панҷариёни деҳоти Ғаффор Мирзои ноҳияи Ховалинг ва деҳаи Синҷии деҳоти Чилдухтарони ноҳияи Муъминобод оғоз ёфт.

Бар хабари котиботи раисҷумҳури Тоҷикистон, пули нав дар болои дарёи Ёхсу сохта шуда, 80 метр дарозӣ ва 6 метр паҳноӣ дорад.

Иқтидори борбардории пул 40 тоннаро ташкил медиҳад.

Раҳмон дар Мӯъминобод бо дастовез ба хонаи сокини маҳаллӣ рафт

Иншооти нав аз ҷониби соҳибкорони ватандӯст Фатҳулло Қаҳҳоров ва Ҷумахон Қосимов дар муддати кӯтоҳ бо харҷи 1 миллиону 400 ҳазор сомонӣ бунёд гардидааст.

Зимнан, Эмомалӣ Раҳмон ба соҳибкорони ватанӣ барои саҳм гузоштан дар ободонии маҳалли худ таҳсину офарин хонда, намунаи ибрат барои дигар арзёбӣ кард.

0
Барчаспҳо:
ифтитоҳ, пул, Ховалинг, Эмомалӣ Раҳмон